ZKIZ Archives


胡官住過三千呎「特首府」

2016-11-03  NM

搶先出閘參選特首的胡官,自爆與時下年輕人一樣,冇磚頭揸手,但提起當上訴庭法官時,住過半山嘉慧園則特別興奮,「係呀,我住嘉慧園penthouse添,三千幾呎,係我做法官時政府租俾我住。」

嘉慧園風水好都有跡可尋,據聞從山頂落嚟有兩條山坑水,恍如兩條龍脈環抱嘉慧園,前特首董建華當年都寧願住番喺嘉慧園也不願搬到「禮賓府」,從此這個半山豪宅有「特首府」之稱,以往租客大多是跨國企業東南亞行政人員的宿舍,甚或外國領事官邸,甚有貴氣,難怪胡官如此緬懷,貴為港英時期的精英,又喺英國浸過鹹水,想喺港島區住番有港英嗰朕除嘅豪宅真係唔易。現時胡官租住上水金錢村的豪宅——御林皇府,鄰近馬會雙魚河會所,盼能延續「馬照跑,舞照跳」的日子。

佐治哥半島食mum mum

唔好以為「上海仔」先會去半島歎茶,經常在上環中遠大廈出入的金融猛人佐治(George)洪,都會過海去半島的高級餐廳Gaddi's歎番個lunch,半島有自家的Chocolate Room,甜品特別sweet,睇佐治哥就知,身邊有位後生女陪住食仲好細心,親手餵佐治哥食mum mum,怪不得有小記曾經問佐治哥攞手提電話方便聯繫,佢話:「唔好啦,有女人打電話嚟,老婆鬧。」真係搵鬼信咩!

中環寸嘴仲莎士髀罅,攞把刀去劈啦

呢個鬍鬚曾喺個網誌度講,喺美國俾人侮辱時打過唔少交,唉,畢業後喺外國發展有一定難度,總遇過被歧視啦,尤其喺東岸。跟住又去新光戲院,唔係紐約Broadway,睇廣東話版嘅莎士「髀罅」,唔好意思我呢啲係上環南北行口音,如有冒犯,實屬有心。計我話鬍鬚曾喺度to be or not to be,唔好好似返母校喇沙教師弟花劍,喺度扮君子劍,須知道如果要出嚟選特首,就要用軍刀劈啲豺狼虎豹,阿習同鬍鬚曾都握咗手,董建華都係咁嘅形式,呢啲唔叫blessing,乜嘢係blessing呀?唔通等employment letter到呀?啲食肆久唔久要去update吓,如果唔係都唔知有乜變化,不過我「籮柚」得一個,踎得幾多間吖,我有班老友鍾情制服團體的誘惑,週日俾面派對去大球場睇童軍大會操,順便去「名廚」食個晏,老實講平日就唔會去o架,去嗰度純粹係「玲姐」個人魅力同埋背後娛樂界嘅老闆,整番個「三十二頭吉品伴東江菜飯」先,家陣做推廣喎,四百三十八蚊一客,話晒係乾鮑實際啲,又用古老銅器上枱,鎮店之寶檸檬叉燒酥都有啲味道,手快有手慢冇,隔籬枱許冠文一家想食都已經賣晒咯!

楊國佳工廈大王楊耀松長子,八十年代往北美洲開山劈石,做一帶一路先頭部隊,自比為星仔變星爺前冇人懂欣賞其無厘頭文化,廿年後終於領略當中奧妙,與粉絲分享在北美洲各路人士交手經歷,絕不老點。

金融古惑借中華英雄吸水

呢排漫畫家馬榮成的《中華英雄》被搬上舞台,引發金融古惑仔度橋食大茶飯,有經紀向闊佬推銷一隻人民幣債券,以馬榮成的前「老闆」、漫畫界教父黃玉郎作招牌,並聲稱由央視做擔保,年息有十五釐,一手為人仔一千萬,合共集資四億銀,雖然低息環境,擺錢喺銀行冇肉食,但如此高息作招徠,似乎too good to be true。當事人黃玉郎謂:「冇咁嘅事,要幫我澄清呀!」其實黃玉郎在股壇上見盡風浪,其玉郎集團在八七股災後易手不特止,還因訛騙公司三千多萬而鎯鐺入獄,所以話此等金融古惑,連搭棚嘅道具都唔肯花心思,都幾難有水魚上釣。

