📖 ZKIZ Archives

娜姐愛契弟旦哥

1 : GS(14)@2016-10-28 06:24:19

鄭丹瑞（旦哥）昨日與周秀娜等為其執導電影《小男人週記3之吾家有喜》在秀茂坪開鏡拜神，旦哥笑說：「小男人20年後回歸不再小男人，係一位契弟，但越契弟娜姐就越愛。」娜姐演一個跟旦哥有地下情的索秘書，她說：「戲中好了解上司男友，可以話係公器私用。旦哥好錫我，我好信任佢，唯一最衰係我要戒口時，佢會整好多美食，惟有睇佢偷食，我就餓住肚。」有網民指旦哥找娜姐拍《小》片是公器私用：「我一話拍《小男人週記》有娜姐，啲網民就話我公器私用。不過多得娜姐信任，啲親密橋段一早已經寫咗，唔係搵佢拍之後先加。」



■張繼聰（左）指會與蝦頭有火辣親熱戲。

張繼聰今次做奸角謀害旦哥，阿聰說：「好可惜，不過旦哥好尊重創作空間，打算自己加啲戲份勾搭娜姐。」在戲中阿聰跟蝦頭有火辣埋身場口：「戲中好多樂而不淫場面。」採訪：卓寶花攝影：陳順禎




來源: http://hk.apple.nextmedia.com/entertainment/art/20161028/19814269
PermaLink: https://articles.zkiz.com/?id=313843

娜姐賣Mask被摸全身

1 : GS(14)@2016-11-11 08:10:32

■娜姐與造型師Alvin Goh齊齊將mask塗在身上。



周秀娜、Jessica C.（JC）和Cara G.日前合作拍攝mask廣告，找來新加坡造型師Alvin Goh（吳吉倫）擔任創意總監兼model。他們將mask塗在身上，見娜姐穿上白色小背心，與赤裸上身的Alvin Goh一齊嘟嘴賣萌；而JC和Cara則以黑色bra top和束衣示人，產後的JC身材依然弗爆。
Alvin表示今次拍攝很有趣，他說：「其中一款mask係帶銀色，我塗嘅方法帶藝術感覺，但因為好易乾，所以塗上去時要好快手，佢哋全身都畀我摸晒嘞！」問到邊個最滑？他笑說：「全部都好滑。」採訪：嵐山




來源: http://hk.apple.nextmedia.com/entertainment/art/20161111/19829653
PermaLink: https://articles.zkiz.com/?id=315072

【馮仁昭四圍超】娜姐踢下體殺敵

1 : GS(14)@2016-11-16 04:54:32

周秀娜噚日喺銅鑼灣出席遊戲機活動，大會安排娜姐被扮恐怖分子嘅外籍人士襲擊，佢以三招擊退對方，包括踢下體，娜姐笑話：「踢唔中，示範啫！」佢又透露曾被前男友check電話，係咪前男友陳偉成？佢話：「唔好開名，前前男友同前男友都試過，係出於關心同好奇，但我唔會咁做。」撰文：馮仁昭




來源: http://hk.apple.nextmedia.com/entertainment/art/20161115/19833604
PermaLink: https://articles.zkiz.com/?id=315571

娜姐冇眼睫毛爆喊

1 : GS(14)@2016-11-17 11:30:41

周秀娜昨日現身灣仔為一整形級大眼妝活動擔任嘉賓，見證日本仿妝達人Zawachin神乎其技的仿妝技巧，對方化了安室奈美惠眼妝現身，事前又仿娜姐眼妝拍照，連娜姐本人都分不清相中人是否自己。



■大會播出Zawachin事前仿娜姐眼妝的相，連娜姐都分不清哪個是自己。

娜姐直認初入行時未懂得化妝，經常誤將流行妝扮或喜愛顏色化上臉，頻頻令妝容出事，她笑指不敢回看初出道的相，除非心情差想笑才會看，又自爆十多歲時曾接受割眼瘡手術，她說：「醫生手術前先話要剪眼睫毛，手術後見到自己眼腫兼冇眼睫毛嘅樣，喊咗好耐又唔肯見男友。」她表示不怕在男友面前裸妝，擇偶也不着重是否雙眼皮，最重要是有才華及感覺。採訪：馬建華攝影：陳慧安




來源: http://hk.apple.nextmedia.com/entertainment/art/20161117/19835967
PermaLink: https://articles.zkiz.com/?id=315952

阿旦咀娜姐做榜樣

1 : GS(14)@2016-11-18 17:56:34

周秀娜和鄭丹瑞（阿旦）等前晚在尖沙嘴出席電影《小男人週記3之吾家有喜》煞科宴，現場播出郭富城、張智霖、許冠文及許冠傑等打氣短片。阿旦稱該片安排賀歲檔上映，強調是100％純港產片。戲中阿旦與娜姐有咀嘴兼鴛鴦浴，阿旦即笑問娜姐：「你有幾愛我？」娜姐卻回答：「多謝旦哥畀咗個機會我一齊脫。」阿旦笑言咀到暈暈哋，問有否向太太申報？他說：「如果唔得批准，我係唔會拍嘅。希望兩個女睇到我真係工作，唔好以為老竇抽演員水。」現場播放《小》預告片，娜姐低胸上陣，「巨胸翠如」鄧月平裸泳，令人鼻血直流。採訪：卓寶花攝影：葉君海




來源: http://hk.apple.nextmedia.com/entertainment/art/20161118/19837438
PermaLink: https://articles.zkiz.com/?id=316118

