ZKIZ Archives


跌市有乜好撈?我會揀宏利(945) fatlone's investment paradise

http://fatlone.wordpress.com/2013/08/20/%E8%B7%8C%E5%B8%82%E6%9C%89%E4%B9%9C%E5%A5%BD%E6%92%88%EF%BC%9F%E6%88%91%E6%9C%83%E6%8F%80%E5%AE%8F%E5%88%A9%EF%BC%88945%EF%BC%89/

曾經講過,跌市要更加畀心機研究股票,因為,既然唔買貨住,就要把握時間做功課(對我嚟講就是努力「抄飛」啦!),到出擊嘅時候就可以快速決定。(BTW: 今日,真係好傷⋯⋯)

我自己個炒炒炒倉,未必會買,但宏利(945)一定係我今浪跌市夠薑去幫屋企人去撈嘅目標。

點解咁有信心?因為保險股專家「市場先生」之前曾經寫過嘅呢篇文:

來源:http://orientaldaily.on.cc/cnt/finance/20130409/00539_001.html

Market Share:股價跟着孳息走

保險公司的業績甚至股價很受兩個市場因素影響,分別是股市表現和利率水平。有人問筆者內險公司總投資資產當中,通常股票類資產只佔10%,為何A股升跌,對盈利表現影響如此大?

筆者舉例說明,假設保險公司A有100億元投資資產,當中90%即90億元投資於債券和銀行存款,如果平均年收益率為4.5%,表示每年淨投資收益有4.05億元。另外10%即10億元投資於A股市場。如果A股下跌15%,表示有1.5億元的投資虧損,總投資收益會因此減少37%至只有2.55億元,相反如果A股上升15%,總投資收益會因此增加37%至5.55億元,由此可見,股權類投資佔比雖小,但對投資收益影響卻很大。

利率升跌影響深遠

不過,如果論到影響的長遠和範圍的深廣度,始終是利率這個重要因素。因它影響到保單的定價,準備金的計提,現有業務和新業務的內含價值等等,由理賠事件的發生到賠償金額真正支付給客戶,通常需要一段時間,期間的利率愈高,投資收益以致保險公司的利潤就愈大。

有研究發現,宏利(00945)的股價表現同美國10年期國庫債券的孳息率有密切的關係。一二年七月二十四日美國十年期國庫債券的孳息率為1.39%,之後一直上升至今年三月十一日的2.06%,宏利於一二年七月二十四日的股價為79.05元,於今年三月十一日的股價為116.3元,股價升幅有47%。

然而隨着塞浦路斯金融危機的發生,美國國庫債券再次成為資金避險的工具,十年期國庫債券的孳息率也迅速下跌至執筆之時的1.77%,因此,雖然近期美股一再節節上升,屢創新高,但宏利股價卻未能受惠,反而從年內高位下跌9%。

利率下跌對宏利的影響是多方面。第一,盈餘再投資的收益會下跌,第二,靈活對沖和整合對沖的成本會增加,理由不難明白,利率由5%下降一百點子是跌了20%,但利率由4%下降一百點子是跌了25%,同樣是下降一百點子,利率水平愈低影響愈顯著。第三,利率下跌至某個水平會導致保單負債估值需轉入另一個再投資情景,因而產生較高儲備金額。第四,新做業務壓力將會增加,直到產品重新定價。第五,對最低持續資本有負面影響,因為利率下降會導致法定資本增加。

宏利難敵全球大勢

事實上,宏利一二年業績報告顯示,期內由於下調保單負債估值精算假設的定息再投資回報率,以及定息最終再投資回報率,相關虧損和撥備分別達到7.4億加元和6.77億加元,相對全年盈利只有17.36億加元可謂舉足輕重。

此外,管理層於業績報告指出,如果今年的利率維持在一二年底的水平(註:當時十年期和三十年期美國國庫債券的孳息率分別為1.76%和2.95%),則預計今年需要撥備4億加元。幸好,集團成功將利率下降一百點子對股東季度收入淨額的敏感度由一一年的10億加元下降至4億加元,顯示管理層已盡了相當努力,但難敵全球低息的大環境。

================================================================

紅色字是我個人highlight的,這一段解釋了我覺得宏利值搏的原因。

你睇下呢幾日10年國債個yield升得幾急?(不過我打緊呢篇文嗰陣就跌緊,但係都比起兩三個星期之前升咗不少)

US Generic Govt 10 Year Yield:

http://www.bloomberg.com/quote/USGG10YR:IND

唔賭10年國債債息,賭佢加息就更加吸引。因為宏利最大利淡因素係低息。一旦加息,我好有信心就算股市會唔好,宏利解除低息咗呢一重枷鎖,我覺得佢會重展2002年第三季直至07年見頂嗰段超靚升浪,而可能依家已經行緊。

大家可以去webb哥嘅total return睇下宏利02至07年嗰段升浪有幾靚仔,45度角,升足4年幾啊!:

http://webb-site.com/dbpub/str.asp?i=2396

中糧包裝(906)我曾經講過佢係悶悶地驘之選,而結果係我睇錯。今日,945宏利我有信心是真正嘅悶悶地驘之選。信大TREND是會加息的話,無理由唔買945。我認為有945鎮住個倉,衰極有個譜。而宏利是會派息嘅股票,仲要係每個季度咁派,一年足有4次慰問金,坐得更開心。

希望今季可以突破138蚊關。

跌市 市有 有乜 乜好 好撈 我會 宏利 945 fatlone's investment paradise
PermaLink: https://articles.zkiz.com/?id=74856

跌市買乜好 新股最靠譜 韓信

來源: http://hkcitizensmedia.com/2015/07/14/%E8%B7%8C%E5%B8%82%E8%B2%B7%E4%B9%9C%E5%A5%BD-%E6%96%B0%E8%82%A1%E6%9C%80%E9%9D%A0%E8%AD%9C/

上星期四、五港股反彈逾千點,究竟是中央救市有功,大市已見底,還是技術性反彈,將再試低位,暫時還是言之過早。若然是前者,而自己無貨底的話。嗰種心情真是難以言喻,就好似落PUB,睇住人攬住啲靚女玩,而自己無份一樣,嗰種無奈,真是不足為外人道,所以無論如何都要買返啲貨,紮下袋。星期四大市升過千點時,股票升幅起碼要有50%才可打入50大升幅榜。證明之前很多股票已經跌過龍,尤其是細價股。雖然升幅百分比,看似好多,但在高位跌左六、七成的細價股,還有很大的上望空間。若本身不是為了溝貨,筆者是不反對去撈這批細價股。但在高位跌落黎,始終都存在不少蟹貨,到某水位時,不排除沽壓又再出現。而且大市氣氛一旦逆轉,這批股票又會首當其衝再次被沽售。

