ZKIZ Archives


【電腦巡場】智能手機互傳資料 極細WiFi手指

1 : GS(14)@2016-03-15 15:10:31

有冇用開OTG手指?用過的真係返唔到轉頭,抄資料、抄相、交換資料,一邊是microUSB專插手機,另一邊是USB2.0或USB3.0大頭,又可以對應電腦,真係非常方便。不過世事無絕對,嚟緊好快又有改朝換代的問題!事關今年旗艦級Android手機專享的Snapdragon820,除咗畀到你高速的新體驗外,更對應傳輸及叉電速度更快的USB Type-C插頭,每次一轉插頭位,又要買轉換頭、又要買過隻新款色OTG手指,咁咪好煩?
SanDisk最近新返了一款Wireless Stick,簡單講佢只會留低最普通的USB2.0大頭設計,至於連接手機或其他智能裝置方面,佢就改行了WiFi設計,所以需要互換資料時,可以作隔空傳送,唔需要受不同插頭的形式所規限。而且機身還內置有儲電池,每次叉滿電後可以使用4.5小時,而每當你插上USB傳輸資料時,又會為機身自動叉電,操作上叫幾簡便。由於傳輸資料使用了WiFi制式,所以基本Android及iOS手機雙對應,不過使用前要先安裝專用app,操作介面亦尚算簡易。不過價錢方面,就會比一般OTG手指為高,始終是對應雙系統,而且硬件及軟件技術上,都遠較一般OTG手指為高,16GB($195)、32GB($295)、64GB($395)及200GB($950),驟看64GB好似相對較實用,200GB冇錯是性價比較高,但上200GB的抄寫內容,不是太多人有實際需要吧!查詢:展昇(深水埗黃金商場地面42至44號舖)記者、攝影:朱崇德





來源: http://hk.apple.nextmedia.com/su ... t/20160315/19529330
電腦 巡場 智能 手機 互傳 資料 極細 WiFi 手指
PermaLink: https://articles.zkiz.com/?id=297966

【新電訊商參戰】登記即送3個月5GB流量 無合約互傳分享數據

1 : GS(14)@2018-02-04 23:21:09

一間全新電訊商「Birdie」啱啱喺灣仔搞咗個記者招待會,公佈將會加入香港嘅電訊商市場!


官方強調「Birdie」暫時會有三個賣點,分別係:「無合約」,「無行政費」同「數據P2P」。不過點樣無合約同無行政費但又有咩服務,官方就話要賣個關子,等遲少少先可以再公佈,但「數據P2P」就有詳細解釋。簡單來講係可以將用唔晒嘅Data,經過「Birdie」嘅App過給你嘅朋友。最低限度要轉移0.5GB,但就無上限,同一般開行動熱點Share網絡給朋友不同,係真真正正唔需要經你手機,就可以分享Data給朋友用喇!


Speed Test平均速度上下載都有18Mbps。

登記流程:先上官網或者App Store搵「Birdie」嘅Apps。

進入App後登記。



硬料講完點都會派少少糖吸引人試用嘅,由即日開始直到3月25日,只要登記成為會員同使用「Birdie」嘅Sim卡,就可以每月免費使用5GB流量(4G LTE21Mbps),方法都幾簡單!只要Download佢哋個App(暫時iOS可於App Store下載,但Android就需要上官網搵喇),以身份證同Email進行登記,再去Email核實身份再依指示綁定Sim卡就可以開始試用。只要在登記時填上地址,官方就會將Sim卡直接寄給你,門都唔使出添。


自行選擇隨機出現號碼為你手機號碼(可以設定隨機出現電話必須包含一個自選數字,如8)。

填上各人資料就完成



登記方便不復雜,只需要簡單個人資料就可以,不過大量記者於登記後收不到驗證電郵,需要手動要求電郵再次寄出。而速度方面,記者於同一地方做了7次Speed Test,除了第一次沒有記錄的測試上載速度為6Mbps之外,其餘6次上下載速度平均都有19Mbps,相當不錯。不過有一點需要留意,因為「Birdie」賣點之一「數據P2P」服務的出現,咁係咪「Birdie」將唔會有無限Data Plan?官方就話暫時無可奉告,連之後嘅收費內容都唔講,只係話會有震撼價推出,大家拭目以待喇!


App內容都清楚,淨番幾多Data,同朋友間嘅Data轉移都一眼睇晒!

仲有推薦朋友優惠,不過暫時免費期間推薦只係會記名,而不會當作成功推薦,要兩個月之後朋友真付款使用,才算推薦成功!



文:Zero全新旅遊專頁,即like籽想旅行:https://fb.com/travel.appleseed



來源: https://hk.lifestyle.appledaily. ... e/20180130/20289464
電訊 參戰 登記 即送 個月 5GB 流量 合約 互傳 分享 數據
PermaLink: https://articles.zkiz.com/?id=347821

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019