收市閒情：今年財圈「柒事回顧」
1 :
GS(14)@2018-01-08 01:07:26一年容易又年結，又到「收市閒情」財圈「柒事回顧」。第七位出得嚟行，拎住張夠勁嘅卡片，真係素人變神人！有日你遇見剛轉工嘅陳生，「家陣貴寶號係？」「呢張我卡片……」睇住佢靦腆尷尷尬尬嘅表情，你再望望張卡片，你就明了，「咩話？你間公司叫熊貓綠能（686）？」人起朵你起朵，邊度能呀？睇過？唔少公司都想借改名轉運，咁熊貓綠能前身係咩？就係聯合中伏……第六位中國有樣國術係舉世聞名，嗰樣嘢叫「老翻」！A貨手袋、波鞋、電話……你諗到諗唔到嘅，「沒有假貨的淘寶」都會幫到你。今年4月，香港出現一件神奇事，「喂喂！大陸有份全購絕密通告流出，聯眾（6899）G.O.價4蚊，狗衝無誤。」結果份流出嘅通告，係真係流嘅！原來只要加「機密」兩隻字，唔理來源係咪中國，大家都會以為自己執到寶。第五位一個屎忽鬼，如果識包裝，佢最多俾人話「賤格」；但如果佢屎忽得來唔識包裝，咁就係賤格的白癡。中環摩天輪原瑞士營運商Swiss AEX不獲續約，投資推廣署即時割蓆，將官網摩天輪「成功案例」delete。繼Uber同Gobee.bike後，投資推廣署再一次俾人發現，借外國公司領功，然後過橋抽板，cheap出國際。第四位李澤楷投資嘅網媒Stakk，原本氣勢如虹，仲捧紅咗一班主播。結果係點？係有個「神級」CEO，話班staff「太本土」，一次過發癲式炒晒所有員工。一個人有能力短時間建立一個好好嘅平台，然後又極速將佢化整為零，化為烏有，一舖清袋，真係只有神先做到。至於Stakk以我認知，先變成一個長輩圖page，然後……然後佢封咗唔畀香港人睇了。第三位正所謂阻人發達猶如殺人父母，想當日iPhone X上架，一眾成功F5「F」出部電話嘅炒家，人人諗住即開即食即賺一皮嘢，點知，渣打（2888）信用卡用家，未出機先cut單；去到抽新股，小散戶衝去抽閱文（772），又點知，都係渣打，喺一個講AI嘅年代，抽新股要打電話落飛，仲要冇人聽，就算打得通，sorry，冇孖展！不過你又點估到，doo到盡頭便是賺！批iPhone X炒家，唔單止要多謝渣打幫佢Cut單唔使變蟹，仲賺埋渣打賠嘅Asia Miles！渣打，希望你2018，搞好system。第二位2017最出位新股，一定係健升物流（8457）！正所謂，爆竹一聲除舊歲，新股敲鑼棍都甩！想當日10月18日，健升主席黎健新，於上市儀式以打Golf姿態，三、二、一，大大力一敲，銀牙，支棍飛走了！至於股價，除咗頭幾日喺水面外，至今未上過水面。第一位上年「收市閒情」2016財金風雲人物，第五位燒山/蕭若元，今年成功標尾會，先憑2年前預言，終於燈死樂視；至於Bitcoin死狀更恐怖，本來於20,000美金高位徘徊，點知燒山12月22日唱好Bitcoin，即日Bitcoin就洗倉式暴跌，真係即日！最低更跌穿11,000美元！粗略計算，高位計損失1,500億美元市值！＃多謝燒山，令今年「柒事回顧」有個圓滿ending，＃燒山好嘢！千頌C
Tag:千頌C,收市閒情,柒事回顧,熊貓綠能,投資推廣署,Stakk,渣打,健升物流,燒山,_mt_投資
來源:
https://hk.finance.appledaily.co ... e/20171227/20256139
中資領風騷 恒指收市新高 騰訊市值10年飈4萬億 港資相形失色
1 :
