ZKIZ Archives


趁市亂銀每日幾千萬上落中環在線:證券董事變職業散戶 李華華


2009-02-23  AppleDaily





 

雖 然全球政府都落力泵水救經濟,但成唔成功真係好難講,所以個股市都係似穩未穩,普通散戶就梗係心驚驚唔敢入市住啦,睇定啲穩陣啲嘛。不過有啲職業散戶就勇 字當頭,仲識掌握波動市況炒個不亦樂乎,好似天行國際(993)旗下天行聯合證券聯席董事連轉逢咁,就係趁市亂銀嘅佼佼者。

炒輪賺蝕五成即走

華 華同連轉逢傾開,原來佢鍾意玩「即日鮮」,仲要係炒賣窩輪同牛熊證,每日成交大拿拿二、三千萬銀。炒到咁勁唔通有必勝秘笈,連董話:「呢種產品以小博大, 其實都幾啱香港人性格。」但窩輪風險高,一定要嚴守止賺止蝕,升五成要即刻獲利,跌五成亦要沽清。唔好以為佢講得咁輕鬆就好易玩噃,原來佢有5個徒弟,每 朝9點開會,一齊檢閱大市資金流向同大戶報告,先會大手出擊買貨。所以話力不到不為財,想玩窩輪嘅散戶真係要做足功課嘞。仲有,實戰經驗都好重要,今年 43歲嘅連董,喺03年沙士後慨嘆「經紀唔易做」,索性劈炮全職炒輪。不過,近期連董由全職散戶,做番證券行董事,一於一身兼兩職。唔講唔知,呢間天行聯 合證券母公司天行國際嘅大股東,就係金銀業貿易場副理事長張德熙,原本叫「張氏證券」,開業40年,今年1月先改名,佢哋舊年首三季喺本港證券市場份額高 達2.18%,喺行內排名頭15,只要略升0.16個百分點就可晉級入A組,挑戰外資大行嘅地位,難怪請到連董出山。李華華 LiWaWa@AppleDaily.com
 



趁市 市亂 每日 幾千萬 幾千 上落 中環 在線 證券 事變 職業 散戶 華華
PermaLink: https://articles.zkiz.com/?id=6199

上落 百萬倉 - Start from One Million

http://philipleung168.blogspot.com/2010/11/blog-post.html


寫緊個時, 同上月結爭幾十點, 即係無郁過咁話. 但前半月一口氣升二千點, 又用半個月跌番二千點去原位, 真係顛到想嘔突咁, 可見貼市之無謂. 如學人高位睇三萬, 低位又再睇低啲, 仲話可以食哂四千點波幅, 係咪有啲嬌天真呢, 都係自己睇自己傻傻好啲.

啲人話日本迷失廿年係資產負債表式衰退, 睇吓而家歐美都幾近似. qe 浸既唔係佢地本土, 而係流哂去啲新興市場, 主因係佢地啲家庭, 市府同銀行黑洞太深, 啲現金流同吊命錢都用哂嚟填窿, 印多多都係唔會有通脹架嘞, 唔 qe 都對唔住自己嘞, 點都好過衰退啩. 閒剩嗰啲, 咁唯有局賭去新興賭番鋪, 横掂睇落輸極都有得圍, 呢個趨勢怕且下年都係咁運行.

啲人話要趨吉避凶, 咁點知邊啲係吉凶先. 如果話升緊熱門個啲就係, 跌緊被人咒駡個啲就係, 咁係咪危啲呢. 如用年頭啲電車股或零八年啲基建股做吉例, 咁斷落去咪又去番點落車既問題. 日日睇住個市同貼住啲最新公司發佈, 加埋啲投機紀律, 都可能走得甩既, 但都怕且都幾短囉. 咁得出既循環, 就係要再揾過投機既對像 (用幾個星期或月既時間, 去買賣同一個工具, 唔可以叫做投資啩), 於專業既經理或投機者, 或者可能, 但要諸一般既投資者, 咁以乎無乜可能, 再壞啲咁諗, 怕且有害仲多啲, 猶其其注碼控制同紀律性上. 所以訕笑鞭策其他博客無所進取當然無任歡迎, 但要普通人照學呢啲轉身法咁就危啲囉.

倉內今年都有大跑輸, 大跑贏, 以中旅同惠理做例, 年中都調回原起步處, 咁如好似啲人話齋沽鬼哂啲弱, 咁個倉怕且更鬼肉酸. 個思路就係個中旅個啲資產值有得托吓 (今年跌番廿幾已), 同如股價低啲, 啲生意會有乜影響先, 如無壞既效果, 係咪要落多啲注先, 就算唔買, 都唔好沽住. 如話要揾引爆點, 咁咪仲難過吼落車既時機. 如注碼平均, 怕且都有啲 so, 因跌極都有得頂吓, 升就無止既話, 起碼交易費都無咁溶, 又唔使再要左諗右諗轉乜股. 當然唔係叫你去樣樣死守, 轉係睇本質咁轉, 而唔係單睇賬面上落咁去轉.

倉內轉股主睇估值, 巴西石油真係幾抵, 咁就分啲注碼去, 又可以順手博吓啲新興奧運概念. bac 啲壞消息真係多到無朋友, 幅圖又幾鬼肉酸, 就當佢係十一蚊美紙係小雙底, 賭就賭大啲, 起碼賬面係低過 xlf 一半呢.

上落 百萬 萬倉 Start from One Million
PermaLink: https://articles.zkiz.com/?id=19790

雖則虧佬格, 但2012年初上落市居多

觀察了數星期,相信未來1至3個月上落市居多。虧佬格局,再加上星級分析員將2012年恆指預測調升至25,800(現水平: 18.851),因此筆者不相信大市有勁升之能力。無論如何,由於不少投資者相對保守,再加上央行放水,因此中期內重現八九月份的大瀉機率不高。

現時可以選擇離場,又或者是找適合的股票作range trading
雖則 虧佬 佬格 2012 年初 上落 落市 居多
PermaLink: https://articles.zkiz.com/?id=176028

高速上落

自十月份的Deep-V反彈後,十一月市況上落很快(恆指: 19734),但有幾點可以留意:

1) 由於散戶在跌市時急於沽貨(相反回升時不太敢買貨),熊証金額仍是佔優,再加上未見所謂的Distribution phase,所以反彈浪應該尚未結束
2) 專業玩家左右大市節奏,而資訊時好時壞,亦解釋反覆波動的形勢
3) 策略上以"人恐沽我買貨,人急追我放貨"為主,心理質素亦有所要求
高速 上落
PermaLink: https://articles.zkiz.com/?id=176034

看Twitter 預測股市上落?

