ZKIZ Archives


【蘋果VR】【隱世過菠蘿山!】快消失的「小夏威夷瀑布」

1 : GS(14)@2017-05-07 15:29:03

呢啲景啱晒一眾IG女神影相呃like



有咩可以一次過滿足晒「影呃like」﹑「呼吸新鮮空氣」同埋「做運動」呢三個願望?當然係去郊遊,親親大自然啦!將軍澳就有個既隱世又邪惡嘅瀑布—「小夏威夷瀑布」,大家唔好畀個名嚇親,只要搭港鐵就可以去到「小夏威夷」㗎喇!想360°感受一吓「小夏威夷瀑布」嘅磅礡氣勢?只要點擊以下《蘋果VR》網址:http://bit.ly/2qLBLas



氣勢十分磅礡!

對於生活喺都市嘅香港人嚟講,呢個瀑布真係一啲都唔小

「小夏威夷瀑布」之所以有呢個名,因為二十世紀初期,一位旅居香港嘅加拿大籍商人喺度開設麵粉廠,期後麵粉廠執笠;有人就將嗰度嘅儲水池改建為「小夏威夷泳場」。所以呢度就順利成章叫「小夏威夷徑」,而個瀑布就叫「小夏威夷瀑布」喇。雖然「小夏威夷徑」嘅難度只係一粒星,不過梯級都比較跣,各位hike girl唔好踢拖喇!另外提提大家,除咗做足防曬措施之外,防蚊都非常重要。事關嗰度嘅蚊十分狼死,小記當日已經着住長褲,但都畀惡蚊咬咗超過十啖,所以千祈唔好齋着bra top喇!此外,大家要好好珍惜「小夏威夷徑」,因為政府打算將將軍澳五幅綠化地帶用嚟起公屋,選址可能包括呢附近。如果落實的話,「小夏威夷徑」就可能要讓路喇。最後,醒個貼士畀一眾IG女神!如果怕攰﹑怕曬親﹑怕行到腳粗嘅話,女神們可以直接喺將軍澳村出發,唔洗十分鐘就可以直達「小夏威夷瀑布」,輕輕鬆鬆打個卡㗎喇!電腦用戶可選用Google Chrome瀏覽器,以滑鼠或方向鍵上下左右移動,360°欣賞片段。手機讀者,可率先下載全新《蘋果VR》程式,立即體驗壹傳媒集團旗下製作之所有360°影片及VR互動資訊:
iOS: http://bit.ly/ADVR_iOS
Android: http://bit.ly/ADVR_Android文﹑採:植詠珊(Cathy)剪﹑攝﹑導:Kaman




來源: http://hk.apple.nextmedia.com/entertainment/art/20170507/20013329
蘋果 VR 隱世 世過 菠蘿山 菠蘿 消失 夏威夷 夏威 瀑布
PermaLink: https://articles.zkiz.com/?id=332391

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019