【馮睎乾推介】鴨脷洲街坊美食 魚肉翅滿載老香港人情味
1 :
GS(14)@2016-12-30 02:58:49食記主打炒粉麵及小食，前身為街頭小販車，由夫妻檔老闆賣魚肉碗仔翅起家。魚肉翅內有很多肉絲，十分足料；魚肉煙煙韌韌，口感十足。魚肉翅(大)，$17。（a）
數百米的鴨脷洲大街，內藏不少屹立多年的街坊小店。專欄作家馮睎乾早前撰寫《記鴨脷洲美食》一文，介紹當區街坊小店，記者今次一於跟他搵食，看看他有甚麼心水推介吧。除了飲飲食食，記者於電話訪問期間，亦問他對當區有何深刻之處，他說這裏有樣東西屬外界少見。「可能他們做很多街坊生意，（對外區人）亦視你如街坊一樣，所以很樂意與你分享，不是單純做生意；另外鴨脷洲少見自由行，就如回到十多年前的香港舊區。」
隨南港島線開通，有些社區人事亦逃不過變改，當中租金就最現實了。但願如馮於《記鴨脷洲美食》文末所指：「到處是久違了的人情味，去一趟鴨脷洲，彷彿時空穿梭回到幾十年前。地鐵通車後，這條時光隧道會從此封閉嗎？但願不會。」（a）食記餐店鴨脷洲鴨脷洲大街42號舖（b）伊藤家鴨脷洲鴨脷洲大街58號（c）周家園涼茶舖鴨脷洲鴨脷洲大街52號地下記者﹕湯珮然攝影﹕林栢鈞、劉永發、徐振國
坊間少見的潮州傳統小食炸油糍，相當受老街坊歡迎，內藏蘿蔔絲混和蝦乾，味道有些似蘿蔔糕，香口既飽肚。炸油糍，$8。（a）
10蚊六粒炸魚蛋，炸得香口彈牙，治「口痕」一流。（a）
你沒有看錯，現時伊藤家的芝士蛋糕雖四周有售，但加盟店只此鴨脷洲這一間，同是街坊的老闆娘黃小姐指至今已開了十多年。（b）
蛋糕口感依舊偏軟腍，蛋味挺出，與記者童年時所嚐味道相近。芝士蛋糕（小），$17；芝士蛋糕（大），$49。（b）
擁近數十年歷史的周家園涼茶，為不少外區人熟悉。此處除馳名雞骨草（$12）、涼茶以外亦不乏甜品，以少見的椰子豆腐為例，幾乎入口即溶，$10。（c）
桑寄生首烏丹參茶，$20。（c）
來源:
http://hk.apple.nextmedia.com/su ... t/20161229/19879579
【add時尚】父親葉澍堃批准放下大律師牌葉瀚華開小館 食人情味
1 :
GS(14)@2017-05-18 01:11:04■三十出頭的Ian膽粗粗開食店圓夢。
葉瀚華（Ian）為經濟發展及勞工局前局長葉澍堃二子，Ian愛四出覓食，瘋狂程度是暫放下執業大律師資格，去年開法越餐廳，心口掛住勇字而行。過去一年，他坦言交了不少「學費」，以迎難而上面對，搵錢未必及做律師多，但開心面對人生的經歷，卻是無價無悔。經濟發展及勞工局局長葉澍堃退休後，轉做食評家，有其父必有其子，暫放下執業大律師專業資格的二仔葉瀚華，一年前走去開法越小菜館La Bo La，選址則並非中環、金鐘等商業區，揀了旺中帶靜的灣仔「囍帖街」利東街開舖，愛這個小區的人情味及富有歷史氣息。
■Ian（左二）在英國劍橋大學畢業，父親葉澍堃、母親與大哥去到觀禮。
■Ian愛鑽研廚藝，曾學整燒豬。
米芝蓮光環
30出頭的Ian在英國名學府劍橋大學讀經濟，畢業後再到倫敦讀法律，回港做執業大律師，亦在麥肯錫做過諮詢顧問，專業優差都是不少港人的理想工作，但他愛挑戰，轉行搞飲食，他日前在灣仔接受訪問時說：「我?家係非執業大律師，我要去番執業，做番一啲程序就可以申請番，我到?家都仲好鍾意法律，飲食同法律兩樣嘢我都好喜歡，好多朋友法律上有問題，或者飲食上面問題，尤其係紅酒，大家都會研究。好鍾意飲食，覺得趁我仲有精力同有團火，想去做呢個夢想，心口掛住勇字就去做。」餐廳開了一年多，已有米芝蓮推介，過程並非一帆風順，Ian在訪問中多次笑言交了不少「學費」，「我哋籌備時，囍帖街翻新嗰陣時嘅經濟環境，都仲係好好，到成件事ready，開始差，我哋喺marketing、推廣、喺食物度作出改變，我哋嘅團隊其實有同事離開，亦有新同事加入，希望改變到我哋嘅食物，呢幾個月越嚟越好生意。」
