ZKIZ Archives


培養佢乜乜物物 人在中環

http://manincentral.blogspot.com/2011/12/blog-post_14.html

對於培養囝囝既乜乜物物,不能否認我係抱住一個非常懶散既態度。「是但」同「夠過骨」係我常常掛響口邊既「教仔標準」。

我俾自己懶散既藉口係:如果個仔係唔掂既,就點谷都冇用。但係如果個仔係掂既,就唔駛你谷佢都會好掂。

OK,呢個當然係歪理,有d朋友對我呢個咁不負責任既諗法極之睇唔過眼。不過認真地諗,你其實又可以谷到個細路d乜?俾佢學習八國語言,還是十種樂器?

細細個可以俾人谷既,絕大部份都係一d「技能」。然而身上既技能越多,係咪就等於將來響社會上既競爭力就越大?我自己心入面既答案就一定係「No」。早幾 日響報紙道寫過,一個人真正值錢既地方,係佢腦裡面既思考能力,而唔係身上面既一大堆技能。而思考能力,係透過一個人既經歷而培養出黎,並唔係可以「谷」 到出黎囉。

有時我覺得最頂唔順既,係有d家長話要「培養」個仔某某方面既興趣,例如音樂咁丫,於是會谷個仔練琴,日練夜練。俾人咁谷法會「培養」得到興趣既話,我諗 應該係天方夜譚。谷就係谷,唔好用「培養」呢個詞語黎混淆視聽啦。至於興趣嘛,我成日懷疑係咪真係可以靠個父母既努力而「培養」出黎。真正既興趣,正計係 父母唔駛push佢,佢自動自覺都會去做,咁我諗果d就真係叫做興趣啦。emmm,如果要講example,我第一樣野就諗起打機。以前阿爸阿媽何曾有 「培養」過我打機呢個興趣?但係即使我到左呢把年紀,都仲係對呢個「興趣」樂此不疲,所以話,興趣,邊駛靠阿爸阿媽出手幫你培養架呢?咁當然,我又相信, 查實冇幾多個家長會認同,「打機」係一個值得培養既興趣黎既。

另一個我鍾愛既興趣係「踢波」,同樣係從來冇人嘗試過培養我呢方面既興趣。我其實好屎波,從來都冇乜天份,不過踢波帶到俾我既歡樂,咁多年來絕對係非一般 既。其實一件事只要你做得開心,你自然唔需要任何額外鼓勵、又或者一d刻意既栽培,你都會不離不棄咁繼續做落去。對住個幾歲豆丁,你話培養佢乜乜物物喎, 當中有幾多其實係自欺欺人既謊言?

OK,咁我其實都不能否認,我都有「培養」囝囝一d野既。我都努力去嘗試「培養」佢成為同我一樣,做阿仙奴既球迷囉。well,老實講,即使係呢樣,查實 我覺得都係好自私既,事關佢響呢個階段,絕對係阿爸話事。佢著響身上既波衫一定係阿仙奴,星期六晚既電視節目亦一定係阿記既比賽,小孩子,好可悲地係無得 選擇既。只不過,假如我「谷」左佢多年之後,佢他朝有一日話俾我呢個阿爸聽,話佢其實係鍾意曼城又或者車路士的話,我諗我應該會超級失望。

唉,所以話,培養佢乜乜物物都勢係假,所謂「培養」,當中查實有好大部份係父母既私心。

培養 佢乜 乜乜 物物 人在 中環
PermaLink: https://articles.zkiz.com/?id=29937

乜乜大 人在中環

http://manincentral.blogspot.hk/2013/07/blog-post_11.html
睇咗呢段新聞,忍唔住又想抽幾句水。

來自港大既同事,我公司有丫。老實講,真係feel唔到有甚麼特別「驕縱」,又或者「貴族味濃」既感覺喎。當然我明白,我果間係地踎企業,有「貴族味」既人點會肯黎做。

至於中大理大既同事嘛…我公司都有遮。係咪特別刻苦耐勞聽教聽話?無意冒犯,但個人感覺其實都係跟來自其他院校既同事差不多。

我覺得成個調查係都係多鬼如的,當然,如果個調查係想做俾學校裡面既人睇,等佢地feel good/feel bad既話,我就冇說話講了。大學畢業生來自邊間好邊間唔好,我作為公司老闆,我真係一啲興趣都冇。去判斷一個人掂抑或唔掂,我只懂得靠自己對眼,而唔係靠佢拎住果張沙紙,個publisher係邊一個。我唔知呢啲survey對我呢亭老闆仔有咩價值可言,至於其他公司既HR部門,又係咪真係會認真對待呢亭survey既結果,響招聘篩選既過程當中,作為參考既指標?

