被爆陪超蓮工廈錄音小方再見Stephy 「有番以前感覺」
1 :
GS(14)@2016-12-03 04:42:48■小方與Stephy昨應記者要求合照，兩人擠出生硬笑容。
方力申和鄧麗欣（Stephy）拍拖10年，於今年3月宣佈分手，昨日首度碰頭，出席在銅鑼灣舉行的「揹水一戰」啟動禮。兩人刻意前後腳現身，Stephy在活動前先做訪問，她否認專登避見小方。問會否趁機會做回朋友？她說：「唔會刻意，隨緣喇！見到面咪say hi囉，咁唔係點呀！」對於小方與何超蓮傳緋聞，Stephy表示不八卦，至於她與小方會否復合則要看緣份。
「回憶永遠抹唔走」
之後小方和Stephy上台獲頒探訪相，起初兩人好避忌，直到活動大使丁子高上台，兩人終於傾偈，Stephy擔心丁子高會尷尬。之後一對舊情人應要求合照，雖然擠出燦爛笑容，但明顯較生硬。儀式完畢後Stephy先行離開，接着大會播放超蓮和小方早前的探訪片段，小方亦有留心細看。
■小方和Stephy自分手後首度同台，起初好避忌各站一邊。
■Stephy與小方刻意讓歐鎧淳（右二）站在兩人中間，避免尷尬。
小方受訪時被問到有否尷尬？他說：「好似好耐冇見朋友，有傾偈，喺台上見有番以前感覺，畢竟合作十幾年。」Stephy早前表示想做回朋友，小方說：「冇話過唔係，可以之後聯絡，順其自然，聽天由命啦。」問是否已習慣分手？他說：「習慣咗，都8、9個月，回憶永遠抹唔走。」提到與超蓮發展機會？他說：「其他人嘢費事成日講。」採訪：王連連、唐如攝影：陳俊強、畢紹基
來源:
http://hk.apple.nextmedia.com/entertainment/art/20161203/19853226
小方Stephy今同台
1 :
GS(14)@2016-12-03 05:12:37方力申和鄧麗欣（Stephy）於3月發表分手宣言，兩人的十年情玩完，今日一對舊情人分手後首碰頭，到銅鑼灣出席「揹水一戰」啟動禮，由於兩人為活動擔任榮譽顧問，於避無可避情況之下同場。據知大會安排兩人各自受訪，在台下亦不會安排影合照，以免尷尬。小方與Stephy將會前後腳到場，先到的Stephy會獨自受訪，然後以工作為由完成儀式即離開，而後到的小方同樣以工作為由，作為遲現身的解釋，兩人只在接受感謝狀儀式時才同台，其餘時間就有你冇我。撰文：皓騫
來源:
http://hk.apple.nextmedia.com/entertainment/art/20161202/19851876
Stephy嘲葉念琛邪邪哋
1 :
GS(14)@2016-12-10 03:45:35鄧麗欣（Stephy）、麥明詩及導演葉念琛日前為新片《失戀日》在灣仔接受訪問，Stephy拍攝此片前跟拍拖10年的方力申分手，電影對Stephy來說是寫照，她無奈地說：「好明顯《失戀日》，當我聽到個戲名有啲卻步，我都怕嗰時自己嘅私人事，俾人話當做宣傳。」葉念琛說：「拍《失戀日》係我提出，可能我打動咗佢都肯演，我同Stephy講，拍呢部戲都有啲硬着頭皮。」葉念琛指開拍時麥明詩還未失戀，Stephy指住葉念琛說：「佢啲戲都係邪邪哋。」麥明詩則說：「做人一係就失戀，一係就戀，都係五十五十啫，演員需要多啲情感，我以前生活單調，可以累積多啲經歷係好事。」採訪：張俊銘攝影：陳慧安
來源:
http://hk.apple.nextmedia.com/entertainment/art/20161209/19859218
【動大事2016】小方Stephy十年情斷王寶強戴綠帽宣佈離婚
1 :
