Juno自殘孖薛凱琪拍MV
1 :
GS(14)@2016-09-04 18:03:42■Juno和Fiona以驚慄造型拍MV。
麥浚龍（Juno）、薛凱琪（Fiona）前晚在清水灣為合唱歌《結》拍攝MV，兼任導演的Juno，豪花6位數字製作費，為Fiona設計一個紅白女鬼驚慄造型，Fiona說：「我好鍾意，因為視覺上畀到好多刺激，可能大家唔認得我係邊個，拍時會盡量唔照鏡，因為平日睇完恐怖片都會發噩夢。」
Juno透露拍攝期間遇上很多意外：「有個巨型漏斗，啲沙淋落嚟，刮損晒我條頸，最痛苦係啲沙入眼，同自殘冇乜分別。」採訪：盧妹攝影：仇志德
來源:
http://hk.apple.nextmedia.com/entertainment/art/20160904/19759167
【洋蔥慎入】山地興《頑固》MV撼梁家輝14年只求不被淘汰
1 :
GS(14)@2016-09-11 05:50:29我身在，當時你，幻想的未來裏。你，當年幻想的自己，可是今天的模樣？
有一種頑固，叫陳振興。你，曾經有乜嘢夢想？生活迫人，太多嘢令我哋放低咗自己嘅夢。但其實，個夢未死，仲喺裏面。香港唯一一位嘅全職山地單車車手陳振興，就用咗14年時間，堅持佢嘅夢想。上個月完嘅里約奧運，阿興喺山地賽獲得第32名，冇獎牌。好多人都好睇小呢個名次，但其實喺奧運要「有名次」，本身已經得來不易。賽制、亞洲人同歐美人嘅體格分別，都令阿興未出車先輸一半。明知輸都去踩，為乜？香港單車隊沈金康教練就咁樣形容︰「這樣一個明明沒有希望的項目裏面，阿興還能夠堅持，只為了『不被淘汰』，整整花了14年。」
人生中，有乜嘢係你永遠不放棄？
孤獨嘅訓練，無人嘅山頭，你捱唔捱到14年？
做山地單車手，隨時踩到蜜蜂飛入口，針頭個嘴孖膶腸咁。
何謂「不被淘汰」？山地賽，也許同我哋人生一樣咁唔公平，你一出世係前排嘅上流社會，你已經有好大機會繼續留喺上流社會；你一出世係窮人，爬到上去嘅機會亦都唔大，奧運山地車越野賽亦都一樣。就以今年里約奧運山地車越野賽為例，比賽全程7個圈，49個車手參賽按UCI（國際單車聯盟）排名，分成7排起步，排名267位嘅阿興喺第6排出發。比賽中只要俾對手超前一圈、或者未能喺限時內到達checkpoint即被淘汰，阿興喺今次賽事入面，仲一度只差20秒就冇得留低，但係佢點都要衝埋落去，最後得到一個比上屆奧運更強嘅名次——第32名，阿興話：「好多人都會睇個結果，但其實踩單車唔一定要有獎項，唔一定係要有名利，最緊要真係開開心心。」只係為咗「有得留低」同開心享受過程，講就容易，又有幾多人真係做到？但阿興做得到，仲一做就堅持咗14年。希望大家都可以做到《頑固》歌詞中：「每當我遲疑~從不曾忘記~活在我心深處~那頑固的自己~~」呢一句，代表到阿興嘅同時，佢亦被深深撼動。
香港人心裏最頑固嘅係乜？
最後一轉里約奧運，山地興已經由純競賽心態，轉為學會享受比賽。唔好笑，踩車，唔係為咗開心嘅咩？
又斜、又顛簸，唔頑固，點會玩啲咁嘅嘢？
曾經征戰08年北京奧運及12年倫敦奧運，嚟到啱啱過去嘅里約奧運，轉眼間阿興已經係「三朝元老」。由京奧未能完成比賽，直至里奧笑住以第32名衝線，呢14年阿興捱過唔少苦：「咁多年嚟，孤獨都幾陪伴我。成個隊得我一個山地車運動員，每次練習個山都冇人。」除咗孤獨，就只有孤獨。「試過幾次，有啲蜜蜂﹑蚊飛入口，針到我變孖潤腸。」艱苦嘅訓練同埋孤獨，都阻唔到頑固嘅阿興。當人人都將焦點放去獎牌嘅時候，阿興自有佢嘅一套價值觀：「好多選手可能都係衝住獎牌，而我係冇機會攞獎牌，我為完成比賽，完成呢個理想。」講到種種辛酸，阿興保持住佢真摰嘅笑容，或者正如歌詞一樣「如果你~能預知這條路的陷阱~我想你~依然錯得很過癮。」《頑固》呢首歌，其實係叫我哋要對得住自己。