新股較「內傷」股吸引

細價股的股災,已經令到很多細價股內傷。若是博反彈買「內傷」股圖利,倒不如買新股。因為這批新股從未炒過,沒有蟹貨阻礙升幅。而且因為之前大市氣氛很差,很多新股認購情況都不是很理想,只有幾倍超額,甚至認購不足,導致貨源極度歸邊。在市場氣氛稍為好轉的時候,包銷商或莊家必然急於炒高股價散近啲貨。

今次筆者從超額倍數及CCASS參與者的百分比等客觀條件,精選了5隻股票供讀者參考。詳見下表:

2015-07-14_163411

上述5隻股票都乾過阿婆,而且招股價相對上星期五收市價來說,也未曾大炒。首先,天韻國際(06836)個馬房一向往績不錯,若大家心水清,應該記得炒到飛天,然後拆細再大炒那隻新股就是出於它手筆,但筆者略嫌放係CCASS的股票太多,有72.78%,加上之前那隻新股炒到咁揚,今次不知會否有所收歛。

另外,和美醫療(01509)的業務是醫療器械及服務,是中國最大的私立婦產科專科醫院集團。隨著內地人民富裕起來加上內地放寬一孩政策,相信對私立婦科醫院的需求將會增加,具有一定炒作概念。但是,市值現時50幾億,需要炒作的資金相對較多。

辰興國際(02286)是筆者5隻精選股票裡面市值最細的一隻,應該是最具炒作條件,而且放在CCASS的貨亦最少。但是筆者不太喜歡多個報章、專欄及雜誌,也曾推介此股,已引起一眾散戶註意,所以增加了不確定性或減低炒作空間。

最後,新明中國(02699)及彩客化學(01986) 這兩隻股票筆者較為看好,原因是筆者未曾見過有報章雜誌推介,根據好野唔會週圍揚的定律,相信會順理跑出。前者認購不足,後者只超額0.80倍,可以見到根本沒有散戶參與,而且頭5間參與者已佔CCASS超過95%的貨,可見幾乎滴水不漏。希望在這時勢,幫到讀者執返啲幫補下。如果筆者幸運言中,真係要高歌一曲慶祝。 「See me fly,I am proud to fly up high,不因氣壓搖擺,只因有你擁戴。」

韓信

跌市 市買 買乜 乜好 新股 最靠 靠譜 韓信
PermaLink: https://articles.zkiz.com/?id=153613

唔明跌市有乜好怕 /額外附加1-9月成績 巴黎的價值投資

來源: http://parisvalueinvesting.blogspot.hk/2015/10/blog-post.html

巴黎:

呢個標題好易令人覺得筆者故作曲高,跌市代表現價較之前買入低,帳面出現虧損,試問誰人不介意帳面出現虧損呢?

筆者想各位Blog友要認真從新考慮這個遊戲的幾個事實,因為若不是這樣,閣下將被自己大腦的Bug塞死,思考不到勝利者的方法:

1.至今為止,地球上從來沒有一個人能估到大市升或跌,所以大可節省這些時間做一些自欺、受欺或欺人的預測行為(如果有的話,電腦程式已經通殺);

2.股票和人一樣,江山易改,本性難移,一支股票未必如此,但十數支過去穩定上升賺錢的公司的價值,將來價值也上升的機會高於平均值;

3."金錢"並不能讓人富有,唯有產生現金流的資產才能,因此持有可收高息的股票,實際必定勝於為逃避熊市價格下跌而存放在沒有收入的現金。

4.股票的價格長期必須要跟著不斷增長派發的股息上升,如果股價永不上升,你也是沒有損失,除非你想不通為何以下的A君是富有過B君。

A君持有100萬股票永不能取回,但每年可使用所獲股息的10萬元,並以5%增長,直至死個日
B君持有可自由200萬現金,每年可使用獲利息的4萬元,直至死個日。

5.你應該關註的是那資產每年能帶給你現金流收入而不是它的價格,除非你好得閒去尋找相對價格低而現金流更高的股票,你大可不必再理會報價機,這也應該是報價機的唯一用處;

6.人貴自知,如果你認為在第四點運用現金上,自己可以做到低買高賣,你就在說自己能在一個斷䌫快速下墜的升降機內,於快要碰地一刻跳起而不受傷一樣,聽起來是否很幼稚?但你的確是這樣想。

7.100個投資人有95個分辨不到能力和好運的分別,能力是過去十年的平均成績跑勝大市,好運是某幾年高於但十年計平均仍低於大市表現,某年越表現好的操盆手越易誤判自己的能力。所以我不會因爲1-9月纍計衹有5.2%帳面虧損而以爲自己叻過同期下跌14.5%的股神。

8.買入及長期持有ETF是非常驄明的人,他們能克服第7點中95%對手的個人能力誤判。



(下圖藍線為個人組合1-4月上升21%,可參考4月底的舊文,5-9月下跌22.7%)
 
筆者交易方面:
再加碼IBM

.........................
全港第一個價值投資班己開到第四班,十月份即將上課,只餘小量座位。順便一提,課程深入淺出,並不需要高深的數學,甚至不需大學程度,事實上被巴菲特稱為其中一個超級價值投資者只有中學程度。

http://parisvalueinvesting.blogspot.hk/2015/09/blog-post_10.html?m=1

唔明 明跌 跌市 市有 有乜 乜好 好怕 額外 附加 成績 巴黎 價值 投資
PermaLink: https://articles.zkiz.com/?id=162812

唔明跌市有乜好怕 /額外附加1-9月成績

巴黎:

呢個標題好易令人覺得筆者故作曲高,跌市代表現價較之前買入低,帳面出現虧損,試問誰人不介意帳面出現虧損呢?

筆者想各位Blog友要認真從新考慮這個遊戲的幾個事實,因為若不是這樣,閣下將被自己大腦的Bug塞死,思考不到勝利者的方法:

1.至今為止,地球上從來沒有一個人能估到大市升或跌,所以大可節省這些時間做一些自欺、受欺或欺人的預測行為(如果有的話,電腦程式已經通殺);

2.股票和人一樣,江山易改,本性難移,一支股票未必如此,但十數支過去穩定上升賺錢的公司的價值,將來價值也上升的機會高於平均值;

3."金錢"並不能讓人富有,唯有產生現金流的資產才能,因此持有可收高息的股票,實際必定勝於為逃避熊市價格下跌而存放在沒有收入的現金。

4.股票的價格長期必須要跟著不斷增長派發的股息上升,如果股價永不上升,你也是沒有損失,除非你想不通為何以下的A君是富有過B君。

A君持有100萬股票永不能取回,但每年可使用所獲股息的10萬元,並以5%增長,直至死個日
B君持有可自由200萬現金,每年可使用獲利息的4萬元,直至死個日。

5.你應該關注的是那資產每年能帶給你現金流收入而不是它的價格,除非你好得閒去尋找相對價格低而現金流更高的股票,你大可不必再理會報價機,這也應該是報價機的唯一用處;