美股日日創新高,看著道瓊斯指數,超越恆指似乎真的指日可待。本港股市升勢不及美股,但樓價節節上升,中原CCL 指數續創新高,估計不再是M 型而是真突破...  每天關於經濟股市樓價的資訊何其多,到底該如何過濾和分析資訊?木宰羊。湊熱鬧加把口,很多人告誡要提防美股超買兼泡沫,特朗普演說後或出現拋售,公眾不必盲目跟風。當市場仍有這類言論,代表大眾未瘋狂。

至於本地樓市,似乎有「不敗之身」,無人看跌兼且趕入場,就真的要小心。筆者並非看淡樓市,在低利率時代,買樓自住或投資收租,真的較租樓或手持現金保值划算。除了加入搶高價格的戰團,可嘗試細心物色市場上的筍盤,即位置佳(有未來配套發展計劃) 但交投未必活躍 (價格上落相對慢兼波動較細) ,呎價相比市價有折讓的樓盤。

近日《慧眼先機》專欄嘗試以數據分析特首選戰,當中包括計算特首參選人於選戰相關報道的人氣等。其實,大量採集媒體資訊,並加以分析的做法,早已應用在投資圈,外國有專門分析社交平台的金融訊息,再發掘投資機會或估算股價升跌的公司,學術圈亦有專門研究。



理工大學的陳振沖教授於3月中的人工智能和深度學習研討會會分享如何分析Twitter 內容並預測股價上落。翻看議程,同場還有來自意大利、荷蘭和美國的學者,專注其它社交平台、新聞公告和文字分析,再對金融市場作預測。互聯網令收集市場資訊變得簡單快捷,似乎只要數據夠多,就能了解市場反應和去向。筆者不知道實質操作和應用的成功率,但程式交易之外,在大數據時代確實值得了解相關做法。因為只要有人根據這類分析作出交易,就代表市場走勢多少會受大數據分析的影響。另外,研討會還邀請了美國聯儲局高級經濟師 Nitish Sinha,講述透過宏觀經濟數據為藍籌股估值。美股越升越有,宏觀經濟指標真的可以說明現況?  (讀者如對研討會有興趣,可參閱本欄Facebook 專頁。)

兩星期前本欄分析過發盈喜的珩灣科技(1523.HK),截至週一收市升幅超過一成。有讀者問及目標價,其實股價細,容易炒起和炒落,波動幅度會較大,不容易說出一個目標價。雖然選擇財務狀況較穩健的細價股,是不想鼓勵短炒,
但細價股有其週期性和特性。現時走勢看來平穩,未來的離場準則可考慮使用trailing stop。

[讀者優惠] 研討會八折門票 (discount code: trendalysis)
人工智能、機器學習、情緒分析的金融應用研討會詳情。有興趣的讀者,可以直接電郵主辦方aqeela[at]unicom.co.uk,並註明discout code,即可享門票八折。

此文同見於《信報》的《價值投資》專欄
Facebook 專頁:www.facebook.com/trendalysis
Twitter 預測 股市 上落
PermaLink: https://articles.zkiz.com/?id=237660

打擊見效 樓價指數終回落 挫1.3%創29周最大跌幅 短期上落市

1 : GS(14)@2010-12-18 16:13:39

http://www.hket.com/eti/article/ ... 9-216411?category=m
政府自上月19日出招遏抑短炒至今1個月,反映二手樓價的中原城市領先指數(CCL)終見回落,CCL最新報88.27點,按周下跌1.28%,為連升3周後首度回落,並創29周最大跌幅。
由於有關數據按政府出招後一周簽訂的臨時買賣合約樓價計算,反映政府出招見效。
反映上月措施後市況
CCL自政府出招(11月19日)連升三周後,終首度回落,最新報88.27點,較上周89.41點,按周下調1.28%,跌幅為自今年5月30日,因受4月底政府推出9招12式影響,而錄得按月跌幅1.44%以來,創29周最大跌幅。
中原研究部指出,有關數據是統計上周(12月6至12日)簽訂的正式買賣合約,亦即8成為兩周前(11月22至28日)所簽訂的臨時買賣合約,數字反映政府於11月19日出招後,樓價升勢受阻的情況。
對於指數反映二手樓回落,運輸及房屋局發言人表示,政府除官方數據外,亦會參考其他機構的數據,以評估樓市走勢,但他不評論CCL下跌是否反映政府出招見效。
許智文料兩周後回升
有學者認為,本周CCL的跌幅能夠反映政府出招抗炒風的影響。理工大學建築及房地產學系教授許智文認為,1.28%的跌幅合理,是一個平均數字;他又指,CCL計算的成交個案是在政策出台後才完成,指數下跌反映成交放緩的情況。許智文又相信,下周公布的CCL與本周的相距不大,預計2至3星期後可回升。
經濟學家關焯照亦認為,CCL跌幅能反映政策帶來樓價下降的影響,預計指數下周續跌,但跌幅不大,相信未來4至6周會處於橫行窄幅波動的狀態。他續稱,對比近期高峰,CCL的整體跌幅會介乎3%至5%。
但中原地產研究部聯席董事黃良昇稱,縱使政策成功迫走炒家,但並無改變影響樓市的基本因素,如低息環境,故樓價不會急挫。惟他指出,基於打壓措施引致成交量少,令價格趨勢不明確,估計短期內CCL將會在88點附近窄幅徘徊。
對於CCL計算方法出現滯後而備受質疑,制定CCL計算方法機構之一的城市大學MBA課程主任曾淵滄表示,以臨時買賣合約統計的中原城市領先指數,已經是市場上可以較快反映市況的指標,滯後時間只有約兩周。對於參照發展商5天內公布交易資料的建議,他認為,執行上存有困難,除非政府立法規管,但仍無去統計透過私人協商等途徑促成的交易。
周末預約睇樓量升2%
市場經過1個月消化政府出招消息後,樓市方向逐漸明朗,用家及長綫投資者亦開始物色筍盤。利嘉閣地產研究部數據估算,全港50個指標屋苑共錄得2,860組客戶預約在本周末睇樓,較上周末再升2%,連升三周,當中依然以用家(上車客及換樓客)為主,佔總客量比例高達64%。
撰文:馮凱婷、古廣榮
打擊 見效 樓價 指數 回落 1.3% 29 最大 跌幅 短期 上落 落市
PermaLink: https://articles.zkiz.com/?id=272132

殺入市區 水客東鐵全線上落貨

1 : GS(14)@2012-10-01 11:12:58

前幾日搭地鐵都見到唔少
http://hk.apple.nextmedia.com/news/art/20121001/18029075
以「打游擊」形式派貨
有東鐵乘客表示,朝早上班繁忙時間過後,水貨客就會湧現;旺角東、九龍塘站也開始多了不少水貨客,「一霸就霸咗成個車廂」,更在車上分貨,造成危險。市民周小姐更「見過啲貨(喺車廂)冧落嚟」。
現時水貨客多以「打游擊」形式派貨,不斷轉換散貨和取貨地點。旺角東站是水客其中一個重要根據地,記者一連兩天在下午2時左右,於該站的B出口外面目睹水貨客分貨。在分貨期間,一直有人「睇水」,只要途人多望兩眼,他們便緊盯對方。
[【粉嶺】兩名水貨客在粉嶺站月台,合力將奶粉拆箱並裝入連鎖店膠袋內。王子俊攝] 【粉嶺】兩名水貨客在粉嶺站月台,合力將奶粉拆箱並裝入連鎖店膠袋內。王子俊攝
大埔墟月台變裝貨場
首天有三名水貨客各自拖著紅白藍膠袋、手推車和行李篋互換貨品,包括化妝棉、電子產品等;換貨後再會合站內行家,一行六人浩浩蕩蕩乘港鐵往羅湖過關,貨品霸佔大半個車廂。
翌日輪到益力多軍團。下午1時45分,一輛客貨車駛至,車門一開,即見大批益力多,另外也有奶粉、電子產品及波鞋等。直到下午2時,10多名負責帶貨的水客陸續湧現取貨,之後一個接一個推著滿載貨品的手推車離開,前往坐東鐵。
東鐵沿線都有水貨客上車,貨品放滿車廂地上,令乘客極度不便。記者聽到有水貨客指,近日風聲太緊,「帶埋聽日唔帶住」。不過,也有不少人裝扮成旅客,將貨品塞入行李篋、背囊,再手提數個膠袋的貨,大包小包地湧上車。其中一名水貨客說:「我個袋裝到七條(益力多)。」也有水貨客以手挽袋運貨,用零食遮蓋底下的多罐奶粉。
大埔墟站月台更成為臨時裝貨場,五名大漢將散在月台的大批益力多,花了30分鐘時間「打包」好後,一見列車駛至,無視車上幾近客滿的擠逼,二話不說地將手推車強行塞入車內。
2 : 鱷不群(1248)@2012-10-01 14:34:46

