連環拳狂捶阿媽頭衰囝為乜咁重手？
1 :
GS(14)@2017-05-13 05:33:54母親節將至，浙江溫州卻上演了兒子暴打母親的一幕！近日，在當地永嘉一眼鏡城，一名年輕媽媽帶着身穿校服的兒子前來配眼鏡，其間兒子只顧着玩手機。媽媽接過店員找的零錢後，將錢放在兒子的手機上，疑因遮擋了屏幕，阻礙他玩遊戲，兒子瞬間情緒爆發，不段用右手暴打母親的頭部，就連店員也看不過眼，上前阻止並指摘其行為。兒子暴打母親的全程，被店內閉路電視拍下，隨後被媒體曝光。有目擊者爆料稱，兒子疑似是嫌棄母親為他配的眼鏡價格便宜，而出手打她，但從閉路電視畫面見到，兒子似是因母親將紙幣放在手機屏幕上後，才突然暴怒，並動手毆打她。但無論原因為何，有網友就認為：「子不教，母之過」、「這種兒子掐死算了」。有人則批評該名母親「自作自受」、「挨打的這位母親該好好反思一下以後要怎樣教育了，不然這孩子以後就是社會的一顆毒瘤」。網易
來源:
http://hk.apple.nextmedia.com/international/art/20170513/20020171
【飲食籽】女兒患癌修補關係 開通阿媽：她都要有自己的生活
1 :
GS(14)@2017-05-14 10:51:51藍衣的李惠儀（儀姐）與女兒馬倩瑩（阿V）
【飲食籽：母親節】「人應該有一個成長階段，不可經常與父母一起，每個人都會想尋求自己生活，我都會想。」道出這句話的是李惠儀（儀姐），說來灑脫。以往，她日間是辦公室助理，放工後打理家頭細務，趕頭趕命……。終日為生活奔波，家庭關係卻變得疏離。如今她是一名待業的主婦，自得其樂，生活重心轉回自己。轉變源自女兒患癌，死亡當前，重新審視疏離的關係。
儀姐五十有多，一頭短髮令她比實際年輕。拍攝期間，她與女兒馬倩瑩（阿V）一同製作薄餅，「我很喜歡食這個，很香！」儀姐笑道，當中有番茄、芝士、羅勒……都是些普通食材。不過由阿V主理，立刻聲價十倍。儀姐愛吃阿V弄的薄餅。「落多些芝士！」「媽媽，很多了！」翻看片段時，亦不時傳出儀姐的聲音「很好玩，拍片真好玩」，笑得開懷，語帶興奮；反觀女兒熟悉拍片，神情自若，感覺角色是倒轉了。雖然偶有意見不合，「我來洗！」「不用洗了，我轉頭會洗。」「我來吧！」「都說不用了，你又不知我放碗碟的位置。」……一來一往，不過小爭吵不傷感情。母女心裏明白，此「吵」並不同彼「吵」。
患病期間的朝夕相處，令二人明白相處的珍貴，「好像回復小時候與媽媽的關係。」阿V道。攝於2007年
十年前，阿V確診淋巴癌，阿V形容，當時猶如無聲電影，當中只有畫面掠過。
愛心Pizza 搓出美味關係
「十多歲時，我喜歡出外玩，喜歡與朋友一起多些。」阿V邊說邊笑得腼腆。儀姐接着說︰「當時她處於求學時期，我又不了解（她），亦不包容，故當中有很多衝突；佢有時出去玩，又不在意讀書，會夜歸……」敵對的價值觀，往往令雙方關係僵化。如何化解？有時生活不容得你多想，其後阿V患上淋巴癌，生活改變了。「大家都不知說甚麼好，亦未知如何準備自己心情，雙方都靜下來。」阿V形容，當時猶如無聲電影，當中只有畫面掠過。「當醫生證實了是淋巴癌，我有九個月沒工作。」儀姐立即向當時公司要求停薪留職，照顧女兒，「她有病時，我的腦空白一片……那時不會想死亡，醫生叫你如何做，你就如何去做。」