《幕後玩家》 賤男Bosco 搞散黃翠如蕭正楠
1 :
GS(14)@2016-11-29 07:55:28大台劇《幕後玩家》就嚟大結局，開始進入高潮，有角色開始變奸，又會有角色會死，感情關係七國咁亂，要幾複雜有幾複雜。黃翠如嘅角色顧成雙都ready變奸喇！喺劇中同「Sean」蕭正楠離婚；不過有網民就覺得翠如BB始終太靚女，點奸都奸唔嚟，唔多buy翠如BB做奸角喎。話晒翠如一直做「乖乖女」嘅角色，演技要跳出觀眾「框架」都唔係咁易！網民嘅評價係「翠如好用力咁話俾我哋知佢開始變奸」、「我覺得係翠如做唔到奸角，不過翠如呢種性格奸起嚟好恐怖」。跟住就嚟劇透……小心小心!!
o依家劇情暫時講到翠如一直以為Bosco係好人，唔知對方害死間接胞弟陸永，仲想同Bosco聯手，對付家姐陳煒。之後劇情嘅發展又係估唔到，Bosco同老婆(龔嘉欣)同情婦(劉佩玥)分手後，會走去撬老友牆腳，狂追翠如BB；「雙黃」連成一線攞咗間公司嘅控制權。跟住翠如BB會越變越衰，利用完蕭正楠就同對方離婚，轉去同Bosco喺埋一齊。嚟緊仲有兩星期就大結局《幕》劇，啲衰人呼之欲出喇，不過原來除咗Bosco同翠如BB之外，仲有一個「幕後玩家」，到底邊個會係最終Boss呢？
來源:
http://hk.apple.nextmedia.com/entertainment/art/20161129/19849186
太古廣場：幕後玩家開年是咁的
1 :
GS(14)@2017-01-05 08:06:18開爐日，先同大家講聲新年快樂！不過喺office就唔多快樂，雖然話一個月唔夠又放多幾日新年假，須知上巿公司的宿命就係過咗年就要準備舊年條數。無錯，敝公司係十二月計year end的。而全年業績又出得零舍早，介乎喺兩位李生——國寶同超人中間，兩個半月去執十二個月嘅數，仲要有晒圖表、巿場數據、powerpoint同埋老細講稿，你都咪話唔頭痕。「家姐，printer返咗稿喇」。除咗份通告之外，無乜人睇嘅「大書」——即係份年報（順帶一提，「細書」即係中期報告，薄身好多），先至最揦脷。大書通常遲通告半個月出，你以為一月頭開始做已經好早？哈，舊年十二月頭我哋已經要同designer house傾design，用咩風格同style，要配合乜嘢相。太似舊年嗰本又唔得，完全唔似樣又唔得，有時真係勁羨慕本嘢可以hea出嗰啲同業。同designer house傾掂晒啲design就開始同printer合作，我哋一路掟啲內容畀佢哋，佢哋就放落個template，偏偏呢啲位先keep住出事。「喂點解呢一頁啲字size係9，下一頁明明係同一個section但size變咗8？」「跨版兩個框點解會爭咗3mm？好明顯喎」。「喂我入畀你嗰張圖line graph，灰色線同藍色線點解掉轉咗㗎？」就係呢啲嘢都會執成兩個幾月，而且越多內容入落去就會越多錯，到cut off嗰日我同Connie要落printer幾乎不能倖免。幾乎要sign off一刻先發現appendix啲細表左上角「千美元」字體有啲大有啲細，統一番嗰廿幾個表嘅size，再等得printer改同print同翻check，sign off得嚟已經1點，然後聽日準時返工唔該。當然呢啲一年只得嗰一次，而且拎住本墨水味勁攻鼻嘅大書時，其實又真係鬼死咁有滿足感。代各公司奉勸所有股東一句，收到公司啲大書睇多兩眼呀，有血有汗㗎真係。雖然講到咁大工程，業績同年報呢啲畢竟只係定期工程，有晒框架有晒時間表跟住去做。最驚反而係啲預計唔到嘅嘢，例如啲客出事畀唔到錢，或者發生工業事故，無得準備嘅事先係最得人驚。同做人一樣，返工放工辛苦有咩大不了？至少所有嘢都係預計之中。2016年有唔少生離死別，但至少世界照常運作，我同你都好哋哋繼續做到隻狗咁，其實已經好感恩。感性完繼續chur業績，家姐我農曆年尾嗰幾日仲要飛日本㗎，呵呵呵！【家姐教路】新一年又開始，有啲信用卡又再接近到期日喇。唔用就記得同銀行講定唔續，唔係又一張新卡會送到。最近好多卡都有哩數優惠，唔少人都開多咗新卡。提提你哋，越多信用卡，信貸紀錄會越差㗎，你張張都定期找數都係咁話。信貸紀錄越差，去銀行借按揭、借私人貸款個息都會高啲㗎。關家姐
