女神tea time：買定賭股過聖誕
1 :
GS(14)@2016-12-24 10:41:22臨近聖誕，無論美股到唔到二萬點，港股都係無動於衷，大家早已收爐諗去邊玩，如果近近地唔想返大陸又唔想飛，澳門都係冇得揀之下嘅選擇。澳門旅遊局長就話，聖誕節期間客房預訂唔錯，相信入住率與往年相若。預計今年訪澳旅客約3,000萬人次，過夜旅客較往年增加，達到年初指標。其實濠賭最壞情況已過，亦一早已反映晒喺股價。以銀娛（027）為例，股價下半年以來已反彈三成。追落後嘅可留意「小賭王」何猷龍旗下新濠國際（200），股價雖然都有反彈，但累積升幅只有15%，明顯落後一截。另外，新濠國際近日宣佈斥資92.07億元，從皇冠集團（Crown）手上購入新濠博亞股權，並成為單一最大股東。近年賭業係差，加上皇冠之前有18人被捕，令新濠博亞股價較兩年前高位，已經唔見三分二。皇冠已無心戀戰，咁啱何猷龍需要大展拳腳，趁低掃平貨相信必有後着；加上澳門賭收已回穩，股價月初回吐後，近日股價都企定，可買定等過年。另外，賭收有起色，澳博（880）市佔超過五分一，自會受惠。公司去年因投資失利錄一次性減值虧損2.5億元，加上衞星娛樂場暫停營業，影響盈利1.43億元；今年冇咗呢啲負累，可以一吼。
Fifi
http://fb.com/lovefrystock本欄逢周五刊出
來源:
http://hk.apple.nextmedia.com/financeestate/art/20161223/19873988
女神tea time：北水的目標
1 :
GS(14)@2016-12-30 08:13:11年尾歐美股向上，偏偏港股就弱到震。人仔係咁貶，彭博錯報在岸價（CNY）一度跌穿7算，惹來人行強烈反應，證明阿爺真心驚。事實係，?家同7算真係差唔遠，一旦觸及就會出現人踩人，令現時市場走資情況，會更加無所不用其極。新一年各公司資金可重新擺位，你要擺都會擺喺傳統嘅避難所。以海航為例，高價奪地，再一星期買兩隻殼，上星期以6億元入主珠寶銷售及製造商KTL（442），聖誕前再宣佈以近4億元收購紙質卷煙包裝供應商嘉耀控股（1626）65%股權。咁已曲線話你聽，除咗香港地皮、物業外，港股係北水嘅目標，其中買殼係重要手法之一。近兩日異動嘅綠色能源科技（979），市值只有3.4億銀，基本上只餘下建築廢料處理及塑料回收業務，業務簡單，易於轉手。公司上年曾發6,006萬元CB，換股價0.78元，最近已全數贖回；另外，今年4月收購德國廢物回收項目，涉639萬元，但當中420萬以股作交易代價；加上月中公佈配股，佔擴大後股本約16.36%，配售價0.26元。股權重新擺位，似係有重大部署。股價噚日創新高，短線博進一步突破。
Fifi
http://fb.com/lovefrystock本欄逢周五刊出
來源:
http://hk.apple.nextmedia.com/financeestate/art/20161230/19880860
女神tea time：注資後抽升有景轟！
1 :
GS(14)@2017-01-07 00:28:05資金瘋狂走佬，部份資金衝落啲嚟香港。你望吓海航，近來係咁買殼，入主KTL（442）及嘉耀控股（1626），持股逾60%以上；最近又傳買鎮科集團（859），買親嘅股價都彈高。中能國際（1096）連炒幾日，呢隻股去年中易主，?家由中國華融（2799）做大股東。華融集團總資產超過8,660億元，比年初增長44%，仲多過海航嘅6,000億元資產。有冇得炒要睇有冇動作，公司上年底先以3億元收購福建新捷天然氣16%權益其主事能源儲存、運輸及銷售、和天然氣液化石油氣，已開展注資第一步！公司去年底亦發行1.5億元可換股債券，換股價為0.48元，同華融入股個價差唔多，似圍飛格。發可換股債券落實後，中能股價即刻起跳，由5毫炒上最高0.62元，成交配合。不過現價只較華融同批CB成本價升三成。假設華融要食大茶飯，應該未升夠，或者chok兩chok後，會整固抽上。
Fifi