當你打擊得上水的水貨,你就應該預了會有這種情況
3 : GS(14)@2012-10-01 15:17:47

2樓提及
當你打擊得上水的水貨,你就應該預了會有這種情況


現在仲難打擊
4 : 鱷不群(1248)@2012-10-01 15:21:30

根本不用打擊,經濟已經不好,何必再斷自己水路
5 : Ar Yan(11362)@2012-10-01 19:55:20

其實仲要過關架,唯有係自動過關部機到set出入程式,當一日多過某個合理次數,就發出響聲,俾職員留意下佢,見佢行為怪異就抖下佢

不過,可能會導致過關部機有bug出現
6 : 自動波人(1313)@2012-10-01 21:59:32

4樓提及
根本不用打擊,經濟已經不好,何必再斷自己水路


經濟幾時有好過.....
7 : KENLIN(17685)@2012-10-02 00:30:30

基本上香港出水貨係冇犯香港法律, 只係水貨入大陸犯大陸法, 所以要捉主要由大陸捉, 只要水客係香港人, 就冇犯香港法律, 而且走水貨涉及龐大利益, 要禁都禁唔曬, 與其用近乎黑社會洗場既方法打壓水貨佬, 倒不如設立大件行李集裝區, 俾d水貨佬分貨, 唔會影響d市民就算啦!
8 : hh0610(1603)@2012-10-02 00:51:33

7樓提及
基本上香港出水貨係冇犯香港法律, 只係水貨入大陸犯大陸法, 所以要捉主要由大陸捉, 只要水客係香港人, 就冇犯香港法律, 而且走水貨涉及龐大利益, 要禁都禁唔曬, 與其用近乎黑社會洗場既方法打壓水貨佬, 倒不如設立大件行李集裝區, 俾d水貨佬分貨, 唔會影響d市民就算啦!


根本就係, 只要水客係香港人, 何必阻人搵兩餐.

唔少人都賣過IPHONE/IPAD去先達, 冇水客走貨, 邊有一千幾百俾你執.
9 : 自動波人(1313)@2012-10-02 00:57:01

7樓提及
基本上香港出水貨係冇犯香港法律, 只係水貨入大陸犯大陸法, 所以要捉主要由大陸捉, 只要水客係香港人, 就冇犯香港法律, 而且走水貨涉及龐大利益, 要禁都禁唔曬, 與其用近乎黑社會洗場既方法打壓水貨佬, 倒不如設立大件行李集裝區, 俾d水貨佬分貨, 唔會影響d市民就算啦!


劃區劃地咁都得?

果欄呀?
10 : hh0610(1603)@2012-10-02 01:05:14

9樓提及
7樓提及
基本上香港出水貨係冇犯香港法律, 只係水貨入大陸犯大陸法, 所以要捉主要由大陸捉, 只要水客係香港人, 就冇犯香港法律, 而且走水貨涉及龐大利益, 要禁都禁唔曬, 與其用近乎黑社會洗場既方法打壓水貨佬, 倒不如設立大件行李集裝區, 俾d水貨佬分貨, 唔會影響d市民就算啦!

劃區劃地咁都得?
果欄呀?


冇野格, 人地走水貨冇犯法, 反正上水唔俾上貨, 咪第二度囉.
11 : 自動波人(1313)@2012-10-02 01:11:05

10樓提及
9樓提及
7樓提及
基本上香港出水貨係冇犯香港法律, 只係水貨入大陸犯大陸法, 所以要捉主要由大陸捉, 只要水客係香港人, 就冇犯香港法律, 而且走水貨涉及龐大利益, 要禁都禁唔曬, 與其用近乎黑社會洗場既方法打壓水貨佬, 倒不如設立大件行李集裝區, 俾d水貨佬分貨, 唔會影響d市民就算啦!

劃區劃地咁都得?
果欄呀?

冇野格, 人地走水貨冇犯法, 反正上水唔俾上貨, 咪第二度囉.


無問題丫,趕你去長洲上貨囉

到時坐大飛快過羅湖過關添喎smiley
12 : hh0610(1603)@2012-10-02 01:31:47

11樓提及
10樓提及
9樓提及
7樓提及
基本上香港出水貨係冇犯香港法律, 只係水貨入大陸犯大陸法, 所以要捉主要由大陸捉, 只要水客係香港人, 就冇犯香港法律, 而且走水貨涉及龐大利益, 要禁都禁唔曬, 與其用近乎黑社會洗場既方法打壓水貨佬, 倒不如設立大件行李集裝區, 俾d水貨佬分貨, 唔會影響d市民就算啦!

劃區劃地咁都得?
果欄呀?

冇野格, 人地走水貨冇犯法, 反正上水唔俾上貨, 咪第二度囉.

無問題丫,趕你去長洲上貨囉
到時坐大飛快過羅湖過關添喎smiley


人地又冇犯法? 點趕, 因為霸佔旺角站, 霸佔彌敦道?

做個樣掃掃上水就會.
13 : GS(14)@2012-10-02 10:13:28

7樓提及
基本上香港出水貨係冇犯香港法律, 只係水貨入大陸犯大陸法, 所以要捉主要由大陸捉, 只要水客係香港人, 就冇犯香港法律, 而且走水貨涉及龐大利益, 要禁都禁唔曬, 與其用近乎黑社會洗場既方法打壓水貨佬, 倒不如設立大件行李集裝區, 俾d水貨佬分貨, 唔會影響d市民就算啦!


其實寓禁於徵仲好...
14 : hh0610(1603)@2012-10-02 11:10:25

13樓提及

其實寓禁於徵仲好...


徵左啦, 羅湖東鐵車費! 仲要越徵越多! 而家徵到去上水同旺角.
15 : greatsoup38(830)@2012-10-02 12:01:25

14樓提及
13樓提及

其實寓禁於徵仲好...

徵左啦, 羅湖東鐵車費! 仲要越徵越多! 而家徵到去上水同旺角.


幾十銀邊夠
16 : hh0610(1603)@2012-10-02 12:05:32

15樓提及
14樓提及
13樓提及

其實寓禁於徵仲好...

徵左啦, 羅湖東鐵車費! 仲要越徵越多! 而家徵到去上水同旺角.

幾十銀邊夠


出師要有名. 你點收? 人頭稅?
17 : greatsoup38(830)@2012-10-02 12:07:22

16樓提及
15樓提及
14樓提及
13樓提及

其實寓禁於徵仲好...

徵左啦, 羅湖東鐵車費! 仲要越徵越多! 而家徵到去上水同旺角.