可能係山地興多年以來最型嘅一張相。
五月天《頑固》MV真實版，最有資格挑梁家輝機嘅，係陳振興。
佢，4歲嘅阿興，亦等於原裝《頑固》MV中嘅小太空人。我哋所有嘅夢，都係源於我哋心目中嘅「太空人」。(圖片由被訪者提供)
後記：記得拍攝前一晚落勁大雨，小記已開始擔心可能要取消，因為我哋需要上山及航拍。「越係有嘢唔順利，我就越會俾心機去做、越想做，我就係咁乞人憎！」熱血嘅導演哥哥唔知係想安慰我定鼓勵我，又或者兩樣都唔係，只係純粹X噏，但我聽完對眼真係好似漫畫咁出現咗兩團火。到咗拍攝嗰日，天氣依然冇好轉，繼續落雨，就連阿頭都話「天氣太差就算，唔好夾硬嚟。」不過，我哋冇放棄到，照去。熱血嘅導演哥哥﹑兩位攝影師﹑陳振興連埋我，一行五人冒住停吓又落吓嘅大雨，走上大帽山，打算拍阿興嘅踩車片段，點知上到去又大霧到拍唔到。結果我哋又變陣再去元朗拍攝，終於皇天不負有心人，雨同霧都冇晒，順利roll機。唔知大家係咪都畀陳振興嘅「頑固」所感染，我哋都「頑固」埋一份。落雨就等佢停，大霧就轉地方，經過今次採訪陳振興嘅故事，令我覺得其實每個人心中都有呢份「頑固」，只係我哋將佢放低咗。採訪：植詠珊(Cathy)編審、編導、剪接：Roy拍攝：Teddy、Neo
來源:
http://hk.apple.nextmedia.com/entertainment/art/20160911/19767147
何韻詩MV被轟破壞原址
1 :
GS(14)@2016-10-20 08:05:35■何韻詩用上大量黑色灰燼拍攝《親愛的黑色》MV。互聯網圖片
何韻詩早前在一間棄置小學拍《親愛的黑色》MV，製作公司將部份課室窗戶噴黑，以製造戰爭效果配合歌曲主題，不過facebook專頁「攝影廢墟藝術」發現負責製作MV的公司事後沒有完全清理現場，疑似「走數」。
■網民日前再到廢置小學，發現製作公司未如所說的將現場清理。互聯網圖片
何韻詩昨日透過助手回應：「嗰日由凌晨拍到第二朝，之後製作公司已清理到傍晚6點，係保安人員話夠鐘，要工作人員離開。」又透露製作公司事後曾再作清理。而製作公司在下午4時於fb發聲明，解釋是漏了清潔部份地方，不過廢攝愛好者不滿意答覆。而曾在同一地方取景拍電影《全力扣殺》的導演郭子健，昨受訪時表示圈中人很有公德：「都希望有交帶，可以有下次。」採訪：李森
來源:
http://hk.apple.nextmedia.com/entertainment/art/20161020/19806019
曼玉新歌MV玩蛇
1 :
GS(14)@2016-11-10 07:39:48■Maggie包辦英文新歌曲詞編及唱，兼拍MV。互聯網圖片
影后張曼玉（Maggie）近年熱愛唱歌，雖然前年在上海開腔唱《甜蜜蜜》，被網友譏為「被上帝遺棄的聲音」，但都無阻她出碟的決心。昨日Maggie的處女英文單曲《Look In My Eyes》MV預告曝光，片中有多個造型，包括金bra top、魚網黑絲及短裙玩白蛇，性感誘惑。
Maggie為歌曲親自填詞、作曲、編曲，MV預告都是自編自導自演，完整版MV將於後日曝光。對於Maggie新歌，音樂人倫永亮透過短訊表示：「MV花絮已經拍攝得很美，可以看到在圖案的層次構思，都下了很多心思。音樂上面也有突破，而主角的表現很美很美。音樂是走電子方向，編寫得不錯，很帶得出一份性感的效果。」採訪：皓騫
來源:
http://hk.apple.nextmedia.com/entertainment/art/20161109/19827133
Next Page