http://fb.com/kwangajei本欄逢周三刊出
來源:
http://hk.apple.nextmedia.com/financeestate/art/20170104/19885422
【PokemonGo紀錄】半年吸金近10億美元 玩家為孵蛋共行87億公里
1 :
GS(14)@2017-01-22 02:18:06雖然《Pokemon Go》熱潮已退卻，但絕對稱得上是歷來最成功手機遊戲。根據外國網站引述市場調查員App Annie統計，《Pokemon Go》於2016年7月6日上市（香港上架日期是7月25日）後，短短半年間就錄得5億次下載量以及估計收入達9億5,000萬美元，吸金能力超強！對比《Puzzle& Dragons》及《Candy Crush Saga》分別需要超過400日及250日才能達到8億美元收入，《Pokemon Go》只需時110日。另一個關於《Pokemon Go》有趣的統計是到底全球玩家為了孵蛋步行了幾遠？早前開發《Pokemon Go》的Ninantic的全球市場總監Archit Bhargava，就透露全球玩家累積步行了87億公里。到底87億公里有幾遠？以環繞地球一圈大概只是40,000公里計算，《Pokemon Go》玩家已環遊地球超過217,000次！
資料來源：Venturebeat文：布偉倫2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170121/19903835
跳脫玩家
1 :
GS(14)@2017-02-08 22:31:45穩陣設計的時裝雖然可以細水長流，但偶爾的冒險與實驗卻是趣味所在。Miuccia Prada不折不扣是位冒險家，她創作的早春系列是個濃縮的運動世界，從航海、跳傘與潛水等擷取靈感，跳脫地用上五顏六色與卡通印花圖案，撞出意想不到的幽默感。
黑色樽領衫$7,250橙色印花裙$16,000粉紅色印花風褸$20,950拼色襪$1,300藍色高踭鞋$6,300
雷達圖案背心$10,800雷達圖案裙$12,100黑色風褸$10,450藍色印花外套$10,450
Paradigme黑色手袋$19,100花飾涼鞋$8,500
今季系列以輕盈的布料製成實用服裝，風褸與短裙是基本的配搭，猶如攀山繩釦的腰帶上再夾着另一件風褸，與民族風的拼色襪子混搭出非一般山系風格，加上一雙充滿玩味的潛水短靴，上山下海沒難度。服飾採用了多種鮮明色彩，又印上充滿童心的卡通圖案，以阿茲特克人、印第安人和冰島人為主題，展現不同文化的圖騰與特色。另外又有天氣雷達圖印花，帶點科幻味，與甜美girly的花花與蝴蝶結細節構成對比。
頭飾$750粉紅色背心$10,800紅色外套$27,000黑色短裙$10,800
Bibliotheque白色手袋$23,900紅拼黑高踭鞋$6,950
綠色印花風褸$20,950腰帶$1,450綠色印花裙$12,100
心形圖案高踭鞋$8,000
【旅行專用袋】
Prada的手袋配飾都延續服裝的運動感，絎縫布料的背包上綴有金屬釦，方便掛上旅行用品；民族風的鮮色幾何圖案也貫穿手袋設計，為經典款式換上活力一面。
絎縫背包$12,400
Esplanade拼色手袋$21,000