幾十銀邊夠

出師要有名. 你點收? 人頭稅?


得閒去捉下阻路阻街都夠啦
18 : greatsoup38(830)@2012-10-02 12:07:56

或者搞個乜乜牌,指定他去甚麼地方搞都得
19 : hh0610(1603)@2012-10-02 12:11:17

17樓提及
16樓提及
15樓提及
14樓提及
13樓提及

其實寓禁於徵仲好...

徵左啦, 羅湖東鐵車費! 仲要越徵越多! 而家徵到去上水同旺角.

幾十銀邊夠

出師要有名. 你點收? 人頭稅?

得閒去捉下阻路阻街都夠啦


點解要禁? 除左阻住下搭火車過關, 又冇犯法, 又冇殺人放火.

腥港人抽IPHONE, 賺果一千幾百, 都係咁黎咋喎.
20 : greatsoup38(830)@2012-10-02 12:12:41

無禁你,你有無睇過那些廢紙店,他們當呢d就是交租
21 : hh0610(1603)@2012-10-02 12:16:57

加大成本, 轉嫁大陸人而已, 羊毛出在羊身上.

所以我贊成大搞東北購物城, 增加稅收.
22 : greatsoup38(830)@2012-10-02 12:19:24

21樓提及
加大成本, 轉嫁大陸人而已, 羊毛出在羊身上.
所以我贊成大搞東北購物城, 增加稅收.


無所謂,人地買得起照樣買

稅收不一定增加,增加是政府收入
23 : hh0610(1603)@2012-10-02 12:27:22

22樓提及
21樓提及
加大成本, 轉嫁大陸人而已, 羊毛出在羊身上.
所以我贊成大搞東北購物城, 增加稅收.

無所謂,人地買得起照樣買
稅收不一定增加,增加是政府收入


沒錯, 是政府收入. 與其俾商家佬賺哂, 政府就在邊境搞個商場, 每年袋番幾百億, 人人有錢分.
24 : greatsoup38(830)@2012-10-02 12:32:18

我最怕又是賣左塊地畀發展商
25 : hh0610(1603)@2012-10-02 12:34:47

24樓提及
我最怕又是賣左塊地畀發展商


你這個懷疑, 合理. 數碼講, 是前車之鑑.

未做先懷疑, 只有兩個方式. 信佢, 就做. 唔信, 乜Q都唔駛做.


不過人地深圳唔等你, 是但攪個免稅區, 真係一了百了.
26 : GS(14)@2012-10-02 12:38:48

要政策很難的
27 : hh0610(1603)@2012-10-02 12:46:27

26樓提及
要政策很難的


你又講出重點了.

不求諸己, 反求諸人. 點解我地唔做, 而去祈求人地冇政策?

人地可以唔圍住我地轉, 甚至可以趕絕我地.
28 : 亞力士(1473)@2012-10-02 13:12:05

如果無記錯 上水水貨站响2002/3年沙士開始成形 個時經濟到谷底 好多港人靠佢番身

初時九鐵迫佢地用行李通道 又話大件唔比上車 佢地圍羅湖九鐵站 長毛仲帶頭同九鐡講數 叫人比條生路

坐大至今 仲比內地人返客為主
29 : hh0610(1603)@2012-10-02 13:15:47

28樓提及
如果無記錯 上水水貨站响2002/3年沙士開始成形 個時經濟到谷底 好多港人靠佢番身
初時九鐵迫佢地用行李通道 又話大件唔比上車 佢地圍羅湖九鐵站 長毛仲帶頭同九鐡講數 叫人比條生路
坐大至今 仲比內地人返客為主


大概是這樣.

而家趕到去旺角, 水客個人來講, 更難搵食.
30 : GS(14)@2012-10-02 13:36:16

29樓提及
28樓提及
如果無記錯 上水水貨站响2002/3年沙士開始成形 個時經濟到谷底 好多港人靠佢番身
初時九鐵迫佢地用行李通道 又話大件唔比上車 佢地圍羅湖九鐵站 長毛仲帶頭同九鐡講數 叫人比條生路
坐大至今 仲比內地人返客為主

大概是這樣.
而家趕到去旺角, 水客個人來講, 更難搵食.


咁現在又到另一個反面
31 : KENLIN(17685)@2012-10-02 19:34:00

陰謀論, 而家政府打水貨佬, 只要係針對自由行水貨辦, 本地水貨佬應該仲好生意啦!
32 : GS(14)@2012-10-03 22:00:52

31樓提及
陰謀論, 而家政府打水貨佬, 只要係針對自由行水貨辦, 本地水貨佬應該仲好生意啦!


個市價會唔會高左?
殺入 市區 水客 東鐵 全線 上落 落貨
PermaLink: https://articles.zkiz.com/?id=281630

瑞信料恒指兩年內四千點上落

1 : GS(14)@2016-05-19 02:30:00

【本報訊】大行估政策陰霾濃罩下,港股中長線均難有運行。瑞信昨發表報告指,預期2017年底至2018年初的內地政治交替完成前,內地政策方向反覆,恒指會受制於19000點至23000點的區間,意味未來兩年料只在4000點波幅間上落。十九大及全國人大將於2017年底至2018年初舉行,中共及中央政府高層職位屆時會有定案,完成政治交替。瑞信認為,現屆政府在政治交替完成前最重要任務是要保持經濟增長在6.5%及避免人民幣顯著貶值,為免分薄預防硬着陸及滙率大跌精力,內地現時並無意欲過度刺激經濟,直至明年底至後年初政治交替完成後權力鞏固,才有更大空間改革。



里昂:亞股次季見頂

瑞信因而預料,恒指及H指的底部似乎分別處於19000點及8000點,而該行目標價、即23000點及10000點,或已是兩個指數未來兩年的見頂水平。另里昂分析師Laurence Balanco指,亞洲多隻主要指數都已跌穿4月份低位,技術上確認自1月及2月的反彈經已見頂,預料亞股自1月及2月份的低位反彈料於次季見頂,並於第三季遭到拋售。





來源: http://hk.apple.nextmedia.com/financeestate/art/20160517/19615195
瑞信 指兩 年內 四千 千點 點上 上落
PermaLink: https://articles.zkiz.com/?id=300319

脫歐結果前 恒指料上落市

1 : GS(14)@2016-06-20 05:42:25

【本報訊】全球聚焦英國脫歐公投,港股本周料二萬關震盪。英國脫歐變數多,市場觀望事態發展及英鎊走勢,恒指料在結果公佈前於技術走勢關鍵的二萬關上落,惟分析料一旦脫歐成事,恒指會先下試19600點、甚至萬九關。英國脫歐憂慮略為降溫,恒指上周五隨外圍反彈至100日線(20155點)之上,收報20169點,連帶沽空比率亦降至10.9%的近兩個月低。不過全周埋單計,恒指上周仍要累跌872點或4%,連升四周斷纜。外圍市場氣氛有改善,港股美國預託證券(ADR)上周五升跌參半,綜合主要藍籌ADR表現,預計恒指今高開33點,報20203點。



