隱世亞姐嫁得豪 葉玉卿嫁有米富豪
1 :
GS(14)@2016-08-09 07:33:01無論係港姐定亞姐,由選美投身娛樂圈嘅女星都會得到人關注,有時就算星途發展得唔好,感情都好易有着落!好似以下呢幾位歷屆亞姐,就有段好姻緣:葉玉卿85年參加第一屆亞姐競選,得到季軍,隨即入行。之後轉型拍三級片,開創性感之路。96年喺美國結識商人胡兆明,兩年後結婚,婚後葉玉卿移居美國全面退隱。06年,葉玉卿同老公開設紐約國際銀行同美國香港超級市場公司,有指夫妻身家至少80億港幣。身材出眾嘅利智生於上海,86年喺美國回流返港參選第二屆亞姐,一句「你有陰謀」成為經典金句。利智曾參演多套電影,89年拍《龍在天涯》邂逅李連杰,相戀10年到99年喺美國洛杉磯結婚,現時育有兩女。李妮當選後好快就結識現任美藉華裔老公,過去10年,李妮同其他闊太一樣,搞吓美容生意,做吓公益。
來源:
http://hk.apple.nextmedia.com/entertainment/art/20160809/19729174
【馮仁昭四圍超】87年亞姐從商穿梭銀行李菁被公仔收買
1 :
GS(14)@2016-09-29 08:05:45■李菁前日為咗揀心水迎新禮物,跑勻跑馬地三間銀行。
當選87年亞姐亞軍嘅李菁,試過做亞視節目主持,不過話咁快就棄影從商,先後開過美容纖體中心同投資生產發熱地板。李菁雖然從商,但係對娛樂圈仍有一顆不變心,早排有傳過話佢投資百萬開拍網劇,仲會兼任監製同演員。前日下晝3點半,馮仁昭發現李菁揸住架Benz落跑馬地,戴住黑超嘅佢行色匆匆,先跑入匯豐銀行,好守規矩咁排隊辦手續,之後又跑去附近嘅大新銀行搞咗一大輪,出嚟嘅時候佢手上多咗兩隻芝麻街公仔Elmo同Cookie Monster,而且當時佢塊面仲多咗唔少童真,笑晒咁行出嚟。
■李菁係87年亞姐亞軍,當選冇耐就棄影從商。資料圖片
掃凍肉紅酒
李菁將啲迎新禮物放低喺自己座駕後,再行去星展銀行,之後又返回大新銀行,唔通佢穿梭幾間銀行係揀邊款迎新禮物啱心水,喺三間銀行來來回回搞咗兩粒鐘,等到銀行落半閘嗰時佢先捨得走,認真要務繁忙。喺銀行辦完事後,李菁到大昌掃貨,買咗啲雪藏食物,再加四、五支紅酒同白酒,唔記得帶環保袋嘅佢,一個人抽住一袋二袋膠袋上車,揸車走人。撰文:馮仁昭
來源:
http://hk.apple.nextmedia.com/entertainment/art/20160929/19784758
楊玉梅贊成復辦亞姐
1 :
GS(14)@2016-11-21 00:05:12楊玉梅和陳綺明昨日帶愛犬到大埔林村出席寵物啤酒節活動,楊玉梅說:「我養咗4歲狗狗,而家成日返內地做嘢,搞到佢哋唔係咁親我,惟有用多啲FaceTime同佢哋傾偈。」問到亞視將重生並計劃於明年底播節目,楊玉梅說:「有競爭先有進步,香港應該多啲媒體,以前香港娛樂圈好好,而家競爭力少咗。」近年在內地做電影監製的她,直言只要有發揮機會,與任何電視台合作都可以。對於有意再辦亞姐,她說:「我哋嗰幾年就係icon,之後少咗人留意,不過如果啱時間都可以再搞。」採訪、攝影:盧妹
來源:
http://hk.apple.nextmedia.com/entertainment/art/20161120/19839403
亞姐輪住嫁好老公傳葉玉卿老公身家80億
1 :