GS(14)@2018-01-22 04:58:28【明報專訊】港股在2007年10月30日創出收市高位31,638點，事隔11年，這紀錄終於在昨日打破。恒生指數昨早高開84點後，愈升愈有，並且在收市競價時段進一步「嘜高」至31,904點全日高位收市，急升565點或1.81%，創歷來收市新高，逼近歷史盤中高位31,958點。港股整體市值增至36.1萬億元，比07年高位23.19萬億元大增55%。但從比較市值最大的一批公司來看，新增市值集中在跟科網相關的中資股上，港資股反而多停滯不前（見圖）。
收報31,904點 港股市值36萬億
2007年時恒指成分股僅得43隻，騰訊（0700）、友邦保險（1299）及「濠賭股」均未納入恒指，今日恒指成分股增至51隻。過去10年，不少港資及英資股原地踏步，今次升市主要是因為更多中資股加入成分股，及得到科網相關股份市值勁升帶動。這10年間，騰訊市值暴增4萬億元，加上近期借互聯網金融連番炒高的平保（2318）市值大升73.9%，令港股市值大增。反觀港資股，李嘉誠旗下的長和（0001）跟當年的和黃市值相若，新鴻基地產（0016）只是微升，只有港交所（0388）及恒生（0011）的升幅較大。
港股昨日升市主要集中於內銀股、騰訊、港交所及平保，騰訊及蒙牛（2319）等多家大藍籌創下歷史新高，反之石油股及領展（0823）逆市下跌。港股成交更高達1646億元，不過相比2007年10月30日時的1856.81億元成交少。在港股收市後，外圍股市繼續挺升，恒指夜期昨晚一度升至32,015點，即突破港股歷史高位31,958點，但至零時30分，已回落至31,918點。
陳德霖：經濟良好 提防震盪
金管局總裁陳德霖昨早出席亞洲金融論壇時表示，現時實體經濟的表現不錯，不過他對財經市場有點憂慮，不少過高的估值明顯帶有風險，但市場似乎低估或忽視了地緣政治風險，例如朝鮮半島和中東，亦有可能爆發新的貿易糾紛；另一項潛在風險是市場正在估計，即使在聯儲局利率正常化後，美國和西方國家通脹依然會保持溫和水平，均衡利率低於以往水平。他指任何一個風險成形，市場很可能會有急速回調。現時經濟情况和展望良好，但他認為應經常提防震盪。
基金經理譚新強﹕非「慢牛」亦未屆泡沫
證券界多看好港股繼續創新高。交銀國際董事總經理兼首席策略師洪灝認為，在美元年內難以走強下，將繼續對新興市場及港股帶來幫助，預期港股可續創新高。建銀國際證券研究部董事總經理兼聯席主管蘇國堅則表示，以他所見，在美債吸引力減少下，愈來愈多新資金流入市場，他維持上半年大市可高見34,500點的看法。
中環資產投資行政總裁譚新強更認為，就算港股目前已非「慢牛」，但仍非泡沫。美股未至出現泡沫，反之美國減稅刺激企業盈利進一步增長，港美兩地的市盈率繼續有差距，將支持後市上升。
來源:
http://www.mpfinance.com/fin/dai ... 0284&issue=20180117
北水低撈騰訊內銀 港股倒升收市
1 :
GS(14)@2018-02-04 21:11:54【明報專訊】隔晚美股大跌逾300點，拖累港股昨日早段繼續尋底，惟北水淨流入增加，並大舉低撈騰訊（0700）及大型內銀股，帶動港股自低位反彈最多600點，並倒升收市。總結1月份，恒指升9.92％，是2012年以來最佳開局。北水單月淨買盤多達765億元，是歷來單月流入最多月份。
全日北水近60億 流入工行最多