 
胡官 官住 住過 過三 三千 千呎 首府
PermaLink: https://articles.zkiz.com/?id=222296

李嘉欣病住過新年IG晒Fendi童裝

1 : GS(14)@2017-01-05 08:07:16

大美人李嘉欣早前在聖誕同老公許晉亨、囝囝飛去北海道過節滯留當地機場,返港後原來未病好。嘉欣病未好,前日下午亦不忘在instagram發帖po相,今次沒有自拍靚樣,反而是兩件童裝衫,似乎是朋友送給囝囝Jayden的禮物,嘉欣在hashtag中表示感謝。這兩件童裝冷衫是意國品牌Fendi的出品,印上品牌簽名怪獸圖案,色彩繽紛,售價約$1,700及$1,900。




來源: http://hk.apple.nextmedia.com/entertainment/art/20170104/19885643
李嘉欣 李嘉 病住 住過 新年 IG Fendi 童裝
PermaLink: https://articles.zkiz.com/?id=321370

Rain金泰希補拍婚照搬出去住過二人世界?

1 : GS(14)@2017-01-26 18:08:30

韓流天王Rain跟女星金泰希上周四結婚,大前日二人就出發去峇里度蜜月,展開五日四夜之旅,好友朴俊亨仲於Instagram公開祝二人「兩個人去三個人返」。前日二人一飛抵峇里,就獲大批粉絲接機,之後又多次被粉絲捕獲,唔知二人幾時先可以有時間好好享受二人世界呢?有傳Rain夫婦打算另外找新屋,搬出去住,而Rain方面嘅相關人士就回應:「唔知道,只不過有聽聞二人目前所居住嘅清潭洞住宅正改建中。」而Rain所屬事務所就透露:「Rain夫婦嘅共通點就係唔鍾意繁文縟節,根本完全冇咩身為『頂級藝人』嘅意識。」更指二人過去就曾為咗跟一般情侶一樣去睇日出,直接去正東津而冇任何偽裝同準備,佢哋婚後都會繼續時常外出旅行,享受甜蜜嘅婚姻生活。另外,據韓媒報道,Rain及金泰希會於峇里蜜月之旅後,返韓國補拍婚照。




來源: http://hk.apple.nextmedia.com/entertainment/art/20170125/19907697
Rain 金泰 希補 補拍 拍婚 照搬 出去 住過 過二 二人 世界
PermaLink: https://articles.zkiz.com/?id=324160

拜金港女Seasun住過趙世曾豪宅

1 : GS(14)@2017-02-18 00:51:22

■Seasun直認曾入住趙世曾的趙苑。資料圖片



昨日有爆料指拜金港女Seasun當日無家可歸,趙世曾安排她入住「趙苑」,但她突然帶男人返趙苑,最後被趙世曾趕走。昨日本報向Seasun求證,她坦承曾入住趙苑:「嗰時工作我要接待嘉賓,又唔係同佢一齊住,都係盡地主之誼,趙生好gentleman。」問她是否帶男人入趙苑故被趕?她支吾以對,最後又說沒有。節目未出街,她已被圍插,Seasun回應:「有啲係我自己(講),有啲可能係效果剪接。」問她為何會講「有樓有高潮」?她稱:「我嗰句係有個安穩嘅住屋條件,喺個舒服啲嘅地方,容易啲達到高潮。」至於「冇樓唔好白撞」呢?她說:「佢嗰時問我擇偶條件,跟住我提到其中一樣嘢係有樓,如果唔係以上咁多條件唔好白撞。」



■拜金港女Seasun(右)前日和張秀文宣傳,Seasun因言論出位被圍插。

趙世曾:畀地方佢住

本報向趙世曾求證Seasun曾幫他打工,更獲安排入住趙苑一事,他表示沒印象:「趙苑成日都裝修,都會有安排宿舍畀員工,有時會安排馬來西亞、內地員工嚟,係會畀地方佢哋住,但你哋講個女仔就冇印象。」對於節目《有樓萬事足》被外界質疑有劇本,節目編導岑應回應傳媒時表示:「冇事先安排劇本,第一次同呢個女仔(Seasun)傾電話,已經覺得佢嘅思維好得意,其他我唔方便答,你哋問番公司啦!」採訪:嵐山




來源: http://hk.apple.nextmedia.com/entertainment/art/20170217/19930473
拜金 港女 Seasun 住過 過趙 趙世 世曾 豪宅
PermaLink: https://articles.zkiz.com/?id=326743

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019