傳與攝影男友Silas同居欣宜曾跪求挽愛情
1 :
GS(14)@2016-11-13 11:32:41你話欣宜演戲方面好積極進取，勇於嘗試，感情方面一樣敢愛敢恨，堪稱烈女！之前欣宜喺佢嘅處女演唱會入面，自爆曾經為咗挽留一段感情，而跪求男友不要離開：「我曾經跪喺佢面前，求佢唔好走，將自己嘅尊嚴都放低，但佢始終都係走囉。」回想番，入行8年嘅欣宜，每次談戀愛都毫不避忌，但講到呢個跪求回心轉意嘅男友，佢就冇詳細咁回應。初戀男友2005年，欣宜仲喺溫哥華高中畢業嘅時候，就同初戀男友林寶麟着晒情侶裝去開P，仲帶男友見肥姐同秋官，可惜之後因肥姐病重停學返港，欣宜只好同初戀講拜拜。外籍同學欣宜喺加拿大返港後即與外籍同學Eric撻着，更不時拍親熱照放上網，但呢段情來得快，走得都好快。
Mark Ryan2012年宣佈同喺加拿大讀書時認識、拍拖五年嘅男友Mark Ryan分手，Mark去年結婚並已成為人父。韓籍男模同阿Mark分手後，13年就戀上韓籍巨胸男模崔豪晉（Jin），但欣宜就否認戀情，最後傳二人拍拖三個月便分手。
Silas Lee欣宜有傳與雜誌攝影師Silas Lee拍拖半年兼同居，佢哋仲成日喺社交網晒恩愛，然而欣宜去年11月就話同Silas分手大半年，而Silas亦係跪求唔好走嘅最高嫌疑男友。
來源:
http://hk.apple.nextmedia.com/entertainment/art/20161113/19832274
阿旦要錢唔吼 深溝欣宜
1 :
GS(14)@2016-11-13 11:32:41■阿旦跟低胸裝的欣宜做對手戲時，全程目不斜視。
鄭丹瑞（阿旦）事隔26年再自導自演電影《小男人週記3之吾家有喜》，他再演男主角梁寬，除安排D奶女神周秀娜做女友，還有35F「巨胸翠如」鄧月平扮他的囡囡，對手「胸」湧而出。阿旦日前再跟重量級女神鄭欣宜在上環餐廳開工，他與穿deep V連身裙的欣宜講數，面對欣宜的巨咪，阿旦被發現全程目不斜視，事後尷尬說：「黐線！」
■戲中欣宜扮陳友小三，戲外搞笑地輕掃阿旦背。
300萬掟煲費
故事講述阿旦為老闆陳友出頭，向陳友小三欣宜追討300萬掟煲費，阿旦說：「陳友發噩夢，夢遊除老婆衫，大叫欣宜個名，老婆打咗陳友一嘢。陳友肉赤畀咗欣宜300萬分手費，只有梁寬可以咁『契弟』，幫佢追番兼攞凸。」中文麻麻的欣宜笑言：「我而家先正式知道『契弟』含意，淨係知以前細個介紹契媽個仔時唔可以講。」 欣宜強調現實生活抗拒小三：「我會叫個男仔選擇咗先，除非我唔知。」欣宜與陳友這對沒有激情戲，她說：「我哋好pure，用想像空間交代。」但劇情需要她都肯拍，阿旦就抵死說：「咁要陳友自費，我已超支，俾老細鬧。」採訪：陳杰攝影：陳慧安
來源:
http://hk.apple.nextmedia.com/entertainment/art/20161113/19831737
許廷鏗欣宜組情侶檔
1 :
GS(14)@2016-11-18 17:56:38鄭欣宜與好友許廷鏗昨日於尖沙嘴出席聖誕活動，許廷鏗說：「我哋好多活動都一齊做，變咗組合，未來我哋喺音樂上有新發展，大家拭目以待。」二人出雙入對，經常被誤會是情侶，許廷鏗笑說：「譚玉瑛姐姐之前好凝重咁問我係咪同欣宜一齊，因為欣宜之前訪問時講錯嘢。」欣宜也笑說：「五姨媽真係以為我哋有嘢，因為之前我哋去咗加拿大拍嘢，我好少帶朋友見屋企人。」問他們會否考慮向對方表白？許廷鏗說：「希望聖誕帶到歡樂畀大家！」身旁的欣宜則罵許廷鏗說：「你答得好差！應該同大家講有嘢宣佈，just a joke。」採訪：羅慧敏攝影：陳順禎
來源:
http://hk.apple.nextmedia.com/entertainment/art/20161118/19837126
欣宜緊張《女神》爭獎
1 :