一旦脫歐 或下試萬九關

獨立股評人李偉傑指,市場關注英國民眾脫歐公投意向會否再突變,故即使脫歐支持度近日下跌,投資者入市意慾亦不大,大市上周五的反彈動力未必可持續。展望後市,他指兩萬點是恒指在周四公投舉行前較具防守的水平,不過萬一脫歐發生,恒指則有機會見19600點,再下一級要看萬九關,惟倘公投結果為留歐,恒指之後料可回升並有力挑戰21600點。事實上,目前除恒指100日線處20100點水平外,以5月中低位及本月初高位計出的黃金比率,大市回調76.4%的支持水平亦在20009點,反映二萬關的關鍵。
A股入摩三度落空,富瑞報告指在結果公佈前資金已開始撤走。截至上周三止的一周,中港股票基金分別走資5.3億及8,300萬美元。至於南方A50(2822)最近兩周錄淨走資1.58億元,一改該ETF上月底至本月初共吸資63億元的情況。另外,本報調查顯示散戶續悲觀,看好後市的散戶指標,由前周的-12.16升至-6.76;至於短期有意入市者比例,則由5.56%升至5.71%。





來源: http://hk.apple.nextmedia.com/financeestate/art/20160620/19661415
脫歐 結果 指料 料上 上落 落市
PermaLink: https://articles.zkiz.com/?id=302190

期指結算前夕 港股料窄幅上落

1 : GS(14)@2016-07-26 07:44:44

【明報專訊】恒指過去兩星期走勢凌厲,但今日起港股重推收市競價機制,加上市場觀望美、日議息結果,銀證業務發展董事羅尚沛認為,普遍預期美國本月加息機會不大,但日本央行放水憧憬或落空,預期港股或向下調整,加上期指結算前夕,淡友或出動,預期本周恒指窄幅上落,初步支持位為10天線21,600點。

信誠:散戶或趁高走貨

不過,信誠證券聯席董事張智威持樂觀態度,認為期指結算前大戶會輪流撐起指數,以便於高位結算,料恒指短線上試22,600點,若深港通有消息,更可上望22,800至23,000點,但要留意屆時散戶或趁高走貨,尤其8月奧運會,市場例必淡靜,慎防港股回吐。

另外,由財政部長樓繼偉和人行行長周小川共同主持的20國集團(G20)財長和央行行長會議昨日結束,會議表示,英國脫歐增加全球經濟不確定,G20已經做好準備,積極應對所帶來的潛在經濟和金融影響。

樓繼偉:不能輕言干預債務風險

周小川稱,英國脫歐後外部環境更加複雜。中國會保持宏觀經濟政策的穩定和連續性,目前人民幣匯率對一籃子貨幣保持基本穩定。樓繼偉表示,雖然內地企業債務率高企,發生幾宗違約,但沒有系統、區域債務風險爆發,公共財政不能輕言干預。但他強調,會防範「大得不能倒」金融機構,避免發生風險而綁架國家,政府只會援助,但不會兜底。


來源: http://www.mpfinance.com/fin/dai ... 2863&issue=20160725
期指 結算 前夕 港股 窄幅 上落
PermaLink: https://articles.zkiz.com/?id=304123

繁忙時間巴士站拍劇勁NG累街坊危險上落車 洪永城耍冧

1 : GS(14)@2016-08-21 08:11:02

■洪永城在街上拍一場邊行邊想然後儍笑的戲份,但NG多次始完成。





【大前晚 西環】無綫劇集在公眾地方拍外景,不時引起公眾不便,日前洪永城於西環拍《我瞞結婚了》時,外景隊就佔用其中一條行車線,令巴士難以埋站,乘客要冒險在馬路落車,加上洪永城演技唔掂頻NG令拍攝時間延長,令更多街坊受到影響。對此洪永城向街坊致歉說:「同街坊講聲唔好意思。」並揚言有機會會到西環跟街坊影相補番數。



無綫小生花旦買少見少,為填補不足,惟有急推一眾演技未夠班的藝人上位,包括本來擅於拍旅遊節目的洪永城,拍劇僅年多的他去年在《張保仔》升做男一,結果被網民狠批演技唔掂,甚至封他為史上最差男主角。不過,縱使洪永城演技不濟,但在無綫最強後盾余詠珊力撐下,無阻他的男主角之路,在近日開拍的新劇《我瞞結婚了》中繼續擔正男一,與黃翠如飾演一對秘密夫妻。大前晚,洪永城在西環拍攝該劇外景,結果又因為演技不濟頻NG而累街坊。



【佔用馬路】■無綫大前晚在西環取景拍劇,因佔用一條行車線,令巴士難以埋站,對乘客上落車造成不便。

【無法埋站】■因無綫外景隊阻路,巴士無法埋站,乘客要在路中上落。


導演教演技

大前晚7時半左右,洪永城於西環皇后大道西取景,外景隊佔用了一條行車線,位置正處於巴士站。無綫攝製隊站在馬路上拍攝,因而令巴士難以埋站,乘客亦要於馬路落車。雖然無綫在公眾地方進行拍攝理應會向相關部門申請,但因當時正值放工時間,交通比較繁忙,無綫佔用了一條行車線,無疑令交通變得更擠塞,加上洪永城頻頻NG導致拍攝時間延長,結果對公眾更加造成不便。記者現場所見,當晚劇情講述洪永城在街上邊行邊想事情,其間他一度自high甜笑,並行到街口回頭一望。沒想到如此簡單情節,洪永城拍了8、9次也未如理想,最終要由導演教路及工作人員給意見,洪永城始順利完成一個場口,一個鏡頭拍足半小時,可見洪永城演技方面要多加注意磨練。



■另一場戲要拍洪永城入店內買粥。

■NG了8、9次,洪永城露尷尬表情。

■不用埋位時,髮型師為洪永城整理頭髮。

之後,劇組拍攝洪永城到粥店買外賣鏡頭,未知他是太熱還是擔心再NG關係,等埋位時一度大汗淋漓,不停用紙巾抹汗,最終洪永城拍了3、4次便完成收工,比之前一個鏡頭大有進步。而拍攝期間引來不少途人圍觀,有市民跟洪永城打招呼,洪永城亦笑住點頭回敬。



■劇中飾演秘密夫妻的洪永城與黃翠如,日前在中環摩天輪取景。資料圖片

道歉補番數

記者前日致電洪永城,對於拍攝阻街坊一事,他語帶歉意說:「我哋係喺西環嘅巴士站拍攝,但當時唔為意阻住啲街坊,可能當時專注於拍攝嘅情緒,冇為意到旁邊有冇阻住到其他巴士,當時我拍攝嘅時候係喺行人路嘅,但係我相信我哋嘅工作人員係禮貌。我哋冇俾途人鬧,不過就真係可能霸佔咗少少位置,同大家街坊講聲唔好意思先,有機會就去番西環同啲街坊影相補番數。」採訪、攝影:黃曉程、羅德光、何慧斯




來源: http://hk.apple.nextmedia.com/entertainment/art/20160821/19744161
繁忙 時間 巴士站 巴士 拍劇 劇勁 NG 街坊 危險 上落 落車 永城
PermaLink: https://articles.zkiz.com/?id=306734