■Ian不時鑽研廚藝，回到自己開設的法越小店，就入廚房試煮蜆新菜式。
■Ian不時改良menu，羊架其一，越南牛肉湯河（右圖）更是招牌。
■Ian愛吃意大利家庭菜，正飽嘗Pici的Summer Truffles意粉及牛肉千層麵。
父母白老鼠
對於尋夢，Ian表示爸媽相當支持，「我好開心，亦都好幸運。由我中學年代讀書，到大學揀科都好，自由度都好大，好似本身我讀經濟，跟住去讀法律，佢哋都冇話去左右我決定，可能大家會傾吓，佢哋支持亦會尊重。」由開始搞餐廳，Ian的父親葉澍堃和母親都有做白老鼠給予意見，問到父親是食評家，意見會否中肯，他笑言：「佢坦白，首先一家人係坦白，好似呢度以前牛河個湯底，屋企人食過好似唔係好穩定，好似偏淡，可能偏鹹，質地、香料點擺法，成棵定切碎都唔同，我都聽唔同意見。」開餐廳交足一年多「學費」無悔，原來Ian心中記住「You only live once」這句話：「人一世物一世，我唔想?家可以做唔做，之後第二日會後悔。有機會去睇過唔同嘅嘢，真係以人生經歷、活過、去睇過唔同嘅嘢，係於心無愧。」
行灣仔食檔
葉瀚華愛四出覓食，不時在同區發掘有個性的驚喜小食店，採訪當日，他說帶記者到藍屋旁的泰國餐廳Samsen食人氣牛肉麵，再到星街附近進教圍的一間意大利家庭菜風格的Pici，更與食店的總廚交流心得。醫飽肚就返回餐廳，與總廚康哥到附近街市選購食材，菜檔東主更踢爆Ian自小已愛跟媽媽逛街市，連康哥也笑Ian暖男下廚加不少分， Ian即尷尬笑言：「我呢方面好弱，我煮嗰啲都係好簡單，我會煮吓意粉，唔係好難煮嘅嘢，唔會有乜特別分會加。
■Ian最近愛上藍屋旁的泰國餐廳Samsen，更與總廚Adam交流行情。
■Ian忙足一日，下午偕總廚康哥去灣仔街市入蔬菜。
阿爸炒飯
食貫中西，Ian覺得最美好的食物是由細食到大的住家飯，「其實好老實講，我好鍾意喺屋企食飯，由細到大都好鍾意食媽咪煮嘅蒸水蛋，我哋係整雞蛋蒸免治牛肉。」Ian的爸爸沒做高官，就全心鑽研廚藝，Ian表示最愛吃爸爸的炒飯：「佢同一哥（楊貫一）創作一碟炒飯，最重要落好多葱，同埋攞啲飯去包住啲葱，焗一陣，吸番啲葱味去啲炒飯度。」採訪：梁錦雯攝影：沈健程
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170517/20023306
【專題籽】Cosplay英雄賣人情味 超人義工團專冧細路
1 :
GS(14)@2017-05-18 01:11:35【專題籽：胚芽故事】早前有位消防英雄馬路救貓，這些好人好事越多人知便越多人被感染，人人都可做義工、做英雄。這個「Rider Maker假面製造」團隊，四出為來自基層家庭或有需要幫助的小朋友帶來歡樂，他們不只外表Cosplay成日本「特撮超人」（特撮指用真人拍攝的變身英雄），由內到外再到番內都係香港人的真英雄。不過，五年前他們初有做義工這念頭時，要不停Cold Call不同組織提議免費演出。「不過反應都幾冷淡。」創辦人阿花說。
