【馮仁昭四圍超】太陽集團搞周年晚宴 洗米華拖洗米嫂敬酒
1 :
GS(14)@2017-01-24 03:00:14■洗米華前晚拖實洗米嫂全場飛敬酒。互聯網圖片
澳門賭業猛人周焯華（洗米華）旗下嘅太陽集團前晚喺尖沙嘴麗思卡爾頓酒店搞周年晚宴，太陽娛樂嘅負責人黃柏高、旗下歌星許志安、林小明同盧惠光等都有出席，而全場最矚目當然係洗米華同洗米嫂陳慧玲（Heidi）一齊以主人家身份出席，洗米嫂着咗一條好貴氣嘅黑色deep V晚裝裙，同大仔周柏豪、大女Virginia、細女Damiana齊齊現身，據現場人爆料說：「華哥同Heidi關係好好，全程佢哋都係孖公仔咁全場飛敬酒，感覺一啲都唔似要離婚。」洗米嫂噚日仲喺Ig晒溫馨全家福㖭。
■洗米華同洗米嫂結伴去太陽娛樂周年晚宴，噚日仲喺Ig晒全家福。
■洗米嫂以主人家身份同洗米華上台，彰顯周太地位。
有望復合
洗米嫂單方面要求離婚，?家分緊居，由於洗米華唔肯簽紙離婚，所以最快都要等兩年，睇嚟洗米華就係想趁呢兩年時間盡力挽回老婆芳心，睇近期佢哋出現公開場合嘅態度，關係比之前好好多，似乎洗米嫂個心係放軟咗。不過據洗米嫂身邊啲閨蜜講，洗米嫂?家仲未有打算同老公復合，因為Mandy Lieu始終係佢哋兩夫妻條刺，呢個問題一日唔解決，真係好難再喺返埋一齊。撰文：馮仁昭
來源:
http://hk.apple.nextmedia.com/entertainment/art/20170123/19905643
洗米嫂開胸Jenny Packham晚裝 性感華麗
1 :
GS(14)@2017-01-26 07:44:03洗米嫂陳慧玲(Heidi)雖然同老公鬧離婚，不過生活多姿多采，不愁寂寞。每次現身都定必盛裝出席的她，日前出席太陽國際集團的annual dinner時亦不例外，更與大女襯到絕，同樣揀穿了黑色裙。
Heidi所穿的入膊晚裝來自Jenny Packham，雖然款式簡潔，不過亦好有睇頭，正面設計以deep-V加上開胸，背面則是大露背，夠晒性感。黑色紗上飾有閃粉，圓形掛頸設計飾滿金飾與閃石，遠看似配戴了項鏈般，非常華麗。
來源:
http://hk.apple.nextmedia.com/entertainment/art/20170124/19907230
灑銀彈禁Mandy返港洗米華戒蒲箍老婆
1 :
GS(14)@2017-01-27 07:40:36■洗米嫂日前與洗米華主持公司周年晚宴，與老爺及子女一家影全家福。資料圖片
太陽娛樂老闆周焯華（洗米華）前年底與女友Mandy Lieu在香港「世紀一拖」，令洗米華老婆陳慧玲心死決意離婚。事件醞釀已一年多，Mandy就留在倫敦再為洗米華誕下一子，湊成「好」字，而洗米華遲遲未肯動筆簽紙離婚，與洗米嫂仍然處於分居狀態，但近月二人關係開始緩和，洗米華多次許下諾言「我只得一個周太」。日前二人還以主人家身份主持太陽娛樂周年晚宴，老爺仔女全家總動員撐場，洗米嫂還大方將全家福貼上Instagram。
■洗米華去年頻頻出招?老婆，有傳令洗米嫂心軟。資料圖片
■洗米華前年年底高調與Mandy在香港世紀一拖。資料圖片
洗米嫂態度軟化
昨日有報道指洗米華已解決「左右逢源」的齊人問題，勸服洗米嫂不再搞離婚，更定下底線禁止Mandy返港，以免觸及老婆神經。另一方面，他大灑銀彈安撫Mandy，繼去年送上千萬英國豪宅後，有傳再送3億元給她與一對子女作為生活費，更承諾每月至少去英國一次探望她們。其實，自從洗米華在公司活動發表「周太」宣言後，加上Mandy近月再沒有搞小動作，洗米嫂態度已明顯軟化，積極經營時裝網站生意，而洗米華亦少了出外玩，較多時間留家休息。據悉洗米嫂未有停止搞離婚手續，但在洗米華及老爺不斷游說下，連子女都開聲，有時也會心軟，惟看到Mandy有新聞，就覺得始終都是要分手。記者昨日曾聯絡Mandy經理人，於截稿前未有回覆。採訪：唐如
來源:
http://hk.apple.nextmedia.com/entertainment/art/20170127/19909974
洗米嫂抱細女手指指
1 :
GS(14)@2017-02-05 10:55:22■洗米嫂和囡囡手指指甫士一樣，認真溫馨。互聯網圖片
「洗米嫂」陳慧玲（Heidi），因為太陽娛樂老闆老公周焯華（洗米華）搭上Mandy Lieu而嗌離婚，不過因男方不肯簽紙，洗米嫂單方面申請需要分居兩年才可以離婚，洗米華就利用這段時間打動她，希望她取消離婚念頭，據聞經過一番努力，洗米嫂正考慮重修舊好。今個新年，洗米華沒有陪洗米嫂等家人去旅行，反而飛英國會女友Mandy Lieu，不過洗米嫂好識做，陪伴洗米華父親和姊姊、洗米仔周柏豪和自己一對女兒去澳洲過年，玩到昨日才返澳門。昨日臨離開澳洲之前，她把與細女齊齊手指指的合照放上網，並留言：「旅程最後一晚了！」撰文：鍾國仁
來源:
http://hk.apple.nextmedia.com/entertainment/art/20170205/19918103
Next Page