鋤Dee會一晚千萬上落鄭裕彤孖富豪由晚玩到朝

1 : GS(14)@2016-10-13 08:09:35

鄭裕彤(彤叔)在香港超級富豪中輩份雖高,但他卻喜歡與後輩的中港富豪一齊「鋤Dee」飯局,他曾在訪問中提及鋤Dee有助腦部記憶及廣交朋友,他在自傳亦提過愛牌局,但不會瘋狂賭博:「如果你賭得比我精,我唯有迴避一下,甘拜下風。儘管我有機會贏,但我深明運氣不會永遠有,我雖然是澳門娛樂公司主席,但入賭場我也不賭,我知道永遠都是莊家贏的。」彤叔是鋤Dee會的首領人物,其他鐵腳有「大劉」劉鑾雄、楊受成、恒大地產主席許家印,以及有「重慶李嘉誠」之稱、中渝置地主席張松橋等。據可靠人士報料,鋤Dee飯局多在灣仔皇朝會、遊艇上、大劉或彤叔家中舉行,一個星期聚頭兩次。由於彤叔愛鋤Dee,高峰期試過一星期開足4、5次啤局,眾富豪的「Dee腳」由下午3時開局,玩到翌日早上6點才散。早期他們愛玩鋤大Dee,每輸一隻注碼大概為一萬元,曾試過一晚有一千萬上落,要開支票結算。直至近10年,鋤Dee會轉玩「鬥地主」,曾與彤叔交過手的富豪透露:「彤叔記牌好叻,鋤Dee記得晒仲有咩牌未出,就算玩鬥地主,佢記唔晒啲牌,自己冇『鬼』喺手,都炸咗先,好博,真係佢『沙膽彤』本色。」萬一遇上運氣不佳,彤叔都不會發脾氣,但就會要求換一副新牌。另外,玩具大王蔡志明與彤叔相識逾20載,不時定期飯局聯誼,蔡志明接受《蘋果》電話訪問時透露彤叔是他很敬重的長輩,不時獲彤叔邀請開局:「不過我唔想贏朋友錢,我去睇多,唔會落場。佢哋成班一個禮拜會有一、兩次鋤Dee局。」提到鋤Dee注碼,蔡志明笑言不方便透露:「佢哋睇心情,有時大啲、有時細啲,銀碼我見過一晚有300、400萬上落,佢哋贏咗、輸咗都唔會特登要開支票,會記低個數。佢哋個個都係富豪,都唔係話鬥嬴錢,大家都咁多錢,都係鬥下牙擦。」蔡志明從彤叔鋤Dee情況中,看到對方「牌品好人品自然好」,他說:「佢鋤Dee除咗運氣好,又識數牌,亦都好叻心理戰。佢喺賭枱同平時一樣,都係好好人,絕對唔會火爆,我就冇見過佢發脾氣,佢輸咗被人炒最多唔出聲,隔一陣又會講番笑,有時大家有少少拗撬,佢會做和事老;有朋友需要錢銀周轉,佢都會幫,當然用嚟賭錢佢就唔幫啦。」眾「Dee友」聚首一堂,除了聯誼,更會爭取機會向彤叔請教如何做生意:「我哋成班有時問下彤叔生意有咩大計,佢會幫我哋分析,有佢叫大家『去馬』,個心會定好多,佢亦都會叫我哋一齊去投資,例如上市抽新股投資。」




來源: http://hk.apple.nextmedia.com/entertainment/art/20161013/19799077
Dee 會一 一晚 晚千 千萬 萬上 上落 鄭裕彤 鄭裕 富豪 由晚 晚玩 玩到 到朝
PermaLink: https://articles.zkiz.com/?id=311851

景點亂泊上落客Uber被投訴阻塞交通

1 : GS(14)@2016-10-30 14:35:52

在公共運輸不便的洛杉磯,Uber是許多美國居民出門的首選。尤其在荷里活大道這樣熱門的觀光地標,泊車費有時甚至高達30美元(約234港元),搭乘Uber絕對是遊客省錢的好方法。然而,現在卻有市民投訴,Uber在市內景點的上落客造成交通嚴重打結。駐洛杉磯記者:陳志豪記實際走訪荷里活大道的地標中國戲院,觀光客川流不息,即使才早上10點半,已經有許多Uber在這邊上落客。其中許多遊客來去匆匆,拍了照就離開。記者在中國戲院前面等候五分鐘,的確發現有許多駕駛為了停等乘客,非法停在路旁等候,影響附近交通。記者詢問Uber司機,來自印尼的伊格納修斯(Ignutius)駕駛Uber已經一年半,駁斥Uber影響交通根本是無稽之談。他表示,重點不在Uber,而是駕駛的道德。伊格納修斯形容「總是會有老鼠屎」,有些人為了載客就是不守規則,但是他自己「都會乖乖的繞到交通不繁忙的地方去等」。他更強調,Uber的存在「大大改善洛杉磯的交通」,因為當市民可選擇搭車,他們就不會自己駕車,可以「讓路上的車流有效減少」。駕駛Uber六個月的溫迪(Wendy)則表示完全可以理解為甚麼有人投訴,她認為像荷里活這麼熱門的地方,Uber的確有可能會阻礙交通,因為「乘客可以隨便選擇他們下車的地方,的確會擋到路」。任職模特兒的洛雷娜(Lorenna)認為,自己某種程度上可能也是「造成交通擠塞的元凶」。搬到這邊兩年的她沒有買車,是Uber的忠實使用者,指Uber很方便、價錢也不貴,所以她很常搭乘。她通常都隨性的選擇自己方便的地點上下車,也承認這樣可能造成交通大亂。即使身為忠實顧客,她並不認為Uber會減少車流,因為有車的LA人還是會選擇自己駕車,「我要是有車並不會天天乘Uber」,因為累積下來「費用會很可觀」。而對洛杉磯市民的疑慮,司機溫迪表示,Uber也可以在這些熱門觀光地點「強制增設上落車地點」;「或政府可以給予兩分鐘的寬限期,讓乘客方便上落車」。而洛雷娜則從乘客角度提出建議,「Uber應該增加他們app在熱門地點的精準度」,因為這樣就能夠避免司機空等或是等錯地方了。緊貼選情即睇【美國大選】專頁:
http://hk.apple.nextmedia.com/uselection2016




來源: http://hk.apple.nextmedia.com/international/art/20161030/19817140
景點 亂泊 泊上 上落 落客 Uber 投訴 阻塞 交通
PermaLink: https://articles.zkiz.com/?id=314101

周顯:港股維持上落市 小陽春後或暴跌

1 : GS(14)@2017-01-17 01:45:41

【明報專訊】在所有的壞消息盡出之後,股市一片愁雲慘霧,market完全沒有momentum,股市卻在沒有散戶參與之時,升了1000多點,這正正應了我在這幾年一直所說的:「股市在2009年後,大部分的時間是在21,000點至24,000點之間的波幅上落,只有很短的時間,是往上突破、或往下突破,但很快又變回原狀。」

在此岔開一筆:有一名聰明絕頂的莊家講起market momentum,評語是:「唓,咪係啲人用英文名詞拋啫,有momentum,咪即係有魚囉;無,就係無魚囉。」我湊趣補了一句:「好多名詞都係咁,例如有人講做liquidity provider,咪即係打成交囉,賭場術語叫做『點火』。」

不瞓身買賣 上落市基本原則

不過,在香港的學者寫文章,其實都是用同一招,不外乎是抄抄那位外國人有過什麼理論,寫過一篇文章,講講讀後感,又是一篇文章。簡單點說,絕大部分香港學者寫的東西,都沒有腦,東抄西抄,引些英文又一篇了,香港當學者真容易呢!