兩年後阿V康復，過往的朝夕相處，令二人明白相處的珍貴，「好像回復小時候與媽媽的關係。」過往那段簡單的親密關係。經歷了生死，女兒康復，母女關係好了；惟家庭關係卻敵不過狹窄的空間。「大家生活在小屋中，生活習慣不同，很易有磨擦……所指的磨擦是空間不變，但（負面）情緒累積。」沒有宣洩渠道，怎會沒有爭執？阿V指出隱藏的問題，500呎的小空間，四人共處，「就算有爭執、磨擦，你哪裏都去不到，難道每次有爭執都往街走？無可能。」這何嘗不是大多數香港人所面對的？曾經有段時間，儀姐感到迷茫，經常鑽牛角尖，情緒很差。「以前好像忘我了，沒有自己，只有家中一對子女和老公，每天壓力很大，去做一些協助他們生活的事，完全忘了自己的生存價值。」慶幸子女長大，她也學習放手。約一年前阿V搬走，儀姐看得通透，「我們相處了30年，她才搬走，她都要有自己的生活，不可以每天都陪在我身邊看戲、飲茶。」關係需要空間，親密與壓迫只差一線吧！
翻看片段時，亦不時傳出儀姐鏡頭背後的聲音，「很好玩，拍攝真好玩」，笑得開懷，語帶興奮。
儀姐愛吃阿V弄的薄餅，當中有番茄、芝士、羅勒……都是些普通食材。
記者：湯珮然攝影：許先煜、王國輝（部份圖片由受訪者提供）編輯：譚寶君美術：利英豪
來源:
http://hk.apple.nextmedia.com/su ... t/20170514/20019297
【動畫●千古難題】阿媽老婆跌落海救誰？世界仔救女友：媽睇唔到呢條片！
1 :
GS(14)@2017-05-14 10:51:52阿媽和老婆兩人同時跌落海，你會先救誰？
一百萬的情境題，阿媽和老婆兩人同時跌落海，你會先救誰？這個千古難題真的考起不少男士，我們就趁母親節到街上追問港男們。港男們聽到問題已經面有難色，說話口齒不清支吾以對，究竟是怕老婆扭耳仔，還是驚阿媽藤條燜豬肉？立即睇片！
沒有女朋友的年輕人，當然毫不猶豫先救媽媽。
「落水救人要帶救生圈，順便給旁邊那位。」這位年輕人就提出兩全其美的辦法。
馮先生霸氣回答：「我兩個都救，因為我兩個都愛，我不會偏心救一個，就算犧牲自己都要救兩個。」
記者：黎婉婷攝影：許先煜、徐振國2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170514/20020444
【問爆你阿媽1】你初吻幾時？ 假如我做咗人哋第三者...
1 :
GS(14)@2017-05-18 02:14:18母親節點慶祝好？最好梗係同媽咪情深對話！媽咪Yan好緊張追問囡囡Sissy幾時初吻，Sissy話發生喺亞馬遜......~
母親節點慶祝好？最好梗係同媽咪情深對話！三對母子母女，媽咪Estella+仔仔Jeff、媽咪Yan+囡囡Sissy，同埋媽咪Elaine+囡囡Sanke互相問問題，究竟仔女有幾了解阿媽，阿媽又有幾清楚自己仔女呢？第一回：愛情篇！第一條問題就令三位媽咪都好興奮：「你嘅初吻喺幾時？同邊個？」媽咪Estella話從來無問過仔仔Jeff呢條問題，Jeff就答得大路啲，話中學初戀咪Kiss過囉！媽咪Yan都好緊張咁追問囡囡Sissy，Sissy就交代得清清楚楚喇，話初吻發生喺亞馬遜......
講到初吻，仔仔Jeff話未成年就錫錫，媽咪Estella就關心問多句...
講到愛情，媽咪Elaine話有擔心囡囡Sanke嫁唔出...