6.人貴自知,如果你認為在第四點運用現金上,自己可以做到低買高賣,你就在說自己能在一個斷䌫快速下墜的升降機內,於快要碰地一刻跳起而不受傷一樣,聽起來是否很幼稚?但你的確是這樣想。

7.100個投資人有95個分辨不到能力和好運的分別,能力是過去十年的平均成績跑勝大市,好運是某幾年高於但十年計平均仍低於大市表現,某年越表現好的操盆手越易誤判自己的能力。所以我不會因爲1-9月纍計衹有5.2%帳面虧損而以爲自己叻過同期下跌14.5%的股神。

8.買入及長期持有ETF是非常驄明的人,他們能克服第7點中95%對手的個人能力誤判。



(下圖藍線為個人組合1-4月上升21%,可參考4月底的舊文,5-9月下跌22.7%)
 
筆者交易方面:
再加碼IBM

.........................
全港第一個價值投資班己開到第四班,十月份即將上課,只餘小量座位。順便一提,課程深入淺出,並不需要高深的數學,甚至不需大學程度,事實上被巴菲特稱為其中一個超級價值投資者只有中學程度。

http://parisvalueinvesting.blogspot.hk/2015/09/blog-post_10.html?m=1

唔明 明跌 跌市 市有 有乜 乜好 好怕 額外 附加 成績
PermaLink: https://articles.zkiz.com/?id=176778

人幣貶值買乜好?

週末再有報道指內地人來港購保險,以Visa 或Master 刷卡付保費,每次上限5,000美元,而且只可碌一次,不能重複刷卡。雖然消息未得到全面證實,但至此人民幣走資渠道已大部份被堵塞。內地人每年都有匯出5萬美元的限額,由當年1月1日生效計算。由於人民幣的貶值速度快,估計明年1月初會有小型走資潮經這正檔渠道發生。而國內未外流的資金會追逐甚麼資產和產品?

臨近聖誕和除夕,一般都會作全年回顧和明年展望。筆者關心內地人民幣的流向,因為資金所到之處就是機會所在。

內地實行封閉型貨幣政策 - 面對人民幣持續貶值的預期,民眾苦無出路保值 - 調不出內地又換不了美元。改為買賣房地產嗎?樓市被中央打壓。投資內地A 股市場?政府認為股市要有秩序地循序漸進。剩餘的選項,大概是貸款予人、購買高息企業債劵、經過滬深港通流入香港換成港幣計價的股票吧?
近兩年不少內地大型企業,回購美元結算的債券,並重新發行人民幣計價的債券。友人笑指中央政府很厲害 - 看通美元強勢,早已部署大型國企和民企回購美債發人債,現在無後顧之憂,可以讓人民幣大幅貶值重拾競爭力。雖然短期大幅貶值之說有點誇張,卻有其道理。而從中受惠的顯然包括已發行利率偏低的人民幣債劵的上市公司,當中有不少是內地房地產商。筆者認為值得投資注意,甚至做功課了解每間地產商的人幣債券額並相互比較。貶值除了有利貸款人,亦有利資產持有人。所以,房地產業務該是人民幣貶值的得益者。

此外,若以資產保值,除了物業,也可以是古董和藝術品。據筆者所知,在內地營運古玩買賣的上市公司並不多。業務雖然較新,而且未知營運模式是否真能賺取利潤,但古董拍賣業務,值得投資者留意。

而另一值得注意的是外銷生意,即營運收入屬美元或其它外幣,而成本以人民幣支付的業務。這類業務覆蓋範圍廣,例如玻璃、玩具、手機週邊產品等,營運相關業務的上市公司有福耀玻璃(3606)、彩星玩具(0869)和瑞聲科技(2018) 之類。上述幾家公司只是舉例,筆者未分析每間公司的財務狀況、以及現價是否投資好時機。讀者請自行搜尋更多這類別的公司。


港股市場之外,投資者也可放眼美國股市。沒錯道指今年已屢創新高,而且自2008年金融海嘯後,牛市至今已持續7年,而經濟週期一般是3年、7年或10年,所以有機會很快見頂爆煲。但相對全球各國,美國的經濟已算是較佳,而且其貨幣強勢。如果對比過去幾年的投資回報,美股顯然極大幅度拋離港股。即便同樣奉行價值投資法,估計美股市場的回報遠遠拋離港股市場。在網絡發達的世代,買賣外地股票與港股無異,除了時差和熟悉度的差別,似乎沒理由完全不考慮投資美股。

年尾市場較淡靜,在普天同慶的日子,僅祝各位聖誕快樂。

此文同見於《信報》的《價值投資》專欄
Facebook 專頁:www.facebook.com/trendalysis
人幣 貶值 買乜 乜好
PermaLink: https://articles.zkiz.com/?id=229292

【吾通吾識】有口臭飲乜好?邊種花茶幫到你

1 : GS(14)@2015-10-14 07:58:16

正常人每天分泌1至1.5升唾液,除了幫助進食和消化,它們還是口腔裏的天然清洗劑,如果唾液分泌減少,很容易引起口臭。正因為這個道理,經常口乾的人應該多喝些桂花茶。事實上,桂花茶不但生津止渴,還能防治口臭。桂花又名九里香,香味清新,將桂花蒸餾而得的「桂花露」,是醒脾開胃、疏肝理氣的上等飲品,還常用於緩解咽乾口燥、口臭牙痛,泡桂花茶也有相似的作用。由於桂花性味辛溫,因此在春季最好用性質偏涼的綠茶或烏龍茶與桂花相配,取乾桂花3克,綠茶或烏龍茶5克,沸水沖泡6分鐘,即可飲用。此外,體質虛寒、經常胃寒的人,可以煮點山楂桂花水喝。12克桂花配6克山楂和3克黨參,放入500毫升水的小鍋裏煮沸,然後調細火煮約20分鐘。將水瀝出,可加少量冰糖,晾涼後當茶飲即可。《生命時報》





來源: http://hk.apple.nextmedia.com/international/art/20151014/19332652
吾通 通吾 吾識 口臭 飲乜 乜好 種花 茶幫 幫到 到你
PermaLink: https://articles.zkiz.com/?id=293166

【科健籽】唔食腸仔戒紅肉 三餐食乜好?

