馮仁昭四圍超：風雲榜居首兼生日G.E.M.獲汪峰祝賀 子怡呷醋
1 :
GS(14)@2015-08-18 09:12:19■G.E.M.獲好友何超蓮（右）同李蘊（左）到成都賀壽。微博圖片
紅上宇宙嘅G.E.M.（鄧紫棋）喺噚日公佈「2015上半年微博風雲榜──最具影響力十大香港名人」，撼贏排第二嘅舒淇同第三嘅Angelababy成為冠軍，G.E.M.喺內地爆紅後是非纏身，呢個榜就係根據藝人喺微博上嘅活躍度、傳播力同覆蓋度計出結果。
■汪峰帶領學員為G.E.M.唱生日歌。微博圖片
章子怡
■章子怡蠟像嘅髮線高到似清朝人。
隔空耍花槍
前日24歲牛一喺成都錄影《中國好聲音》節目嘅G.E.M.，獲汪峰帶領學員唱生日歌為佢慶祝，好友何超蓮同李蘊更飛成都吻賀壽星女。不過，噚日章子怡喺微博隔空同男友汪峰耍花槍：「Ziqi有，Ziyi沒有，等着回家跪榴槤。」有指因汪峰錯叫紫棋做子怡，網友取笑子怡呷醋。此外，四川山寨蠟像館在未經授權下，展出多位巨星級藝人蠟像，其中子怡蠟像嘅髮線高到似清朝人，子怡經理人怒斥過份：「我們會找律師發信把子怡的蠟像撤走。」而蠟像館方面亦已同意撤走子怡蠟像。今年升呢做黃曉明老婆嘅Baby登上微博風雲榜第三位，噚日Baby喺北京出席新戲《新娘大作戰》記者會，着黑白短裙向天津災民悼念，有指曉明夫婦捐200萬人民幣救災，Baby話：「第一時間看到這個消息時，就與黃先生商量，覺得應該做點甚麼。」問到兩人10月8日喺上海擺酒嘅傳聞，Baby表示現階段唔適合講，不過同場倪妮就爆消息係堅，仲話自己會做伴娘。
Baby舊愛陳偉霆因拍內地劇爆紅，排梗頸四，其他依次為王祖藍、鄭秀文、古天樂、蔡少芬、李治廷同薛凱琪。撰文：馮仁昭
來源:
http://hk.apple.nextmedia.com/entertainment/art/20150818/19259656
馮仁昭四圍超：宋熙年陳智燊擺酒「最想搞三次」
1 :
GS(14)@2015-09-09 07:21:52■宋熙年同陳智燊噚日手拖手登場，全程表現恩愛。
陳智燊喺7月秘密到澳洲向宋熙年驚喜求婚後，噚日以準夫妻檔現身銅鑼灣一個礦泉水活動，兩個着到襯晒色咁手拖手出場，又向市民派水。今次係佢哋公佈婚訊後首次出席公開活動，叫價應該更加高，陳智燊話：「唔知呀，應該唔會嘅，要問經理人。」有傳佢哋會喺年底擺酒？陳智燊話：「年底快得滯，我父母喺英國，佢父母喺澳洲，兩個媽咪見過面，但雙方屋企人就未見過。」宋熙年補充指：「有啲習俗同傳統，睇吓有乜要做，畀多啲時間佢哋商量。」問佢哋婚宴搞三次定一次過？陳智燊抹晒汗咁話：「計一計條數先，能力範圍內做到嘅都想做。」宋熙年又話：「最理想係搞三次，不過盡力而為啦！」
■陳智燊同宋熙年仲用手機同粉絲玩selfie。
先婚後Plan B
有傳佢兩個馬鞍山築愛巢趕生B，陳智燊否認話：「結咗婚先計劃plan B。」宋熙年想按部就班，如果一次過發生要好多嘢配合，所以係唔會有其他喜訊。陳智燊都唔想有意外，想賺多啲錢，籌夠錢喺三個地方擺酒。對於最近有唔少人離巢，陳智燊指自己同無綫仲有幾年合約，而宋熙年就仲有一年，佢話，「結咗婚唔會唔做嘢，怕被社會淘汰。」撰文：馮仁昭
來源:
http://hk.apple.nextmedia.com/entertainment/art/20150909/19287543
馮仁昭四圍超：fb遭冒名呃粉絲逾10萬元周嘉儀：不要上當
1 :
GS(14)@2015-09-23 02:19:14■嘉儀BB前晚喺fb嚴正聲明叫粉絲唔好上當！
前新聞主播周嘉儀轉行做金融，開咗個facebook專頁同粉絲分享日誌，點知都成為騙徒利用對象。嘉儀BB前晚喺fb向網民提出重要提示：「剛收到朋友訊息話兩個叫Gary Au同Rainie Liu的人冒充我fb到處借錢詐騙！現嚴正聲明這兩人同本人完全無關，大家千萬不要上當！」原來佢被人偽冒開fb，以佢名義向粉絲借錢，更有人不幸中招被騙六位數字的金錢！