假設題1，媽咪問爆仔女：「如果我同你另一半一齊跌落水，你會救邊個？」仔女都話睇下邊個唔識游水就救邊個，仲話會搵個識游水嘅另一半，咪唔使煩囉！不過媽咪Yan就話有另一個答法...至於仔女就問爆阿媽：「有冇擔心過我嫁唔出／娶唔到老婆？」、「如果我做咗人哋嘅第三者，你會點？」三位媽咪講出真心話，媽咪Yan聽到「第三者」直頭發火添，即刻去片！記者：鄒倩婷（阿仙）攝影：陳家文、峰剪接：Roy
來源:
http://hk.apple.nextmedia.com/entertainment/art/20170515/20021770
【問爆你阿媽2】有冇偷睇AV？偷睇日記咁恐怖？
1 :
GS(14)@2017-05-18 02:14:19問到有冇偷睇日記，媽咪Yan嘅答案最恐怖！
三對母子母女，媽咪Estella+仔仔Jeff、媽咪Yan+囡囡Sissy，同埋媽咪Elaine+囡囡Sanke互相問問題，究竟仔女有幾了解阿媽，阿媽又有幾清楚自己仔女呢？第二回：生活篇！敏感題，仔女問爆阿媽：「你有冇睇過AV？」三位媽咪一聽AV都窒一窒，諗一諗，有定無？佢哋都誠實回答。私隱題，仔女再問爆阿媽：「有冇試過偷睇我日記或電話？」媽咪Estella同媽咪Elaine都話一半半啦，「咁你手機擺枱面，行過咪望吓囉！」至於媽咪Yan就......囡囡Sissy聽完，大叫「好恐怖呀你！」你的第一次，仔女繼續問爆阿媽：「第一次飲醉酒係幾時？」三位媽咪都話無乜飲酒，不過媽咪Yan就大爆囡囡Sissy落蘭桂坊飲酒嘅趣事......
問到有冇離家出走，囡囡Sanke坦白話有，真係擔心死媽咪喇！
至於媽咪Estella同仔仔Jeff，對「離家出走」就有另一番經歷！
生活題，輸到阿媽問爆仔女：「我電話號碼幾多號？」三個孝順仔女都記得晒阿媽嘅電話號碼，不過，倒返轉問阿媽，佢哋各自都有兩至三個仔女，會唔會混亂咗阿哥、家姐、阿妹、細佬嘅電話號碼呢？阿媽再問爆你女：「你有冇諗過離家出走？」囡囡Sanke自爆初中反叛期試過，媽咪Elaine話嗰時擔心到死，後來先知Sanke係去咗同學屋企。至於囡囡Sissy就話唔會離家出走，就算鬧交鬧到癲咗，都一定唔會離開現場，因為離開便輸了！而仔仔Jeff無試過離家出走，只係大學住宿舍搬走過四年，媽媽Estella喊住話，當時個心竟然係想趕佢走......即刻去片！記者：鄒倩婷（阿仙）攝影：陳家文、峰剪接：Roy
來源:
http://hk.apple.nextmedia.com/entertainment/art/20170515/20021778
【問爆你阿媽3】假如送你去老人院...會唔會唔生我？
1 :
GS(14)@2017-05-18 02:14:19唔知媽咪Elaine嘅大仔同細女聽到，會唔會呷醋呢？
三對母子母女，媽咪Estella+仔仔Jeff、媽咪Yan+囡囡Sissy，同埋媽咪Elaine+囡囡Sanke互相問問題，究竟仔女有幾了解阿媽，阿媽又有幾清楚自己仔女呢？最終回：關係之最！最愛，仔女問爆阿媽：「最鍾意邊個仔女？」標準答案：「無分，一樣咁錫！」不過，啲仔女唔係咁睇喎......最嬲，阿媽問爆仔女：「最嬲我嘅一次？」話晒兩母女，邊有隔夜仇，講到嬲，Sanke同Sissy都話諗唔到。不過仔仔Jeff就大爆，有次真係堅嬲，連媽咪Estella都反問：「你真係有嬲過我o架？」無錯，事源係雨傘運動......
最啱timing，仔女問爆阿媽：「生我嗰時係咪最啱timing？如果再揀，你想幾歲生我？」媽咪Estella同媽咪Elaine都話計劃好生仔仔Jeff同囡囡Sanke，時間啱啱好，不過媽咪Yan就話：「太早生喇！」竟然仲話，如果再揀唔想生添！咁咪無咗Sissy囉！？最後，阿媽問爆仔女：「將來你會搬出去，定會同我住，定送我去老人院？」你以為一齊住係標準答案？No, No, No......即刻去片！
兩母子邊有隔夜仇，不過有一刻真係嬲...
媽咪Yan竟然話如果有得揀，唔想生！Sissy陰公豬...