馬浚偉期待娜姐色誘

1 : GS(14)@2016-11-20 23:52:09

馬浚偉、朱慧敏、關寶慧前晚到上環欣賞舞台劇《離家出狗》，馬仔指自己是唐貝詩的叔叔，所以特意來捧場。之後馬仔會跟周秀娜拍新劇《深宮計》，兩人還有調情戲。娜姐曾表示想盡快見到馬仔，他說：「即刻出嚟飲嘢啦！色誘我都係劇情需要，拍戲冇俾人色誘過。」馬仔在新劇中有出浴戲，他要日日操肌：「我演皇帝，出浴有層紗，但都要做gym加操！希望兩個月後剝得衫，否則點見人！」另外，朱慧敏同關寶慧有份到上海演舞台劇《我和春天有個約會》，朱慧敏賣口乖：「我睇寶慧姐姐好多舞台劇，佢嘅聲線、演技同唱歌都好！」採訪、攝影：卓寶花




來源: http://hk.apple.nextmedia.com/entertainment/art/20161119/19838459
PermaLink: https://articles.zkiz.com/?id=316282

【馮仁昭四圍超】娜姐英國街頭許願

1 : GS(14)@2017-01-05 08:01:13

一年忙到晚嘅周秀娜，趁着聖誕新年空檔飛英國放假，佢喺Ig大晒悠閒相，少不了食好西，佢噚日就貼咗街頭嘆咖啡，享受寧靜一刻。娜姐回港後就要忙為電影《小男人週記3之吾家有喜》宣傳，佢話：「呢次算係即興旅行，喺倫敦倒數好有氣氛，喺踏入2017年嘅第一秒，街上啲人都互相擁抱，我同佢哋講起新年願望，大家都希望世界和平，尤其係歐洲近日發生好多恐怖襲擊，希望今年少啲暴力多啲愛。」撰文：馮仁昭




來源: http://hk.apple.nextmedia.com/entertainment/art/20170103/19884508
PermaLink: https://articles.zkiz.com/?id=321271

【馮仁昭四圍超】娜姐睇極光三層底保暖

1 : GS(14)@2017-01-12 08:03:31

周秀娜早排同朋友去咗挪威旅行睇北極光，之後再去英國倫敦玩，娜姐笑話：「第一次準備咁多嘢，腳架、相機、背囊、保暖壺、手套、暖包，帶咗好多保暖打底衫褲。唔知幾時睇到北極光，要長期喺出面等。」佢又話：「嗰晚我着咗三件打底衫、羊毛冷衫、衞衣、防雪防風褸，下身三條打底褲。着得太多衫，又要拎相機、腳架，所以好論盡，但去到都睇唔到就好可惜。」撰文：馮仁昭




來源: http://hk.apple.nextmedia.com/entertainment/art/20170111/19892676
PermaLink: https://articles.zkiz.com/?id=322201

同娜姐浸浴嘴戲阿旦唔怕囡囡嚟監場

1 : GS(14)@2017-01-19 08:08:05

由周秀娜、鄭丹瑞（旦哥）與「巨胸翠如」鄧月平（Larine）主演的賀歲片《小男人週記3之吾家有喜》年廿九上映，片中旦哥可謂艷福不淺，不但係娜姐嘅情人，又是Larine嘅老竇，旦哥同娜姐仲有場浸浴兼咀嘴㖭，旦哥笑言今次絕對是公器私用：「有一場要講畀全世界人知佢（娜姐）有幾愛我錫我，本來兩個女監場，不過佢哋攰走先，我都想畀佢哋睇，睇吓老竇拍戲唔係博人曚㗎。」除咗有美相伴，旦哥兩個囡囡亦有份客串一角，原來旦哥嘅囡囡同老婆早喺93年就有份參與電影《黃蜂尾後針》，旦哥說：「兩個女有一日睇返呢部戲，見到自己好開心，所以今次都決定演一幕。佢哋做兩個好乞人憎嘅OL，嗰場戲真係可以攞影后，因為我一講嘢佢哋就反白眼，係佢哋喺屋企最擅長嘅，做得好自然呀！」




來源: http://hk.apple.nextmedia.com/entertainment/art/20170119/19902002
PermaLink: https://articles.zkiz.com/?id=323254

娜姐等睇20年後梁寬

1 : GS(14)@2017-01-22 02:17:18

電影《小男人週記3之吾家有喜》演員鄭丹瑞（阿旦）、周秀娜、鄧月平、蔡瀚億、張繼聰昨日到深水埗宣傳，周秀娜表示對電影很期待，被問到擔不擔心票房：「好唔好，好難講，最緊要觀眾睇得開心，大家可以睇到相隔20年嘅梁寬有乜嘢唔同。」跟周星馳打對台，阿旦不擔心，最緊要百花齊放，他說：「今次算係交咗一部過到自己嘅戲，冇打爛《小男人》個招牌。」張繼聰和謝安琪昨日結婚10周年，阿聰在網上發表愛妻宣言：「感謝你成為我的妻子及最好的朋友。晃眼十年，因為有你同行，就算走過高山低谷，我都覺得沿途風光明媚。能夠有如此靈魂伴侶，讓這趟地球之旅變得幸福圓滿。」阿聰昨說：「今晚陪唔到佢，我將今晚酬勞咗畀佢。」採訪、攝影：張俊銘



■張繼聰與謝安琪昨日結婚10周年，但工作關係不能陪伴愛妻。





來源: http://hk.apple.nextmedia.com/entertainment/art/20170121/19903709
PermaLink: https://articles.zkiz.com/?id=323573
Next Page
ZKIZ Archives @ 2019