【七筆思議】前世作孽，今生寫字： 我說過要你快樂？ 陸以心
1 :
GS(14)@2014-04-23 00:44:00http://hk.apple.nextmedia.com/entertainment/art/20140422/18696231
當大部份香港男人都認為港女們難啃惡死要求高，你們只是說中了一半。其實這一切，都是源於我們有一種超齡的天真。是的，我們致力裝嫩，幾十歲人還成身粉紅色與Hello Kitty；為了擁有童顏巨乳，投資在面皮與身材的金額，應該不會比養大一個小朋友低。但我們最無可救藥的天真，就是相信所有說「要令你快樂」的男人，以為他們真的會帶來快樂與幸福。
除了小部份喜歡苦戀自虐的女生，我相信大部份的女人在談戀愛時，都不過是求個開心。所謂的開心，很抽象也很實在。如果兩個人都喜歡對方，自然就會善待彼此，盡力做大小事情討大家歡心，而過程中不會特地去提及將要/已經做了的事。而那些說出「我要令你開心」的男人，其實就像「我要講個好好笑的笑話畀你聽」的人一樣，當然讓人笑不出來啦。
當一個男人立志要讓女人快樂，他很少說出口，取而代之的就是以行動表明。為了她，男人會自動自覺長大、發憤工作、多加留意女朋友的喜惡；多花時間陪她；甚至學習照顧和保護她。而這一切在男人心目中，都像搞革命一樣要暗中進行，一旦說穿了，行事的興致亦隨之散去。
錯在太天真
都怪香港女人太不爭氣，習慣用耳朵談戀愛。我們迷戀聽甜言蜜語，認為男人在戀愛中就是負責氹女朋友，無論多肉麻多難以置信的情話，我們都照單全收。可是另一方面，我們笨得忘記了，男人越愛說「女人就是要用來疼的」、「男人就是天生要保護女人」之類的普世性甜言蜜語，他們往往就是最會欺負惡待伴侶的人。我當然不是說，男人所有的情話都不可信，可是女生在戀愛時確實特別笨，我們喜歡一個人，真的會僕心僕命的為對方付出，以行動說明喜歡他。反觀那些能夠滿足女人聽情話願望的男人，到了真正談戀愛的時候，他們能夠給的，也就只剩下口水了。
每個人對戀愛的要求都不一樣，有的女人確實只需要聽情話；有的女人需要連綿不盡的性愛；有的需要男人經濟上照顧；有更多如你我，需要一個能夠同笑同哭同玩的伴侶。香港女人錯在太天真，以為男人就應該像出奇蛋一樣，同時滿足我們三個願望。如果我們早一點能認清事實，就是男朋友永遠不可能是白馬王子，而我們也不會是永遠童顏的公主，那麼香港的戀愛生態，應該會健康平衡一點。大部份會說「我說過要你快樂」的男人，在你真的需要幫忙時，他只會聳聳肩攤攤手，留下一句愛莫能助就離開。所以，各位香港女生，其實沒有白馬王子，有孔武有力的史力加也不錯呀，最少在你有危難的時候，他會用一雙強勁臂彎打救你嘛！
【前世作孽，今生寫字】
撰文：陸以心
【關仁隱事】前世男神為仔女講價
1 :
GS(14)@2016-09-18 10:51:51越嚟越多星二代想入行，好多客戶都睇準呢個機會，搵新面孔工作，不過好多時都會俾佢哋啲阿媽阿爸激到紮紮跳。好似「前世男神」咁，佢個後裔最近俾品牌客戶睇中佢幫手宣傳，本來客戶除咗貪新人有新鮮感，就係價錢比較平易近人，點知前世男神就經理人上身，唔單止自己出面同agent傾價錢，開嘅價錢仲畀大台力捧嘅哥仔貴，本來agent都好想換人，但因為客戶都有興趣同呢位後裔合作，agent惟有硬食佢啲麻煩要求，好似話活動當日有乜嘢人參與都要話畀佢知，佢OK先可以搵，真係仲慘過佢係老闆。撰文：關仁
來源:
http://hk.apple.nextmedia.com/entertainment/art/20160918/19773834
張兆輝同前世情人 西貢賞夜色
1 :
GS(14)@2017-04-14 11:12:50■張兆輝本周一在西貢遇到fans拍照，女兒識做站在一旁。讀者提供圖片
【爆相爆片】現年54歲的張兆輝，是導演杜琪峯御用演員之一，他近日回巢返無綫與46歲陳松伶合作拍劇。曝光率增加自然多人認得，本報讀者張小姐透過《蘋果》爆相爆片，指大前日見到張兆輝跟一名妙齡少女親熱同行。張小姐透露本周一傍晚在西貢見到張兆輝，身邊還有一位穿短裙的少女，她說：「見到張兆輝喺西貢碼頭拖住個女仔沿住海邊行，中間佢哋都好親熱，又攬腰又拖住好親密，仲見到張兆輝攬到實陪個女仔睇海。」
「一直都係咁癡纏」
張小姐起初以為是張兆輝跟太太，但年紀相差太遠：「我以為佢哋係拍戲，但係睇真啲附近又冇攝影機，之後見佢哋入咗去一間海鮮店，不過見到人多就耷低頭，跟住有fans截住男嘅影合照，女嘅好識做行開，好似好避忌咁！」張兆輝太太接受訪問時笑着回應，直言是美麗的誤會：「哈哈哈，咁都有得爆，嗰個女仔係阿女嚟㗎！嗰晚大仔有啲同學喺英國嚟咗香港，我哋咪一家人去咗西貢食飯，佢哋兩父女不嬲啲感情都好好，成日出街都會手拖手，一直都係咁癡纏！」其舉動更印證女兒就是父親的前世情人。撰文：唐心悠
■張兆輝陪Twiggy在西貢碼頭望海。讀者提供圖片
■張兆輝與女兒攬腰同遊，感情非常要好。
■顧家的張兆輝（中）不時跟兒子Edison及女兒Twiggy外出食飯。微博圖片
來源:
http://hk.apple.nextmedia.com/entertainment/art/20170414/19989506
前世情人極心甜！張繼聰B女笑眼冧爸爸
1 :
GS(14)@2017-06-16 01:47:50張繼聰老婆謝安琪(Kay)3月生咗細女張靖(Karina)，好多人話囡囡係爸爸嘅前世情人，張繼聰就絕對係人辦。除咗之前彈結他同囡囡KaKa Ball（囡囡乳名）深情對望外，啱啱張繼聰就貼咗條片上網，佢對住B女問：「你開唔開心呀！」點知只得兩個幾月大嘅KaKa Ball，竟然識得用BB話應爸爸，搞到老竇心到甜晒。張繼聰留言話：「當你鍾意講嘢到達咗某個境界??連兩個幾月大嘅女士都會回應你。」KaKa Ball仲識得咪咪眼咁笑，單眼皮眼仔細細嘅佢，同爸爸十足餅印咁樣，難怪張繼聰形容自己對住佢，十足「癡漢」一樣囉！
來源:
http://hk.apple.nextmedia.com/entertainment/art/20170614/20055766
Next Page