深情後記：
Sissy給媽咪的話：「雖然你話想無生過我同哥哥，但係其實你都係40歲唧，都好後生嘅，可能你嘅青春就40幾歲先開始，你嘅人生係調返轉，所以唔使擔心，我會放你出去o架！」
Yan給囡囡的話：「唔需要搵好多錢，諗住要照顧屋企，總之你想做自己鍾意做嘅嘢，咁就無問題o架喇！」
Sanki給媽咪的話：「我聽到你好在乎老人院嘅話題，唔使擔心喎，我哋一定會照顧你！」
Elaine給囡囡的話：「希望你快啲搵到男朋友！」
Jeff給媽咪的話：「媽咪，教咗我同大佬廿幾年，我哋終於成長喇！希望喺豐收期嘅日子，同你，同埋天上嘅Daddy，一齊享受生活！」
Estella給仔仔的話：「努力！繼續展開你美好嘅人生，唔使成日擔心媽咪嘅身體，人生自自然然會老去，我哋享受目前大家美好嘅時光！」祝各位媽咪母親節快樂！記者：鄒倩婷（阿仙）攝影：陳家文、峰剪接：Roy
來源:
http://hk.apple.nextmedia.com/entertainment/art/20170515/20021787
【母女對調2】阿媽做番23歲阿女 扭腰擺pose影IG
1 :
GS(14)@2017-05-18 02:14:52Jace根據自己的日常生活安排了三個任務給媽媽，分別是背稿做主持、影IG相和到二手店買衫。
一年一度母親節，小時候花心思畫心意卡，長大了卻總忙着工作、見朋友和拍拖，心意惟有折現。如果你時常嫌棄媽媽不理解你的煩惱，但事實上你也不知道她在家裏為甚麼而折騰，難得有節日為由，不如來個身份交換大挑戰，讓媽媽重拾年輕的滋味，女兒則成為家庭主婦代做家務。
媽媽真心表示，「做女兒」最辛苦是要戴着大耳環和塗紅唇膏。
媽媽這張照片功架十足，po上IG也「呃」到不少likes！
背稿對媽媽來說是一大難關，所以她特別佩服女兒的演藝才能。
體驗女兒一天日常生活 上鏡做主持影IG相難倒媽媽
23歲的陳凱詠（Jace）是一名音樂主持，希望讓媽媽體驗自己的日常生活，「上班主要是訪問藝人、介紹新歌或MV，約朋友吃東西和買衣服，有空時會出去拍照。」故這次安排媽媽即場背一篇約百多字的稿，然後面對鏡頭介紹歌曲。女兒興奮道：「我沒有看過她背稿和上鏡，所以十分期待。」陳媽媽努力背稿，雖然無法成功背完整份稿，但勝在表情和語氣搭夠。陳媽媽自問不是上鏡的材料，所以特別佩服女兒的演藝才能，「她從小到大習慣上台朗誦，相反我沒甚麼經驗面對一大班人說話，所以我十分不習慣，我起初以為很容易，原來一點也不簡單。」她自言是女兒的忠實粉絲，每個社交平台的動態和演出都不放過。
Jace經常在一家二手店買衣服，原因是夠便宜，不過媽媽似乎不太認同，「我不知道她在甚麼地方買衣服，她有提過的，我只擔心衣服的衛生程度，太便宜的衣服，我擔心洗一次便不能穿了。」Jace挑戰媽媽在那家二手店用50元買兩件衣服，而且一件要適合自己的風格，另一件要適合女兒的。不消十分鐘，陳媽媽便在店內選定了兩件心頭好，而且最後只花了25元完成任務，不過她直說：「不會再去了，衣服擺放得太密密麻麻了，轉那個圈要轉幾次，所以有點累，今次要扮她就算吧，下次她自己來買好了。」雖然口裏說着不會再來，但媽媽看來也十分自豪。作為一個年輕人，Jace平日愛拍些風格照上載到社交平台，而媽媽也有一個Instagram戶口，不過全為了追蹤女兒與朋友的動態，自己鮮有拍照，更莫說是更新Instagram。所以女兒Jace特地安排了任務──要媽媽模仿她的姿勢拍照。隨時隨地拍照更新社交平台，對媽媽來說絕對是一大挑戰，她說一點也不好玩，「很累，始終我不年輕，要我像後生女一樣擺甫士，腰又柔軟，甚麼都要做，我硬呀，老骨頭，很辛苦。」陳媽媽賣力擺甫士，三張作品也「入型入格」，絕對比得上女兒平日的照片。