當我仲讀緊書既時候,我都仲會幾關心,自己讀緊果間大學,最新既排名如何。然而出來社會做事之後,不消幾年就發覺,只要經過三兩年社會洗禮之後,畢業生響能力上就會有徹頭徹尾既改變。所就讀大學作為佢地能力同工作態度既指標作用,會變成完全唔relevant。大學排名?邊間大學最受僱主認同?唉,多餘啦。

呢亭survey,係要排出一個list,from the best to the worst,咁標籤不同院校既學生。潛台詞大概係,來自最好院校既學生,應該最受僱主歡迎。Get the best people成為咗好多人招聘時所追求既原則。我比較冇志氣,請人既時候,從來都冇辦法distinguish出邊個candidate係the best。我只係稍為有點把握去判斷,邊個candidate最適合我公司,最容易融入我公司既體系之內。而呢個判斷,同candidate來自邊間院校…我搵唔到一丁點既關係。

香港地,對年輕人既標籤已經夠多啦,我地呢啲老鬼們,唔好食飽飯冇事做再為佢地加多幾個啦。
乜乜 乜大 人在 中環
PermaLink: https://articles.zkiz.com/?id=64724

一注獨贏買乜乜

上文談及,老同學IT人以全倉一注獨贏曾取得年純利過千萬的佳績,但若攤長到十年來看,IT人的成績並不算非常突出,是什麼原因呢?是選股問題、操作問題,還是方法問題?很值得探討一番。

首先要解決的一個問題是,怎樣的股票,或說滿足什麼條件的股票,才“值得”全倉一注獨贏?又要找回那條最優化資本分配公式:
f = p/a – q/b
其中,f是投入資本的最佳比例,p是盈利的機會率;q是虧損的機會率;a是虧損幅度;b是淨盈利率。

先考慮a>=1,q>0的情況,則f = p/a-q/b < p/a < p < 1;這個結果說明了,只要有機會輸爆廠,那怕機會非常非常小,都是不能全倉一注獨贏的。

於是就可以把範圍收窄了。同時還可以看到,要f足夠大,達致全倉或非常重倉,另一個條件,是要p與q之比或b與a之比很懸殊才行。這樣的表述有點囉嗦和抽象,但能否簡單地理解為只買盈利率高的,或只買機會大、贏面高的,或結合兩者以expected value的大小來決定呢?

把上述算式通分母,得出:
f = (p*b-q*a)/(a*b)
分子的p*b-q*a,實際上就是expected value,假設為E,得出:
f = E/(a*b)

這樣就比較好理解了:第一,只有expected value為正數時,才值得投入注碼;第二,expected value越大越好,但同時不能忽略a*b的數值;第三,若expected value差不多,則a*b越小越好。

舉個例子,假設有三只股票,目前的股價都是1元:
股票A:有一半的機會升至2.6元,一半的機會跌至0.6元。
股票B:有一半的機會升至3.0元,一半的機會跌至0.2元。
股票C:有六成的機會升至3.1元,四成的機會跌至0.1元。

無論以盈利率來選擇、以機會率來選擇,還是以expected value來選擇,無疑都是股票C最凸出。實際上是否如此呢?代入公式算一算就清楚了。

股票C的expected value,E = p*b-q*a = 0.6*2.1-0.4*0.9 = 0.9
最優投資比例,f = 0.9/(2.1*0.9) = 47.62%
相對應f這個比例,其最快增長速度,g = p*ln(1+f*b)+q*ln(1-f*a)
即,g = 0.6*ln(1+0.4762*2.1)+0.4*ln(1-0.4762*0.9) = 19.2%

同樣地針對股票A和股票B算一遍,得出各自的E、f、g,見下表:



意外吧,最值得“重錘”且能令資本增長得最快的股票,並不是股票C,而是盈利率、機會率和expected value都是最低的股票A。股票B的機會率和expected value雖然都和股票A一樣,且盈利率更高,卻是最差勁的一只。

演算的結果說明了,只看某個或某些有利條件,很容易會揀錯股、買錯貨;要找出值得全倉一注獨贏的股票,更不容易;要長期成功,是難上加難。

在實際操作中,和賭波賭馬一樣,注碼的分配還有方法可依,真正令人頭疼的是expected value的估算,難中之難的是,股票每次價格變動後,a、b、p、q這些變數都是會隨之而變動的,根本無從掌握。
一註 註獨 獨贏 贏買 買乜 乜乜
PermaLink: https://articles.zkiz.com/?id=229468

鳩嗚乜乜乜:fb有難 八方抽水

1 : GS(14)@2015-01-28 19:09:08





號稱有超過13億用戶嘅社交平台facebook,噚日癱瘓近一小時,Instagram都死埋,「民不聊生」,一眾網民可能咁啱食緊飯、去緊旅行,竟然唔可以即時上facebook分享,幾咁大件事呀!另一平台Twitter就相安無事,多個品牌就乘機出文出圖瘋狂抽水,趁機宣傳。可口可樂就打友情牌,話人生有起有跌,大家一起度過,仲配咗張印有facebook同Instagram字嘅罐㖭(圖);Red Bull相關品牌賬戶就話為facebook「加油」,請佢飲杯能量飲品;另有啤酒商就話大家不妨趁機會找個朋友,攞杯啤酒聚一聚,唔好掛住做低頭族。上述都算係靚抽,但有時抽水可能隨時抽到電油,例如PUMA,不解釋。費清 #要生計,也要生活#毋忘初衷





來源: http://hk.apple.nextmedia.com/news/art/20150128/19019444
鳩嗚 嗚乜 乜乜 fb 有難 八方 抽水
PermaLink: https://articles.zkiz.com/?id=287522

鳩嗚乜乜乜:撈麵碗湯點樣食?

1 : GS(14)@2015-02-24 23:33:40





撈麵,都會奉上一細碗湯(圖)。呢碗湯,成為同事之間嘅新春話題。「每夾一啖麵,都要浸一浸啲湯」、「唔係,將啲湯淋落去啲麵度,冇咁乾吖嘛」,同事阿川同大家七嘴八舌,呢個時候,好鍾意食嘢嘅Carmen好肯肯定咁講,「一乾三濕囉,咁都唔識」?大家立即Google乜嘢係一乾三濕,之後一齊扮麒麟撞佢。(大家自己Google吓就知佢同某人一樣,惡果係自招嘅。)



#食家:免食客鯁親

呢個時候,又係要費清請教專家。食家劉健威話,理由好簡單,碗湯係畀食客唔使鯁親嘅,因為撈麵比較乾,食多幾啖,就好易鯁親,所以飲啖湯潤番吓。佢又話,如果直接倒啲湯落撈麵,或者放啲麵喺湯,「咁仲使乜食撈麵箒」,而且啲麵好易變腍,啲人食撈麵都係鍾意啲麵硬身啲,彈牙啲。佢仲話,講究嘅人連食湯麵,都唔鍾意啲麵太腍,好似以前雲吞麵叫細蓉,因為細細碗,湯少啲,啲麵冇咁易腍。其實,碗麵係你嘅,你鍾意點食都得。如果你願意,你都可以相信網上嘅利瑪竇版、袁崇煥版、馬拉版解釋,但千奇唔好信一乾三濕,一切後果,費清絕不負責。



費清 #要生計,也要生活#毋忘初衷





來源: http://hk.apple.nextmedia.com/news/art/20150224/19053070
鳩嗚 嗚乜 乜乜 麵碗 湯點 點樣 樣食
PermaLink: https://articles.zkiz.com/?id=287969

