【馮仁昭四圍超】半年情玩完王宗堯被蔡潔狠飛
1 :
GS(14)@2017-01-18 22:21:23■王宗堯同蔡潔舊年被本報影到拍拖玩航拍。資料圖片
王宗堯上年被模特兒女友黎紀君（Christy）狠飛，點知新一年再次被分手，大前晚開始王宗堯在網上尋人「其實消失係咩玩法呢？」、「First day back！三個月，一些些改變了，有些東西已經返唔到轉頭」，言語之間，疑似同女友蔡潔嘅半年情出現咗問題。
■蔡潔話因為做嘢關係，同宗堯溝通嘅時間都少咗。資料圖片
■王宗堯噚日話蔡潔唔見咗人，唔清楚佢去咗邊。
「想當面傾吓」
馮仁昭噚日訪問王宗堯時，提到Instagram留言問「其實消失係咩玩法」，佢話：「總之有啲人唔見咗，唔係好清楚佢去咗邊，冇乜答覆、冇乜回應，暫時唔知乜嘢事，所以睇定啲先！」咁?家同蔡潔係乜嘢關係，佢竟然爆咗一句：「唔係好特別清楚，所以首先要搞清楚件事先。」宗堯仲用劉青雲、郭藹明夫婦打咗個比喻：「我成日覺得如果你可以好似青雲咁就話，有一個人可以係太空總署，你架飛船飛走咗，做完戲，咁大家有個共識係好嘅，唔知！咁未必一定係得嘅，其實都想當面傾吓，搞清楚件事先嘅。」?;家唔知蔡潔身在何方，但宗堯好想得到一個答覆：「係乜嘢一回事，自己都係想有個知字。」怕唔怕無疾而終？佢皺一皺眉話：「唔知㗎！唔敢諗太多，暫時好多嘢都係未知數，唔敢做太多假設。」這邊廂宗堯希望當面講清楚，那邊廂嘅蔡潔接受本報訪問自認分手：「因為工作關係，大家相處同溝通嘅時間都少咗，所以經過呢段時間，我覺得都係專心喺工作方面先。」撰文：馮仁昭
來源:
http://hk.apple.nextmedia.com/entertainment/art/20170118/19900092
王宗堯撐小環年宵檔
1 :
GS(14)@2017-01-26 18:08:32譚小環今年同毛記合資7位數字於維園搞年宵攤檔「毛記劣食by渣哥」，小環開檔首日已發出「告急」呼籲，男神王宗堯和邵仲衡前晚10時多往維園支持，更幫手招待客人。正排隊等買魚蛋的市民趁機向兩男神集郵，小環和老公蔡強榮則安排他們入攤檔休息，順便挑戰地溝油辣汁魚蛋和燒賣，他們均吃到舔舔脷。
■王宗堯引來不少市民集郵。
小環昨日在電話中說：「男神助陣，吸睛又吸錢，我賺晒。好開心同好驚喜佢哋嚟，全場起哄。」小環表示前晚男神駕到生意額大增，魚蛋燒賣合共賣出逾5萬粒。問王宗堯有否行年宵習慣，他說：「鍾意晏晝時間去行，冇咁多人。」邵仲衡指年宵令他勾起不少童年回憶。採訪、攝影：陳杰
來源:
http://hk.apple.nextmedia.com/entertainment/art/20170125/19907411
【馮仁昭四圍超】王宗堯兩支上籤 香港自身順利OK
1 :
GS(14)@2017-01-31 03:13:32■王宗堯同陳詩慧（中）代《蘋果》幫香港雞年運程求得上籤，開心得振臂高呼。
梁振英宣佈唔爭取連任嗰刻開始，香港曙光再現，日前男神王宗堯同師妹陳詩慧應本報邀請去車公廟為港祈福，代本報為港求籤，宗堯求籤前神色凝重：「有好多關口要過，無論係環境又好，生活又好，上樓呀，甚至教育，好多問題都好迫切，雖然我唔可以代表所有嘅人，但係我喺呢度都好希望，為香港求一支好籤。」果然，宗堯求得十六號上籤：「惡強無如惡者強，福者自是福人嘗；人來纏害還自害，不怕傍人說短長」，即場忍唔住高聲呼叫：「好開心，勁緊張，見到香港呢支上籤，諸事大吉，我見到第一句已經好正，嚟緊香港會好番好多，我哋香港人想有屬於自己嘅地方。」
■王宗堯同師妹陳詩慧求籤之前先要誠心上香。
■首次入車公廟，王宗堯轉風車祈求轉個好運。
問姻緣好事近
特首選舉如箭在弦，宗堯睇好邊一個？佢話：「天氣咁凍，咁梗係唔想淋病喇！淋病過年好辛苦，又食唔到嘢，又拜唔到年，?唔到利是，最好更加唔好有葉劉嗰啲，有瘤又唔係幾好，你話有層樓揸係手就好箒，嗰啲葉劉，真係好大鑊，新年梗係身體健康，有錢喇！香港唔可以冇錢，有錢就最好喇！會秉持公道嗰啲人都幾好，有錢又食到薯片就最開心。」除咗為港，被甩拖嘅宗堯都有求自身籤，得七十一上籤，講姻緣意旨「好事近」，佢苦笑話：「就算係都希望係正桃花啦！其實都只係希望順順利利就OK。」撰文：馮仁昭
來源:
http://hk.apple.nextmedia.com/entertainment/art/20170130/19912567
王宗堯帶隊遊日本
1 :
GS(14)@2017-03-22 00:47:22王宗堯及陳詩慧（Eva）早前與公司同事到日本旅遊，五天行程緊密，一天之內更往返東京及大阪，他們去了大阪環球影城，玩盡各項新遊戲，宗堯說：「我好鍾意刺激嘅遊戲，尤其VR遊戲戴住眼鏡玩過山車。」Eva則唱反調：「轉嚟轉去嘅遊戲我都頂唔順，我唔係好鍾意VR，會作嘔頭暈，玩玩吓要除咗副眼鏡。」二人逛精品店時，宗堯遇上香港粉絲被集郵，但Eva反而變身粉絲，因為遇見柯震東，當然機不可失影合照留念，遊完環球影城兼買到滿載而歸，一行人即時坐新幹線回東京。曾在日本拍劇的宗堯相當熟悉東京，更識講日文，所以全程做導遊，為各人打點一切。撰文：葉綠悠
來源:
http://hk.apple.nextmedia.com/entertainment/art/20170321/19964566
撐完枱腳Heidi落閘王宗堯又被飛
1 :
GS(14)@2017-03-23 06:27:25■王宗堯同Super Girls成員Heidi日前俾人影到煙韌撐枱腳。讀者提供圖片
【爆相爆片】男神王宗堯舊年俾?模女友黎紀君狠撇之後，今年年頭又俾蔡潔飛。不過佢冇因為咁而被打沉，日前佢就被發現同個女仔撐枱腳。讀者梁先生透過本報「爆相爆片」報料，話日前喺荃灣一間cafe見到王宗堯同個女仔撐枱腳，佢話：「王宗堯比較避忌，反而個女仔好主動，不停將個頭挨近男仔。過馬路個女仔有捉住王宗堯嘅手臂，跟住王宗堯反手搭住個女仔條腰，之後個女仔好嬌嗲咁問王宗堯：『我哋係咪返屋企？』王宗堯就話：『係呀，我車你返去。』」
■Heidi（右二）噚日同隊友去商台做訪問嗰陣，話同王宗堯冇發展機會。
「順便畀手信」
馮仁昭噚日問王宗堯係咪有新戀情，佢笑住話：「梗係唔係喇！嗰日只不過係做完嘢，咁啱大家都得閒，所以咪一齊食嘢，順便拎啲手信畀佢。食完嘢，我有揸車咪順便車佢返屋企。」原來嗰個女仔係Super Girls成員李靜儀（Heidi）。Heidi噚日同隊友喺商台宣傳新歌，佢回應話：「我哋識咗好耐，要追一早追咗啦！食完飯，我咪問係咪返屋企囉，其實王宗堯都係送我返屋企。」Heidi話雖然王宗堯係單身，但都唔會有機會發展，仲祝福佢快啲搵到新女友。撰文：馮仁昭
來源:
http://hk.apple.nextmedia.com/entertainment/art/20170322/19965541
王宗堯蔡潔唔夠半年玩完《夜蒲》肉博舊愛DaDa
1 :
GS(14)@2017-03-23 06:27:25一講王宗堯，相信好多人第一個反應係：「男神呀！」身為男神，38歲嘅王宗堯嘅感情生活一向都大家關心嘅話題，而且佢嘅對象都一個其通點，就係身才非常好。
DaDa陳靜「百果園E神」呢個名係咪好耐冇聽過呢？不過DaDa呢個朵同身材真係一時佳話，佢同王宗堯08年喺朋友介紹底下認識，兩人拍拖一年幾之後就分手。之後喺11年拍《喜愛夜蒲》時，DaDa同王宗堯仲要拍肉博親熱戲，DaDa仲話冇尷尬好有默契o添。陳詩雅陳詩雅身為Angelababy師妹，喺15年就被影到同王宗堯喺街頭打得火熱，王宗堯仲好肉緊咁一手攬陳詩雅入懷，然後就啜啜，淨係睇字都有畫面呀唔係講笑。估唔到肉緊過後，王宗堯接受訪問時好老尷咁話：「認識很久的朋友…了解中！」
Christy黎紀君15年10月，王宗堯就承認「已封盤」同Christy穩定發展中，Christy本身讀書時期已經係ig女神，經常大方晒身材。不過到16年5月，王宗堯出席活動時殘爆認分手，仲話唔想變成敵人。蔡潔王宗堯同蔡潔喺16年7月被爆一齊，仲一齊去到數碼港玩航拍機o添。當時王宗堯仲要起唔到機，睇番都幾搞笑，不過此情此景o依家睇唔到喇。因為兩人拍拖唔夠半年就分手，王宗堯話自己係「被分手」，聯絡唔到對方，仲喺fb留言：「其實消失係咩玩法呢？」睇返咁多段關係，王宗堯都係傳被人飛，估唔到男神都有弱點；不過唔緊要啦，聽日一定會好天嘅。
來源:
http://hk.apple.nextmedia.com/entertainment/art/20170322/19966340
Next Page