【寵物月餅】人狗兩團圓 同毛孩齊齊食餅
1 :
GS(14)@2016-09-17 16:16:54中秋節快到，雖然打風未必可以出街玩，但留喺屋企攬住毛孩團圓一樣開心。如果可以齊齊食月餅，分甘同味就更好嘞！不過人類嘅月餅唔適合狗狗食，過份高油、高糖、高脂肪，可能會令狗狗難以消化，甚至出現嘔吐、食慾減退等問題，影響健康。
其實市面上有不少專為狗狗而設的月餅，以鴨肉、雞肉或挪威三文魚等肉類，混合紫薯、有機草莓、菠蘿、南瓜、紅菜頭、菠菜或紅蘿蔔等等各式蔬菜製成，有多種口味，連冰皮月餅都有。而且太部份強調用料天然、少油不調味，適合狗狗食用。部份店舖仲有現貨，毛孩爸爸媽媽有興趣就去買喇！買唔切嘅話，其實都可以試吓自己整嘅，材料及做法如下：餅皮材料低筋麵粉240g橄欖油40g蛋黃1個水少許內餡材料紫著／蕃薯／南瓜適量紅蘿蔔做法1.焗爐以180℃預熱。2.篩過低筋麵粉後，加入橄欖油及蛋黃拌勻，慢慢加少許的水，揉成麵糰後，蓋上保鮮紙等20分鐘。3.把紫著／蕃薯／南瓜蒸熟後，壓成泥狀，然後包入切塊後蒸熟的紅蘿蔔，做假蛋黃。取適量餡料，包上之前預備的麵糰做餅皮。4.在月餅上噴灑少量水份，放入焗爐以180℃用五分鐘。5.拿出月餅，在月餅面塗上簿簿的蛋液。6.再焗10分鐘，完成！記者：李珮禎
Petisserie Bakery for Pets中秋節禮盒，$238/盒。(互聯網圖片)
iPet home無穀物狗狗月餅，$90/2個、$180/4個。(互聯網圖片)
Pawesome Living寵物冰皮月餅，$88/2個、$148/4個。(互聯網圖片)
DOG ONE LIFE狗狗月餅，$58/2個、$108/4個。(互聯網圖片)
狗蛋糕專門店冰皮狗狗月餅，$99/2個、$188/4個。(互聯網圖片)
網上有不少毛孩爸媽分享寵物月餅做法。(互聯網圖片)
來源:
http://hk.apple.nextmedia.com/su ... t/20160915/19770986
【人狗兩團圓】一個為「美」甘去蹈火海的人 果欄賣溫情
1 :
GS(14)@2016-09-17 17:52:54睇見甘生一副「有美萬事足」嘅樣，隔住個芒都覺得冧！
「貨同錢都唔係大問題呀！我係驚隻狗啫，因為始終都係一條命嚟o架嘛」9月4號，油麻地果欄一場歷史之嚟最嚴重嘅火災，燒毀超過20個欄檔，呢場三級火，差啲就令果欄檔主甘先生同佢嘅愛犬美美陰陽相隔。當日甘生受訪時嘅呢句說話，感動到唔少人，大家都緊張埋一份。好好彩，美美最後都冇穿冇爛，由甘生抱出火場。
肥嘟嘟嘅美美喺油麻地果欄受盡萬千寵愛
美美的媽媽Bobo(右)都係由甘生領養(圖片由被訪者提供)
果欄嘅狗BB當咗美美係媽媽，睇吓美美個樣幾無奈(圖片由被訪者提供)
美美，一隻喺果欄長大，典型又普通嘅唐狗女。十幾年前，美美嘅前主人突然唔做果欄生意，而將美美遺棄。當時甘生見到美美喺果欄游離浪蕩，冇人理佢，唔忍心美美成為流浪狗，結果就收養咗美美，仲一養就養咗十幾年，甘生話：「美美已經係我哋一家人嚟o架，我哋舖頭有張全家幅，美美企喺頭位o架！」。肥嘟嘟嘅美美，唔只係甘生一家人嘅心肝寶貝，喺油麻地果欄入面，其他欄主同送貨工人都同樣咁錫美美！「美美係行到邊都有人餵嘢畀佢食o架！即係好似狗融入咗喺我哋果欄裏面一樣。」甘生一邊摸住美美個頭，一邊笑住講。
充滿愛心嘅甘生，不時都會暫養一啲未揾到主人嘅狗BB(圖片由被訪者提供)
甘生的一張全家幅，盡顯美美喺甘家嘅地位！(圖片由被訪者提供)
果欄有唔少流浪貓貓，甘生同其他欄主都會輪流餵佢哋
果欄人畀外界嘅感覺係「茶瓜送飯，好人有限。」但原來粗魯嘅外表，卻懷住善良嘅心。除咗美美，果欄仲有唔少流浪貓貓，果欄人不但唔會將佢哋趕盡殺絕，甘生仲聯同幾位欄主輪流餵佢哋，等佢哋唔洗餓死。「其實大家見到我哋啲貓貓狗狗，就好似見到果欄嘅朋友，呢度仲有人情味，呢啲就係香港以前嗰代嘅人情味，守望相助。」
甘生的欄檔就正正喺火場對面
點解美美咁肥？呢張相解釋晒佢
除咗食，美美最鍾意就係瞓
甘生又覺得唐狗一心只跟住主人，好乖，比好多番狗好好多。仲希望大家唔好買寵物，支持領養：「我哋去買嘅時候，咪助長佢哋(繁殖者)配更多、配更多好得意嘅(寵物)出嚟，咁你有冇諗過你養呢隻係成功嘅配種，但係有幾多唔成功而畀人唔要？」「可以不愛，但不要傷害」，油麻地果欄做到，唔知大家又做唔做到呢？採訪：植詠珊(Cathy)攝影：馮峰、Neo導演、剪接：Roy編審：懷鈺
來源:
http://hk.apple.nextmedia.com/entertainment/art/20160917/19773103
人狗心肺復蘇法大不同
1 :
GS(14)@2017-01-27 07:40:27【話你知】台灣新北巿寵物店大火中，以心肺復蘇法（CPR）及人工呼吸救回18條狗命的消防員表示沒學過寵物急救。其實替狗隻進行CPR的方法跟人類不同，新北市動保處長陳淵泉指出要先把狗隻側身平放，左側向外，然後檢查鼠蹊部內側脈搏及胸部起伏，確認呼吸，並打開狗隻嘴巴，確認沒有異物、呼吸道暢通，再用雙手圈住狗隻雙顎使其閉緊，才以口對鼻施行人工呼吸。其間要觀察胸腔起伏，確認呼氣進入狗隻肺部，此時可以施行心外壓，七下為一次循環，再繼續人工呼吸，一分鐘按約80次，待狗蘇醒須盡快送到動物醫院急救。
來源:
http://hk.apple.nextmedia.com/international/art/20170127/19910345
Next Page