鳩嗚乜乜乜:賓客反擊 出擺酒溫馨提示

1 : GS(14)@2015-03-05 08:49:39







近日網絡流傳一位準新娘畀婚宴賓客嘅短訊溫馨提示,詳細列明「2015年人情公價係$600」,呼籲親友「避免少於公價」。收到短訊嘅網友話同新娘其實唔熟,但新娘講明係分開兩張請帖畀網民同佢女友,所以人情要「雙份」。網上鬧爆新娘勁cheap。公司議論紛紛,因同事黃老闆快將小登科。大家話賓客都應該整番篇「擺酒溫馨提示」。明明姐劈頭話,「唔該準時開席,餓到肚痛,成十一點幾先走得!」女版成龍就「好心」提醒新人唔好嘥時間諗回禮禮物,「送個有你哋兩個樣嘅公仔畀我,唔知點處理」。咁又係,萬一唔小心整爛就大吉利是。佢哋又話張帖唔使夾埋新人2R結婚照,散席時都唔使送上相片,「上網睇得㗎喇,環保吖嘛」。真係環保咁偉大?費清好懷疑囉。



#酒樓公價六百元

婚禮顧問歐惠芳話,酒樓人情最新公價六百元,酒店八百元,但佢話人情係視乎交情;收到喜帖唔出席一般都會畀三百至五百元。不過如果不幸收到新人咁無禮嘅溫馨提示,佢話如果其實同新人唔熟大可以「人唔到禮唔到」。大家討論得興高采烈,做開調查新聞嘅黃老闆,行事一向神神秘秘,只係似懂非懂咁笑咗一笑。其實大家都係講笑箒,去飲係贈興唔係交易,唔使明買明賣嘅。



費清 #要生計,也要生活#毋忘初衷





來源: http://hk.apple.nextmedia.com/news/art/20150305/19064126
鳩嗚 嗚乜 乜乜 賓客 反擊 出擺 擺酒 溫馨 提示
PermaLink: https://articles.zkiz.com/?id=288216

鳩嗚乜乜乜:TVB播武媚娘CG封胸

1 : GS(14)@2015-03-27 00:55:24





「只准州官荒淫,不准百姓睇波」嘅內地劇《武媚娘傳奇》,可以話係「自由開放」嘅指標。估唔到《武》喺本港播,同封建嘅內地一樣被封胸,反而台灣就誓言絲毫不剪,為廣大觀眾福祉着想。本地大婆台毫無新意,又靠外購劇搶收視,可惜買番嚟即將播放嘅《武》,都係唔准百姓睇波。雖然唔似內地咁剪成大頭娃娃,但就用CG後期製作幫咁多位低胸女星「着衫」,喺胸口加塊薄紗。聽講話好高科技喎,塊紗真嘅一樣。真係多謝晒囉,咁使唔使報名參加奧斯卡最佳特技獎吖?



#台稱絲毫不剪


台灣就唔同,中視和中天確定3月30日播出《武》,仲強調係「絲毫不剪、完全呈現」。係咪全見版要到時先知,但費清喺中視宣告片,睇到國際范「忠於史實」嘅低胸裝確係「重出生天」,包括娘娘出浴嘅top shot(圖),仲有熟女版武則天啲霸氣女皇谷胸裝。不過,據講發行商唔准播足本,台灣係咪可以企硬要拭目以待。香港觀眾咪冇眼福?其實喺網上,都有一啲收睇台灣電視嘅網址,但費清絕對唔建議大家咁做,因為可能涉及版權問題。唉,唔怪得越來越多港人要移民台灣啦。費清 #要生計,也要生活#毋忘初衷





來源: http://hk.apple.nextmedia.com/news/art/20150326/19090411
鳩嗚 嗚乜 乜乜 TVB 播武 武媚 媚娘 CG 封胸
PermaLink: https://articles.zkiz.com/?id=288962

鳩嗚乜乜乜:澳門麥記蝦堡餐貴$6.3

1 : GS(14)@2015-04-10 08:40:31

周末心郁郁想過大海玩吓,不過澳門生活指數越嚟越高,連船飛一個人使費閒閒哋過千。費清好多馬交friends呻到樹葉都落。最近,連麥記都「蝦」馬交friends,新產品蝦堡餐喺澳門賣貴過香港$6.3。麥當勞新出嘅「菠蘿滋味蝦堡」同「滋味蝦堡」,香港澳門同步發售。不過,澳門《愛瞞日報》facebook專頁話,澳門菠蘿滋味蝦堡套餐賣澳門幣$34.3,比香港賣港幣$28貴近港幣$6.3(按1港幣兌1.03澳門幣計算,圖),同一個價錢,喺香港足夠買多一個蘋果批。