1 : GS(14)@2015-11-03 08:13:20

Gloria平日愛於超級市場購買外國進口的健康包裝食材,而選購新鮮蔬果則愛到人情味較濃的本土小店。



【科健籽:食養東西】近日世衞將香腸、煙肉等加工肉類列為致癌風險最高的一級致癌物,等同香煙與石棉,而紅肉亦被列入2A級致癌物,引起社會廣泛迴響。記者特別跟加拿大註冊營養師曾欣欣(Gloria)走入超市及小店,向她討教選健康食材的專業招式。


不少人愛到茶餐廳食個早餐A,當中腸仔、火腿少不了,但現被列為第一類致癌物,朋友紛紛表示要轉食牛奶燕麥片。



高蛋白質 堅果頂替紅肉

Gloria認同麥片低脂高纖的營養價值,但糊狀口感不是人人愛食,「愛香口的人可選由燕麥片、果乾及堅果混合的早餐Muesli或以蜜糖烘烤過的格拉諾拉麥片(Granola),但果乾內含糖份易致肥,於成年人每日糖份攝取上限50克的前提下,應選少果乾、多堅果的組合。素食人士多以堅果取代肉類,因兩者熱量大多相若。如100克開心果中含22.1克的高蛋白質,可補充戒肉後所流失的營養。」《華爾街日報》亦曾報道,蛋白質內的氨基酸(amino acids)可給予腦部溫飽的訊息,減低食慾。Gloria特別推薦希臘乳酪,蛋白質比一般乳酪高一倍,「真正健康的乳酪,就只有奶及益生菌兩種成份。」低脂的希臘乳酪,每杯只含97kcal,既低脂又健康。



三色蔬果當晚餐

Gloria則愛自製沙律當午餐,她偏愛歐美大熱的superfood羽衣甘藍(kale),「羽衣甘藍含高蛋白質、鈣及纖維。我愛配番茄及南瓜一同進食,番茄含高茄紅素有助抗氧化,南瓜高纖具飽肚感,比薯仔少澱粉質。怕不夠飽,可加有助降血脂的合桃及小量藜麥增加飽感。再加由葡萄製成的意大利黑醋、初榨橄欖油,小量胡椒增加味道即可。」至於飲品,Gloria就選只有水及大豆製的無糖豆漿,並無防腐劑及泡沫劑。晚餐方面,每餐Gloria都必選至少三種顏色的蔬果,再混合烹調不同菜式。她最愛紫色蔬果如紫椰菜及藍莓,「紫黑類蔬果內有花青素,具高抗氧化功效;而橙黃色蔬果如紅蘿蔔有胡蘿蔔素,可以維持心血管健康。另外白色蔬果如白蘿蔔和大蒜等屬較低卡路里、可降膽固醇的佳品。」



營養師之選



早餐:堅果乳酪餐(297kcal)

Muesli一碗(200kcal)、希臘乳酪170g(97kcal)



此款Muesli較少果乾多堅果,適合減肥人士食用。dorset cereals gloriously nutty muesli600g$79(a)

100克開心果中含22.1克的高蛋白質,可增加飽肚感,減低食慾。Raw pistachios125g$72(a)





以蜜糖烘烤過的燕麥片,含高水溶性纖維。Bear naked granola340g$67(a)

只有奶及益生菌兩種成份,絕對健康。Fage低脂希臘乳酪170g$30(a)





午餐:羽衣甘藍沙律(419kcal)

羽衣甘藍140g(34kcal)、無添加豆漿一杯(75kcal)、黑醋/胡椒/盬各少許(10kcal)、藜麥半杯(300kcal)



羽衣甘藍含高蛋白質、鈣及纖維,做沙律一流。Organic girl羽衣甘藍140g$65(a)

藜麥浸水後會發漲一倍以上,內含豐富纖維增加飽肚感。Bob's red mill藜麥453g$88(a)





本地製石磨豆漿,成份只有水和有機大豆,並無添加糖及防腐劑。無糖有機鮮豆漿$15(b)




晚餐Gloria必選至少三種顏色的蔬果,如橙色的紅蘿蔔、紫色的茄子和白色的大蒜,吸收不同顏色的營養素。紅蘿蔔$20、茄子$15、大蒜$15(b)

晚餐:三色抗氧餐(329kcal)

南瓜半個(49kcal)、紫椰菜1/4個(75kcal)、大蒜(5kcal)、白飯一碗(200kcal)



根據美國食品及藥物管理局,成年女性每日最少要攝取1,600 kcal,營養師三餐餐單約1,045kcal,建議在下午茶時段或餐後進食高熱量水果,維持身體所需。



(a)city'super尖沙嘴海港城3001號舖(b)Sense調景嶺彩明商場214號舖



記者:楊麗珊攝影:黃子偉、潘志恆編輯:黃仲兒美術:吳子豪





來源: http://hk.apple.nextmedia.com/su ... t/20151103/19357253
科健 唔食 食腸 腸仔 仔戒 戒紅 紅肉 餐食 乜好
PermaLink: https://articles.zkiz.com/?id=293739

Money Walker:其實有乜好驚喎

1 : GS(14)@2016-06-06 03:00:30

美國聯儲局加息魔咒又到,不過筆者唔太擔心呢兩個月加息,因為市場已經差唔多反映晒,最驚嘅其實係唔知儲局加完一次之後會唔會收手。睇番利率期貨市場,年底前加息嘅機會有74%,顯示大部份市場人士早已對下半年加息一次無懸念,既然有關預期已幾乎完全反映,係6月份定7月份加相信都唔會造成太大震盪,最令人憂慮嘅係今年加完一次之後,仲會唔會再加。再睇番利率期貨市場,年底前加息超過一次嘅機會率只有32%,意味大部份人都認為今年唔會加多過一次息。所以如果6月份議息會議,透露出今年餘下時間加息超過一次嘅線索,咁即使6月份唔加息按兵不動,呢次議息都將會對市場帶來極大的震盪。金融市場從來都係炒預期,預期到嘅嘢一般都好快反映咗,所以尚未被市場完全反映嘅負面事件,往往先係最不利資產表現嘅魔鬼。至於一街都有人講嘅風險,聽到識背嘅嘢,到真正發生嗰陣,資產價格好大機會反高潮地係咁意震一下就算。
El.
http://www.facebook.com/moneywalkerhk本欄逢周四刊出





來源: http://hk.apple.nextmedia.com/financeestate/art/20160602/19637245
Money Walker 其實 有乜 乜好 好驚 驚喎
PermaLink: https://articles.zkiz.com/?id=301896