GS(14)@2016-12-10 13:30:16鄭欣宜、Super Girls（SG）前晚在九展為《「全城起動撐傳誠」綜合匯演》演出，欣宜打頭陣出場，唱出《女神》，在後台被問到《女神》打入「叱咤樂壇我最喜愛的歌曲」五強，她說：「好緊張，呢排見到朋友都不停拉票，難得有首咁好嘅歌，話唔想有機會攞獎就呃你嘅。」欣宜透露之前有一次做騷後慶功宴，醉醉地攬住許廷鏗話好驚，之後對方投了自己一票。
SG壓軸出場，在訪問期間被問到有否被邀請出席飯局？成員Jessica說：「曾經收過inbox問搵我哋工作可以搵乜嘢人，叫我畀經理人電話佢，我撳入去睇到佢入面全部都係女仔不雅相，同埋寫住內地富商介紹，當然冇理佢哋。」採訪：王連連攝影：仇志德
來源:
http://hk.apple.nextmedia.com/entertainment/art/20161210/19860579
欣宜遭點名收花球
1 :
GS(14)@2016-12-21 23:42:02許志安、鄭欣宜、王灝兒（JW）及樂隊太極等前晚在九展出席「無毒Rock"n"Roll」音樂會。鄭欣宜談及在岑麗香婚宴接到花球，她說：「我覺得好搞笑，我冇機會搶花球，本身我諗住算啦，香香喺最後一分鐘發現我冇出去，就嗌咪嗌我全名：『鄭欣宜一定要上嚟接花球』。我上到去，一排女仔，佢叫我企中間，跟住輕輕哋送畀我。」安仔透露其新歌MV《靈魂道》題材特別，他說：「首歌係Supper Moment寫畀我嘅，我就搵咗個新導演幫我拍，百無禁忌，係講一個人離開世界之後留戀乜。」MV中安仔要躺下像死了一樣，更在眉毛鋪上粗鹽、爽身粉及糖，營造結冰效果，他說：「我覺得好有意境，我感覺係瞓喺嚿冰度融咗雪，跟住醒咗，唱咗隻歌就返樹林。」採訪：王連連攝影：仇志德
■許志安前晚透露Supper Moment為他寫了一首新歌。
■安仔拍新歌MV時，被鹽糖醃面四小時。
來源:
http://hk.apple.nextmedia.com/entertainment/art/20161221/19871692
欣宜逼爆現身《叱咤》Jan奪唱作人金獎：樂壇響喪鐘
1 :
GS(14)@2017-01-02 11:51:10■林海峰昨晚上台拿叱咤唱作人金獎，成為首位唱歌的歌手。
【叱咤頒獎禮】由商台主辦的《2016年度叱咤樂壇流行榜頒獎典禮》，昨晚假灣仔會議展覽中心舉行，今年大會主題是「忘我，不忘本」。一如去年，今年同樣頒發43個獎項。視像直播除了商台設有專頁作全晚直播外，ViuTV及愛奇藝亦分別獲得香港及內地直播權。
Wyman奪填詞人大獎
頒獎禮於昨晚8時20分正式開始，之前缺席新城頒獎禮的容祖兒、張敬軒和許志安都有出席，另外鄭欣宜身穿黑色貼身裙，逼爆上圍現身。三位司儀上台後，隨即宣佈黃偉文（Wyman）今年憑32首作品奪得叱咤樂壇填詞人大獎，Wyman表示這個獎對他而言比諾貝爾獎還重要，他說：「我係寫廣東歌，只要你繼續畀一支筆、一張紙、一個旋律，我都會寫出你要求司法覆核，DQ、 Bob Dylan。」至於叱咤樂壇作曲人大獎由Dear Jane結他手翁厚樑（Howie）奪得，編曲人大獎是馮翰銘（Alex Fung），監製大獎則由陳浩然（Edward Chan）奪得，他在台上更點名多謝鍾鎮濤。
■鄭欣宜穿了一條超貼身黑裙，逼爆上圍。
■之前缺席新城的（左起）薛凱琪、張敬軒、祖兒及許志安昨晚都有現身。
■黃偉文憑32首作品，昨晚獲頒填詞人大獎。
■周國賢四年沒上叱咤台，在台上說謝辭全程口震震，強忍淚水。
鄧小巧拎生力軍金獎
相比新城電台，昨晚頒獎禮流程算很快，未夠15分鐘已頒到第五個獎項叱咤樂壇唱作人，金獎、銀獎及銅獎分別由林海峰（Jan）、方皓玟及周國賢奪得。林海峰在台上笑說：「可以上台攞獎，證明樂壇已響起喪鐘！」他更成為全晚第一位在台上唱歌的歌手，唱出《頂硬上》。另外，叱咤樂壇生力軍金、銀、銅三獎，分別是鄧小巧、張美儀及陳明熹。採訪：馬建華、王連連攝影：陳俊強、仇志德
來源:
http://hk.apple.nextmedia.com/entertainment/art/20170102/19883790
Next Page