幾何圖案絎縫手袋$15,300
造型及撰文：趙潔恆攝影：郭賢興示範：Kate M of Mission化妝：Angel Wong 髮型：Harry Lau
來源:
http://hk.apple.nextmedia.com/entertainment/art/20170208/19920910
【專題籽】90後紙幣玩家 舊港鈔活字典
1 :
GS(14)@2017-02-09 23:44:52年紀輕輕的Anthony，認為香港銀紙的投資價值雖然不及中國市場寵大，但只要願意花時間買對潛力貨，也會有穩定升幅。
【專題籽：港情講趣】鈔票如同股票，不同年代、款式、面額也影響升值潛力，升跌潛藏不少學問，但圈子狹窄，有青黃不接的情況，難得90後收藏家張頌昇（Anthony）將興趣變事業，更開設專頁及實體店與志同道合分享銀紙上的光怪陸離，近日更首次將珍藏展出，晒冷香港鈔票典故。
年紀輕輕的Anthony，受爸爸收藏郵票的影響，有收集閃卡、錢幣、黑膠等習慣，2008年購入首張紀念鈔，自此愛上收集紙幣，常提到「銀紙幾好玩」的他，從網上展覽會及其他收藏家羅致心水貨，現擁有五萬件銀紙貨幣，單是紙幣已過萬張，「我會收集世界各地的銀紙，後來發現香港銀紙的設計特色隱藏很多不為人知的歷史，便開始從舊香港銀紙入手，上幾代人沒有保存銀紙的概念，市面數量有限，舊銀紙便更加珍貴。」累積多年的收藏及書本經驗，最過癮不在於過程，而是如何透過銀紙探索歷史，「早期上世紀20年代的香港銀紙，已經近乎無人識睇，真假難分，研究價值高。」尋根究底的精神令他將興趣變麵包，坦言銀紙確實有價有市，但無心學習，只為賺錢而收藏也難以堅持。現在通行的香港銀紙多以神獸、民間景物為設計元素，Anthony手上的銀紙最常見是鬍鬚佬、光頭佬、英女皇、神話女神，設計風格充滿羅馬色彩，「60年代滙豐發行的五百蚊紙上有一個光頭佬，他是滙豐以前的高層，地位甚高，銀紙也印有他的肖像。」這張五百蚊紙面積約12厘米×19厘米，比A5紙較細，俗稱「大棉胎」，當年面額等於一般市民兩個月多的人工，「如此大面積的銀紙當然放不入銀包，亦因為面額大，所以很多人會摺叠收藏在煙仔罐、餅乾罐或者褲頭，防止遺失。」充滿殖民地色彩的「鬍鬚佬」一蚊銀紙，是香港政府在30年代發行的第一張一蚊，「鬍鬚佬」肖像查實是英女皇祖父「英皇佐治五世」，是當年面額最大的銀紙。
香港政府早期發行以雙面印刷的五仙（左）、一仙（下），是30年代通用的貨幣。
BWC印刷公司$1樣鈔 發行年份：1923銀行樣鈔印有「Specimen」一字，而印刷公司的樣鈔則打上「CANCELLED」字眼。
滙豐銀行$1 發行年份：1935早於二、三十年代的銀紙其實已有水印防偽，銀紙上還為水印設計橢圓形窗口位。
香港政府$1 發行年份：1935俗稱「鬍鬚佬」的一蚊，嘜頭其實是英皇佐治五世，後因其離世便進行回收及轉版。
最罕有 印刷廠樣鈔索價兩萬
要數坊間最罕有的，必定是樣鈔，當中以印刷公司製作的樣鈔更為罕有，20年代出品的滙豐銀行一蚊索價兩萬元。「印刷公司的樣鈔號碼不是用000000開頭，而是用000001至300000號，是印刷銀紙之前的最後檢查程序，數目更少。」 Anthony最鍾情有利銀行60年代發行的一百蚊紙，「60年代大部份銀紙也採用單色印刷，這張一百蚊紙則用了彩色，背景是香港地圖，發行量少於一百萬張，在市場上一百張中只有一張。」俗稱「地圖」的有利銀行一百蚊紙，與滙豐銀行頗有淵源，皆因滙豐銀行在50年代已經收購有利銀行，但有利銀行當時仍然有印製銀紙，有人說「地圖」設計原是應用在滙豐銀行的60年代一千蚊紙上，但面額太大，最後轉放在有利銀行的一百蚊紙上，而有利銀行於70年代中便停止印製鈔票。要保存銀紙的故事，遇上知音人之餘，儲存方法也相當嚴謹，「無論是新紀念鈔或近百歲的舊銀紙，首先要將銀紙放在防酸的膠套內，防止它與空氣中的酸性物質有化學反應，令其發黃，然後再放入防潮箱。」儲存地點也要盡量避開光線，因為光會令銀紙上的墨水變淺色，若長期暴曬在射燈下，也會影響銀紙的質素，削弱市值。
