吳若希惹第三者罪名疑似Alex：我當Toby係X
1 :
GS(14)@2016-10-24 04:20:56愛情係會令人盲目嘅，就正如當澳門闊少Alex Ho愛上咗香港歌手吳若希後，為咗表明心跡，唔想女友懷疑佢嘅愛，Alex就用咗一個字，嚟形容舊愛Toby Sin，如果這是情……你又會唔會好冧呢！今年7月，吳若希就被《蘋果》讀者爆同澳門闊少Alex蜜遊泰國，跟手吳若希就好Sweet咁公開佢同Alex嘅愛侶關係，但突然就殺出個程咬金，Alex被爆原來已經有個model女友Toby，咁即係話吳若希係第三者。吳若希當然會嬲嬲豬啦，咁Alex即刻就深夜發聲明力證自己係單身，但係話口未完，就再爆出Alex原來同Toby有肉體轇轕添，吳若希當然就嬲到震啦！咁Alex就即喺拎住袋Chanel，坐直升機過來香港負荊請罪。正當大家以為事告一段落嘅時候，又有爆出一個疑似係Alex嘅facebook，喺吳若希私人fb留言話：「我真係當Toby先係x~買花買禮物都係為咗補償佢～佢埋我身都係為咗依個目的～佢係X！」段留言仲講到，疑似Alex承認追求吳若希嘅時候，依然同Toby有路，但佢就只係當佢係X！呢位何生不段以X來形容自己同Toby嘅關係，而Toby亦喺Instagram到留言話：「多謝提早給我看看世界……朋友們不要截圖給我了！因為事過境遷，毫無意義又不上心！」
來源:
http://hk.apple.nextmedia.com/entertainment/art/20161023/19809822
吳若希疑到澳門養胎
1 :
GS(14)@2016-11-11 08:10:31■吳若希又再傳懷胎三個月，更帶5篋行李到澳門陪男友Alex。資料圖片
吳若希跟澳門有米男友Alex閃分閃合，月前更向無綫請一年長假，人肉速遞到澳門陪男友，難怪頻傳吳若希珠胎暗結。上周四，有傳媒影到吳若希肚凸凸現身澳門，以前平平無奇的B cup身材，忽然升級，孕味十足，盛傳懷孕三個月。報道指吳若希帶同愛犬和5篋行李移居澳門，跟男友雙宿雙棲展開同居生活，而本周一晚上10時許，吳若希在社交網貼史迪仔枱燈，留言「晚安」，網友都估她有孕而早睡，紛紛祝福：「恭喜妳！早點瞓對B女好，晚安！」、「胎教，唱多啲歌，BB會感受到。」昨記者致電吳若希求證大肚傳聞，但至截稿前沒回覆。採訪：皓騫
來源:
http://hk.apple.nextmedia.com/entertainment/art/20161111/19829670
陀B傳聞係真？吳若希貼全身相 圓潤咗
1 :
GS(14)@2016-11-13 11:32:38吳若希應承咗大家：1.有咗3個月會通知大家～2.結婚通知大家3.包保係獨家爆料仲話：1.層樓真係我自己儲錢買2.百零萬首期都俾得起既3.放租2萬可唔可以幫我搵租客24歲嘅吳若希，今年7月宣佈同澳門闊少Alex拍拖，公開兩個半月又話高調分手，轉個頭又話復合，吳若希仲請突然請假一年，上周更被周刊影到肚凸凸現身澳門，話佢過大海休養，身形更圓潤咗，仲進駐埋Alex位於氹仔嘅千萬豪宅。當時報道指，本來男友Alex因為佢啲港女性格日漸疏遠，點知吳若希發現有「籌碼」，即令男友乖乖講復合，吳若希更乖乖停工添。因為屢傳大肚，吳若希頂唔順，終於出圖為自己澄清，應承大家有咗3個月會一定會通知你——但係呢，放緊大假嘅佢，都係唔多肯影全身相，頂盡都係一周前嗰張黑色貼身裙，得半身，條腰明顯粗粗地…昨日黃昏時份，吳若希突如其來上載一張全身相——落足眼力擘大啲嚟睇，因為係正面，睇唔出有冇肚，目測估計就冇嘅。吳若希BB著住條超窄牛仔褲，長腿就好似圓潤咗啲——背景似香港。但成張相重點，唔係肚，唔係腿，而係——對鞋。幫手賣廣告呀嘛。如果都有長期飯票，仲使乜要撲水呢咁……
來源:
http://hk.apple.nextmedia.com/entertainment/art/20161113/19832245
上月宣佈暫別娛圈 擬美國生B吳若希終報喜 懷孕3個月
1 :
GS(14)@2016-11-20 23:52:01■一直盛傳大肚的吳若希，昨日向前經理人親口承認懷孕3個月。資料圖片