交換身份體驗讓媽媽重拾年輕的滋味，女兒則成為家庭主婦代做家務。
女兒常向媽媽施展撒嬌功力，媽媽照舊擺出不在乎的表情，不過心裏應該甜滋滋的。
少見不代表感情差 母女自有一套溝通方式
三個任務，對媽媽來說毫不簡單，但她一直努力完成。問到女兒對媽媽表現的感想時，她看着媽媽說：「我想不到你會跟我做這件事（交換身份），我也很開心可以達成，成就屬於我倆的紀錄和回憶。」陳媽媽戲稱：「最累當然是要戴着這對大耳環和塗紅唇膏。」事實是女兒的不規律日程更讓她感吃力。正所謂「女大女世界」，陳媽媽慶幸女兒有交帶，夜歸也好，旅遊、甚至到外國當半年交流生也好，她也事事交代清楚，不過女兒覺得仍不足夠，「我留在家裏的時間不多，雖然我會交代好行蹤，但治本是要多留在家，我覺得是心的問題，看你有沒有屋企心。」相見好同住難，即使同住二十年，衝突理應少不免。但當問及Jace和媽媽上次的爭吵時，兩人異口同聲表示沒有吵架，Jace說：「很少吵架，最多冷戰。見面的機會已經不多，要學懂避免衝突。」媽媽點頭認同：「難得有時間見面的話，還是向她展示多點愛吧。」母女倆會談心事，不過有些話題也是可免則免，女兒直言：「你沒有辦法否定兩代人思維的確有差別，價值觀不相同，有些話題談得太深入是沒有意思的。」媽媽和應：「留一點空間給大家吧，有些事情猜到便好。」女兒和爸爸都是大忙人，要享受家庭樂也非易事。難得騰出一天時間三口子出外散心，陳媽媽總會諸多藉口推辭，但女兒卻堅持要出去玩玩，最後即使媽媽玩得開心卻總是口硬，Jace說：「她會說『畀面你㗎咋！』」她續說：「其實媽媽很簡單，只要陪她做她愛做的事情，買些盆栽、吃瀨尿蝦，或者就算留在家看電視，她也開心。」
後記
媽媽我們都愛，但疼媽媽不是人人都會。如果無辦法做到陪伴，有「屋企心」也自然會創立到一種溝通方式。祝願天下母親母親節快樂。記者：鄧天蔚、封愷瑜攝影：張志孟、蕭志南2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170515/20021438
【母女對調3】阿女逆齡扮阿媽 買漏葱倒瀉湯搵唔到鑊鏟
1 :
GS(14)@2017-05-18 02:14:52母女調換身分，由女兒Jace洗衫抹地煲魚湯，陳媽媽笑言：「試過你就知味道！」
阿女逆齡扮阿媽 洗衫抹地煲魚湯
買餸、煲湯、洗衫、抹地，這些似乎是「係阿媽至做」的事，換作由平日衣來伸手、飯來張口的女兒負責，結果會怎樣呢？「我覺得會善後得好辛苦。」只見陳媽媽嘖一聲，反了個白眼，「會好混亂，要抹廚房，好辛苦咁做多次。」彷彿腦內已滿是女兒手忙腳亂快把廚房炸掉的畫面。陳媽媽雖非全職家庭主婦，家務卻由她獨自打理。她笑言丈夫和女兒Jace是「妲己」，「好似癱咗咁坐喺度唔郁！」於是，今次她藉着與女兒交換身份的機會，安排了三項任務給Jace完成，無非想女兒明白：「唔好成日倚賴阿媽啦，阿媽都好攰㗎！」
陳媽媽給Jace的三項任務，皆為她平日獨自負責的事。
第一任務是行街市買餸，媽媽提示要和檔主溝通，也可用平價買到靚貨。
第二任務是煲魚湯。Jace在廚房手忙腳亂，不禁慨嘆為何平時阿媽教煲湯時不聽書。