北水自昨日早段起持續大幅流入，半日淨流入已達25億元，全日多達59.76億元，重返兩周前的高位，主要流入工行（1398），滬深港股通合共有8億元淨流入該股，該股昨日亦升1.8％至7.4元。建行（0939）及平保（2318）亦分別錄得2.45億元及1.85億元淨流入，帶動兩股分別升1.8％及2.7％。至於騰訊亦繼續受北水追捧，昨日淨流入4.52億元，該股昨日收報463.6元，全日升0.4％，較盤中低位反彈近2％。
國指全月累升15.8％ 跑贏恒指
總結全月，港股通合共有765.11億元淨流入，是歷來最多北水湧港的一個月。港股全月則累升2968點或9.92％，以百分比計是2012年以來最佳的1月份，以點數計，單月升幅僅次於2015年4月份。國指全月累升1852點或15.8％，跑贏恒指，農行（1288）及中信銀行（0998）均累升逾三成。至於恒指成分股，表現最佳的則是追落後的華潤置地（1109），全月累升36％。
恒指昨日最低跌至32,330點，較周一創出的盤中新高33,484點，累跌1154點。然而調整似已完結，單日最多反彈603點，收市報32,887點，升279點，國指升172點至13,561點，全日成交1768億元。即月夜期繼續反彈，最多高水逾百點至32,991點。
交銀香港高級經濟及策略師梁志麟估計，美國科技股即將進入業績期，有望帶動外圍回穩，並有利港股。然而他相信，農曆新年前投資者仍有可能沽貨獲利，但大型科技股及內銀、內險股一旦再調整，可分段吸納。
大市沽空率升至12％
大市沽空率持續上升，昨日升至11.9％。輪證市場仍然是好淡爭持，收回價介乎33,000點至33,049點的貼價恒指熊證大增，街貨量相等於542張期指。不過，恒指牛證同樣有增加，最重倉的是收回價介乎31,900點至31,949點的牛證，街貨量相等於763張期指。
來源:
http://www.mpfinance.com/fin/dai ... 8594&issue=20180201
收市閒情：「股民的話」真正解讀
1 :
GS(14)@2018-02-04 23:38:53港股2018年之後勢如破竹，係嘅係嘅，噚日回吐300幾點，但有一點，好明顯係「牛」氣不改──近來身邊多咗朋友入市。但如果你聽到以下說話，如果你當佢哋係朋友嘅，為佢好，我會叫你勸佢：你收手啦。1：「買報價機？一個月，大大話話都幾嚿水。」係嘅，市靜市衰大跌市，個市真係睇都廢事，睇完多手手痕買咗嘢，仲蝕多兩錢重。今時唔同往日啦，家陣報價機真係最佳投資恩物，喺街睇住盤隨行隨買。大牛市下，為慳幾百蚊，分分鐘蝕數以十萬計嘅利潤，如果呢條數都唔肯畀，不如唔好炒2：「今日跌咗成百點，點算好？」「定啲來。」「依家升咗4%，我係咪應該走。」「你明明睇升一成！」「但今朝升8%依家回緊呀」以噚日為例，跌300幾點，好多買正股嘅都走夾唔唞。喂，單單係1月份，就升3,000幾點，休息是為了走更長的路，佢識回吐，呢個牛市反而仲健康。震少少落嚟就嗌「驚驚」，不如唔好炒股返去銀行收息吧。3：「講秘密你知呀，我All in我副身家落去隻Call！呢隻股，一定會升嘅」，最怕係隻Call已回咗幾成，過多排輸埋時間值，佢再同你講，「佢一定會升返！」仲配以一個堅定眼神，人生充滿希望。聽到呢類對白，真係好心相勸佢收手，通常呢類人兄，「賭徒」已進化成完全形態。講真，喺股壇入面，炒輪證賺大錢繼而成為職業賭徒兼唔走火入魔唔輸返轉頭嘅人，真係少之又少。為佢好，叫佢冷靜吓。4：「我想買股票呀，買咩好？」一聽呢句，就知呢位朋友平時冇買開，如果呢句說話，喺你生活圈子不停出現，你有兩個選擇，一係叫佢收手；如果佢堅持要買貨，仲大手大手咁買，為自己好，我會勸你：是時候造淡了。千頌C
http://fb.com/winbigwok本欄逢周三刊出