■周嘉儀個facebook專頁日前俾騙徒冒名呃粉絲錢，令嘉儀BB大感無奈。資料圖片
「真係超級過份」
嘉儀透露自己只有以「Venus Chow周嘉儀」開戶，更擺了偽冒網頁的貼圖以資識別，對於有粉絲金錢損失，她大感無奈，噚日接受電話訪問時表示：「我只係知道有人開咗啲假賬戶，用我嘅名義向佢哋（網民）借錢，聽聞有網友真係攞咗出嚟，個粉絲已經過戶仲keep咗入數紙，佢應該會報警，我覺得真係超級過份！所以我要重申番我嘅account得呢一個，都想呼籲網民如果發現我嘅假account，請喺我嘅fb度報告。」問到嘉儀BB會否親自報案？佢表示：「佢哋中間嘅細節我真係唔知，所以我諗唔係好啱我去報警，只係可以提醒大家。」撰文：馮仁昭
來源:
http://hk.apple.nextmedia.com/entertainment/art/20150803/19240915
馮仁昭四圍超：造型道具跟到足 小豬MV抄GD?
1 :
GS(14)@2015-10-28 23:19:24■雖然小豬比GD出道還要早，但係近年小豬多次被指抄襲GD嘅造型同歌曲，仲惹起網民罵戰。
向來都係網民鍾意攞嚟談論嘅台灣舞王羅志祥（小豬），最近又惹上是非，佢喺2013年推出新歌《獅子吼》嗰陣，小豬一頭金髮造型，已經俾人話佢抄韓團BIGBANG隊長G-DRAGON（GD）。估唔到小豬前日推出既新歌《夠了》MV，又俾網民留言稱旋律同MV都好似BIGBANG隊長GD嘅《COUP D'ETAT》MV類似。
小豬《夠了》■連舞蹈編排都似足九成，又好難怪會俾人話抄襲。
GD《Heartbreaker》
小豬MV
GD MV
新歌講網絡欺凌
小豬今次首新歌係表達反對網絡欺凌嘅態度，搵咗模特兒、肥仔同埋同性戀者呢三類喺網絡上經常受到網絡欺凌嘅人嚟表達，其中一幕牆上掛滿白色面具，演員手部變黑，有網民就話舞蹈編排都似足《COUP D'ETAT》，而大批人戴住面具就好似GD首《Heartbreaker》MV中嘅舞群近似，佢哋都係戴住個白色面具起舞，甚至喺MV一開始其中一個演員留咗一堆劉海喺額頭前，同GD喺《Fantastic Baby》中嘅造型一樣。撰文：馮仁昭
來源:
http://hk.apple.nextmedia.com/entertainment/art/20151028/19349818
【馮仁昭四圍超】Chilam旺角派餅 險釀人踩人
1 :
GS(14)@2015-11-02 14:49:49■張智霖為宣傳新片喺旺角派餅，引嚟500人圍觀。
張智霖（Chilam）、莊思敏同梁健平等，噚日喺旺角街頭宣傳電影《十月初五的月光》，現場起碼有500人圍觀，唔知係咪因為有杏仁餅送嘅關係呢？不過佢哋貪方便，就咁將啲餅拋出去，搞到現場大亂，連台邊嘅大喇叭都差啲推跌晒，好彩冇變成人踩人意外，但都好危險。因為場面近乎失控，電影公司即刻採取應變措施，安排演員去附近食肆做訪問。Chilam話：「好彩冇事，人多嘅地方真係好易有危險，大家真係要注意安全，所以我走時都係9秒9極速離開。」
■梁健平（右起）、莊思敏及張智霖請fans上台。
坐港鐵冇人理
Chilam講笑話多次提議喺商場搞活動，冇咁危險之餘又有冷氣唔使熱。佢仲笑住話：「我出活動時，啲fans更熱情，反而坐地鐵，個個顧住玩電話，冇人見到我。」同場莊思敏話：「走嗰陣我直情俾自己公司保安推開，可能佢哋眼中只有Chilam一個。」講到有傳佢爸爸身體不適要嚟港醫病？莊思敏好避忌咁話：「老人家點都會有老人病，不過OK嘅，佢而家喺馬來西亞休養，多謝大家關心。」撰文：馮仁昭
來源:
http://hk.apple.nextmedia.com/entertainment/art/20151102/19356378
Next Page