GS(14)@2016-12-27 12:32:07「完了吧，如無意外……」估唔到《好好戀愛》呢首咁經典嘅分手歌，最終要套用係主唱者方力申同鄧麗欣（Stephy）身上，今年3月，呢對相戀10年嘅情侶最終都因了解而分開，之後傳出Stephy有斷背新歡，又傳過小方無心結婚而分手，總之結果都令人無限感慨。無論乜嘢原因，分手可以有千百樣理由……好似游學修同蘇麗珊話係「性格不合」；胡定欣疑向陳道明「迫婚不成」；江若琳同大陸演員曹雲金「聚少離多」；袁偉豪因為「做錯事」同岑杏賢和平分手。不過，唔係每對情侶都係好來好去，裕美被爆背住丈夫Jason暗交黃子恆；大陸男星王寶強自爆老婆馬蓉搭上經理人宋喆；無綫《東張》主持李潤庭就瞞老婆與人妻Tiffany鬼混，最後統統都係離婚收場。而令人傷感嘅，係幾對曾共患難嘅戀人，好似四離四合嘅李麗珍潘源良、抗癌成功嘅張達明同何念慈、走過燒傷陰影嘅台灣歌星任家萱Selina同張承中，最後都未能走到白頭。
來源:
http://hk.apple.nextmedia.com/entertainment/art/20161227/19878140
【2016回顧】小方Stephy分手
1 :
GS(14)@2016-12-30 02:58:11鄧麗欣、方力申
分手可以有千百樣理由，方力申和鄧麗欣（Stephy）拍拖十年最後「因了解」而分開；游學修和蘇麗珊「性格不合」；胡定欣疑向陳道明「逼婚不成」；江若琳與內地演員曹雲金「聚少離多」；袁偉豪因為「做錯事」與岑杏賢和平分手。
蘇麗珊、游學修
但不是每對情侶都能好來好去，裕美被爆背夫Jason暗交黃子恆，內地男星王寶強自爆老婆馬蓉搭上經理人宋喆，李潤庭背老婆與人妻Tiffany鬼混，最後都搞到離婚收場。而最令人傷感是曾共患難的戀人，好似三離三合的李麗珍和潘源良、抗癌成功的張達明與何念慈、走過燒傷陰影的S.H.E.成員Selina與張承中，最後都未能走到白頭。
來源:
http://hk.apple.nextmedia.com/entertainment/art/20161229/19879464
Stephy高調讚同性教練小方5度傳拍拖
1 :
GS(14)@2017-03-22 00:47:17方力申同鄧麗欣（Stephy）曾經係娛樂圈嘅金童玉女，相戀10年，上年由傳出結婚到突然急轉變分手，震驚唔少fans。呢一年入面，昔日男女主角感情發展原來有好大分別。先講Stephy，分手消息傳出無耐，已經有報道指佢同排球女教練小牛喺台灣密會，餵食攬腰，態度親暱。雖然Stephy返港後強調小牛只係普通朋友，唔認轉「基」，不過呢一年入面，Stephy專注喺排球隊Loey，又喺上個月情人節高調多謝小牛：「最重要的還是要感謝小牛教練，從零開始到收成，都要經歷一個需要堅持的過程。她為排球付出的我們都看得到，她做人做事的堅持，更是我覺得我要學習的！非常恭喜她第一次舉辦比賽就能這麼成功！」令傳聞點撲都撲唔熄。至於疑似被奪愛嘅小方，意志消沉咗一排，冇耐桃花好似雨後春筍不停湧現。先係有報道指佢喺新戲情挑大台咪神張秀文；然後有指佢借新歌《捨得》接近As One嘅Chloe；甚至係借主持身份，勁冧美選女張沛樂（沙律）；甚至有傳小方力追賭王三房千金何超蓮；而最新一單就喺上個，小方同強國女飲酒談心。分手一年兩個人感情發展咁大分別，難怪之前佢哋同場出席活動面左左，見面時貌合神離啦。
來源:
http://hk.apple.nextmedia.com/entertainment/art/20170321/19965303
【馮仁昭四圍超】排球隊輸波 網上被彈品格差Stephy斥球證：佢刻意攻擊
1 :
GS(14)@2017-05-18 02:14:15■Stephy（右二）為圓夢兩年前組排球隊出賽，估唔到惹出是非。資料圖片
鄧麗欣（Stephy）為圓夢兩年前成立排球隊Loey參加比賽，日前有讀者爆料指有人喺facebook狠批Stephy喺Loey輸波後賴地硬：「原來香港女星鄧麗欣經營嘅呢隊女子排球隊品格係咁差劣，真係令人好嚇怕，輸打贏要。」該名自稱係Stephy粉絲嘅網民，狂插偶像：「好傷心阿欣用咁差嘅態度同我講嘢，你有冇專心睇住自己條線嚟吹波，你可唔可以進步吓，乜都唔識吹淨係識畀牌」。
