ZKIZ Archives


評級機構被責亂發3條A 中環在線:股神做證人大義滅親?李華華


2001-05-28  AD





 

為咗調查金融海 嘯嘅元凶,下個禮拜三,美國金融危機調查委員會將傳召股神畢菲特去做證人,聽吓佢對評級機構嘅高見。

今次嘅聽證會,主要係衝住評級機構而 嚟,事關佢哋之前係咁畀AAA評級啲次按金融產品,點知次按一爆煲,啲產品即刻變晒做廢紙,令人質疑佢哋當初係為咗賺錢而亂發3條A,所以今次實行嚟個秋 後算賬。

巴郡為穆迪最大股東

身為評級機構穆迪最大股東巴郡嘅話事人,股神應該好了解評級機構嘅運作,當局搵佢老人家畀意見, 當然可謂深慶得人。之不過,佢老哥喺早前巴郡嘅股東大會上,叫大家唔好將金融海嘯責任推響評級機構身上,所以下周舉行聽證會時,應該好難見到股神呢位「證 人」表演「大義滅親」。

講返個金融危機調查委員會就巴閉嘞,呢壇嘢係由國會要求成立,過去被傳召嘅好多都係華爾街猛人,連高盛CEO布蘭克 費恩同聯儲局前主席格老亦曾經係座上客。

委員會今年12月15號就要向美國總統奧巴馬提交full report,為金融海嘯嘅成因解畫,責任咁重大,做嘢真係要加多幾錢肉緊嘞!

高盛拒食死貓勢與證監對簿公堂

股神畢菲特呢排 一定好忙,除咗要做證人,佢有份投資嘅投資大行高盛爆出醜聞後,股神依然不離不棄兼開腔力撐。一直有傳高盛喺美國證監會(SEC)嘅民事欺騙指控上,諗住 賠錢同當局和解了事;不過CNBC噚日傳出,高盛內部認為今次係食死貓,所以絕唔會輕易妥協,仲打算同SEC對抗到底,準備全方位逐點反駁當局的指控,意 味雙方開拖嘅機會唔細。

其實高盛班師爺已經同SEC開咗唔止一次會,但兩邊點都拆唔掂數,事關高盛認為佢哋唔涉及詐騙,極其量都只會認疏 忽,但SEC就好想殺一儆百做台好戲,順便幫吓手當係為民主黨喺11月嘅中期選舉拉吓票都好。

所以如果高盛死唔認錯,就一定唔會咁易放過呢 隻華爾街大鱷。

據講,高盛o依家嘅策略係做定兩手準備,佢哋會繼續同SEC傾,如果真係傾唔掂數,就會喺下個月中向法院呈交詳細嘅辯護文 件,同SEC死過。

雖然高盛錢多人才多,場官司未必會輸,但所謂官字兩個口,雙方一旦對簿公堂,真係有排拗,大家都係等睇好戲啦!

冇 嘢食冇水飲港鐵被罵折磨股東

香港嘅小股東一向好識維護自己「權益」,對於股東數目有成幾十萬嘅港鐵(066),搞股東會就一直實行「茶水欠 奉」嘅策略,皆因一有食物供應,唔使多o架,只要吸引到一成股東出席,都足以踩冧個場。之不過小股東對港鐵呢份苦心唔係好同意。

長情股東、 退休校長陳婆婆,噚日喺會上一開口劈頭就質問主席錢果豐(圖),朝早11點半開會點解連水都唔畀啖佢哋飲,又冇嘢食,「餓到飛起呀,連8號仔咁窮都有盒餅 派啦,唔該你下年唔好再折磨我哋!」不過陳婆婆都唔係一味鬧,事關佢年年都會代表長者,向錢主席「追討」要延長長者搭車優惠。今年港鐵晨早已經公佈話會延 長優惠1年,仲連西鐵都有份,陳婆婆收晒貨,仲即場多謝錢主席o忝!

李華華

LiWaWa@AppleDaily.com



評級 機構 被責 責亂 亂發 中環 在線 股神 神做 證人 大義 滅親 華華
PermaLink: https://articles.zkiz.com/?id=15797

極右組織月底將在三藩市集會市長怒轟聯邦亂發許可證

1 : GS(14)@2017-08-17 08:10:55

三藩市華裔市長因應維珍利亞州暴力示威,現正設法阻止一個極右組織月底在市內的集會,更怒指聯邦政府在維州示威發生後,還批出集會許可證。駐三藩市記者:唐芷瑩立場親總統特朗普的組織「Patriot Prayer」源自俄勒岡州波特蘭,本月26日計劃到三藩市北的克里斯廣場(Crissy Field)集會。場地所屬的聯邦國家公園管理局金門國家休閒區(Golden Gate National Recreation Area)已批出許可證。三藩市市長李孟賢(Ed Lee)召開記者會表示,周二已去信當局抗議,「我們尊重憲法言論自由,但就這幾個月所見,這類型的請願很快就會演變成暴力。」他亦擔心,示威者會像夏洛茨威爾市(Charlottesville)一樣,攜帶隱藏手槍。「Patriot Prayer」曾否認推崇白人至上主義,但不時被傳媒指出與新納粹極端民族主義有關。李孟賢相信,他們是來生事端,而非進行理性表述。當局回應傳媒查詢時表示,是基於憲法第一修正案批出許可,且決定是早於維州衝突作出的。李孟賢聲言「我不相信!」他認為,三藩市「要教育一下當局,(明知有暴力風險)都做這決定是不合邏輯。」若示威如期舉行,他要求當局(公園警察)為現場所需的保安資源負責,確保市民安全,市警隊有需要也會配合。現階段,他要求當局重新審批今次示威申請。




來源: http://hk.apple.nextmedia.com/international/art/20170817/20124270
極右 組織 月底 將在 三藩 集會 市長 怒轟 聯邦 亂發 許可證 許可
PermaLink: https://articles.zkiz.com/?id=340038

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019