http://fb.com/lovefrystock本欄逢周五刊出
來源:
http://hk.apple.nextmedia.com/financeestate/art/20170106/19887548
女神tea time：上帝叫我搽藥油
1 :
GS(14)@2017-01-14 07:53:32葉劉之前話要體驗民生，走去瞓瞓就當係；林鄭宣佈辭職，出奇不意講句，「係上帝叫我參選」。能夠講得出咁反智嘅說話，一係利慾薰心到一個位，連扮有政治智慧嘅能力都冇；唔係就係覺得坐定粒六，扮都廢事。假如呢兩位是但一位當選，相信唔少香港人都會講，不如一槍打死我。近來新股旺場，有個別之前淡市掛牌嘅股份，開始生猛番啲。雅各臣（2633）上年9月，IPO定價1.5元上市。呢隻股曾經潛水多時，但自12月開始起向上行，唔單止重上招股價，月初更突破旗型向上衝，最新報1.82元，比招股價高兩成。雅各臣個名你未必好熟，但佢旗下嘅藥品，你一定細細個就聽過，好似「保濟丸」、「飛鷹活絡油」及「唐太宗活絡油」。上市後積極收購，11月先用1億元收購美達藥廠，呢間藥廠主要於香港從事非專利藥的生產及銷售；再於上月買埋「何濟公」。計計數，兩項收購加埋後，預期雅各臣今年盈利應可增長到2.2億元，按年增長五成，預測PE約15倍。同類藥股一般最少25倍，PE仍平一大截。呢兩日見唔少大行衝入去掃貨，話唔定已成為基金目標。近日股價創新高，可以搽定藥油跟進。
Fifi
http://fb.com/lovefrystock本欄逢周五刊出
來源:
http://hk.apple.nextmedia.com/financeestate/art/20170113/19895072
女神tea time：幫橙天嘉禾計計數
1 :
GS(14)@2017-02-18 00:50:36港股連續兩日千億成交，市場形勢大好，資金亦一如本欄早前所講，過咗初十五，個市就即時生猛番晒。今日指數繼續炒上，不過見之前升得勁嘅二、三線股略有回吐，但幅度唔多，似係大漲小回格局。可留意嘅有基建股中國機械工程（1829），貪佢市值相對細，加上A股仲炒緊「一帶一路」，要反彈都彈佢先。另外，早前橙天嘉禾（1132）公佈向南海控股（680），以32.9億元人民幣賣走橙天嘉禾影城，雖然股價當日見光死，不過，你睇真啲，其實?家股價大折讓。交易完成後，橙天嘉禾一大筆錢喺手，其中6.8億元將作還債，即係搞掂所有銀行貸款。睇番業績，公司至6月底止手持3.95億元現金，即係加加埋埋有33.05億元Cash，除開每股1.2元，比現價高六成；再加埋出售後資產，每股更加係值約1.31元。再者公司講明當中10億元用作派特別股息，每股折合為0.365元，佔現價近五成。計完數，講吓憧憬，公司講明計劃在出售資產後，將13億元作擴張餘下業務之用，即係有收購概念啦；另外，公司又話如果呢13億用唔着，將會用作派特別息，即係話點計股東都有着數。股價於消息公佈後見光死，但近日守穩0.73元，可買一注博一博。
Fifi
http://fb.com/lovefrystock本欄逢周五刊出
來源:
http://hk.apple.nextmedia.com/financeestate/art/20170217/19930676
女神tea time：受惠雄安新區物流股
1 :
GS(14)@2017-04-08 19:37:52中國突然要起個「副都心」雄安新區，一時間所有資金衝晒入去，大家都以「雄安概念第一股」金隅（2009）做指標，佢升即時成個sector升，佢周四一跌就全線回塘。不過，好在佢唞一唞氣，大家先有追貨機會。炒「雄安概念」嘅，北控系一定有份，好似旗下中國燃氣（384），慌死你唔知佢喺雄安新區有生意，出埋通告大字標題畀溫馨提示，結果周三又炒高一棍。其實你講北控系內最有potential受惠「雄安」嘅，應該係嘉里集團都持5.24%嘅北京建設（925）。