婚後首亮相 風騷準備做老竇城城認雙喜臨門：梗係啦！
1 :
GS(14)@2017-04-22 10:49:34■城城昨晚心情大靚，被追問是否雙喜臨門時默認老婆陀B。
郭富城本周二榮升人夫、迎娶比他年輕22歲的國產女模方媛（Moka），一直避見傳媒的城城，婚後三日，昨晚終於現身出席Louis Vuitton在中環舉行的展覽活動，身穿啡色格仔西裝的他心情靚爆，但未有戴婚戒，被追問是否雙喜臨門時，他開心回應：「梗係啦！」
現年51歲的郭富城，去年高調自爆戀上29歲國產女模方媛，上月被《蘋果》踢爆二人在香港秘密入紙註冊後，本周二假半島酒店低調舉行婚宴，當晚筵開十席，圈中人只請沈嘉偉和邱淑貞夫婦、張智霖和妻子袁詠儀、丁子高等人，結果辣㷫擔任其主演電影《父子》製片、台灣知名製作兼導演邱瓈寬，在facebook叫他下次結婚要請她！
【小美傍實】■婚後的城城在小美陪同下，昨晚復工出席LV活動。
【開心自轉】■城城在佈景板前風騷自轉。
■方媛去年曾在微博透露過了一個開心聖誕節，原來那天她與城城訂婚。微博圖片
「奶粉錢唔貴」
結婚當晚，城城一直避見傳媒，散席與老婆返回「城堡」亦全車拉簾避鏡頭，昨晚終於蒲頭，出席中環舉行的LV展覽活動。約7時半抵達現場的城城，至8時才現身見傳媒，他超級風騷，行去大會佈景板前拍照時，全程左扭右扭似跳舞。婚後首度受訪的城城說：「其實上年聖誕節已經訂婚，家人想低調，所以低調。」一直有傳Moka已懷「城種」，問他是否雙喜臨門？城城即回應﹕「梗係啦，『囍』字係兩個喜嘛，我會努力㗎喇，有好消息會同大家講。」之後再追問城城是否現在未講得？城城即默認說：「呢個係好問題，喺適當時候會同大家分享，一直講人生大事，想媽咪睇到，所以婚禮上睇到媽咪開心感動，我比佢更感動，所以下一步希望得到大家嘅祝福，希望上天畀到呢份禮物我，媽媽有生之年可以抱孫，作為一個仔喺適當嘅時間做適當嘅事，希望可以開枝散葉，畀啲時間我。」笑問城城打算生多少個？他笑謂：「未定，一步步嚟，奶粉錢唔係好貴啫！」至於為何昨晚沒戴婚戒？他表示要尊重品牌，因為工作不方便。城城透露Moka仍在香港，但是否在港定居？他表示沒有所謂，自己工作忙，這年代不傳統，視乎工作。有傳其母贈100萬予Moka？城城說：「全部都係虛構，一笑置之。」至於老婆在他心目中是否100分？城城即說：「100分，但因為工作太忙，之後要開兩部戲，希望戲與戲之間同經理人請幾日假補償番。」
■城城表示和Moka婚宴低調，是因為應家人的要求。資料圖片
■城城指寬姐（右）已透過小美恭喜他，指對方只是開玩笑。資料圖片
「好敬重寬姐」
有指寬姐未被邀請出席婚宴，似乎相當不悅，故在facebook留言：「說真的……結婚是好事……你結婚不請我是不是？好……我以後結婚也不請你！哼！」之後又說：「不過……我比較大方！還是開香檳幫你慶祝一下！下次結婚記得請我喔……」對此，城城指寬姐一向都講得笑。那麼寬姐一句「下次結婚請我」，問他可有嬲？城城稱：「開玩笑啫，大家毋須太認真。佢透過小美祝福我，已經夠喇。」問城城可會請對方食飯？他即笑說：「咁咪好多人都要輪住排隊食？寬姐係我一個好敬重嘅人，佢明白嘅。佢祝福咗我㗎喇，呢個開玩笑，笑吓就算喇！」採訪：羅慧敏攝影：沈健程
緊貼「蘋果VR」熱潮，打開雙眼隨意門，讓「蘋果VR」陪您探索新世界：
https://goo.gl/b5RQAB「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170422/19997432
劉嘉玲讚城城聽話娶妻
1 :
GS(14)@2017-04-22 10:49:35劉嘉玲、林嘉欣、文詠珊（JM）及中田英壽等昨晚亦有出席LV活動，嘉玲透露前晚以數千元買馬，贏了數萬元，並將贏馬錢捐作慈善。對於同場的城城新婚，她表示恭喜，提到台灣名製作人邱瓈寬叫城城下次結婚請飲，她笑言：「可能有嬲過，不過用笑話化解，我覺得唔係真嬲，都要尊重番人哋。」