Stephy懷疑該網民係某場波嘅球證，佢透過電話回應：「嗰日有好多誤會嘅球，例如一啲可能out嘅波，佢就判咗in，有啲可能我哋覺得對方犯規，佢又冇吹到，如果佢覺得我質疑佢嘅判斷而有不快，我覺得佢唔夠專業囉。」Stephy強調係講事實：「我覺得佢有少少刻意攻擊，唔係平心嘅評論。」
■自稱係Stephy粉絲嘅網友，喺facebook鬧偶像輸波後賴地硬。
■Stephy同媽媽（右）用app變兔仔臉。互聯網圖片
比賽有情緒
為捍衛球隊，Stephy話：「我呢隊Loey絕對唔係品格差劣嘅球隊，大家都知喺比賽當中好多時有情緒，anyway如果佢覺得唔高興，我願意代我嘅球隊同教練say sorry，希望佢公平啲。」另外，噚日係母親節，Stephy都有晒同媽媽嘅合照，佢哋用app變兔仔臉，Stephy仲落hashtag「我阿媽又望錯鏡頭」、「有幾多個媽媽係會望錯鏡頭」，而佢又特登唔望鏡，擺明笑鄧媽媽。撰文：馮仁昭
來源:
http://hk.apple.nextmedia.com/entertainment/art/20170515/20021388
同小方分手後，小方好多女 Stephy得個排球妹
1 :
GS(14)@2017-05-18 02:14:17鄧麗欣(Stephy)自從去年同拍拖十年嘅方力申(小方)分手後，佢就開始寄情打排球，仲自組女子排球隊Loey，經常四出打比賽，至於感情，仲盛傳過Stephy改變口味冧同台灣排球教練小牛(鄧衍敏)，至於小方就繼續物色另一半，身邊女伴如車輪轉。何超蓮 盛傳小方「越級挑戰」，上年七月疑同超蓮撻着，又指阿G.E.M.係媒人，上年阿G.E.M.生日，小方同超蓮仲一齊到賀㖭。強國粉絲之前有讀者爆料，話小方疑似暗交強國新歡「彤彤」，有兩人喺酒吧飲紅酒同蹺手談心嘅相。不過小方例牌否認，只係話「just a fan」。陳瀅有指小方睇中咗「宅男女神」，出動埋糖妹做紅娘，約陳瀅去老蘭酒吧密會兩粒鐘。不過小方話當晚同場仲有四、五個朋友，間接否應緋聞。張沛樂(沙律)有傳去年擔任ViuTV選美節目《美選D.n.A》評判時，已經對其中一位參賽者張沛樂（沙律）起痰，之後仲公然抄牌，但女方已有《點五步》林耀聲做男友。到今年3月，兩人喺鍾景輝生日派對重逢，有指小方即時以WhatsApp攻勢打動女方，又約做gym同游水。
來源:
http://hk.apple.nextmedia.com/entertainment/art/20170515/20021984
【馮仁昭四圍超】阿澤頭炮得罪Stephy 譏嫁唔出
1 :
GS(14)@2017-05-19 05:28:03杜汶澤幫奇妙電視主持嘅《杜汶澤食住上》烹飪節目喺後日首播，頭炮首集邀請咗鄧麗欣（Stephy）做嘉賓，仲請對方到佢屋企下廚煮燒雞。口不擇言嘅阿澤自嘲朋友唔多，若然請同佢交惡嘅人上節目，就多到要主持過百集先應付到。
■Stephy趁機追問阿澤當年一腳踏幾船嘅經驗。
冇俾葉念琛追
喺節目入面，阿澤就笑Stephy成日同葉念琛合作拍戲，咬定對方想追Stephy，Stephy就即刻澄清話：「佢邊敢媾我？講笑啫！呢啲係世人偏見，可能佢覺得我好好拍，真係冇追過我，我哋喺拍攝現場甚至好少傾偈。」阿澤乘機問Stephy同男朋友同居嘅話題，Stephy好認真話：「我未試過同男朋友同居，未結婚都未叫認定嗰個人，唔會同佢住。」阿澤即大感詫異：「你呢個諗法好怪！我以前拍親拖都一定會同居，有啲同咗居先拍拖，所以我結過兩次婚，你就仲未嫁。」Stephy隨即狂問阿澤以前一腳踏幾船嘅感受，阿澤笑住話：「忙囉！」撰文：馮仁昭
來源:
http://hk.apple.nextmedia.com/entertainment/art/20170518/20024653
Next Page