📖 ZKIZ Archives

【馮仁昭四圍超】余慕蓮牛一獲獻吻

1 : GS(14)@2016-07-06 07:59:10

劉少君投資6位數字監製嘅歌舞劇《香港過來人》大前晚演出全院滿座，前晚一班台前幕後舉行慶功宴，兼為76歲生日嘅余慕蓮補祝生日。大家食完飯之後，就熄燈推出蛋糕，齊唱生日歌送上驚喜，余慕蓮最開心係全劇男藝員逐個獻吻，佢笑話：「今年生日已經係第4次慶祝，但今次特別有意義，因為劇組密謀加場，仲會搵其他藝人參演。」撰文：馮仁昭





來源: http://hk.apple.nextmedia.com/entertainment/art/20160705/19681356
PermaLink: https://articles.zkiz.com/?id=302599

【馮仁昭四圍超】四十年代影后陳雲裳夢中離世

1 : GS(14)@2016-07-06 08:11:29

【1919-2016】■陳雲裳曾獲得第3屆中國電影皇后。








香港出生、喺三四十年代紅極一時、更獲得第3屆中國電影皇后嘅陳雲裳，上星期三（上月29日）喺香港屋企睡夢中離世，享年97歲。本報專欄作家邁克都有喺佢嘅專欄上提到陳女士嘅死訊。



■陳雲裳（中）曾演出電影《亂世佳人》。劇照

■陳雲裳同本港名醫湯于翰結婚後就定居香港。



43年息影嫁名醫

陳雲裳可以話喺本港默片年代重要藝人之一，佢主演過嘅電影《秦良王》、《蘇武牧羊》、《木蘭從軍》、《亂世佳人》等近40部戲，當年同中國名女藝人胡蝶、周璇齊名。陳雲裳呢個藝名係由師傅易劍泉所改，來自李白詩句「雲想衣裳花想容」。到43年佢息影嫁畀港名醫湯于翰之後定居香港。12年佢同本港大馬主何壽南結為姻親，陳雲裳嘅囝囝湯聖明娶咗何壽南嘅囡囡何明懿，擺酒當晚李嘉欣同老公許晉亨、李國寶夫婦、小小超李澤楷同潘廸生夫婦都有到賀。陳雲裳嘅死訊係由親友通知香港電影資料館，資料館方面喺截稿前仍未有回覆會唔會有任何紀念或者悼念活動舉行，向呢位一代中國影后最後致敬。撰文：馮仁昭





來源: http://hk.apple.nextmedia.com/entertainment/art/20160706/19682582
PermaLink: https://articles.zkiz.com/?id=302715

【馮仁昭四圍超】《賞金獵人》票房破億

1 : GS(14)@2016-07-06 08:11:33

吳千語、徐正曦（左）同韓星李敏鎬等合演嘅電影《賞金獵人》內地上映4天票房破1.4億人仔，成為中韓合拍片最高票房。李敏鎬即刻喺微博晒V手勢同鍾漢良拍戲時嘅花絮相慶祝。千語上月喺內地多個城市做宣傳，佢話去清遠宣傳時因航班延誤遲到，但粉絲都堅持等足個半鐘：「好感動，佢哋冇走一直等，又關心我食咗飯未，叫我記得要叫雞，話當地最出名就係走地雞。」撰文：馮仁昭





來源: http://hk.apple.nextmedia.com/entertainment/art/20160706/19682586
PermaLink: https://articles.zkiz.com/?id=302726

【馮仁昭四圍超】王菲童童超罕孖咇現身

1 : GS(14)@2016-07-06 08:11:34

內地3D國產動畫電影《搖滾藏獒》前晚喺北京搞咗個首映，會上出現咗兩個神秘嘉賓，王菲同囡囡竇靖童竟然雙雙現身紅地毯上，原來阿菲係為咗支持好友鄭鈞新戲，隔咗兩年再現身公開場合嘅阿菲，會唔會順便幫童童正式出碟造勢呢？王菲嘅出現引起現場粉絲尖叫，唔少粉絲好仲激動咁講：「終於看見動的王菲了！」現場媒體前仆後繼追訪：「女神說兩句吧！」撰文：馮仁昭





來源: http://hk.apple.nextmedia.com/entertainment/art/20160706/19682584
PermaLink: https://articles.zkiz.com/?id=302727