打工仔唔知炒乜好?MPF自願供款創新高

1 : GS(14)@2016-08-20 11:39:40

積金局公佈第二季數據,強積金總資產按季增148億元至6,073億元,以目前參與計劃人數277萬人計,第二季人均賬戶約22萬元,按季增約4,000元。當中自願供款續增加,由首季的38.49億元增至42.56億元,再創出新高,佔次季總供款約25%。康宏強積金業務拓展董事鍾建強認為,自願供款持續上升,相信與強積金至今已實行15至16年,雖然仍被批評收費偏高,惟個別基金表現理想,加上操作簡單,均為自願供款持續上升的誘因。學者曾淵滄認為,每個人承受風險能力不同,年輕或追求高增長人士,應買入全球性基金,「當然投資股票好過債券,股票有增長,債券收息唔識增長,除非你要保本」。對於資產配置方面,Fund Supermarket香港總經理黃展威認為,距離退休尚有10年以上供款人,會經歷幾個經濟周期,現時可將供款配置在中、港股市基金,因其估值較環球股市為低。較保守的供款人,他不建議將供款配置在債券基金,因目前多國國債孳息率低,換言之價格已處於高位,若資金由債券流至股市,難免會有損失。




來源: http://hk.apple.nextmedia.com/financeestate/art/20160820/19743627
打工仔 打工 唔知 知炒 炒乜 乜好 MPF 自願 供款 款創 新高
PermaLink: https://articles.zkiz.com/?id=306584

財金冒險號:滯脹殺到買乜好?

1 : GS(14)@2016-10-20 08:04:03

聯儲局前主席格老斯潘擔心嘅滯脹,如今開始見到通脹苗頭。唔單止美國,英國、歐元區、中國通脹全線升溫。自從2008年雷曼冧檔,發達地區央行都係驚通縮,扭盡六壬都要推高通脹。印咗無數銀紙,通脹終於向目標邁進,本應鬆一口氣,奈何市場已被零息及QE搞到亂晒龍,如果通脹急升,隨時篤爆史上最大債券泡沫,爆發金融危機。有乜嘢會搞到通脹飆升?油價或者會。油價已經由今年低位反彈38%,但按年大概持平,仲未好反映通脹指標。萬一油組出奇地齊合協力減產,加埋特朗普當選,油價就好可能再挾高啲。睇番2012年美國通脹(核心PCE)曾升越2%目標,但之後油價見頂,而且失業率仍高達8%,人工無乜得加,通脹至回落。今日美國已接近全民就業,人工加多咗,通脹就會逐步升。耶倫當然都留意到通脹升溫,但佢冇有怕,忽然提出「高壓經濟」政策,即係為求刺激經濟持續復蘇,可容忍通脹暫時高於目標。耶倫明年仲有冇得撈都未知,視乎特朗普會否爆冷勝出炒佢魷,但聯儲局多年來都係製造泡沫,冇邊個好似伏爾克(Paul Volcker)咁果斷加息,邊個做都好,通脹都係易升難跌,有閒錢可買定啲通脹掛鈎債券,香港iBond或美國TIPS都得。笑笑生
mailto:sneeringman@gmail.com本欄逢周四刊出




來源: http://hk.apple.nextmedia.com/financeestate/art/20161020/19806139
財金 冒險 滯脹 殺到 到買 買乜 乜好
PermaLink: https://articles.zkiz.com/?id=312832

【光棍慎入】求婚唔送鑽戒送乜好? 霸氣港女:一張冇銀碼嘅支票啦

1 : GS(14)@2016-11-12 05:55:06

一講求婚,冧到呀



今時今日,做光棍又煩拍拖又煩,做老襯就煩上加煩,至少求婚嗰吓已經要使一大筆錢─無錯,就係鑽石戒指喇!於是我哋就追訪一眾港男港女,了解佢哋點睇一粒求婚鑽戒嘅意義,睇吓有冇其他物件可以代替鑽戒;同時我哋亦都搵嚟理工大學講師兼前廣告創作總監曾錦程,解構吓求婚=鑽戒嘅傳統到底係點樣出現。記者:余傲芝 攝影:Neo



前廣告創作總監曾錦程為我哋解構求婚=鑽戒嘅傳統點嚟

「鑽石恆久遠,一顆永留存」,就係呢句口號令到鑽石擁有非凡意義

Fiona認為鑽戒冇咩意義,都係用嚟炫耀居多

喺27名受訪者入面,9成人都認為求婚時需要一隻戒指,而指定鑽石戒指亦有6成人,其他就覺得銀戒指或自製戒指亦可接受。至於鑽石戒指嘅意義,大家嘅睇法不一,大概可以分為「有誠意同重視嘅表現」、「係承諾同永恆嘅意思」、「用嚟晒命或比較」、「人做我做」等等。有過半數人認為可以搵其他物件代替鑽戒,去旅行送支票送公仔等都榜上有名,不過亦有少數人認為要跟隨傳統,無論如何都要鑽戒。



李小姐話用汽水拉環求婚都幾浪漫,有時候唔一定要啲咩物件

李生認為求婚用鑽戒可免則免,因為求完婚隻戒指又冇咩用

曾錦程指出,求婚用鑽石戒指呢個傳統好大程度上係因為戴比爾斯(De beers)喺1947年推出嘅一系列廣告企劃,尤其係「鑽石恆久遠,一顆永留存」(A diamond is forever)呢個口號,令到原本毫無價值嘅炭變成擁有非凡意義嘅鑽石。當時戴比爾斯喺非洲有個好大嘅鑽石礦,而由於供應多會令到價格降低,所以佢哋就諗到將鑽石同愛情扣連,加一個好強嘅無形價值落去。不過曾錦程認為廣告嘅成功係「因為呢個社會好多嘢好脆弱,愛情亦一樣,所以鑽石『永恆』嘅象徵意義補救現代人嘅心靈空缺,所以係人本身有問題,再被營銷商利用人類弱點。」


鍾生話都係嗰句:首先要有女朋友啦

楊小姐認為冇嘢可取代求婚戒指,比佢一個信心去嫁比佢



來源: http://hk.apple.nextmedia.com/entertainment/art/20161112/19830913
光棍 慎入 求婚 唔送 鑽戒 送乜 乜好 霸氣 港女 一張 張冇 冇銀 銀碼 碼嘅 支票
PermaLink: https://articles.zkiz.com/?id=315241

投資一周:人仔升值有乜好?

