不道德的boot 人在中環
http://manincentral.blogspot.hk/2012/06/boot.html響公司茶水間見到
IT部既
David:「喂,光仔仲未病好牙?仲未返到工?」
光仔係David既下屬,係個二十出頭既年輕人。光仔係公司既開心果,個個同事都鍾意佢。平時佢好少請病假,點知今次一病,就足足病左成個星期。
「係呀…仲未好返。」David搖頭嘆息:「可能係心病多d都未定。」
「心病?」我問。
*****
最近Eliza交左個新男朋友。男朋友據說係個有錢仔,有車有樓而且仲係個響長江中心返工既ibanker 。(又係ibanker?我真係對呢個行業越黎越有偏見…)只係拍左幾個禮拜,Eliza個cubical裡面,已經貼滿曬佢同呢位男朋友既親密照片。佢仲mark左下個月頭攞Annual Leave,據說係男朋友請佢去歐遊芸芸。
其實同事私生活我冇乜興趣理,不過Eliza實在太過揚(或者真係太過開心掛…),響公司週圍同不同既同事講,自己既拍拖生活有幾甜蜜,再夾雜不斷描述佢自己最近既生活有幾咁豐盛。(ok,「豐盛」呢個詞語係我講既,公司同事們既形容詞係「富貴」…)辦公室從來都係是非之地,「分享」同「曬命」亦往往只差一線。好明顯,同事對Eliza最近既「分享」,其實係相當唔受落。
至於光仔呢…
做IT support既光仔,暗戀會計部既Eliza,係好多同事都知既事。Eliza幾靚女架查實,有人暗戀都唔係d乜令人出奇既事。人家暗戀自己,自己冇辦法控制,亦冇義務一定要接受人家既追求。不過我覺得,假如你係對人冇意思既,就乾脆一點去拒絕人,免得人家以為自己有機會,誤了人地「大好前程」。
過去果一年,Eliza對光仔既態度曖昧。據說光仔曾經向Eliza認真表白,但換黎既係Eliza一d無菱兩可既回應。面對果個無菱兩可既回覆,光仔選擇「繼續等待」,繼續去做Eliza既「觀音兵」,管接管送,幫佢做呢樣又做果樣…問題係佢地既「特殊關係」實在太揚,揚到好多同事都睇唔過眼,覺得Eliza係有心咁拖住光仔,而光仔則應該清醒d斬纜放手。
點知「當兵」接近一年,「默默耕耘」既結果係慘敗於果位來自長江中心既使者。佢心入面既鬱結,查實可以理解。
*****
我知道我未必客觀,但我心入面多少有點同情光仔。特別係經過四個月前果一晚。
有睇開小弟呢個爛撲既朋友,有冇覺得,「Eliza」呢個名有d耳熟?唔記得唔緊要,俾條link你地去溫故知新一下。
晚上九點幾,響公司附近同個客食完飯,摸摸自己個褲袋,輕飄飄咁。shit…個iphone應該漏左響寫字樓。
上到公司門口,reception area自然係如常地漆黑一片,但從門口望入去,會議室門邊既磨砂玻璃裡面卻滲出一絲微弱既燈光。正當我個心諗:「你地班友仔又冇手尾唔熄燈」,我一推門行入辦公室,就聽到一男一女既淒厲「叫聲」。
「僕你個街…」我心裡忍不住暗罵:「邊X個連開房錢都慳,要急到響我地頭度解決呀…」
大概是我入門口的推門聲,打斷了他們的好事,會議室裡面的燈忽然熄掉了。辦公室裡突然變得靜到有點耳鳴。
我吸了口大氣,緩緩行到會議室既門前停下腳步,心諗:「我應唔應該推門入去?」
裡面既兩條肉蟲,大概也感受到我就站在那間砲房既門口,動也不敢動。果一刻僵持既氣氛,令我忽然覺得自己彷如一個正在執行暗殺任務既特工,而裡面果兩個,則化身為一對電影裡面被人追殺既亡命鴛鴦。
到底佢地兩個果一刻會有幾恐懼呢?
另一方面,我又實在好好奇,究竟係邊兩個同事響入面翻雲覆雨呢?