在不久前,我在本欄預測,估計港股最多再跌幾百點,就要回升了,結果它並沒有跌幾百點,馬上就升。在今天,我也預測,它再升幾百點,好消息就會大出特出,市場回復小陽春,3個月左右,在歌舞昇平、大家覺得無事之時,它又會暴跌兩三千點,嚇死股民。

有人會說,喂!你這明明是「羅素的雞」,所有的纜路,都一定會斷,如果今次斷纜,又點計數先?

我會回答:「條單跳路行咗七八年,如果斷咗,咪怨自己唔好彩囉。再者,炒上落市基本原則,是絕對不能瞓身去買或賣,所以,縱是斷纜,都唔會輸得幾多啫。」

[周顯 投資二三事]


來源: http://www.mpfinance.com/fin/dai ... 9723&issue=20170116
周顯 港股 維持 上落 落市 小陽春 小陽 後或 暴跌
PermaLink: https://articles.zkiz.com/?id=322700

【暑假郵輪】沖澠六日早鳥價四千 啟德上落船夠方便

1 : GS(14)@2017-01-26 18:09:03

帶細路出門,最怕就是上機落車又搭船,以舟居勞動指數計算,比宅係屋企,下一個就係坐郵輪。皇家加勒比遊輪海洋航行者號將於7月至9月以香港為母港,有三條路線選擇,全部於啟德上船落船。郵輪公司剛推出暑假早鳥優惠,第一及第二位同房旅客享七五折優惠,以六日五夜沖繩之旅,折後$4,088起,指定航線更同時可享第三及第四位同房旅客免船費,一家四口分分鐘一萬版蚊埋單找數,旺季來計的確吸引。



五晚沖澠(停留一夜)優惠限期:1月31日或之前出發日子:7月9日、23日、28日、8月6日、20日、9月5日價錢:$4,088起查詢:RoyalCaribbeanHongKong@ facebook記者:陶思敏2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170125/19907456
暑假 郵輪 沖澠 六日 早鳥 鳥價 價四 四千 啟德 上落 落船 船夠 方便
PermaLink: https://articles.zkiz.com/?id=324189

內地加息 A股窄幅上落

1 : GS(14)@2017-01-26 18:17:56

【本報訊】前日下午,人行進行一年期中期借貸便利(MLF)操作,利率3.1厘,較上次操作提高10點子,是有MLF後首次上調利率。MLF是人行2014年所創,以招標方式向商業銀行投放資金。由於內地基準利率在2014年10月最後一次減息後就沒變化,因此MLF利率被視為政策利率,今次效果等同加息,為2011年以來首次。


國債期貨下跌

受加息拖累,昨內地債市再跌,10年期國債期貨收市跌0.79%,5年期跌0.37%。中信證券指,MLF利率上調主要為去槓桿和控制地產泡沫,以及應付美國加息後的中美息差。中金國際則指,今次加息並不是只針對美國加息及人滙,亦可能是因1月信貸大增,引發當局對通脹壓力的憂慮。
A股昨日沒有受到人行加息消息影響,全日維持窄幅上落。滬綜指早上低開9點後反覆向上,收市升0.2%,報3149點;深成指升0.4%,報9977點。臨近歲晚收爐成交低迷,昨滬深兩市成交只有2,834億元人民幣,再創去年1月7月熔斷以來新低。




來源: http://hk.apple.nextmedia.com/financeestate/art/20170126/19909234
內地 加息 窄幅 上落
PermaLink: https://articles.zkiz.com/?id=324222

騰訊帶動 恒指挾高逾200點 分析:上落波幅窄 「爆單邊」機會高

1 : GS(14)@2017-04-13 22:33:53

【明報專訊】恒指連跌4日後,昨日突然出現冚淡倉,20分鐘內由跌轉升,由騰訊控股(0700)帶動,把恒指挾高逾200點,為近4周以來最大單日升幅。證券界人士形容,近日成交淡靜,恒指窄幅上落,未來「爆單邊」的機會甚高,昨日尾市挾高,對後市有啟示作用,但亦要視乎復活節假期後資金流動方向,以及朝鮮半島局勢與法國大選等外圍因素。

明報記者 廖毅然、陳偉燊

恒指昨日轉勢是由下午3時開始,20分鐘內由低位反彈近200點,其後再在「U盤」時段挾升近50點,收市報24,313點,升225點,國指亦升42點至10,208點。但全日總成交略減至718億元。

重磅股倒升 吉利結束5連跌

恒指一舉收復周二所失的10天線及20天線,主要功臣為騰訊,該股在下午3時後突升穿230元水平,收報231元,升2.7%,收市價再創歷史新高,市值增至21,893億元。其餘重磅股如匯控(0005)、工行(1398)及建行(0939)亦在尾市倒升。吉利(0175)尾市升幅擴大,收市升3.7%,結束5連跌。

地產股未受政府打擊「一約多伙」影響

港府周二晚宣布堵塞「一約多伙」的政策漏洞,但本地地產股仍普遍上揚,長實(1113)新盤銷情未受影響,加上有股份回購的支持,股價升1.76%,九倉(0004)及信和置業(0083)亦升逾1%。

豐盛金融資產管理董事黃國英稱,多隻權重股出現同樣走勢,估計並非因為個別股份帶動,反是挾倉味道濃厚。他認為,近幾日受外圍地緣政治因素影響,恒指氣氛緊張,但即使連跌4天,亦跌不穿24,000點,反映「淡友」力量薄弱,因此市場反手挾淡倉,現時相信「淡友」已暫時撤退。

昨日大市沽空率跌至11.3%,據摩根大通的數據,昨晚牛證街貨量減少,不同收回價水平均見沽貨獲利,但牛證仍然佔整體街貨量65%,反映「好友」仍然佔優。

成交偏低 反映長假前減少持倉

第一上海首席策略師葉尚志表示,恒指近15個交易日的收市價,均在24,000點至24,500點的區間之內,上落波幅很窄,未來「爆單邊」的機會高。不過,雖然恒指昨日挾升,成交偏低反映投資者在復活節長假期前不願持倉過重。未來港股走向,須視乎「北水」走勢、朝鮮半島局勢會否持續緊張及月底開始的法國大選。


來源: http://www.mpfinance.com/fin/dai ... 8888&issue=20170413
騰訊 帶動 指挾 高逾 200 分析 上落 波幅 單邊 機會
PermaLink: https://articles.zkiz.com/?id=330343

華仔秘密搬竇養傷難上落樓梯 靠水療步行鬆筋骨

1 : GS(14)@2017-04-22 10:41:52

■劉德華未能出席前晚首映,但仍拍片幫助宣傳。



劉德華經歷51日住院後,目前正專心養傷。近日他將扶枴杖的照片放上網,令支持他的fans安心。據知華仔出院後為方便出入及照顧,以月租15萬元在尖沙嘴租住一單位。工作狂的他更循序漸進式復工,主演的新戲《拆彈專家》昨日上映,雖然前晚未能親自出席首映禮,仍然坐輪椅拍短片力撐,幫手宣傳。



劉德華自泰國拍廣告墮馬受傷,造成盆骨撕裂,入住養和醫院到出院至今三個多月,康復進度良好的他,日前放了一張撐枴杖的照片上網,當各人以為華仔正在加多利山住宅休養時,據知他跟妻女目前以月租15萬,入住尖沙嘴面積約2,000呎的豪宅。原因是加多利山華仔的卧室在二樓,以他的傷勢根本沒有能力每日上落樓梯,又因為不想改建住宅,所以決定假外求。華仔入住大廈的保安公司得知天王入住,亦應要求特別為華仔安排專用電梯出入,免跟其他人同場。