GS(14)@2016-11-27 14:27:42雖然亞洲小姐一直俾人覺得次一級嘅感覺,但係實情唔少亞姐出身嘅女藝人,好多都嫁咗個好老公,生活好富泰!曹央雲喺94年當選後,投身亞視做主持,不過冇耐忽然富貴,仲越住越豪,8年前同上市公司主席何永安分咗手之後,被發現獨力湊兩個女嘅佢,手持位於山頂獨立屋,市價已經過2億,加埋加列山道賣咗嘅4億幾間獨立屋同一億禮頓山豪宅,手揸超過7億資產,係隱形億萬富婆。葉玉卿喺85年參加第一屆亞姐拎咗季軍嘅葉玉卿,96年佢喺美國識咗商人胡兆明,佢哋拍咗拖2年就結婚,婚後去咗美國定居,老公胡兆明嘅生意越做越大,經營超市、銀行生意、住堡壘、出埠坐私人飛機,身家至少80億港幣。利智擁有迫爆身材嘅利智,89年拍《龍在天涯》邂逅李連杰,佢哋99年喺美國洛杉磯結婚,婚後生咗2女嘅利智,專心相夫教女兼全職炒樓,物業遍佈世界各地。樂蓓喺88年以候補身份參選亞姐成為三料冠軍,跟住喺嫁咗俾金源米業「米王」林烱偉退出娛樂圈,過少奶奶生活,06年誕下寶貝女Natalie,不過今年7月林烱偉因病離世。李妮94年拎完亞姐冠軍,卸任之後李妮對幕前興趣不太,冇耐仲識咗0依家嘅美藉華裔老公,過去10年,李妮同其他闊太一樣,搞吓美容生意,做吓公益,今年4月,更榮升做博愛醫院董事局主席。
來源:
http://hk.apple.nextmedia.com/entertainment/art/20161127/19847064
亞視網上翻生搞亞姐
1 :
GS(14)@2017-01-09 08:11:24亞視營運超過58年,因不獲續牌於去年4月1日熄機。不過,亞視熄機後仍未「斷氣」,協盛協豐於上周五就收購亞視資產舉行股東大會表決,並以逾9成大比數通過收購亞視資產議案,完成亞視首階段重組。稍後協盛協豐旗下星鉑將連同亞視臨時清盤人向債權人提出債務償還安排,待完成債務償還程序後,協盛協豐將全面接管亞視業務和資產,組成亞視新董事會回復亞視正常運作及發展,包括發展網上及衛星電視。
■麥長青接拍網劇《奪命島》。資料圖片
而協盛協豐旗下星鉑與星淘娛樂合作的網劇《奪命島》上月開拍,由麥長青與李逸朗主演,該劇隨時變成亞視翻生之作,而有關方面亦計劃復辦亞姐。採訪:魯吉
來源:
http://hk.apple.nextmedia.com/entertainment/art/20170109/19890662
【出位亞姐】卿卿成80億人妻
1 :
GS(14)@2017-01-12 08:08:27葉玉卿
擁36F導彈的利智為86年亞姐冠軍,曾誤將「陰謀」說成「陰毛」變經典笑話,其實歷屆都有出位亞姐。
85年季軍葉玉卿露兩點彈起
卿卿拍三級片《情不自禁》露兩點聲名大噪,之後推出大碟《擋不住的風情》,橫掃樂壇新人獎。98年嫁美國商人胡兆明,有指夫妻身家至少80億港元。
90年冠軍吳綺莉為成龍誕女
99年為成龍誕下私生女吳卓林,成龍開記招表示犯了天下男人都會犯的錯,雙方斷絕來往。
94年季軍曹央雲遭母親數臭
為舊愛何永安誕下兩女,09年她在豪宅寓所報警指被人襲擊,分手後三母女被棄養。去年她被母親哭訴指摘沒供養。
95年冠軍楊恭如傳當眾被摑
當選後拍過多部劇集和電影,02年捲入上海富商周正毅婚外情,有傳她曾在銅鑼灣的餐廳,被當時的周太毛玉萍掌摑。
來源:
http://hk.apple.nextmedia.com/entertainment/art/20170112/19893985
Next Page