提到嘉玲上年在金像獎曾笑城城不夠專一及顧家，她表示：「佢真聽話，即刻結婚，成日覺得兩個人組織家庭係緣份，之前咁耐都冇開花結果，今次咁短時間結婚，真係估唔到，佢係長跑選手，可能屋企人都畀壓力，佢年紀都差唔多。」講到城城雙喜臨門，她說：「真係唔知，如果係更加好，佢同我同年，佢keep得好好。」林嘉欣亦有恭喜城城，問到會否分享育兒指南，她說：「每個屋企價值觀唔同，湊細路方法唔同，要鍛煉同儲番嚟，都戥佢開心。」採訪：羅慧敏攝影：沈健程
■林嘉欣以法國五月大使身份出席活動，表示會帶兩名女兒看藝術展覽。
■JM被封為膠紙專家，穿大露背裙時已做足安全措施。
緊貼「蘋果VR」熱潮，打開雙眼隨意門，讓「蘋果VR」陪您探索新世界：
https://goo.gl/b5RQAB「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170422/19997435
城城開工前揸法拉利整髮陀女Moka上海新屋安胎
1 :
GS(14)@2017-05-01 11:57:42【去換Look】■郭富城日前趁未開拍新戲，單拖現身中環置地剪髮。
【中環】51歲天王郭富城升呢做人夫後，仍未公佈29歲內地老婆方媛（Moka）懷孕雙喜臨門，但城嫂的大肚已經遮不住了，據知，兩人的首個愛情結晶是小公主，預產期9月，揀好在香港的富豪級醫院養和出世，由於城城將要到外地拍新戲，城嫂已跟父母返上海安胎，擺駕入住老公賜贈的城堡。城城日前趁未開工，駕着值逾500萬的法拉利戰車，現身中環整頭髮。
郭富城於上月18日在香港半島酒店娶方媛，當時着裙褂的她腹部隆起孕味濃，但城城一直守口如瓶未承認老婆懷孕，前日他在上海出席活動，被問到老婆是否大肚，城城依然笑而不答，只透露將跟周潤發合作新戲，太忙沒時間度蜜月。
養和分娩
不過，據Moka的閨蜜爆料，指她已懷孕逾三個月，已經知道陀女，預產期是9月，城城很期待小公主出世，早前更斥資在上海買了一個較大的單位送給老婆，讓她可以在家人照顧下專心安胎，不過，BB就會在香港出世，更已定好在養和醫院生B。四大天王的劉德華及張學友巧合地都是生女，大家都是外父相。本身在上海居住的Moka，雖然嫁雞隨雞，但仍未適應香港的生活，在港沒有太多朋友，加上城城因工作太忙，經常不在港，本月就要開拍莊文強執導的新戲，分別到泰國和加拿大取景，完全沒時間照顧懷孕妻，故Moka早前已跟父母返上海，入住老公送贈的新屋安胎，今次城城到上海工作，就可以順道慰妻。Moka前晚秒刪肚凸凸的相片，之後再貼另一張相，今次好小心沒在黑超中現凸肚，只見到手上的疑似婚戒。
【泊靚跑】■城城先將法拉利戰車泊在大會堂附近的停車場，剪髮後再到停車場取車回家。
【轉車坐】■城城出巡中環十分大陣仗，自己駕駛跑車，又轉坐七人車到髮型屋。
Moka雖然一直對外聲稱是上海人，但她的身份證上清楚顯示是安徽南陵人，其家鄉是安徽省蕪湖市南陵縣弋江鎮蒲西村。有指她在蒲西村的蒲橋中學讀書，初中畢業後便到了上海，曾做會計，後來成為平面模特兒，認識城城之前已在上海買層細樓，父母就一直在家鄉生活，直至結識了天王郭富城，才改寫其人生。Moka的初中校友早前專程到其老家玩網上直播，令她老家的舊平房曝光。鄉親們大讚Moka好命，能夠嫁到有名有利的香港天王。採訪：鍾國仁攝影：徐錦池、孔志豪
【晒婚戒】■Moka前晚在Ig貼新相，左手疑似戴着婚戒。
■Moka上月18日在半島酒店嫁城城，據知她今胎陀女，囡囡已定於9月在養和出世。資料圖片
■據知Moka已在父母陪同下返上海，入住城城買的新屋安胎。資料圖片
難得生性暴龍哥創科眾籌夢，遭隱世肥報販秒殺！
https://goo.gl/hnEB7D「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170501/20006955
發哥城城新片再合作
1 :
