抆耳仔深蹲200下中三仔遭體罰致屙血
1 :
GS(14)@2016-02-04 17:23:56馬來西亞一名中三學生遭老師體罰200次「抆耳仔」蹲站，結果操勞至內出血及血尿等，要留院治理。15歲的受害人上月20日晚投訴腰、下腹劇痛及小便出血，父母帶他往醫院求診，醫生安排他留院治療及觀察9日，到3日前才出院回家休養。受害人母親周二向傳媒表示，兒子上月15日無撿垃圾、上月18日無打掃班房及清理窗戶，與其他同學同遭一名男教師體罰。醫生指受害人腎臟經脈及肌肉受損形成內出血，造成血尿。受害人家長不滿男教師的體罰方式造成愛兒身心受創，適逢他今年要考鑑定試，擔心因事件而影響學業。受害人家長周一報警求助，要求警方及教育部展開調查。馬來西亞《詩華資訊》
來源:
http://hk.apple.nextmedia.com/international/art/20160204/19478901
曹敏莉三仔出世嗌夠數
1 :
GS(14)@2016-12-10 13:30:11■曹敏莉昨在微博貼三仔Leo的相片報喜。
現年34歲的曹敏莉（Mandy）為03年港姐冠軍，早年嫁給金融才俊張家傑，育有囡囡Dora及囝囝Marco，Mandy今年又再陀B，原定預產期是下月。不過昨午5時許，她在微博報喜，宣佈囝囝提早出世，她留言：「多謝大家嘅祝福。我哋母子平安。能夠順利生baby Leo，我哋衷心多謝所有醫護人員。」Mandy接受本報訪問時表示：「我而家休息啦，多謝關心，三個寶貝夠晒數啦！」
曹敏莉
另外，台灣藝人林心如今年7月跟霍建華結婚時已懷有三個月身孕，預產期是明年2月。前日她在facebook貼出近照，並留言：「最後一項任務，完成！明年見啦。」相信之後可以專心待產。採訪：唐琛悠
來源:
http://hk.apple.nextmedia.com/entertainment/art/20161210/19860494
80歲未結過婚趙世曾三仔女唔同媽媽
1 :
GS(14)@2017-02-19 13:59:41現年80歲嘅富商趙世曾，身邊女伴輪流轉，絕對係位多情公子。趙世曾膝下有兩子一女，分別係長女趙式芝、次子趙式浩同三子趙式正，雖然係咁，趙世曾其實從未結過婚，三位子女分別由三個紅顏知己所生。姚煒趙世曾同趙式芝媽媽姚煒喺77年相識，兩年後姚煒為趙世曾生咗大女趙式芝，不過喺同一年，姚煒終於忍唔住趙世曾嘅風流，離開咗對方身邊。07年姚煒出席活動就話過樂得清閒，變番單身亦係佢嘅理想生活方式。盈盈前影星盈盈84年為趙世曾生咗趙式浩，不過阿仔出世唔夠兩個月，趙世曾被發現同台灣女星裴在美拍拖，盈盈無奈之下執行李，想帶埋阿仔返加拿大，但臨過海關被趙世曾申請嘅禁制令截住。最後因為盈盈要到美國生活，加上覺得跟隨趙世曾生活條件較好，同意阿仔跟爸爸生活。
Terri Holladay雖然趙世曾主張拍拖唔結婚，但喺92年曾經同越南裔女子Terri Holladay訂婚，仲生埋細仔趙式正。兩人95年分手之後，仲試過以婚約對簿公堂，趙式正最終跟住媽媽生活。
來源:
http://hk.apple.nextmedia.com/entertainment/art/20170219/19933021
Next Page