鍾意一日冚包散 嗜飲Dry Martini星爺想演八爪魚 俾小豬截糊
1 :
GS(14)@2016-01-20 17:48:44■星爺日前接受本報訪問，繼續發揮冇厘頭本色。攝影：陳志嵐
【《蘋果》專訪】周星馳的電影對白啜核，招數一大堆，「淫賤不能移」、「含笑半步釘」、「一日冚包散」，更有「Dry Martini」。日前星爺接受本報訪問，玩「人人問星爺」公開他最喜歡自己作品中的妙藥及飲料。今個賀歲檔，星爺新片《美人魚》延續爆笑風格，他透露今次原本想演八爪魚，可惜最終被羅志祥（小豬）搶走角色。撰文：何永寧
相隔3年，星爺周星馳再有新作，叫一班影迷非常期待，他的經典對白永不過時，本報讀者更透過「人人問星爺」來挑戰星爺，考考他爆笑對白來自哪一套戲！星爺多套戲內均會點Dry Martini，他承認：「其實我幾鍾意飲！」至於眾多作品中最愛哪種搞笑妙藥？他說：「《唐伯虎點秋香》嘅一日冚包散，最有意境！」
■大多星爺作品中都會出現一位「如花」，《美人魚》又豈會例外？劇照
■星女郎張雨綺拋胸上陣。
■星爺最想演的八爪魚，最終讓給小豬（圖）演。
「人破壞緊地球」
星爺自從08年自導自演電影《長江7號》後，就專注幕後，他日前在尖沙嘴一酒店接受本報訪問時表示，不排除再演出幕前，星爺說：「如果有啲角色我有興趣，當然有可能。第一自己本身幕後興趣大好多，又冇乜人搵我拍戲。唯一想做《美人魚》入面條八爪魚，又俾小豬做埋。因為佢唔使着衫，又唔使着褲，其實衫褲都唔使着，不過要花好多時間去化妝。我有好多嘢都未做過，好似八爪魚咁。坦白講吖，我問小豬『你做唔做先』，我諗住如果佢唔做就我就做，點知佢做，咁咪冇囉。」
星爺又大談拍《美人魚》用意，不過第一個問題前後不到10秒，他就打倒剛才的自己，他說：「今次《美人魚》同以往有啲唔同嘅，係一個童話故事，其實又真係冇乜唔一樣喎，最後都係愛情故事，但係今次擺喺現代環境，唔多唔少會加加減減，一個現實同超現實嘅結合。」拍《美人魚》緣起是星爺很喜歡童話，相信好人有好報：「我鍾意童話，其實我拍親都係童話，童話裏面一定有呢個世界係好美好嘅大原則，我信呢樣嘢，所以我拍嘅都有呢啲嘢喺度。」提到將童話故事題材改成電影上映，星爺目的是帶出一個環保訊息，他說：「同環保有啲關係，係一個地球嘅故事，點解要拍美人魚？基本上係一個愛情故事，但要再複雜啲，係一個異類物種交叉戀愛嘅故事。唔係人同人嘅戀愛，係人同一種未知物種，又唔係魚喎，佢（美人魚）係半人半魚。咁你假設真係有呢種生物嘅時候，係咪可以戀愛呢？當然你係歌頌戀愛偉大，你可以話呢個愛情，係超越所有界限，異類物種都可以發生嘅。係講戀愛之外，當人類破壞緊地球環境，想企喺唔係人類嗰邊去睇，從其他物種角度，去睇人類做緊啲乜嘢。」
【《唐伯虎點秋香》】■華夫人最強的毒藥為一日冚包散。
【《國產凌凌漆》】■凌凌漆（左）最愛飲Dry Martini。
又演又導嗌辛苦
星爺自言希望透過一個娛樂性的電影，帶出訊息等觀眾感受。雖然星爺很久沒有演出電影，但他想發揮的表達方式，會在不同演員上出現，就如上一套電影《西遊．降魔篇》中演孫悟空的黃渤，就是自己的化身：「又導又演兼顧到，不過好辛苦。雖然我冇演出，但我將好多我自己嘅諗法，擺咗喺其他演員上面，我覺得都好有趣。」場地：馬哥孛羅香港酒店
來源:
http://hk.apple.nextmedia.com/entertainment/art/20160120/19458552
小豬伊娃水鄉圓婚
1 :
GS(14)@2016-07-13 05:15:54【綜合德國外電】德國雖然未能成為今屆歐國盃盟主，但無損隊長舒韋恩史迪加的心情，這名31歲曼聯球員，周二在意大利迎娶28歲塞爾維亞美女網球手伊娃諾域，據報邀得德軍職球員包括路維及湯馬士梅拿出席婚禮。早前有指已交往兩年的「小豬」及伊娃，會於7月12日結婚，據消息人士指這對新人為了令賓客有驚喜，故對婚禮的一切資料守口如瓶，外界只知道舉行日期是介乎7月11至13日，結果他們亦於7月12日（周二）行禮。至於小豬及伊娃與親友日前乘坐私人飛機，由德國前往意大利；而他們更於結婚前輕鬆一下，周一被狗仔隊拍到在水鄉威尼斯「遊船河」，隨後於周二在威尼斯市會堂舉行婚禮。
梅拿、梅禮到賀
據了解，小豬及伊娃邀請了體壇知名人士參加婚禮，包括湯馬士梅拿、前拜仁慕尼黑會長漢尼斯、德國國家隊教練路維、德國女網手姬芭及剛贏得溫網男單冠軍的英國球手梅禮，當然還有與小豬非常老友的德國滑雪選手紐羅瑟。
來源:
http://hk.apple.nextmedia.com/sports/art/20160713/19692249