來源:
https://hk.finance.appledaily.co ... e/20180131/20291258
恒指瀉1649點 美股過山車 夜期收市高水280點 基金主管：短期反彈難言跌完
1 :
GS(14)@2018-02-12 07:12:45【明報專訊】全球股市連環急挫，港股出現「小股災」，恒生指數昨日創下歷來第二大點數跌幅，全日大跌1649點，以百分比計跌5.12％，是環球跌幅最大的主要股市。自上周一盤中高位至今已累跌近3000點，是去年升市以來最深的調整。早前的牛市氣氛突然一掃而空，連特首林鄭月娥亦罕有開腔，提醒投資者入市時要審慎，量力而為。分析員普遍認為現階段首重風險管理，沒必要鹵莽入市撈貨。
匯控騰訊ADR反彈
美股道指周一大瀉1175點之後，昨晚美股早段坐過山車，道指甫開市再挫260點，僅一分鐘後跌幅擴大至567點，但其後又最多倒升367點，短短半小時間高低波幅超過900點。截至今早凌晨1時40分，道指又升240點；而恒指夜期收市報30,875點，較現貨高水280點，港股ADR（美國上市預託證券）比例指數則反彈約300點，匯控（0005）ADR較港股收市價升0.4％，騰訊（0700）ADR則升2.2％。
國指瀉794點 成交達2580億
港股昨天承接外圍跌勢，恒指連跌4個交易日，且在昨日出現恐慌性拋售，甫開市裂口跌1217點，午後跌幅加大，收市報30,595點，跌1649點，5.12％的跌幅亦多於歐美主要指數，及日本、韓國、台灣與內地A股等區內主要股市。國企指數昨亦大跌794點至12,686點。跌市成交增，總成交高達2580億元。
洪灝料高位跌10％才喘定
以點數計，恒指昨日已是史上第二大跌幅。過往恒指大跌1400點或以上，均在牛市見頂後出現。交銀國際首席策略師洪灝認為，現在還未可以說牛市已完結，但至少上半年的高位已經出現。他指出，跌市可以純粹受技術因素影響，即使經濟基調向好，好消息亦會被當作壞消息，今次美股大跌，導火線便是美國時薪增速較預期好。他認為，恒指最少要從高位下跌10％才會喘定。
自上周一盤中高位33,484點計算，恒指已累跌8.6％，昨日收市僅僅企穩50天線以上。事實上，自去年起恒指曾經出現4次明顯調整，每次均跌穿50天線才站穩，且調整一次較一次深。去年升浪每次跌穿50天線一兩周內就會重返50天線之上。
有基金經理坦言，即使手頭持有現金，昨日亦沒有入市，因為「不敢接一把正在跌下來的刀」。
景順投資管理多元資產及香港退休金主管陳柏鉅提醒，短期內股市有機會大幅回升，但很可能只是冚淡倉，屬技術因素，不代表調整會完結。
陸庭龍：重磅股後市隱憂大
恒生私人銀行及信託服務主管陸庭龍則相信，恒指跌至3萬點左右會喘定，但難以出現V形反彈，因為預計往後每次反彈，都會有投資者趁機出貨。他又指出，現時撈底言之尚早，重磅股如騰訊、平保（2318）等累積升幅太大，後市一定會跌得更深。
昨日藍籌股全線下跌，騰訊跌7％至410元，平保跌5.9％至84.35元，港交所（0388）跌6.8％至266.8元，而碧桂園（2007）大跌11.2％，是跌幅最大的藍籌股。中資金融股亦普遍大跌，建行（0939）及工行（1398）均跌逾7％。
明報記者
來源:
http://www.mpfinance.com/fin/dai ... 9931&issue=20180207
逾百億北水撐港股挫889點後低位急彈 收市跌356點
1 :