你日日返工，老闆都想你提高工作效率，其實做義工一樣，當然想用最有效率的方法做。小朋友愛看英雄戲劇，每個星期日都可以在電視看到《幪面超人》出場儆惡懲奸（如果不用學英文珠算彈琴非洲鼓的話），英雄講話佢要聽，更易接觸溝通，要宣揚正確訊息應該更容易。「我哋早年喺facebook群組認識，大家都係特撮英雄愛好者，之後喺啲動漫活動約出嚟一齊玩，玩玩吓，不如利用我哋Cosplay英雄嘅身份做啲有意義嘅嘢啦？於是喺五年前就開始有呢個念頭。不過我哋都冇渠道，所以只係慢慢Cold Call唔同組織，唔同社區中心。」阿花說完，輪到另一資深「假面」傑少：「我哋仲寫埋計劃書，不過可能唔多人知，而呢樣嘢又冇乜人做過，所以反應都幾冷淡，好多人嘅回覆都話：『呢啲嘢我哋唔啱。』到底邊啲嘢呢？」傑少本身也是一名老師，他完全不明白「超人」錯在那裏。又原來，阿花的媽媽也是教師，「唔使講其他人，我阿媽聽到都同我講：『咪又係打打殺殺。』」幸好終於找到一個朋友的朋友是社區中心社工，「佢開放啲，覺得我哋只要有主題去宣揚正確訊息，小朋友見到英雄會仲投入仲開心，更吸收到我哋所講嘅嘢。」就是這樣，他們開始了義工生涯，亦越來越多人明白他們演的超人話劇及動作場面不等於打打殺殺，「而且都唔一定要做話劇，好似早排我哋去威爾斯親王醫院同啲康復、康復中癌病兒童玩，我哋就同佢玩吓遊戲，多啲互動，令佢哋多啲正能量。」
（左起）阿花、Eugene、Ivan、傑少、Quenti、Peter，除了Quenti只有19歲，其餘多數也是20多歲。
「嘰嘰」雖然本身係奸角，但發揮空間大，而且很多時最後也會改邪歸正，給小朋友看嘛。
他們Cosplay的都是平成年間的幪面超人，沒有昭和幪面超人，「我們的對象未看過昭和年代的幪面超人吧！」
收到小fans的圖畫或糖果，令團隊很感動，很有動力做得更好。
「想小朋友搵番啲童真」
係，我認同，現在很多小朋友是老積鬼，有些學術成績高分，和別人溝通卻出現問題，識彈琴但講嘢唔望人。當老師的傑少最清楚，「?家好多學校都只着重學科成績，教德育、公民意識嘅德育課可能只得15分鐘一堂，所以有好多小朋友喺待人接物、處事嘅態度方面都好無知，希望我哋用呢個身份可以教佢哋多啲，補充番學校學唔到嘅嘢。」阿花直情親身體驗，「我太太阿哥個仔，佢讀書好叻，小學已經學中學嘅數學，但見人唔識嗌人，攞嘢唔識講唔該。最大鑊係同佢溝通覺得好怪，佢見你得意會走埋嚟望吓你，但同你冇眼神接觸，望完你唔講嘢就走開……我諗好多小朋友用晒個腦啲RAM去讀書補習同埋學唔同技能，但其實佢哋更加應該要識同人溝通，仲有，最重要係要快樂成長，搵番啲童真出嚟，唔好培育啲只係有名校、計數賺錢觀念嘅下一代，如果唔係，第時香港只會越嚟越多『領展』。」我絕對同意，保留童真是非常重要的，否則長大後，像我，在現實生活環境中，很難找到快樂。看超人片，小朋友齊齊送祝福傳能量給超人，原來真有其事。常幫忙做helper的Eugene說：「可能小朋友成日睇超人，所以見到超人都好開心，我見過望住一個小朋友本來冇表情好唔開心，但見到超人出場時就開始笑，越笑越開心，其實就算唔講宣揚乜嘢訊息，只係帶到開心嘅回憶畀佢哋都夠，呢啲都成為咗我哋嘅動力。」做一次演出，知道主題後要度故事度對白，還要找地方排練，都要花一個月時間，付出不少。又演超人又演奸角「嘰嘰」戰鬥員的Ivan說：「試過有小朋友唔捨得我哋走，喊住咁叫我哋唔好走，嗰吓感覺到佢好喜歡我哋，令我會覺得自己做嘅嘢係有意義。」不要說甚麼自我感覺良好，就算是做義工，也可以是雙向的，歡樂情緒不是誰帶給誰，分享才最有意義。「仲記得有小朋友送幅畫畀我，就係我扮演嘅『幪面超人古迦』，旁邊拖住嘅就係佢，有時我覺得佢哋已經當咗我哋係朋友。」
（左三起）「幪面超人月騎」、「幪面超人古迦」、「幪面超人龍騎」、「幪面超人Fourze」；其餘四人都是「嘰嘰」。