1 : GS(14)@2016-12-28 08:11:04

特朗普的政綱之一,是指責中國操控人民幣滙率,要求人民幣升值。另一政綱,則是要把工作崗位從外國拉回美國本土,以增加本國的就業。現時的狀況,是美元滙價高企,令到全世界的貨幣都下跌了,包括人民幣在內。因此,中國一直在反駁操縱人民幣滙率的指控,人民幣對於世界上大部份的貨幣,其實是上升了,只是對於強勢的美元,相對地下跌了而已。對於特朗普的說法,有着非常有趣的矛盾,值得一提:第一點,特朗普說要增加美國產品的出口,但很明顯,強美元不利出口,這究竟是在搞乜?第二點,眾所周知,美國最大的單一出口商品,是美元。如果美元高企,人民幣貶值,反而有利於美國人用更少的成本,去購買更多的中國產品。所以,美元越強,越有利於美國,反之,美國在國勢最壞的時候,才會不得不接受弱美元,例如越戰打敗後,美元兌港元只是5元左右。因此人民幣的滙率越低,反而越有利於美國。但為甚麼美國要求人民幣升值呢?原因是強撐人民幣會令經濟內傷,強挺之後再被打爆,人民幣將會跌得更慘,才最符合美國的長期利益。在這一年多,中國稍為頂住人民幣,損耗了幾千億美元,最終要保儲備,不保滙價了。



周顯投資者、八卦公、知識分子
mailto:phemey@gmail.com本欄逢周三刊出




來源: http://hk.apple.nextmedia.com/financeestate/art/20161228/19878582
投資 一周 人仔 升值 有乜 乜好
PermaLink: https://articles.zkiz.com/?id=320292

【拜年送乜好】籐織懷舊福籃 有得食又有得玩

1 : GS(14)@2017-01-22 02:18:03

新年到,總唔可以兩手空空去拜年,點都要買啲禮物見人。想得體有心思,但又唔想年年買曲奇、朱古力咁悶?今年你有新選擇!



長沙灣美樂士多重現7、80年代士多模樣,加上各式懷舊小食同玩具,喺網上開始多人留意。老闆趁新年推出賀年福籃,有得食又有得玩,要大家過個充滿童年回憶嘅肥年。福籃用籐編織,外面貼上用牛皮紙印製嘅士多宣傳招紙,籃蓋上更有一張「福到」揮春,外形真係有啲似細個阿媽個買餸籃啊!記者一打開福籃,在場同事見到裏面嘅糖果都表現非常興奮。糖果共九款:史密夫蜜瓜味軟糖、史密夫鳥結糖、白兔糖、蜜蜂糖、瑞士糖、甄誠記椰子糖、本地手工水果糖、金幣朱古力,以及紅瓜子。其中蜜瓜味軟糖最令記者驚喜:「竟然食得返,仍然係清甜好咬口!」如果大家怕麻煩,可以考慮買個福籃就填滿一個全盒。不過假如你唔鍾意甜食,呢個福籃只得一包紅瓜子,可能未必夠過口癮喇。福籃附送老闆設計嘅「美樂賀年棋」,大家拜年之餘仲可以玩餐飽。賀年棋嘅棋子同骰仔都係木製,摸上手幾有質感,真係有小時候康樂棋嘅味道。話明係為新年而設,棋盤設計就以粉紅色配粉紫色為主,裏內不乏賀年圖畫,例如煙花、炮竹、小朋友舞獅同家人團圓嘅畫面,而且畫風一樣充滿懷舊味道。玩過康樂棋都知道,行到某幾格就會有懲罰,呢副棋都一樣有!不過新年最緊要開心,懲罰最多都係「為親友表演一次」或「打電話向朋友拜年」,無傷大雅以和為貴,一家大細都玩得。要注意嘅係,棋子同骰仔都太細粒,家中有小朋友就要小心,避免小朋友不慎吞落肚。老闆Patrick講笑話,「希望大家拜年時,有個新嘅小玩意,但又不失傳統風味。」新年送禮定自用,抑或想同家人、朋友歡聚,今年就多一個既傳統又新穎嘅選擇。福籃$98一套(附送「美樂賀年棋」),詳情可到美樂士多facebook查詢。記者:黃凱婷攝影:黃子偉2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily


士多重現7、80年代士多模樣,仲有各式懷舊小食同玩具。

福籃用籐編織,外面貼上用牛皮紙印製嘅宣傳招紙,真係有啲似細個阿媽個買餸籃啊!

各款賀年食品,記者最驚喜嘅,係竟然食得返史密夫蜜瓜味軟糖,仍然係清甜好咬口!


「美樂賀年棋」,新年最緊要開心,懲罰最多都係「為親友表演一次」或「打電話向朋友拜年」,無傷大雅以和為貴,一家大細都玩得。要注意嘅係,棋子同骰仔都太細粒,家中有小朋友就要小心,避免小朋友不慎吞落肚。



來源: http://hk.apple.nextmedia.com/su ... t/20170121/19903826
拜年 送乜 乜好 籐織 懷舊 福籃 有得 得食 食又 又有 得玩
PermaLink: https://articles.zkiz.com/?id=323593

太古廣場:利是錢做乜好?識揀一定唔會儲!

1 : GS(14)@2017-01-27 07:40:05

加番句家長指引先,家姐唔係教人亂fing錢,只係點樣用得有意義啲啫。老老實實,得嗰千幾至幾千蚊,如果想用嚟滾幾百蚊收益,就參考番《蘋果》財經版啦吓!利是錢,三個字,豐儉由人。如果大家唔係被電子派利是的話,通常到初十五拆都走唔甩千幾銀,返幾層office嘅可以去「洗樓」?利是嘅更加唔使講啦。呢個range儲又唔係多,一次過食晒佢又好似太浪費?醒啲另類投資過你啦。今年農曆年都算近新曆年頭,大家新一年有無話要做多啲運動呀,個人健康啲咁呢?如果你係放工跑兩步就攰嗰種人,有啲嘢醒你:用利是錢畀自己上一年PE堂!話說上年呢啲月費做運動App喺OL界相當之hit,因為實在係好抵!家姐我join咗個K字頭嘅,仲要係500蚊年代就join咗(家陣新會員要700蚊啦,但仍然抵喎,睇埋就知),每個月畀錢,唔使簽約,可以喺個App度揀十樣運動做,計落每一堂都係幾十蚊咋陰功。其實道理就好似運動版Uber咁,都係共享經濟嘅一種。將啲細規模嘅瑜伽、健身、打泰拳嘅中心放晒上去,畀你慢慢揀,每樣嘢一個鐘,好似以前上PE堂咁,今日可以去打一個鐘泰拳,聽日可以做瑜伽,喺手機book完,個人準時show up就得,地方揀番近自己office,放工做完返屋企食飯都得。不過以前個App仲有好多可以蒸吓身、蒸吓腳呢啲嘢玩,家陣都無晒喇,變咗要額外畀錢。個App另外好就係可以望下有咩活動先課金,砌到成個月時間表的話,咪健康吓囉。呢個係其一,如果唔想由做運動着手,想食得健康啲嘅,都有計!仲可以食埋英鎊平條水㖭呀!英國有個blogger,姑且叫佢KOL啦,介紹健康零食介紹到出晒名,家陣自己每個月揀啲健康嘅零食,塞落一個surprise box度,訂購咗嘅用戶可以每個月都收到一盒有零食有飲品嘅sourced box。如果日日坐office都係食熱浪、麥提莎嘅,咁不如試下啲天然海鹽焦糖bar、天然拖肥波波,或者西蘭花脆片啦,咁食法都無咁有罪惡感!不過呢個投資就可能要請教網購達人喇,因為係要先寄去英國,再代運嚟香港嘅。買足一年嘅驚喜健康零食,計番家陣英鎊都係千幾二千蚊咋,呢個價錢每日食熱浪飲檸茶都係食到八十幾日,仲會生痘痘㖭。【家姐教路】無論係用利是錢嚟買乜嘢都好,最抵一定係入晒落銀行,再用信用卡嚟買,用利是錢找信用卡條數。做運動App一定要用信用卡畀啦,呢個無計;至於英國零食,如果可以自己搵到代運服務,就可以碌英鎊自己買,賺到miles又唔使畀代購賺。不過小心代運收費呀,家姐中過伏,買咗三盒零食運番嚟要500蚊!三盒零食都係300幾蚊咋陰功。用代購之前,一定要先用佢個計算機預測吓運費係幾多呀!資料補充:做運動App係Kfit,英國零食係Sourcedbox,本人並無持有以上股票關家姐
http://fb.com/kwangajei本欄逢周五刊出