吳若希今年9月跟澳門闊少男友Alex分手後一個月即火速翻撻，她更於社交網暗示暫別娛圈，隨即惹來大肚傳聞。連月來吳若希一直未肯承認大肚，直至昨日她終在Instagram宣佈喜訊：「幸福的事要發生了！」她的前經理人Simon昨轉述吳若希親口承認有喜：「我有咗3個月喇！」據悉明年5月便25歲生日的吳若希，將於同一個月份在美國迎接小生命來臨。
連月來盛傳懷孕的吳若希，昨日終於承認懷孕3個月，可喜可賀！現年24歲的吳若希，今年9月宣佈與拍拖半年的澳門闊少男友何兆鴻（Alex）分手，一個月後火速復合。由於吳若希上月10日在社交網留言暗示暫別娛樂圈：「有時在一個環境呆到累了，就要給自己一個新的挑戰，親愛的豬們，我想休息一段時間，發展自己另外的工作，你們會支持我？你們會等我嗎？」因而惹來大肚傳聞。
傳獲贈900萬新樓
早前有傳吳若希懷孕3個月兼獲Alex送贈900多萬何文田新樓，但她未肯多講，僅在Ig留言表示：「有咗3個月會通知大家，結婚通知大家，應承你！」本月初有傳媒拍得吳若希肚凸凸現身澳門，她也未肯承認懷孕。直至昨日下午，吳若希忽然於Ig上載一張半身相，並留言道：「幸福的事要發生了！」雖然她未有透露何事，但本報收到消息，吳若希已跟唱片公司老闆何哲圖承認大肚，而她前經理人Simon昨日亦得到吳若希親口承認懷孕3個月。Simon昨午向本報記者透露剛與吳若希電話聯絡，他說：「一路以嚟我同Jinny（吳若希）都有聯絡，見好耐冇聯絡，打畀佢問吓佢最近點，佢就好不經意咁話有咗3個月，我都好愕然，但好高興嘅，佢同我講：『有好消息呀，我有咗3個月喇，遲啲再講啦，好忙呀！』咁就end咗件事囉。」
【昨日】■吳若希昨日於Ig貼新相並宣佈有幸福的事發生。
【上周】■吳若希上周在Ig上載全身相，懷孕3個月的她身材未見有異樣。
分手後始知有咗
據估計，吳若希今年9月19日在社交網宣佈與Alex分手時，仍未知道自己懷孕，直至上月10日她在社交網暗示暫別娛圈時，估計已知道懷孕，並火速跟Alex復合。據悉吳若希一直在澳門安胎，但日前她已與Alex前往外地旅遊。據知情人士透露，Alex一直希望與吳若希到美國結婚生仔，預產期為明年5月的吳若希，將會隨男友意願到美國生B，由於5月23日是吳若希生日，換言之BB將跟她同一月份出生。不過，吳若希一直深信風水，玄學家陳定幫曾為她與Alex夾八字，指出她於2018年才適合結婚，估計她會待生B後再於2018年與Alex拉埋天窗。記者昨日曾致電吳若希，但未獲回覆。另外，玄學家陳定幫昨表示未接獲吳若希通知懷孕，他說：「佢未通知我大肚，亦冇搵我擇日子結婚，本身好早之前話過佢哋最好2018年結婚，今年好似太快，不過佢今年有喜慶星，代表生仔結婚，如果今年結婚都冇問題，只係2018年更加好。」採訪：皓騫
■吳若希跟男友Alex分手後，上月發現懷孕，更火速跟對方復合。資料圖片
■獲唱片公司老闆何哲圖力捧的吳若希，因懷孕而暫別娛圈一年。資料圖片
來源:
http://hk.apple.nextmedia.com/entertainment/art/20161119/19838488
KellyJackie勸吳若希食多啲嘢
1 :
GS(14)@2016-11-20 23:52:02吳若希閨蜜好友KellyJackie對於好姊妹承認懷孕，她昨日以短訊回覆說：「幸福嘅事可以有好多嘅，我知道佢飛咗去旅行，可能係呢一個開心事啦！我唔清楚，亦冇八卦，不過如果係任何開心事，我相信佢自然會同大家分享的。」她非常維護好友，相當口密。
KellyJackie日前曾在港與吳若希食飯見面，問到吳若希近況、是否計劃結婚及找她當伴娘？KellyJackie說：「佢OK呀，冇講到呢個topic。我哋一齊食飯，佢講番上次嚟睇我舞台劇演出後嘅感覺，我有叫佢食多啲嘢，因為同之前一樣咁瘦。上次見佢，我唔覺得佢有唔同，所以冇問過。不過無論係任何開心事，我相信佢想講時，自然會同我呢個『老婆』分享，如果唔係我就同佢『離婚』啦！」採訪：皓騫
來源:
http://hk.apple.nextmedia.com/entertainment/art/20161119/19838489
吳若希獲男友錫錫放閃
1 :