#連廿蚊餐都冇

而家香港麥當勞仲有3款$22套餐,但《愛瞞日報》話澳門早已取消所謂「廿蚊餐/廿幾蚊」優惠,「澳門食嘢要搵平嘅真係越嚟越難」。唔少澳門網民喺fb留言,羨慕港人有「22蚊餐」優惠,感嘆當地消費指數越來越高。資料顯示,澳門人嘅入息中位數約澳門幣$13,300,港府早前公佈去年5月至6月本港僱員入息中位數每月為港幣$14,800。



費清 #要生計,也要生活#毋忘初衷





來源: http://hk.apple.nextmedia.com/news/art/20150410/19107337
鳩嗚 嗚乜 乜乜 澳門 麥記 記蝦 蝦堡 堡餐 餐貴 6.3
PermaLink: https://articles.zkiz.com/?id=289433

鳩嗚乜乜乜:多啦A夢精品送到家

1 : GS(14)@2015-04-28 01:55:43

■時間布冷氣氈印有多啦A夢同老鼠大戰故事,售$280。


自從叮噹改咗名叫多啦A夢,惘然若失,好似隔籬屋由細玩到大嘅陳大文,改個法文名叫Pierre咁。不過,費清最近發覺有個多啦A夢網購站,叫做「DING DONG宅配便 X多啦A夢」,唔通大師兄返咗嚟?叮噹重出江湖?



#今日起接受預訂


非也,網站負責人SK話,個網站嘅名係讀叮「檔」,「大牌檔個檔,即係撳門鐘嘅聲,叮檔」。(吓?)佢話呢個網購站開業頭炮,搵嚟多啦A夢合推精品,由於係實驗階段,所以產品各限量發售1,000件,包括3款情景圖案印花瓷碟(一隻$160,一套$400)、造型匙叉套裝($150)、時間布冷氣氈($280)。時間布前後兩面印上以多啦A夢同老鼠大戰嘅故事;瓷碟印有空氣炮、受老鼠驚嚇時逃跑情景及百寶袋圖案。購物滿500元免費送貨,多啦A夢唔會嚟「撳鐘仔」送貨,但就會有一個多啦A夢宅配便收納盒。所有貨品今日起早上11時正式喺網頁www.dingdongtakuhaibin.com接受預訂。藤子·F·不二雄遺願「希望亞洲地區統一改以日本音譯」,90年代尾台灣、香港等陸續正名,好多細路仔淨係知道多啦A夢,叮噹將成為熟男熟女嘅回憶。(唔好以為費清真係會信咩叮「檔」先得㗎,SK擺明係熟男啦。)費清 #要生計,也要生活#毋忘初衷





來源: http://hk.apple.nextmedia.com/news/art/20150427/19126949
鳩嗚 嗚乜 乜乜 多啦 精品 送到
PermaLink: https://articles.zkiz.com/?id=289974

鳩嗚乜乜乜:凶宅是基督徒之選?

1 : GS(14)@2015-05-04 13:50:17

13萬人瘋狂入表搶購新居屋、為咗有瓦遮頭連廁所劏房都搶住租,甚至連荃灣一個400幾萬嘅單位,地產經紀都可以叫做「窮人恩物」,就知香港樓價有幾癲!近日再有地產經理出招,新港城一個實用面積338平方呎嘅單位,賣成420萬,但地產代理喺銷售單張大大隻字話「筍」,仲有一句說話好特別,講明係「基督徒之選」。費清呢啲買唔起樓嘅蟻民,見到有人話420萬都叫筍,好自卑。不過點解層樓係基督徒之選?唔通業主係虔誠基督徒,教友買樓有折扣?費清梗係拿拿臨問吓個地產經紀,地產經紀就話個單位係新港城G座一個中層兩房單位,租客啱啱搬走,仲好坦白話係凶宅,因為之前有租客喺呢嗰單位跳樓身亡。聽到呢度,大家明晒啦!費清仲聽聞,業主唔想將單位出租,想快啲甩手,所以平市價少少放售喎!不過,睇番同屋苑樓價,實用面積平均呎價要12,741蚊,呢個凶宅單位呎價都要12,426蚊,真係好平囉。若要上車,大家可以考慮吓,老土啲講句「平生不作虧心事,半夜敲門也不驚」,人不犯我,我不犯人,就鬼都唔怕啦!費清#要生計,也要生活#毋忘初衷





