隔牆有耳：讚Gin Lee 馮允謙唱得好 AO歌王：欣宜《女神》啱feel
1 :
GS(14)@2016-05-24 10:40:05年長一代總係鍾意話下一代點樣不濟、點樣唔夠上一代叻嘅，但有「AO歌王」之稱、已經退休嘅民政事務局前常任秘書長楊立門就唔係喇，仲識英雄重英雄，噚日出席活動時點名讚呢排有啲歌手唱得幾好，唔知幾時會同呢班靚聲王組隊演出，以歌會友呢？獲AO歌王大讚嘅包括一男一女，就係巨聲幫出身嘅馮允謙同來自馬來西亞嘅李幸倪（Gin Lee）。查實馮允謙出道5年嘞，最近一首《Keep On, Fight On》聽到人好雀躍；Gin Lee仲勁，今年已有《雙雙》同《月球下的人》兩首冠軍歌，證明楊立門好識貨。
話未夠班學黎明開騷
咁AO歌王有冇聽過近期熱播、欣宜嗰首《女神》呢？楊立門話有喎，呢首歌真係好啱欣宜唱，雖然首歌唔係話好好聽（嗯……），但啲詞就真係欣宜先至唱到出嚟。咁又係，唱歌都要講feel嘅，欣宜演繹嘅呢首歌，真係打動唔少人心㗎！原來楊立門下星期會同二胡王子王憓（Ray）再度合作開騷，「佢作咗啲歌等我唱，仲有一首黎小田嘅新歌，我要同佢唱，久唔久我就有呢啲concert」。過去幾年不斷開騷嘅佢話今年冇搞大騷，但透露密鑼緊鼓搞緊出年嘅騷。八方多嘴問句，幾錢唱一首歌？楊立門話佢而家統統都係義工、為公益唱歌，但揚言「遲啲會睇吓係咪搞番屬於自己嘅音樂會」。咁會唔會好似黎明咁喺中環海濱開個唱？楊立門好謙咁話自己未夠班，有歌唱就心滿意足啦！
李八方
mailto:
[email protected]
來源:
http://hk.apple.nextmedia.com/news/art/20160523/19623763
隔牆有耳：龍蝦任期長過老公689
1 :
GS(14)@2017-04-22 10:38:21大家捱多70日左右，就可以告別特首梁振英嘅管治，但對於一啲公益團體嚟講，可能仲要包容多一陣喎！人稱龍蝦嘅梁振英太太梁唐青儀，直至今年2月為止，以特首夫人名義做緊74個公益慈善團體嘅名譽職位，照道理梁振英拜拜之後，龍蝦唔再係特首夫人，呢啲名銜都應該煙消雲散。不過根據特首辦回覆特別財委會嘅書面質詢所見，龍蝦原來有唔少名銜任期未完，部份更加超越梁振英嘅特首任期，譬如佢做香港島婦女聯會榮譽贊助人到今年10月，做南華體育會女子部榮譽顧問到出年5月，做油尖區賢毅社榮譽主席更加會做到2019年3月，換言之7.1後仲有一段長時間，不時仲會見到龍蝦登場，尤其係佢貴為全國政協副主席夫人喎，可能更多花瓶位會搵佢。
來源:
http://hk.apple.nextmedia.com/news/art/20170421/19996711
隔牆有耳：勞聯換屆 80後擔大旗
1 :
GS(14)@2017-04-22 10:38:21政團政黨越趨年輕化，啱啱換屆嘅勞聯就由兩名80後擔大旗。今年36歲嘅林振昇接替吳慧兒，成勞聯歷來最年輕主席。阿昇2003年中大歷史系畢業，遇正沙士難搵工，再讀一年教育文憑，又遇上殺校，只能做代課教師，後來見勞聯請人做培訓工作就入咗行，2011年起出任副主席，今年接棒領軍。另一名80後譚金蓮（Jenny）就出任副主席，唔少示威請願佢都有份，嗌咪唔會輸畀工友。樹仁新聞系畢業嘅Jenny以前喺報館實習過，印象最深係會考放榜被派去莊啟程書院搵尖子。
Jenny2008年畢業後做勞聯立法會議員李鳳英助理，之後入工會由社會事務主任做起。
來源:
http://hk.apple.nextmedia.com/news/art/20170421/19996717
隔牆有耳：勞聯換屆 80後擔大旗
1 :
GS(14)@2017-04-22 10:39:28政團政黨越趨年輕化，啱啱換屆嘅勞聯就由兩名80後擔大旗。今年36歲嘅林振昇接替吳慧兒，成勞聯歷來最年輕主席。阿昇2003年中大歷史系畢業，遇正沙士難搵工，再讀一年教育文憑，又遇上殺校，只能做代課教師，後來見勞聯請人做培訓工作就入咗行，2011年起出任副主席，今年接棒領軍。另一名80後譚金蓮（Jenny）就出任副主席，唔少示威請願佢都有份，嗌咪唔會輸畀工友。樹仁新聞系畢業嘅Jenny以前喺報館實習過，印象最深係會考放榜被派去莊啟程書院搵尖子。
Jenny2008年畢業後做勞聯立法會議員李鳳英助理，之後入工會由社會事務主任做起。
來源:
http://hk.apple.nextmedia.com/news/art/20170421/19996717
Next Page