第一項任務是去街市買白鰂魚。陳媽媽邊寫任務紙，邊露出一抹「今次仲唔死」的奸笑，「咪以為好易啊，其實我都唔識揀靚嘢。去到街市要有禮貌同檔主溝通，佢哋就會幫你揀靚嘢。」Jace甫接過任務便一臉疑惑，「白鰂應該係魚吧？我連白鰂係點樣都唔知，試試吧。」平日甚少下廚的Jace，曾陪同媽媽去街市買餸，知道菜檔、魚檔的位置，中途雖忘了買葱，不過正職為主持的她發揮親和力，哄得菜檔主買薑搭條葱之餘，更從魚檔主那兒取得煲魚湯貼士，成功買齊材料，返家煲湯！不過廚房才是真正戰場，「我媽唔鍾意我行入呢個範圍，就算我會煮某啲餸，佢都會話：『你都唔識，等我嚟啦。』佢覺得我會搞到個廚房好混亂。」看來Jace確實了解媽媽的擔憂，而陳媽媽也確實了解女兒。只見Jace不但忘了買必備的魚袋，更倒瀉熱湯、弄掉番茄、被熱油燙到，在廚房內尖叫連連，「我媽見到咁樣應該會擰晒頭。」
第三任務是洗衫抹地，除消毒液似乎倒得太多，其他總算做得有板有眼。
Jace很了解媽媽口是心非的個性，「佢飲完魚湯一定好多嘢講，可能佢內心好開心嘅，但唔會係行sweet嘅路線。」
至於最後一個任務洗衫抹地，相比下似乎容易得多。陳媽媽投訴Jace經常更換衣服，卻不幫手清洗，讓她一日要洗兩三次，「好誇張！何況晾衫都係一門學問，所以等佢洗次衫，就唔會再換衫換得咁密。」只見Jace一手抽起洗衣籃，將衣服放進洗衣袋分類，似乎做得有板有眼。話口未完，她盯着消毒液沉思，低聲說：「唔理喇，就咁啦。」就直接把消毒液灌進洗衣機，盡顯豪氣。嗯，腦海裏已想像到那陣濃烈氣味。「叮噹！」是媽媽回來檢驗成果的時候。Jace把魚湯裝進暖水壺，原來這是平日媽媽為懶得翻煲湯水的Jace和爸爸常做的事，「佢煲好湯後，一係我哋即時喺屋企飲到，一係通常我都唔喺屋企，所以佢會裝入暖水壺，等我夜晚返到屋企用暖壺飲熱湯。」盛起熱騰騰的湯，撲鼻而來一陣魚鮮味。陳媽媽嚐了一口，初步給予正評：「齋飲湯唔睇過程都算合格，不過過程乾唔乾淨就唔知啦！」讓媽媽翻看過程，阿媽說女兒怎會用鉗煮魚，女兒反駁說找不到鑊鏟，阿媽沒好氣道：「你睇你幾愛呢個家，鑊鏟放喺邊都唔知！」你一言我一語，十足冤家打情罵俏，笑聲此起彼落，好不熱鬧。想起女兒事前預想媽媽的反應：「佢一定好多嘢講，可能佢內心好開心嘅，但唔會係行sweet嘅路線。」這次扮媽媽後，應該體驗到做媽媽的辛酸了吧？Jace卻搖頭稱否，「我做一次咋嘛，抱住玩樂心態，當然覺得好玩開心，但媽咪每日都做同樣嘅事，咁多年都係，我係唔會明白嗰種不斷重複做嘅辛苦。」女兒擔心自己和爸爸經常工作至夜深才返家，獨留媽媽做完家務看電視，讓她倍感寂寞。陳媽媽卻一臉不以為然：「OK嘅，我會自娛㗎嘛！」女兒的豪氣爽朗，明顯深得媽媽真傳。從前母親節，Jace甚少送禮，卻總會畫下心意卡一張，送給媽媽，陳媽媽開玩笑道：「係呀佢好孤寒㗎，送呢啲要使錢呀嘛。」Jace續說：「心意嚟㗎，有無搞錯。」媽媽遂認真道：「係，物輕情義重，好多人好羨慕。」今年母親節，有甚麼想和媽媽說的？Jace一手搭着媽媽膊頭，撒嬌說聲：「媽咪I love you。」媽媽點了點頭，仍是慣常的一臉冷酷，別過頭道：「得㗎啦，收到。」心裏應開出花來。記者：封愷瑜、鄧天蔚攝影：張志孟、蕭志南2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170515/20021452
Next Page