■不少華仔fans見到偶像最新錄影片段,紛紛舉機拍攝。

■《拆》片演員前晚在九展出席電影首映。

■《拆》片眾台前幕後前晚首映後撐枴杖支持華仔。

■早前華仔在網上貼出撐着枴杖的照片,表示已可站起來。資料圖片

返公司當運動

出名工作狂的華仔,近日傷勢有起色,已經不甘心閒着。據知情人士透露他每星期都會至少有兩至三日,返回觀塘的公司跟同事開會,加上主演的電影《拆彈專家》昨日上映及籌備幾套電影,所以他現身公司的次數亦漸密。事實負責治療華仔的醫生,亦叮囑他不妨多行路,保持運動以防止肌肉萎縮,每周華仔亦要回到養和做水療物理治療。前晚《拆彈專家》在九龍灣展貿中心舉行首映,眾演員姜皓文、吳卓羲、蔡瀚億等出席,因傷缺席的華仔仍幫手宣傳,現場先播出一段他的錄音:「大家好,我係爆炸品處理課嘅高級督察章在山,我今日有突發事在身,嚟唔到現場,但係我有我哋嘅No.2同一班手足,喺度同大家解除危機。」



之後再播出一段兩分多鐘劉德華的錄影,他坐在輪椅上以略帶沙啞的聲音,感謝大家配合將危機解除。他再借用《拆》片的宣傳句「拆彈唔係你想做就做,要個天批准」,改成「宣傳唔係你話想宣傳就得嘅,要上天批准」,他說:「所以個天就要我休息一輪,希望我可以再精精神神咁見到大家。一班演員未來會代替我『用生命保護生命』,去到世界各地宣傳。」而首映後眾演員及老闆林小明等更拍了一張撐枴杖的大合照,回應日前華仔放上網的照片。首映上,吳卓羲受訪時讚華仔很為人着想,姜皓文對華仔不忘宣傳感到很感動,最開心是見到他已可站起來:「果然係『華神』!希望佢快啲好番。」對於早前失落金像男配角獎,他以追女仔比喻,沒有可能第一次就可以帶回家。採訪:曹家誠、羅慧敏攝影:沈健程



■華仔老婆朱麗倩跟囡囡向蕙,與華仔一齊搬進尖沙嘴。資料圖片

■華仔拍廣告受傷至今三個月有多,他在醫院亦住了51天。資料圖片

緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170421/19996145
華仔 秘密 搬竇 養傷 難上 上落 樓梯 水療 步行 筋骨
PermaLink: https://articles.zkiz.com/?id=331166

美製造業PMI遜預期 美股早段窄幅上落

1 : GS(14)@2017-06-24 11:41:21

【明報專訊】美國上月經濟活動出乎市場意料放慢,6月Markit製造業PMI初值跌至52.1,是9個月新低。綜合PMI初值為53,為3個月低位。IHS Markit指出,雖然次季增長仍可能高於首季,但PMI相對疲軟的數據顯示,次季的反彈程度仍有風險。不過美國5月新屋銷售增長2.9%,達61萬戶,勝於預期。

由於新屋供應可能維持緊張,按揭貸款利率維持較低,就業市場穩健,持續推動新屋需求。美股早段窄幅上落。

製造業指數勁 歐元升穿1.12

歐元區的經濟活動上月亦稍為回落。IHS Markit的歐元區綜合採購經理指數初值從6年高位下滑,由5月的56.8跌至本月的55.7,是5個月低位。歐元區服務業活動下滑推低了綜合PMI數字,但製造業仍然是亮點。本月工廠活動從5月的56.8升至本月的57.3,創74個月新高。歐元兌美元升0.5%,升穿1.12。

歐盟領袖昨形容歐盟峰會有進展。德國總理默克爾稱,峰會釋出樂觀的信息,預期與法國總統馬克龍的合作有正面作用。昨公布的法國首季GDP增長率上修至0.5%,是一個月內第二次上修,反映法國經濟增長加快。IHS Markit表示,歐元區整季PMI表現仍是6年最佳。

歐元區今年GDP增長料加快

IHS Markit高級經濟師Chris Williamson表示,隨着歐元區GDP上季增長0.6%,按6月的PMI數據推算,次季GDP增長率可能加快至0.7%,增長的層面廣泛。

Capital Economic分析師Jessica Hinds預計,歐元區今年GDP增長將加快至2%,可望是2015年最快,但預料歐洲央行在2019年前也不會收緊貨幣政策。

(綜合報道)

[國際金融]


來源: http://www.mpfinance.com/fin/dai ... 9386&issue=20170624
製造 PMI 預期 美股 股早 早段 窄幅 上落
PermaLink: https://articles.zkiz.com/?id=336664

恒指窄幅上落 傳外管局研重啓QDII2

1 : GS(14)@2017-08-29 01:46:00

【明報專訊】被視為美國總統特朗普幕後大腦的白宮首席策略師班農離職,企業業績普遍向好,但恒指仍只窄幅上落,昨日乾升107點,成交進一步回落至819億元。收市後有傳內地重啟QDII2(合資格境內個人投資者)計劃,分析表示,市場靜待本周陸續出爐的中資股業績,以及即將舉行的Jackson Hole全球央行年會。

大市沽空比率回升至11.59%

彭博社引述知情人士稱,國家外管局已草擬計劃,以重啟QDII2,人民銀行對外管局提交的可行研究進行了評估,並準備在國務院批准後便推出,但具體重啟時間將視「十九大」之後的市場情况,以及資本跨境流動情况而定。報道指,試點城市將包括上海及天津等,試點城市的居民將維持每年5萬美元換匯額度不變。

QDII2是在2013年首次提出,是一項允許境內個人投資者買賣境外股票及債券的計劃。但2015年中港股災後,內地擱置了QDII2,同時亦暫停發放QDLP(合格境內有限合伙人)額度。但近月A股及人民幣回穩,今年5月內地傳將重新發放QDLP額度,上月又把香港的RQFII(人民幣合資格境外機構投資者)的額度大幅擴大至5000億元人民幣。

港股全日高低波幅僅135點,收市報27,154點,升107點,國指升57點至10,751點。大市沽空比率升至11.59%(見圖),是超過1個月高位。

分析:獲利盤湧現 料呈上落市

第一上海首席策略師葉尚志表示,投資者現時普遍「畏高」,獲利盤湧現,限制升幅。但他認為即使整固,上周底部26,800點亦守得穩,估計未來恒指將呈上落市,期望中資金融股在發布業績後,能接力成為推升大市的火車頭。

平保連升6日 曾見上市新高

昨日平保(2318)盤中一度突破歷史高位,收市則報60.65元,升0.75%,連升6個交易日。中海油(0883)績前做好,升3.7%。內房股亦起動,華潤置地(1109)及中海外(0688)分別升3.1%及2.8%,恒大(3333)勁升18%。


來源: http://www.mpfinance.com/fin/dai ... 2982&issue=20170822
窄幅 上落 外管局 研重 QDII2
PermaLink: https://articles.zkiz.com/?id=340463

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019