| ||||||
大家仲記唔記得04年南亞海嘯時，災民努力走上高地；金山工業（040）主席羅仲榮有感而發，話今次「金融海嘯」企業要逃出海嘯魔掌，只能向上爬！ 發展高增值向上爬 佢 噚日出席工業總會嘅經濟高峯會發表演說，話海嘯出現嘅時候，就算你跑得幾快，如果只係喺平地奔跑，一樣會被海嘯淹沒，只有向高山高樓跑，才可避過一劫。就 好似廠家目前面對嘅形勢一樣，咁惡劣嘅營商環境下，如果仍然走平價產品路線，毛利不斷被壓縮，最終只會係死路一條。要喺海嘯中生存，就一定要向高增值發 展，例如喺設計、品牌、技術方面求突破，增值能力先至係未來市場決勝嘅地方；Apple都係咁先贏得高達20、30倍市盈率。佢分析珠三角經過二十多年發 展，已成功形成高效率嘅組群效應，越南同印尼成本雖然更平，但唔見得搶咗珠三角好多市場。現時珠三角面對最大嘅問題，係產能過剩，太多公司做同一樣嘢，同 一個經營模式維持太耐，同一班人管理公司無新意，仲有就係香港人才斷層，後繼冇人。 | ||||||