來源: http://hk.apple.nextmedia.com/news/art/20150504/19135029
鳩嗚 嗚乜 乜乜 兇宅 宅是 基督徒 基督 之選
PermaLink: https://articles.zkiz.com/?id=290102

鳩嗚乜乜乜:香港有屋無人住

1 : GS(14)@2015-05-12 23:00:03

呢排私樓癲價無極限,政府成日話香港地少人多,住宅供應少樓價自然貴,呢啲說法費清由細聽到大。偏偏有網民喺fb開咗個「吉宅名捕」群組,專門搜羅「空宅」(圖)。費清發現香港地唔單止好多人冇屋住,同時亦有好多屋冇人住。



#政府未反映實況

呢個群組噚日先至開張,已經野生捕獲咗好多空置樓。呢啲空宅並唔係「凶」宅,部份係發展商收樓後丟空。例如10年前已經開始收樓嘅西環大廈、炮台山木星街舊樓群等等。最詭異嘅莫過於新界東北20幾幢3層高「鬼屋」,起好丟空近10年,唔知道仲以為係大陸啲爛尾樓。費清問過群組發起人Camille,佢話政府統計全港私樓空置率只係得4.1%,所以政府認為唔駛討論點處理空置房屋。不過佢話政府只係巡查全港3%私樓單位去計算空置率,近年仲要冇巡村屋,所以呢個數未必反映到實況。加上唔少人平時又發現有好多空置單位,於是搞呢個群組,呼籲一眾網民幫手影低長期冇人住嘅私樓,一齊解構吓空宅之謎。



費清 #要生計,也要生活#毋忘初衷





來源: http://hk.apple.nextmedia.com/news/art/20150512/19144689
鳩嗚 嗚乜 乜乜 香港 有屋 無人
PermaLink: https://articles.zkiz.com/?id=290268

乜乜畢非德又衰咗 盧志威

1 : GS(14)@2016-03-31 15:02:22

2016-03-24 HJ
去年12月10日撰文〈Bill Ackman藝高膽大 投資者食花生等睇戲〉,執筆之日Valeant(VRX)股價是$93.86,早幾日Valeant最低一度已跌至$25附近,當時的諗法是Bill哥以Short Put Long Call背水一戰,大家可留意食住花生等分出勝負,結果在3月中業績後,管理層在投資者電話會議中,說話九唔搭八,前言不對後語,股價單日大跌5成,其後再陰跌,可以說Bill哥Short Put部分大虧,如果他是Short 4月50元Put的話,那大約由業績前的1.17大升二十倍至最高23.75,真正可以輸死人。

賽後檢討,Valeant的死因是過去7年,通過併購100家公司來扮增長,以推高每股盈利,由於過分進取,公司目前欠下310億元負債,如果再找不到方法減債,清盤是唯一出路。

還記得去年Bill哥還通過操作特殊情況,被譽為「新價值投資接班人」,其吹噓的故事為Valeant具有「平台價值」(Platform Value),可以通過M&A不停收購其他藥廠,壯大自己,Bill哥還豪言Valeant會年花70至200億美元來併購,寄望可以成為下一隻巴郡(Berkshire Hathaway)……

只把價值投資當口號

事後孔明點說,無論是中國人還是老外,近年妄稱畢非德或巴郡都好像沒有運行,不是失聯,就是信錯故事輸得很勁,實在很邪門,好像受到詛咒,所以當再見到這類人物出現在報紙要多加小心。

出現這種情況,是因為大家只把價值投資當成口號,而非身體力行,筆者把這類人稱為「偽價值投資者」,因為他們純粹看見畢非德賺很多錢,便為價值投資幾個中文字套上光環,而又沒有去想過,為何報紙隔一排又有乜乜畢非德,但轉過頭又衰了?