GS(14)@2018-02-13 03:03:05【本報訊】逾百億北水昨救起港股！市場憂慮美國加息步伐加快，美股上周五跌666點。恒指昨早裂口低開886點，但隨後北水湧入，令恒指自低位反彈逾500點，收報32245點，跌356點，主板成交額1,699億元。不過，昨晚外圍股市及恒指夜期繼續下瀉，業界指後市調整恐未完。記者：黃尹華
美股昨晚開市曾跌逾300點，截至昨晚11時30分，道指跌19點，而恒指夜期報32160點，較現貨低水85點。港股昨開市後最多跌889點，見31712點的逾兩周低位，但隨後北水撐起大市，港股通成交昨日創歷史新高，達284.08億元，超過2015年4月9日260億元的紀錄。南下資金淨流入達105.93億港元，創2015年大時代以來新高，其中上海港股通淨流入80.18億元，深圳港股通淨流入25.75億元。昨港股通成交佔大市成交16.7%，如扣除窩輪及牛熊證成交額，比例更達21.4%。
■港股昨最多跌889點，在北水力撐下，收市僅跌356點。方家遠攝
力吸匯控及騰訊
昨日獲最多北水買入的股份為匯豐控股（005），吸資額達15.6億元；其次為騰訊（700），吸資9.4億元。匯控和騰訊昨分別跌1%和2.5%。吸資額排第三位的工行（1398），股價倒升0.7%。其他獲北水掃貨板塊包括中資金融股和資源股，股價昨日個別發展（見表）。之前被北水力掃的港交所，昨日吸資額較為遜色，只有823萬元，股價亦跌1%。
A股方面，滬綜指昨日開市跟隨外圍下跌，最多跌1.6%，之後轉跌為升，收報3487點，轉升25點或0.73%；深成指跌88點或0.81%，報10856點。滬深兩市成交4,475億元人民幣。北水為港股保駕護航，但值得留意的是，由於春節假期，港股通2月13日（下周二，年廿八）起將暫停，直至2月22日才回復開通。即由今日起，在春節假期前，港股通只剩下5個交易日。另外，港股通於春節假期暫停9日期間，其中有5個交易日港股仍然開市，包括年廿八至年三十（2月13日至15日），以及年初五至年初六（2月20日至21日），其間將失去北水的保護罩。
無懼港股通快暫停
騰祺基金管理投資管理董事沈慶洪表示，在表示正常情況下，如果是短線炒作，北水在春節長假前應減慢買貨，因港股通休市期間，如外圍有風吹草動，將無出貨逃生機會。另外，由於內地投資者之前斬獲甚多，按常理應在長假前部份食糊。在春節前餘下幾個交易日，港股通流入金額應逐步減少。但他直言，「現在北水揸莊，佢哋財雄勢大，話知你外圍會點！現時玩法已唔同咗。」內地近期新成立大批港股通基金，或成北水焗買港股主要原因。據內地券商光大海外報告，去年四季度有23隻新港股通基金成立，是年內最多的一個季度。今年頭一個月內新發和募集中基金的數量已達到32隻，是港股通開通以來成立速度最快的時期。按照內地規定，如基金名有「滬港深」或「港股通」字眼，投資港股比例不能低過80%，以免誤導投資者。這些基金一成立就要買港股，業內稱為「剛性配置」。
來源:
https://hk.finance.appledaily.co ... e/20180206/20296891
收市閒情：沈判日──哭股Song
1 :
GS(14)@2018-02-13 03:14:26■沈判日，齊齊哭股Song。互聯網圖片