【馮仁昭四圍超】千嬅美國狂掃沐浴露

1 : GS(14)@2016-07-06 08:11:35

楊千嬅早前到美國出席NYAFF紐約亞洲電影節，有兩日自由時間，佢大呻唔夠用：「我要食足七餐，又要狂買，遇到沐浴露買三送三，結果狂掃，啲人唔知以為我好污糟。今次買咗好多濕星嘢，返去實俾老公鬧到飛起。」一輪衝鋒橫掃，結果要多買一個超大篋裝嘢。講到狂食，佢笑話：「食幾多唔好講囉！我都擔心，如果俾健身教練知就大鑊，有排受呀！」撰文：馮仁昭





來源: http://hk.apple.nextmedia.com/entertainment/art/20160706/19682588
PermaLink: https://articles.zkiz.com/?id=302728

【馮仁昭四圍超】秦舒培疑偷食被索百萬

1 : GS(14)@2016-07-06 08:11:35

陳冠希（Edison）同中國超模秦舒培打得火熱，早排仲高調喺街頭咀嘴，不過同時就爆出秦舒培同華誼時尚高層趙磊係咪已經離婚嘅問題，據聞兩人已簽離婚協議，但就未攞離婚證。雖然秦舒培一方話已離咗婚，但最近有內地廠商話要提告，話佢擔任形象大使期間，做出越軌行為有損形象，提出解約兼索償百萬人仔（約116萬港元）。撰文：馮仁昭





來源: http://hk.apple.nextmedia.com/entertainment/art/20160706/19682592
PermaLink: https://articles.zkiz.com/?id=302729

【馮仁昭四圍超】子華爆肚整蠱安仔

1 : GS(14)@2016-07-06 08:11:36

許志安早前請嚟黃子華演出新歌《芝士》MV，齊齊扮保安員，子華臨場爆肚攞安仔同老婆鄭秀文做話題。今次子華畀足面，安仔話會請好嘴刁嘅子華食餐好報答，子華即駁嘴：「即係起碼有碗雲吞麵啦！我唔係第一次幫安仔，我呢世人未試過做演唱會嘉賓，又幫佢做嘉賓，MV又客串埋，但我要鄭重聲明，我係唔客串，唔好搵我客串，我一定係前世欠咗佢。」撰文：馮仁昭/p>





來源: http://hk.apple.nextmedia.com/entertainment/art/20160706/19682590
PermaLink: https://articles.zkiz.com/?id=302730

【馮仁昭四圍超】After 10寫歌諷刺政壇

1 : GS(14)@2016-07-06 08:11:36

樂隊After10噚日喺商台宣傳新歌《大頭佛》，呢首歌係諷刺而家社會好多荒謬嘅人同事，指政治圈有好多呢類人存在，三子表示一定會參與9月立法會選舉嘅投票，認為呢個政府已經唔係人民所期望嘅。去年做咗爸爸嘅姚榮豐，佢話好擔心香港教育制度，乜嘢都贏在起跑線，覺得所有事都同商業掛鈎，營造一個咁樣嘅氣氛而令一啲人有着數。撰文：馮仁昭





來源: http://hk.apple.nextmedia.com/entertainment/art/20160706/19682594
PermaLink: https://articles.zkiz.com/?id=302731

【馮仁昭四圍超】傲兒孭4磅假肚扮女鬼

1 : GS(14)@2016-07-06 08:11:37

何傲兒最近同李逸朗、朱咪咪喺佛山拍內地網絡電影《迷離夜話》，傲兒話自己平時唔敢睇鬼片，今次竟然演一隻女鬼，仲要係陀住8個月BB：「個假肚重4磅，本來要孭住一個重4磅的缽仔糕，不過一孭條帶就斷，結果要用最原始方法，將啲衫一件件咁塞入去扮大肚婆。」佢仲笑話劇情要扮死、瞓棺材、家人過身。撰文：馮仁昭





來源: http://hk.apple.nextmedia.com/entertainment/art/20160706/19682596
PermaLink: https://articles.zkiz.com/?id=302732

【馮仁昭四圍超】香香一講男友面紅紅

1 : GS(14)@2016-07-06 08:11:37

岑麗香、羅孝勇（右）同伍家謙噚日喺坑口出席太鼓之達人運動會，講到林心如、陳妍希突然宣佈婚訊，香香表示同男友強強未有咁快結婚，家人亦冇催婚。強強係咪結婚對象？香香面紅紅咁話：「咁大壓力呀呢個問題。」羅孝勇10月初會參加拳擊賽出戰吳雲甫，首次上擂台嘅佢，會唔會同吳雲甫夾定唔打面？佢笑住話：「冇夾，變豬頭都OK。」撰文：馮仁昭





來源: http://hk.apple.nextmedia.com/entertainment/art/20160706/19682598
PermaLink: https://articles.zkiz.com/?id=302733
Next Page
ZKIZ Archives @ 2019