GS(14)@2017-05-18 02:08:24莊文強執導的犯罪動作片《無雙》日前在香港開機，主演周潤發、郭富城、廖啟智、孫佳君、張松枝等都有出席。發哥繼《寒戰2》後再度與城城合作，該片講述以代號「畫家」為首的犯罪集團，掌握了製造偽鈔技術，並在全球進行交易獲取利益。然而「畫家」和其他成員的身份一直成謎，警方的破案進度遭受到前所未有的挑戰。以往都是麥莊聯合執導，今次麥兆輝只掛名做藝術總監，成績如何要拭目以待。影片由于冬的博納影業主投，在香港、加拿大及泰國等地取景，因影片涉及跨國犯罪集團，本月底會先到加拿大拍外景。撰文：鍾國仁
來源:
http://hk.apple.nextmedia.com/entertainment/art/20170516/20022356
【《蘋果》獨家直擊】發嫂片場搞百人宴城城領唱 賀發哥62歲生日
1 :
GS(14)@2017-05-19 05:43:43■發哥（左）昨在片場過62歲生日，城城猶如小粉絲一樣向偶像送吻。
周潤發（發哥）昨日62歲生日，他仍要在西貢蠔涌為電影《無雙》開工。發嫂陳薈蓮連同在場過百名工作人員，為發哥在片場舉行百人神秘生日派對，喜出望外的發哥，又獲同片的郭富城帶領工作人員唱生日歌，城城更作狀獻吻及送上生日卡，表明送給「我唯一嘅偶像」。
周潤發、郭富城、張靜初、孫佳君、方中信、馮文娟、張松枝、張建聲及吳嘉龍等，昨日在西貢成豐片場為莊文強執導的電影《無雙》開工，適逢昨日是發哥的62歲生日，原定在片廠靜靜過生日的發哥，上午照常進行拍攝，殊不知發嫂陳薈蓮事先已安排就緒。當放午飯時間，發哥踏出片廠，即發現廠外已預備了5個蛋糕為他慶生，同時發嫂亦幫襯銀杏館的到會，招呼現場過百名工作人員，喜出望外的發哥即攬實身旁的太太送吻。上月娶老婆的城城心情大靚，猶如小粉絲一樣，先代表全體劇組向發哥送上生日卡，又領唱生日歌祝賀，城城說：「偶像！送畀我唯一嘅偶像！」城城更向發哥扮咀嘴送吻，發哥亦交足戲嘟嘴，發哥說：「呢個（城城）係我運動師傅，佢教我跑步。」
■城城（右三）率領在場工作人員，向發哥唱生日歌。
■發嫂昨為發哥送上神秘派對，發哥直言好感動好開心。
■一班《無雙》演員齊齊祝賀發哥生日快樂。
盼身體健康
發哥接受訪問時表示非常感動，他說要多謝老婆：「開心到不得了，今朝佢（發嫂）問我『老公今晚想食咩』，我話求其，開工收工，食簡單啲，因為聽日又要開工，點知佢整咗咁大壇嘢，好感動開心。」發哥透露平時生日一般都是跟朋友食飯慶祝，難得在片場跟過百人一起過，他說：「已經好耐冇喺片場過生日，生日對我嚟講好平常，日日開心，日日都係生日，今日多啲人同我講生日快樂、身體健康。」談到生日願望，他笑言都是老套的「身體健康，世界和平」。
■發哥喜歡幫助弱勢社群，所以發嫂昨特別幫襯銀杏館的到會服務。
■發哥每次開工，都設「發記士多」供在場人員免費飲食。
冇機會騷肌
《無雙》故事講述偽鈔集團跟警方鬥智鬥力，發哥今次飾演偽鈔集團首腦，他表示角色沒有正邪之分，所以特別好玩，更難得與一班很出色的演員合作，他說：「非常好玩，班咁好嘅演員，包括城城好出色，同佢第二次合作，拍咗十幾日，佢狀態非常之好。城城今次由頭到尾黐實我，戲中我栽培、發掘佢，搵佢入嚟幫手，佢本身係一個畫家。」發哥指城城較上次演《寒戰》相比，更加成熟穩重。問到發哥有否恭喜即將為人父的城城？他說：「呢啲嘢後話啦！」發哥指今次主要有一場動作槍戰戲份，所以未必有機會展示早前他跟名師操練肌肉線條的成果：「今次主要文戲同槍戰，所以唔會騷肌。」他完成《無雙》於香港的戲份後，下月會到泰國清邁及加拿大繼續拍攝。採訪：張俊銘攝影：仇志德
來源:
http://hk.apple.nextmedia.com/entertainment/art/20170519/20025842
城城講Moka陀B：天賜嘅禮物
1 :