*****
做人要醒目d,搞d高危既性活動,d衫褲,穩陣起見最好放響身邊,走起佬上黎都易d。
會議室既門外,放住一條男裝西褲加一條紅色格仔孖煙通,平放響條西褲上既,係一件女裝上衣,以及一對交叉打橫訓低既女裝貼身長boot。
下午既時候我跟會計部開過會,條西褲既size好易認,一望就知係肥仔Nick。對Boot,我認得,係Nick既下屬Eliza。
我講左句粗口,嘆了口大氣,然之後離開會讓室既門前,行入自己間房,攞返部iPhone。我響房間裡面靜靜地坐左差唔多兩分鐘,先至行番出去。
出番去既情形係咁既。會議室門口既「衫褲鞋襪」已經被人清理好。女既我見唔到,但卻見到Nick一派正經咁坐響自己個位度,好似好忙好認真咁望實果個仲係停留響「windows開機畫面」既monitor。
我心諗:「你條粉皮係醒得滯抑或真係咁低能呀?我都唔黎篤爆你,仲俾夠時間你閃,你夠膽仲棟響我面前扮開OT?有病冇呀你?」
我行埋去佢cubical前面,皺了皺眉:「Nick,仲乜咁夜都唔捨得走?」
「errr…」Nick既聲音有點氣來氣喘:「我諗住趕埋個report俾你嘛。」
「今朝講果個?」我忍唔住冷笑了兩聲:「今朝咪講左話唔趕囉。」
Nick露出了一個尷尬既苦笑,那時候佢部腦上面既windows畫面叫佢入login password,佢即刻裝作埋首工作。
Nick同Eliza既事,我查實早就知道。事關我響街上面,都試過撞到佢地拖住手行街既情景,只係果次佢冇留意到我就響附近。只不過搞到返黎寫字樓,呢度話曬係我地頭,我心裡面總係覺得好唔舒服。而果一對女裝長boot,橫臥響果條肥大男裝孖煙通上既畫面,直至現在,仍時不時響我腦海裡面閃過,揮之不去。
事發翌日早上,我返工check email,發現Nick響尋晚凌晨四點幾,真係send左果個我一早就話「唔趕,可以慢慢做」既report俾我。見到果個email,我又係忍唔住爆左句粗口:「X,假到你丫…」
今早眼見純品既光仔今日可能係為住呢個「長江使者」既佔略而病到返唔到工,Eliza又繼續興奮地向同事們「分享」佢既「豐盛拍拖生活」,再加上腦裡面又閃過那對「不道德的boot」既畫面,今日既心情,忽然跌到落谷底。
Thank
God It's Friday。
祝大家有個愉快既週末。
殺戮職場:不道德的經紀
1 :
GS(14)@2012-04-03 21:37:51http://www.sharpdaily.hk/article/index/38065/20120403/74914
昨日講了個地產代理將用家盤經炒家「摸一摸」才轉給用家賺兩次佣的故事,大家可能覺得經紀蠱惑,不過買家肯買沒得說;原來有些經紀的手段更不道德。
政府活化工廈、鼓勵重建,又話起動東九龍,忽然多了買家向工廈埋手,得益者除了是工廈的地產代理,也包括一班數十年前已購入工廈的老業主。想不到貪心的經紀也找到方法取利。
話說有業主H一直將舊工廈收租,由於年事已高想將工廈變賣,便委託地產經紀放盤;H業主行動不便,全靠女經紀A親自代為打點。
經紀A對H業主說:「你睇下網上之前的成交價,你個單位應該賣到123萬,OK啦!」H業主說:「我都唔識價,你幫我賣好D價啦!」
其實由於市場欠缺盤源,網上成交價根本跟不上現價,經紀A利用業主的資訊盲點,自己購入了該工廈單位,然後在四日後即以149萬以確認人身份摸出,賺了20多萬。當然,她一早就找到了買家自己才購入單位,自己一點風險都無。
這經紀不是犯法嗎?釘牌的!你以為經紀A會愚蠢到用自己的名字去買單位嗎?
故事未完,該工廈單位「摸完再摸」,結果在四個月的成交期內以165萬成交。為甚麼我這樣清楚?我就是最後接貨的人!
電郵:
[email protected]
作者:CK Leung