來源: http://hk.apple.nextmedia.com/financeestate/art/20170127/19910076
太古 廣場 利是 是錢 錢做 做乜 乜好 識揀 一定 唔會 會儲
PermaLink: https://articles.zkiz.com/?id=324377

魚樂無窮:炒完美圖炒乜好

1 : GS(14)@2017-03-22 00:46:04

北水炒股一向瘋狂兼來去如風,美圖(1357)昨早段再升近三成,市值逼近千億,但午後卻一瀉如注,埋單倒跌一成,大成交高開低收,加上連日炒到七彩,點計都要唞唞吧。係咪嚟緊都唔使買科網股?如果有堅實業績支持,實在唔怕買,今日推介嘅金蝶(268),正正係板塊中堅份子。集團主打企業管理軟件(ERP)及雲服務業務,最新全年盈利大增1.7倍至2.9億銀人仔,毛利率進一步上升,強攻的金蝶雲預計明年可收支平衡,料成為未來增長最大引擎。無他,全國兩會講明加快大數據、雲計算及物聯網應用,金蝶完全食正條水,騰訊(700)、華為、萬科(2202)都係佢嘅客仔,實力可見一斑。金蝶貴為港股通成員之一,最新北水持貨量1.2%,總值1億多,隨手執隻科網股IGG(799)睇,北水持貨總值接近5億銀。金蝶今年累升約兩成,IGG搶高五成,資金換馬金蝶變得理所當然。講多樣嘢你知,公司放榜後連環出手回購,低位有埋真金白銀盤支持,隨時成為北水下一輪瘋搶對象,?家唔買等幾時?唐牛
http://www.fb.com/tongcow88本欄逢周二、四刊出




來源: http://hk.apple.nextmedia.com/financeestate/art/20170321/19964655
魚樂 無窮 完美 圖炒 炒乜 乜好
PermaLink: https://articles.zkiz.com/?id=328174

【餐肉含獸藥】唔食餐肉腸仔沙爹牛 常餐食乜好?

1 : GS(14)@2017-06-18 21:45:41

午餐肉與腸仔一向也是是不少港人食常餐的配搭首選。



午餐肉與腸仔一向也是是不少港人食常餐的配搭首選,但消委會今日公佈指調查發現大部份樣本均屬高鈉、高脂肪,更發現有品牌含有殘留獸藥,恐會有損健康。即睇睇餐腸做餸的營養數字:



腸仔(每100g、約3條)熱量270kcal、脂肪21.1g、鈉質880mg午餐肉(每100g、約2塊)熱量333kcal、脂肪30.2g、鈉質1,288mg每人每日攝取量標準/上限熱量2,000kcal、脂肪66g、鈉質2,000mg(即約一茶匙鹽)



每碗沙嗲牛肉麵大約有541kcal,脂肪約有大約5茶匙油。

五香肉丁麵是相比上最肥膩之選,每碗五香肉丁麵有約611kcal和6茶匙油。

雪菜肉絲湯米粉,是最輕怡的選擇,較低熱量約148kcal,只有半茶匙油,少許鹽。

家營營養中心的營養師吳瀟娜(Lillian)。

記者訪問了家營營養中心的營養師吳瀟娜(Lillian)有關常餐的數據。沙爹牛肉與五香肉丁同樣是高脂的加工肉類,會增加肥胖、壞膽固醇及患心血管疾病風險。沙嗲牛肉麵熱量541kcal、脂肪24.6g、鈉2,298mg五香肉丁麵熱量611kcal、脂肪31.5g、鈉2,490mg雪菜肉絲湯米粉熱量148kcal、脂肪2.8g、鈉409mg每碗沙嗲牛肉麵大約有541kcal,脂肪約有大約5茶匙油,五香肉丁麵是相比上最肥膩之選,每碗五香肉丁麵有約611kcal和6茶匙油。營養師建議選擇這些套餐時,不妨將即食麵轉為米粉、米線、通粉等非油炸的粉麵,來減低熱量及脂肪攝取,或可選吃雪菜肉絲湯米粉,它是更輕盈的選擇,熱量較低,每碗只有約148kcal,只有半茶匙油,少許鹽。



記者:吳業紅攝影:徐振國2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170616/20057381
餐肉 肉含 獸藥 唔食 食餐 肉腸 沙爹 餐食 乜好
PermaLink: https://articles.zkiz.com/?id=335934

【再見689】CY卸任做乜好掃街?看更?抑或……

1 : GS(14)@2017-07-01 10:50:23

特首梁振英即將卸任,服務咗香港市民5年,佢嘅最後一次民調顯示民望只得38.7分,可想而知佢幾受市民「愛戴」!雖然唔做特首,但梁振英早前已經當選為政協第十二屆全國委員會副主席,躋身國家領導人行列。唔知香港市民又覺得有咩最啱佢做呢?動記者就落區親身聽吓大家嘅意見啦,估唔到有啲市民都幾有創意!
Tim:「CY返返大自然,佢狼黎o架嘛!」劉小姐:「我覺得佢可以湊番掂個女先。」
Jimmy:「留喺屋企算啦,唔好出去喇,出去會畀人打。」陳生:「地產大亨嗰啲,佢個樣似奸商。」想聽更多更激嘅意見,即刻去片啦!採訪:植詠珊(Cathy)攝影:Neo、Meng剪接:Roy編審:Kaman




來源: http://hk.apple.nextmedia.com/entertainment/art/20170701/20074849
再見 689 CY 卸任 做乜 乜好 好掃 掃街 看更 抑或
PermaLink: https://articles.zkiz.com/?id=337536