2月6日，寒。噚日上午8時許，正捲曲於被竇，好夢正酣。誰知，手機一Push驚醒夢中人，美股暴跌逾千點，此後輾轉反側，靜待開市，天呀！李居明說得一點也沒錯，「立春後有股災」，股災之後更加有艇搭，恒指開市跌千點，坐晒艇。隨即Facebook哭股喪，改兩句歌詞，估唔到拋磚引玉下，得到唔少填詞神人回應接龍，所以今日嘢唔多講，聽吓歌算……《沈判日──哭股Song》（原曲：《今日》；主唱：陳奕迅）填詞：梁柏堅、杜秋棠、孫子兵、Martin、千頌C作曲及編曲：柳重言今日大熊日一樣 三萬就回落一樣就算怎都好 了斷也了不斷若今日嚇窒了 頹然沽 牛仔也氣絕了不見十萬銀行現金 亦如失戀當晚道期揈不盡 今晚道期仍不順就算輸身家 我劣你更加劣齊經盡冷及暖 牛和Call 齊沈判算是同門能共患難 同遇大師真有緣#抬頭吧 沈判過 會是晨曦早高沽 你會創出傳奇 （敢高沽 你會創出傳奇）原來牛劏是避無可避遲來熊仔收夠你地皮 （以為騰訊會永可免死）抬頭吧沈判過 會是晨曦仍然未沽 想有轉機一天低於一天 逢凝望已經出貨的你個市怎麼會起#（全場紅堅和味） （個市怎麼會起去國金牽我飛）聽日像噚日一樣 聽日振盈仍一樣就算手指損 好學我說不倦就好像你飼養頭傻蛙誰知哪季會團圓(復原)全部大鱷 隨時活吞屍卻未全
Repeat##千頌C
http://fb.com/winbigwok本欄逢周三刊出
來源:
https://hk.finance.appledaily.co ... e/20180207/20297896
港滙收市11年來首跌穿7.83
1 :
GS(14)@2018-03-06 03:48:57【本報訊】美國將向進口鋼鐵及鋁材徵高額關稅，引發市場對貿易戰恐慌情緒，美國加息預期提速，美息升但港息不動，亦令港美息差拉闊至久未出現的極大水平，港滙昨在亞洲時段盤中價，已跌穿每美元兌7.83港元關口，及後雖然回穩，但昨晚紐約時段交投稀薄，港匯又再跌穿7.83，今早收報7.8310，是2005年金管局設立雙邊兌換保證後，首次以收市價計跌穿7.83此心理價位。
星展：有機會見7.85
星展香港財資市場部（大中華）董事總經理王良享認為，若金管局不增發外滙基金票據吸走過多流動性，美國繼續加息，惟本港市場短期息率卻追不上，港匯是「有機會見7.85」弱方兌換保證價。東亞銀行（023）貨幣及利率交易部主管陳德祥亦指，美元走強港元捱沽，主要受中美貿易恐慌引致，若市場持續擔心中美爆發貿易戰而影響中港經濟前景，在港美息差仍然偏大的環境下，美元或會挑戰更高水位，意即港滙進一步向弱方邁進，惟具體變化仍需觀望事態發展。金管局日前表示，港美息差擴大導致港滙轉弱，惟市場流動性充裕，沒有資金從港元流出情況。
來源:
https://hk.finance.appledaily.co ... e/20180304/20321981
收市閒情：大陸樓盤名夠創意
1 :
GS(14)@2018-03-11 23:50:40有政協話為咗令民心歸附，首先要減少殖民符號，仲話要由地名同路名開始。於是個個都喺度諗「習大大道中」、「維尼大道東」，呢啲名係霸氣，係出色嘅，但如果你試吓Google Map吓大陸啲地名樓盤名，你就知，你可能低估大陸人改名嘅尺度。呢度輕輕歸納出中國六大改名玩法：1）世界之窗式玩法：你試吓Google Map「白金漢宮」，你會見到除咗英國有個真白金漢宮外，喺深圳都有！如果你係曼聯Fans，冇時間去英國朝聖唔緊要呀！深圳有個叫「慢城」，英文叫「Slow Town」。2）船堅炮利式玩法：想地址霸氣到嚇死人咩？航空母艦夠嚇未！長沙有個「航空母艦小區」。「司機，唔該我想去航空母艦！」司機唔趕你落車當你贏。烏魯木齊就有個「一炮成功小區」，呢度嘅住客，如果喺一個唔適當嘅場合，有異性問起，而你又答，嗯……希望對方唔好誤會。3）肚餓式玩法：甜品唔一定係食，仲可以住！