GS(14)@2016-11-23 07:53:2424歲吳若希（Jinny）被爆與澳門闊少Alex Ho分手後又復合，而且為對方懷有B女，未婚懷孕3個多月的Jinny，於訪問中親證陀B喜訊，並在Instagram感謝同事、粉絲的支持，承諾會把自己照顧好。Jinny大方承認懷孕後，男友Alex前晚亦緊隨於Ig分享喜悅，並向Jinny和未出世的B女說愛。準爸爸Alex自言不是公眾人物，亦不是要交代甚麼事，只想和家人朋友一起分享這份喜悅，Alex留言：「在我們生命中，將會添加一位成員，而這位成員是女孩來的，我們會盡自己最大的努力去愛錫她和照顧她。I Love You Both！」撰文：葉綠悠
來源:
http://hk.apple.nextmedia.com/entertainment/art/20161123/19842267
吳若希晒孕肚
1 :
GS(14)@2016-12-03 04:42:43■吳若希昨日在Ig晒大肚相。互聯網圖片
現年24歲的吳若希（Jinny）上月宣佈陀B女三個月，當時她表示與澳門闊少男友Alex有共識，待BB出生後才結婚。正專心安胎的Jinny昨日於Ig貼新相，穿着厚褸兼戴上頸巾遮樣，肚凸若隱若現，她留言道：「自從iPhone有得選人像攝影後，把拔（爸爸）拍的照片看起來好像好有深度。」看來她相當享受懷孕生活。另外，台灣女神陳妍希今年7月與內地藝人陳曉奉子成婚後，便開始停工養胎。上月初有網友見到懷胎妍希買了一套比較粉嫩的套裝，估她陀女，不過據台灣傳媒報道，指妍希BB腹中塊肉是一名囝囝，預產期會是明年2月初，陳曉的經理人回覆表示：「月底就會生了，應該是山羊寶寶，至於寶寶性別，待生出後就會跟大家報喜。」撰文：羅慧敏
來源:
http://hk.apple.nextmedia.com/entertainment/art/20161203/19853317
懷孕後升Cup吸金吳若希計劃生多個
1 :
GS(14)@2016-12-17 23:54:21■吳若希宣佈陀B後首現身活動，笑言上圍升cup。
現年24歲的吳若希和澳門闊少男友何兆鴻（Alex）相戀後，上月承認懷B三個月，昨日首度在港公開現身，出席旺角蛋糕店活動。腳踏4吋高踭鞋的她，面部明顯肥了不少，但手腳纖瘦。提到預產期，吳若希透露是明年5月，還未決定香港定美國生，她說：「美國嗰度有親戚，但未決定到，醫生話我身體狀況比較年輕同好瘦，會有機會早產，所以預計會4月尾。」問到身形變化，她笑言：「而家有32吋腰，以前係24吋，升cup都有，內衣換過晒，覺得好大負擔。」
笑男友唔好樣
問到老公見到升cup會否好開心？吳若希表示：「冇乜特別，我有問佢我40吋腰會點，佢就話唔使擔心，40吋腰我都喺度，唔會唔要你。」吳若希透露預計會生兩個BB，亦有計劃拍大肚寫真，但笑言Alex唔好樣沒有預他。再問婚期會否定在生B後？她表示待雙方家長決定會通知，亦未知是否於2018年之前。
■吳若希計劃為男友Alex（右二）生兩個，不過婚期未定。互聯網圖片
此外，吳若希已向公司表明不會出席年底的音樂頒獎典禮，若公司好需要她才會去。提到缺席的話，會否失落金曲金獎？她笑言：「今年唔係我去㗎嘛，都有好多歌手鍾意，JW、林奕匡同陳柏宇都好鍾意，唔關親唔親生仔事。」採訪：曹家誠攝影：陳順禎
來源:
http://hk.apple.nextmedia.com/entertainment/art/20161217/19867813
吳若希手袋氹未來奶奶
1 :
GS(14)@2016-12-25 13:18:59吳若希懷孕四個月，昨日和許廷鏗在銅鑼灣出席聖誕活動，兩人在台上笑言現在同樣有32吋腰。與歌迷玩遊戲時，吳若希幫玩具BB沖涼換衫有板有眼。她表示剛與朋友到東京旅行，忍口沒吃生冷食物，聖誕節會與家人度過，已送手袋給未來奶奶做禮物。問到稍後會否出席無錢的音樂頒獎禮，她說：「我大肚怕着晚裝唔靚，而家考慮緊。」
許廷鏗亮相ViuTV
許廷鏗笑指吳若希看外形不像懷孕。今年商台頒獎禮會由ViuTV直播，與無綫有合約的他表示不會尷尬，並會出席頒獎禮：「我係歌手，又唔係主要搞手，樂壇盛事我都係唱吓歌。」採訪、攝影：王連連
來源:
http://hk.apple.nextmedia.com/entertainment/art/20161225/19876159
Next Page