GS(14)@2017-05-21 00:59:10現年51歲的郭富城，上月跟29歲內地女模方媛（Moka）結婚，一直有傳Moka陀B，城城被指已訂養和頭等房給老婆待產，城城昨晚在圓方出席「第六屆香港薩蘭托國際電影節」，大會頒發Salento Cinema Actor Award-City of Tricase獎項給城城。正忙拍電影《無雙》的城城，表示該片會拍到年底：「之前陪咗太太過咗母親節，一家人食飯，媽咪叮囑我要好好保護自己嘅家庭。以後再問我有關家庭問題，我唔會再答。我以前都講咗我成家之後，好多嘢都係順其自然，就算有新成員都係天賜畀我嘅禮物。如果有一日，你見我扶老攜幼，畀我祝福得啦，希望大家體諒。」到底現在是否有新變化？城城說：「我已答咗。」採訪、攝影：張俊銘
來源:
http://hk.apple.nextmedia.com/entertainment/art/20170520/20026962
坐650萬超跑食川辣Moka孕肚見光捉實城城
1 :
GS(14)@2017-06-10 12:55:45【緊靠老公】■郭富城與內地妻Moka日前現身灣仔，Moka一見有記者即匿在老公背後。
郭富城與內地太太方媛（Moka）新婚一個半月，懷有「城種」的Moka專心陀B，有指她今胎陀女，預產期將是9月，城城已預定養和頭等房等她在港分娩。城城雖忙與周潤發拍莊文強執導的電影《無雙》，但他一有時間當然要陪大肚老婆。
■城城先安頓好Moka，才開司機位翼門上車。
【清楚見肚】■城城去年9月購入的650萬麥拿倫辣跑，掛上自訂「SKY」車牌。
■Moka雖身穿鬆身外套，但已見到腹部隆起。
放棄打邊爐
日前，本報捕獲城城和Moka在灣仔出巡撐枱腳，當晚約9時許，城城身穿灰tee、短褲，而Moka就穿上灰色鬆身外套、Nike運動褲、波鞋及揹着Chanel小手袋，二人齊齊戴上黑色cap帽，離開灣仔駱克道一間食四川菜的菜館，一向愛打邊爐的城城相當遷就老婆，未知是否老婆愛嗜辣就轉口味陪她食四川菜，據知，二人選坐食肆內的貴賓房，食足兩小時走人。二人步出食肆時，城城行先，而Moka就殿後，臉上充滿笑容，城城發現有記者影相，就面色稍變，即以身擋住老婆，Moka雙手肉緊捉實城城手臂，更迅速匿在老公背後，以老公背肌遮孕肚。其間，城城邊行邊戴上黑色口罩，記者上前問他是否約了老婆撐枱腳、Moka的預產期時，二人都只是面露笑容，未有回答問題。最後，他們步行到後街取車，原來城城將650萬的麥拿倫銀灰色辣跑泊在此處，他先打開翼門給老婆上車，與記者道別後，就行去司機位上車離去。
抽中新馬籤
此外，城城喜事繼續來，昨日馬會公佈17-18年度中籤馬主名單，城城再度抽中，他抽中自購新馬籤，之前他已曾養過「愛的呼喚」、「愛將」，不過均因傷已退役。採訪、攝影：孔志豪、吳耀輝
來源:
http://hk.apple.nextmedia.com/entertainment/art/20170607/20046771
Moka前年尷尬避鏡頭上月蹺實城城買禮物
1 :
GS(14)@2017-06-10 12:55:47郭富城喺今年3月被《蘋果》發現同方媛（Moka）秘密入紙，4月低調喺半島酒店擺酒拉埋天窗。城城同Moka呢段感情公諸於世，係由前年12月一張車廂拖手相開始，仲sweet爆留言話「這樣開車要慢一點！」公開認定城嫂地位。當時戀情可能啱啱萌芽，城城對女友好肉緊，有傳媒喺佢哋認拍拖前，已經見到城城開車送Moka到機場，由於Moka當時未習慣面對記者，就顯得有啲尷尬，城城就出面為女友開路入機場。不過兩人感情越親密，遇見傳媒時就越大方。好似上年9月，城城開完演唱會後翌日，就孖女友喺銅鑼灣食飯，離開時見到記者，城城淡定認同女友食飯，反而Moka就醒目拉開距離，而城城就體貼咁邀請女友上車。再到咗上年11月，城城揸車送Moka去養和醫院，Moka就輕輕挨住城城肩膀行入登記處。最sweet嘅一次就要數到上月母親節，城城同Moka結咗婚一個月，兩人就喺中環置地行街，Moka蹺實城城揀禮物送俾媽咪。
來源:
http://hk.apple.nextmedia.com/entertainment/art/20170607/20047365
Next Page