喺大興有個樓盤叫「金科果凍」；瀋陽有個「巧克力城」；廣洲有個盤叫「奶茶咖啡」，Sorry，可以走甜嗎？4）夢幻式玩法：童話故事係浪漫嘅，但浪漫到好似上海有個小區叫「白雪公主」，咁請問入面嘅保安係咪要扮小矮人定惡毒母后，會全天候供應毒果嗎？行過少少去睇睇天津，就破咗企鵝只係喺南極嘅常識，當地有個盤叫「企鵝先生的別墅」，企鵝都住別墅，香港人呢？劏房咋！5）思考人生式玩法：正所謂色即是空、空即是色。揚州就有個盤大玩活佛Viva，成個樓盤項目叫「阿彌陀佛家園」，返到屋企，唸住大悲咒、敲吓木魚，真係寫意呢；至於信耶穌嘅，自己行開啦。唔信佛教，信道教嘅都幫到你，西安有個「三豐中心思想小區」，入得去，都應該係武當派嘅弟子（應該係……）6）晒冷式改名：講到最晒冷，以下呢個暫時係我搵到最直接嘅樓盤名，一個喺蘇州嘅盤叫「萬科碧桂園」，開發商冇錯，正正就係萬科（2202）同碧桂園（2007）！「你住邊呀？」「我住萬科碧桂園」。千頌C
http://fb.com/winbigwok本欄逢周三刊出
來源:
https://hk.finance.appledaily.co ... e/20180307/20324794
收市閒情：叻仔公屋二代好大鑊
1 :
GS(14)@2018-03-19 04:40:07早兩日，曾經喺八年前發表地產經典鴻文《買樓10大誤解》嘅數字兄，再喺Forum出Post，標題係「點解你買唔到樓」，第一個Point係四隻大字：「公屋之毒」。數字兄個論點，大概係話公屋居民，因為願意接受較低人工，所以壓低整個香港的薪酬水平。我暫時唔討論數字兄個論點，但講到公屋問題，的確，公屋同私樓之間，出現咗個鴻溝！朋友阿榮，由細到大同阿爸、阿媽，一家三口住公屋，穩定收入，月入28,000，加埋勤力上進，佣金收入多，炒股又有一手，畢業幾年，都儲到成150萬。「嘩，好叻仔呀，可以成家立室啦！」哼！你以為啦，因為係佢大鑊嘅開始！房委會已經會收緊公屋富戶政策，公屋住戶入息或資產是但一樣，只要超出入息限額的5倍或100倍，就要被叮走。以一家三口為例，資產過咗224萬，就已經要同間屋講拜拜，結果阿榮因為叻仔，所以令到呢個家庭變成「公屋富戶」，從而令阿榮向鴻溝邁進。於是阿榮就諗啦，「反正有150萬，都係時候自立買樓去！」不過，香港係好殘忍，唔係話有首期就買到樓！400萬樓，香港冇乜；就算你搵到個500萬樓，就算你All-in150萬去做首期，就算你只造七成按，你都上唔到車，根本唔過壓測！即係點呢？政府就嫌你太有米，要你走；不過銀行就嫌你太窮，唔畀你上車。而你，就拎住嗰150萬，喺公屋同私樓中間個鴻溝吊吊揈。結果點呢，一係就舉家買二手綠表公屋；另一個Choice，就只有租樓。唔係話要批判房委叮走富戶有問題，而係現行制度同癲價下，衍生出呢一類首期以上、壓測未滿嘅「公屋二代夾心人」，月薪OK，同時儲到錢，不過冇得住公屋，但又買唔起樓。呢個社會制度下，你叻仔儲到錢，唔代表有獨立置業嘅選擇；就算再叻多少少，收入多啲，都只係買到間仲逼過原先公屋嘅劏房。想問，呢個城市到底有幾鼓勵「公屋二代」脫離公屋？你同佢講上流動機？「唓，我間公屋有海景、有空中花園、間隔實用、冇發水窗台，我點解要咁辛苦自己儲錢去買劏房，做樓奴呀？」如果你唔小心跌咗入去？Sorry，自己搞掂佢。千頌C
http://fb.com/winbigwok本欄逢周三刊出
來源:
https://hk.finance.appledaily.co ... e/20180314/20331463
Next Page