訂回來的Fourze頭罩太細，所以後來改裝了一點。
他們的幪面超人服有些在日本訂製回來，再加自己DIY裝備，一套要花過兩萬港元。
這些道具都是他們自製的，「嘰嘰」們也有自己的專用戲服。
「我第二日返工諗起都識笑」
說到超人被小朋友喜愛，一直演「嘰嘰」的Peter有話說：「本身我都鍾意超人嘅，因為細細個已經跟阿爸睇《幪面超人》1、2號，咁有次見到佢哋Cosplay出嚟，我就問我可唔可以加入呀？我都想做超人嘅，不過我都明，我咁嘅身形係有啲難度，咁做『嘰嘰』都好吖。最記得初初做『嘰嘰』出場時，個心都有啲痛嘅，因為聽到啲小朋友話：『嘩，好肥呀，呢個壞人好肥呀。』」另一位做過「嘰嘰」又演過「幪面超人帝騎」的Quenti搭話：「我唔只心痛，試過個身都痛，因為啲小朋友見到壞人，有時又拉又扯又追打……講笑箒，大家都係玩吓，唔係真係打。」不過當小朋友看完話劇，知道台上「嘰嘰」改邪歸正，最後都會找他們興奮合照，Peter說：「我今朝同我阿爸食早餐先講起，其實唔好話佢覺得，我開頭加入都真係玩玩吓嘅心態，不過一路做落，就會覺得好有意義，成為另一個人心入面嘅開心回憶喎。」阿花亦指這是雙向分享，「其實唔只佢哋開心，每次出活動，都係我哋嘅開心回憶，最開心係見到有家長同小朋友一齊嚟支持我哋，見到家長們對超人、Cosplay唔抗拒，仲會整嘢食請我哋食，第二日返工好辛苦嗰陣，諗起都識得笑。」每個放完兩日假星期一返工的打工仔都明白，這種快樂回憶就是苦悶工作中的重要動力，只是我們的動力可能來自贏波中馬打機睇戲，而他們的，則來自小朋友、家長們的笑容。阿花本身愛跳舞，又有跆拳道底子，所以可以演出更多動作場面，「要用娛樂帶出訊息，咁個娛樂都要豐富啲，所以都會設計一啲動作場面。」為了演出更加有特撮感，而去日本學藝：「日本當地好多地區英雄，即係唔同地區有唔同嘅特撮人物，佢哋都會拍劇集喺當地電視台播，亦都會出活動，製作好認真。於是我就上網搵有冇人係教呢啲動作演員動作呢？最後搵到有朋友介紹，去咗日本跟佢哋學嘢，已經去咗三次。希望可以帶多啲嘢返嚟同大家研究，一齊提升演出水準。」除了學動作，阿花說更想效法日本，設計一個地區英雄：「始終幪面超人、鹹蛋超人都係日本嘢，我哋都想有自己嘅英雄，?家都好努力咁設計緊造型，想加入多啲香港元素，可能會有少少似李小龍嘅打扮？亦可能會拍攝一啲短片。」值得支持呀！香港除了陳年的「皇妃超人」外，似乎真的沒有特撮英雄，TV Buddy唔算啦。
Facebook：ridermaker
記者：陳孝義攝影：黃子偉（部份圖片由受訪者提供）編輯：梁浩維美術：利英豪
來源:
http://hk.apple.nextmedia.com/su ... t/20170517/20023217
【飲食籽】坐低傾吓偈食個包 咖啡×洗衣店留住人情味
1 :
GS(14)@2018-01-22 05:53:57Katol（左）和Otherway笑說很多人問有沒有磅洗。
【飲食籽：識飲惜食】「洗得喜」、「水漾衣坊」、「洗衣寶」，去年開始，24小時自助洗衣店激增，總有一間係左近，只怪香港土地問題，劏房越來越多，小單位容不下一部洗衣機，很多人都選擇可以隨時隨地自助洗衣。不過連鎖洗衣店設計簡陋，令人想快洗完快走，如果可以一邊等一邊嘆咖啡就好了！就是這個想法，讓香港第一間咖啡店加洗衣店誕生。