印度新金山中國渣打銀行$100 發行年份：1946渣打銀行前身「印度新金山中國渣打銀行」，印有老爺車圖案的綠色一百蚊紙，又稱「老爺車」。
滙豐銀行$500 發行年份：1968「大棉胎」五百蚊價值相等於一般市民兩個多月的人工，當年好少見。
有利銀行$100 發行年份：1973俗稱「地圖」的一百蚊，印有彩色香港地圖，在60年代開始印製，以1964年頭版最為罕有。
金銀滿貫賀新禧日期：即日至15/2地點：大角嘴福利街8號港灣豪庭廣場
Facebook：anthonycheungcollector
記者：王佩兒攝影：伍慶泉編輯：潘肇南美術：利英豪
來源:
http://hk.apple.nextmedia.com/su ... t/20170209/19921884
【幕後玩家專訪】團隊真心話：落選對阿sir係最好結果
1 :
GS(14)@2017-04-10 23:33:04曾俊華競選辦在67日間，成功編織出香港至今最為人津津樂道的競選工程，甚至被形容是「夢想辦」，為他贏得30多年公職生涯的民意高峰。新媒體的戰場要快而準，競選團隊中由三間公司合作組成的「創意及社交媒體部門」，可說是近年最佳示範；最終曾俊華失落特首這份「衰工」，不少港人大感可惜，不過一眾「幕後功臣」卻真情剖白：「落選對阿sir係最好結果！」記者：黃翠儀創意團隊成員Secret Tour鍾振傑（Stephen）、Feva Works柳宇澄（YC）及Photoblog盧勁業（Alex），坦言合作前從未想過三間公司能如此有默契，當中有些項目由構思到執行，最短時間可能只是十多分鐘以內的事，當初各人如何「埋班」？原來競選辦成員羅永聰（阿聰）分別向他們招手，YC回憶正式合作前，「四個大男人喺間好鬼靚嘅酒店傾咗成晚」，他甚至覺得那一夜猶如「民主BB班」，當日阿聰談到，雖然明知特首選舉是一件千二人的事，但他們卻決定將目光放在全港七百多萬港人身上，「佢話唯有咁先可以令巿民成為成件事嘅主角」，繼而迫使對手就一定要就此作出反應，不能視民意如無物。最後團隊中各人政治光譜雖有差異，但曾俊華的信念及團結香港人的目標，成為凝聚一眾成員的「最大公因數」，而團結不能解決所有問題，「但團結係第一步」。加入競選團隊後，眾人長期在競選辦最靠出的「細路仔房」內開會，雖然執行細節上各有分工，但每個項目的構思可謂「你中有我，我中有你」，屬於整個團隊的成果。團隊自稱為「細路仔」，而競選辦中一些資深前政務官員等則被稱為「大人」，Stephen笑言「我哋團隊真係做到we同connect」，他直言「唔係我哋做得特別好，其實我哋都係講人話咋嘛」，但因有一個讓他們自由發揮的領袖，「你成日聽到林鄭點點點，好少話林鄭及其團隊，相反呢段日子會成日聽到曾俊華及其團隊，係一個『we』字嚟嘅」。而「connect」亦能代表香港久違的「黃藍」及兩代人破冰，他指自己在競選辦中認識了「藍營」朋友，發現其實雙方有不少共通點；「老和幼」亦有聯繫，例如年輕人提出新穎的活動建議，前輩們就指正執行上有何困難。競選期間，曾俊華一直掛在口邊的「一個人邊可能識晒所有嘢」、「相信一個人，不如相信每一個人」，似乎在團隊中真的能辦到。Stephen形容，「我哋Day1 present成個campaign，同宜家出到嚟嘅嘢有9成係一樣」，能獲得「老闆」如此信任，即使在廣告界中亦不常見，若只論工作環境「簡直係天堂啦」，YC亦笑言這段日子「好似返緊教會」。