原因在於畢非德是獨孤求敗:內功高強,連身邊的雕兄都可以打贏青年楊過;招式精妙,沒內力的令狐沖用獨孤九劍,都可以打贏劍宗高手封不平;套用在投資上,就是現金流強大,巴郡每年從保險、公用、食品行業所得到的股息和現流金是天文數字,不需要掛心股價上落,只需每年把股息買入具有值博率的股票,尤其以上市公司為投資旗艦,更免除被贖回的風險,即使巴老選股偶有失誤,但整體來說沒有買入老千股,且往往有人被名氣吸納,送上市場買不到的筍Deal,每次一有牛市,便會贏得天文數字的金錢。

以上如此屈機的體系只有少數集團擁有,莫講我們這種路人甲財力不夠雄厚,強如Bill哥全盛期升到二百億美元,只要有三年跑輸大市,投資者都會跑掉,對於99%的人來說,與其單叫口號,或見到乜乜畢非德就跟買,然後輸到爆廠,倒不如認真研究,看看如何在市場中走位,例如Bill哥落難,被迫配售MONDELEZ INTERNATIONAL(MDLZ)籌集現金,由於MDLZ的前身是卡夫食品分拆出來,都是賣食品如吉百利朱古力、咖啡、餅乾等,業務穩定,股價因配股和Bill哥仍持有部分而受壓,中長線來說價值有機會被暫時低估,由於不知Bill哥風暴何時完結,最佳策略是分段慢慢買入。

?

#盧志威 #港股分析 #鴻鵠財誌 - 乜乜畢非德又衰咗
乜乜 乜畢 畢非 非德 德又 又衰 衰咗 盧誌 誌威
PermaLink: https://articles.zkiz.com/?id=298906

七級偽術:如果我係乜乜乜

1 : GS(14)@2016-11-08 05:40:16

執筆之時,「佔西」仍然持續,雙方在德輔道西對峙,形勢有點緊張,劍拔弩張,敵未動我未動,似乎人人都在等待「出事」一刻。此刻除了八卦市民如Mary雙眼緊盯電視外,相信好多行家都做緊同一個動作,不過就唔似Mary純八卦,可能已經開緊工,同管理層開緊會、通訊中,或已按危機處理指引,啟動有關程序。
Mary當然不單指警方或各大政府部門的新聞官,以至我們那位白宮發言人,對他們來說,無論主子人是否在港,都必然在努力收料匯報,幫老細度緊回應口徑。開工的,除了他們還有誰?唔,如果我是各政黨負責人,此刻當然密切留意事態發展,金晴火眼睇住差人示威者,邊個着邊個唔着,先決定明天條line如何落墨,幫哪一邊,幫又幫幾盡。如果我係各大公共交通機構的行家,此際當然同營運團隊溝通緊,做定晒群眾散或不散,幾點散的安排和相關宣佈,明早開工日,如果佔西持續,人哋點返工是大事。如果我是各大學校長和公關組,這時應如熱鍋螞蟻,到底示威者中尤其最前線最勇武那些,有冇自己學生和講師呢?如果真有學生教職員被人拉咗,記者查詢應如何回應呢?點講先唔得罪學生又不會被示作縱容學生呢?仲有,網上指某些學生會開放地方支援示威者,真定假呢?如果我係一眾傳媒之友,由中國問題專家到政治評論員、各科學者,以至玄學家,可能都要諗定記者問到講乜好兼出到位,係囉,其實從玄學角度,丙申流年係咪會流血告終先。彭瑪莉
mailto:marypang2015@gmail.com




來源: http://hk.apple.nextmedia.com/financeestate/art/20161108/19825819
七級 級偽 偽術 如果 我係 係乜 乜乜
PermaLink: https://articles.zkiz.com/?id=314392

【蘋果照相機】人逢喜事乜乜乜

1 : GS(14)@2017-01-17 01:48:59

一張照片勝過千言萬語!攝影師每日以相機拍下千百萬張照片,將一些大家看似熟悉的東西,以用不同的觀點與角度,讓你重新細看。【蘋果照相機】為大家呈現新聞重要時刻,以細膩照片,分享鏡頭背後的甜酸苦樂。蘋果攝記fb:http://bit.ly/1OlyZxX




來源: http://hk.apple.nextmedia.com/news/art/20170116/19898756
蘋果 照相機 照相 人逢 喜事 乜乜
PermaLink: https://articles.zkiz.com/?id=322723

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019