【咁凍食乜好?】打邊爐點少得佢 小店自家製水餃推介

1 : GS(14)@2018-01-08 00:29:48

阿純山東餃子的羊肉餃子,10隻48元。

香港終於凍少少喇!近日冷鋒殺到,天文台在上星期六發出入冬後首個寒冷天氣警告,這幾天氣溫徘徊於十零度,要到聖誕節才稍為回暖。在寒冷天氣下,最啱就是打邊爐,唔想同人逼,買料回家是另一選擇。而眾多打邊爐恩物中,當中不乏水餃,以下推介三間自家包製的高質水餃,每日新鮮即製,不妨一試。

(一)補身之選 山東綿羊餃

山東人深信吃羊可暖身的傳統,所以「阿純山東餃子」老闆在自創一款羊肉餃子,以抵抗寒冷。老闆選用綿羊肉做餡,貪其肥瘦均勻,肉質夠腍,做餡會噴汁,並加入煮過的花椒水來拌羊肉餡,減去羊羶味。阿純山東餃子太子荔枝角道60號

明豐粉麵廠的雞軟骨餃,每打30元。

(二)傳統之選 手包菜肉餃

位於荃灣的「明豐粉麵廠」開業近半世紀,以賣自家製粉麵馳名。店家亦有賣自家包製的餃子,由老闆娘親自主理,餃子以特別裁切的梯形皮來包,一捲一屈便成形,皮薄不會過厚,是店家的生招牌。除西洋菜餃、韭菜肉餃、蓮藕雞蓉餃外,亦有推出創新口味的雞軟骨餃,混合雞腿肉和馬蹄,清甜爽口,適合年輕人口味。明豐粉麵廠荃灣曹公坊15A地下

有得餃的五色餃,每打59元。

(三)健康之選 五色餃子

2009年在青衣戲棚起家,擺一次檔可賣6,000餃子的「有得餃」,2011年在元朗正式入舖,這間區內人氣的家庭式小店去年更成功投得美食車。而為了美食車,更自創出主打的菜式「五色餃」,即以黃薑、菠菜、紅菜頭和番茄,分別包住不同餡料,非常健康。這款五色餃除可在美食車及店內堂食外,還可生買回家打邊爐,但就是三家之中最貴。有得餃元朗又新街53-59號滿利大廈地下E舖


記者︰黃依情



來源: https://hk.lifestyle.appledaily. ... e/20171219/20248739
咁凍 凍食 食乜 乜好 邊爐 點少 少得 得佢 小店 自家 水餃 推介
PermaLink: https://articles.zkiz.com/?id=346315

【咁凍食乜好?】台日過江龍 特式燒肉店推介

1 : GS(14)@2018-02-13 03:04:33

Yakiniku Great是日本過江龍,主打牛肉不同部位。

「冷得我騰騰震呀!」最近日日都咁凍,剛過去嘅周日仲係14年來最低氣溫的「立春」。凍完未呀?等我介紹兩間特式燒肉店,等你除咗被窩,仲有其他好地方去啦!

Yakiniku Great

這間日本過江龍,除了有常見牛肩脊和牛肋肉外,還專賣極少見的部位,每種都有不同口感。當中有最爽口的唐辛子($198),瘦肉多,最適合薄切燒,每面燒三秒便可。最多汁的三筋($298),在唐辛子旁邊,但脂肪更豐富亦更多汁。最濃味要數到大三角($268),瘦但有油花,味最濃而水份較重,同樣薄切吃最好,每邊燒2至3秒就夠。地址:中環皇后大道中255號賣點:日式+和牛特別部位


除了有常見牛肩和牛肋肉,還專賣極少見的部位。

不同部位的牛肉有不同的口感。


橘焱胡同

如果特別部位都滿足不了你,這店除了有納豆、張惠妹和S.H.E等台星熱捧,更有小鮮肉店員邊幫你烤肉,邊和你聊天,唔怕悶仲可食殘廢餐。但是食物也不馬虎的,除了有台灣總店的招牌如烤肉醬牛五花($168)和葱花牛舌($98)外,也有香港店獨家的骰子牛肉($298)。地址︰尖沙嘴寶勒巷3至7A萬事昌廣場一樓102號舖賣點:台式+小鮮肉店員


橘焱胡同在台灣很有名氣,台星如納豆、張惠妹和 S.H.E等都常光顧。

小鮮肉店員會邊幫你烤肉,邊和你聊天。



記者:張佩君全新旅遊專頁,即like籽想旅行:https://fb.com/travel.appleseed



來源: https://hk.lifestyle.appledaily. ... e/20180206/20296314
咁凍 凍食 食乜 乜好 臺日 過江龍 特式 燒肉 推介
PermaLink: https://articles.zkiz.com/?id=348266

【年宵開鑼】直擊維園檔有乜好買 最抵食$5熱狗

1 : GS(14)@2018-02-13 03:39:16

今年送雞迎狗,除了例牌的狗公仔,比較特別的是自家設計產品。

全港15個年宵花市將於今個星期六(年廿四)開檔,由2月10日至16日一連七天,開放至年初一清晨收爐。記者一早就到最大的年宵市場維園直擊有乜好買,接近中午,各個乾濕貨檔都陸續開鋪,亦有不少市民都趁假期來逛攤位。


今年送雞迎狗,例牌見到大大小小的狗公仔,不過款式都熟口熟面,驚喜欠奉,比較特別的是自家設計產品。行年宵沒有平價鮑魚食,反而多了其他地方的小食,如韓國魚旦串、羊架、鵝肝多士等,更有意大利廚師即場下廚。最抵食的要數到5蚊熱狗,跟一街之隔的傢私店有得鬥。


有攤檔賣較少見韓國惠蘭,同樣是蘭花品種,但可放三至四個月,而且容易打理。

今年沒有平價鮑魚食,最大熟食檔有抵食的5蚊熱狗。



轉戰濕貨區,過年前幾星期忽冷忽熱,有檔主指沒有受太大影響,普遍桃花的花蕾仍未開花,買回去新年期間就正好盛開,同時有不少花檔檔主表示今年的花賣貴了兩至三成,主要因為投檔價格較往年高。除了傳統年花,有攤檔賣較少見韓國惠蘭,同樣是蘭花品種,會慢慢由底至頂開花,寓意步步高昇。一般可放三至四個月,而且一星期澆水一次容易打理。


香料燒大蝦、韓國魚旦串各款$20(兩串)

近天后的熟食檔有意大利廚師即場煮西餐。



記者:黎婉婷攝影:徐振國



來源: https://hk.lifestyle.appledaily. ... e/20180211/20301765
年宵 開鑼 直擊 擊維 維園 園檔 檔有 有乜 乜好 好買 最抵 抵食 熱狗
PermaLink: https://articles.zkiz.com/?id=348402


ZKIZ Archives @ 2019