和「阿sir」相處多日，團隊透露他就如曾太所言愛說冷笑話，例如立法會議員黃碧雲生日，曾生就說了一句「Oh！Have a big one！」也許這種幽默並非人人明白，但卻悄悄地拉近眾人關係。3月26日選舉旅程告終，有人灑淚痛斥小圈子選舉的荒謬，有人感嘆制度不變萬事休矣，縱然掌聲歡呼聲悅耳，惟一夜過後香港其實仍未見曙光。當日團隊成員亦有到點票現場，Alex指事前已有心理準備，所以未感到太大落差，現時處於「沉澱階段」，究竟這一場美夢對香港有何影響，要下結論還是言之尚早。不過選舉過後，團隊和「阿sir」的關係未有劃上句號，YC笑言「我哋已經冇利用價值」，但還是會相約去看電影、用膳。眾人坦言「落選對阿sir嚟講係最好結果」，YC提到臨近投票日，商台DJ森美祈禱時直言「為阿sir好就希望阿sir選唔到，但為香港好呢就希望阿sir選到」，當時他們亦有同樣感受。選舉結果雖然令成員們失望，但同時又為曾生鬆一口氣，希望他好好享受退休生活，「最希望佢遠離政治」。Alex形容，「佢係一個令你好想親近嘅人，但係咁多人都想親近佢又唔想令佢好攰」，所以每一、兩個月能見一見面已經很好。
來源:
http://hk.apple.nextmedia.com/news/art/20170410/19985913
玩家需買Credit落bid
1 :
GS(14)@2017-06-16 01:54:29【本報訊】「一仙拍賣」的意思是產品由0元起叫價（bid），每一次bid價錢都只會上升0.01元，即1仙，而用戶每落一個bid就要用1個Credit，每個Credit價錢為0.8元至4元，如果在出價後10秒內都沒有人再出價，用戶就贏得這件產品。
拍賣輸家將失去Credit
每一個Credit有如籌碼，用作「下注」落bid，贏家可以低價買到iPhone等貴價產品，輸家將失去籌碼。Oction設有「Buy Now」選擇，用原價購買產品，投入的Credit將全數回贈。以一部6,388元的iPhone7為例，如以每個Credit4元計算，一部iPhone以10元成交，背後代表一眾玩家已花1,000個Credit，即4,000元，這個情況下Oction就要蝕2,378元。不過，如果以100元成交，代表已花上1萬個Credit，Oction收到最多4萬元，賬面賺33,712元。周柏豪指，一部iPhone7要回本，至少去到55元，即5,500個Credit，當中計及一些免費派出的Credit以及大量買入Credit的平均價會較低等因素。不過，賭場可將籌碼轉換回現金，Oction的Credit是不可以換錢，只可以花在拍賣上。
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170615/20056560
陳偉琪挑逗VR玩家
1 :
GS(14)@2017-08-02 06:15:17【2017香港動漫電玩節】陳偉琪（Vicky）、張沛樂（沙律）和楊舒婷昨日在動漫節出席VR遊戲活動，透露遊戲下任女主角是三上悠亞。沙律三女在遊戲內跟玩家有不同互動，Vicky拿生果做出不少挑逗動作，令玩家有幻想，她不擔心成為性幻想對象：「我控制唔到，但應該唔會嘅，呢個遊戲可能想教啲男仔點同女仔相處。」沙律則笑言只扮可愛小狗，拍攝當磨練演技。葉梓嵐在另一攤位玩直播，早前歐遊順便影寫真集相，有SM綑綁場面。她自言曾玩直播時被言語性騷擾：「有人私訊問我鍾意男仔乜野size，我答越大越好，佢就傳佢嘅陰莖相畀我，嚇親我。」採訪、攝影：王連連
來源:
http://hk.apple.nextmedia.com/entertainment/art/20170801/20107643
Next Page