「連鎖洗衣店通常用白光管或偏藍的燈，入內感覺不舒服，感覺很『霉』，很想走，但其實在洗衣店既然都要等，為甚麼不可以設計一個舒適的地方呢？我想客人有個舒服、安心的地方，能在這裏看雜誌，玩電話。」設計師賴旻易（Otherway）一直這樣想，遇上有同樣想法的羅德成（Katol），一拍即合，「我妹妹在上環東街經營『熊貓洗衣舍』，想開分店，想有新念頭，洗衣加一件事，加甚麼事好呢？咖啡好像最合情合理。」於是就有了「Coffee& Laundry」的誕生，位於上環的店子，剛好就在皇后街街市樓下，電車路旁，酒店側邊，門面像一間咖啡店，半開放式的。一邊是咖啡外賣檔，一邊是八部自助洗衣機。店舖前後都有幾個位置，讓顧客一邊喝咖啡，一邊等洗衣。
Latte$38 牛角包$23埃塞俄比亞和哥倫比亞的咖啡豆混合出果香滿溢的味道，加奶也順和。
咖啡Tonic$45果味重的espresso咖啡混合Tonic水，味道甜甜哋，推薦給初飲咖啡的顧客。
海鹽朱古力$38燕麥muffin$27朱古力用純可可粉即沖，不是用朱古力糖漿，風味會比較複雜和多層次，帶少許鹹香，沒有一般朱古力般甜膩。
街坊遊客上班族幫襯 形成小社區
他們考量到客人只想在舒服和乾淨的環境等洗衣，故此Katol在店內都用上木材。「我和設計拍檔主要做木工，所以順理成章，把木的元素放進店內，希望給人舒服溫暖、家的感覺，店內放了很多我喜歡的藝術品，讓人等洗衣的時候也和朋友有話題，讓不同的人逗留，有住在唐樓的街坊、有酒店的遊客、有設計工作室的上班一族，在舒服的地方等洗衣，自然會傾偈，認識了之後就成為一個小社區，像我們和鄰店海味舖都熟絡起來。」Katol是創作單位「Start From Zero」的成員，亦是手繪招牌師，店內的標示都是出自他的手筆。
Otherway補充，很多時顧客不懂操作洗衣機，他們會指導、傾偈，整件事是有交流、有互動、有過程，而不只是來洗衣，然後按手機，等半小時就走。「我本身是做設計，所以希望店舖除了服務社區，亦在美學上有可取的地方，生活和美學可以結合，距離並沒有大家想像中那般遠。」
店舖一邊是咖啡外賣檔，一邊是自助洗衣。
放入衣服後，按洗衣機的號碼，在旁邊用八達通付款。
洗衣30分鐘$20
Katol指不可選擇洗衣溫度和洗衣粉。不過洗日常衣服的話，確是方便又划算。
咖啡帶花果香 小朋友啱飲Babyccino
舖頭選址上環，雖然有很多咖啡店，但來到皇后街一帶，就只有海味舖。不過上環咖啡店競爭激烈，顧客要求亦高，所以他們不可掉以輕心，Otherway曾經營咖啡Pop-up車仔檔「Thisway」，對咖啡亦有研究，所以選擇本地咖啡烘焙商兼咖啡店「Urban Coffee Roaster」幫忙，創製埃塞俄比亞和哥倫比亞混合的espresso口味，「因為旁邊有咖啡連鎖店，我們特地選擇果味和花香較重的blend，以中淺度烘焙，口味截然不同，讓顧客有不一樣的選擇。」他們還因應很多顧客會一家大小來幫襯，所以加入了純可可粉即沖的海鹽朱古力、甜甜哋的有汽咖啡Tonic水，還有加入好立克的Babyccino，讓小朋友有選擇。就算不喝咖啡，亦可喝茶，茶包都來自英國名店「Fortnum& Mason」，很落本。食物方面，有數款牛角包、酥餅、muffin等等，雖然是來貨，但有柯打便會翻熱才奉上，在寒冬中的細心，叫人相當窩心。
店內有《Popeye》潮流雜誌和書刊，可邊等洗衣邊看書。
彩色骷髏骨頭裝飾是本地藝術家Telephone fung的作品。
Katol的手繪標示。
Coffee& Laundry上環皇后街1號
採訪：鍾詠嫻攝影：潘志恆編輯：施明慧
來源:
https://hk.lifestyle.appledaily. ... e/20180118/20277308
Next Page