北京建設主要經營物流服務，包括貨倉設施租賃，集團擁有多個分別位於北京、上海、天津等一、二線城市之物流設施和倉庫，至上年底可出租面積合共111萬平方米，當中正在營運之可出租面積達50萬平方米。雄安新區要大力發展，未來東北地區對物流、倉儲服務需求將會大大提高，北京建設業務上完全食正！另外，北控醫療（2389）獲北京建設注資，當中部份以股份作交易代價，交易完成後，北京建設持股由原來15.10%增至約21.54%。北控醫療股價周四創自去年5月以來高位，北京建設亦自然水漲船高。北京建設股價周三喺「雄安概念」下大升逾三成，股價周四稍為回吐5.6%，令大家多一個介入良機。眼見金隅A股繼續升停，證明概念未炒完，而且北京建設講嘅係真心受惠，理論上一棍係不足以反映晒佢嘅潛力，RSI亦見轉強，大家可以跟進跟進。
Fifi
http://fb.com/lovefrystock本欄逢周五刊出
來源:
http://hk.apple.nextmedia.com/financeestate/art/20170407/19982043
女神tea time：物流股要吼呢隻
1 :
GS(14)@2017-04-22 10:41:37自從網購越做越勁之後，自己都好少會去行街。想買衫咩？上網訂一次過送返屋企；想買生日禮物送畀人？網上大把選擇，eBay美國訂返香港，一星期搞掂。不過，要網購買得方便，除咗要搞好支付平台，更重要係物流配送。先達國際物流（6123）去年7月率先爆有意賣殼，再喺11月發公告，指已為賣盤訂下意向書。無獨有偶，同日A股上市的圓通速遞突然停牌，並發通告指有意進行資產收購。由先達公佈意向開始，股價已步步炒上，由原本1.27元左手，反覆升至周四3.42元，累積升幅1.7倍。事實上，先達早於2014年加入由馬雲主導嘅「菜鳥網絡」，本來已有一堆內地速遞業嘅附大網絡，當然亦包括圓通。加上物流一哥順豐速運，由原本以前講明唔上市，到上年急急喺A股借殼上市，之後炒到?家市值過2,000億人民幣，相信對同業，特別係市佔只有兩成嘅圓通帶來壓力。先達早前公佈全年業績，全年盈利大幅倒退九成，只有496.7萬元。盈利倒退其實冇咩大不了，反正無心戀戰，疊埋心水賣殼。可以先落注，等公司公佈賣盤新消息。
Fifi
http://fb.com/lovefrystock本欄逢周五刊出
來源:
http://hk.apple.nextmedia.com/financeestate/art/20170421/19996423
女神tea time：物流股要吼呢隻
1 :
GS(14)@2017-04-22 10:42:02自從網購越做越勁之後，自己都好少會去行街。想買衫咩？上網訂一次過送返屋企；想買生日禮物送畀人？網上大把選擇，eBay美國訂返香港，一星期搞掂。不過，要網購買得方便，除咗要搞好支付平台，更重要係物流配送。先達國際物流（6123）去年7月率先爆有意賣殼，再喺11月發公告，指已為賣盤訂下意向書。無獨有偶，同日A股上市的圓通速遞突然停牌，並發通告指有意進行資產收購。由先達公佈意向開始，股價已步步炒上，由原本1.27元左手，反覆升至周四3.42元，累積升幅1.7倍。事實上，先達早於2014年加入由馬雲主導嘅「菜鳥網絡」，本來已有一堆內地速遞業嘅附大網絡，當然亦包括圓通。加上物流一哥順豐速運，由原本以前講明唔上市，到上年急急喺A股借殼上市，之後炒到?家市值過2,000億人民幣，相信對同業，特別係市佔只有兩成嘅圓通帶來壓力。先達早前公佈全年業績，全年盈利大幅倒退九成，只有496.7萬元。盈利倒退其實冇咩大不了，反正無心戀戰，疊埋心水賣殼。可以先落注，等公司公佈賣盤新消息。
Fifi
http://fb.com/lovefrystock本欄逢周五刊出
來源:
http://hk.apple.nextmedia.com/financeestate/art/20170421/19996423
女神tea time：音樂平台搵到錢
1 :
GS(14)@2017-04-29 23:23:44近年香港人都開始習慣畀錢買歌，網上串流音樂平台，好似Spotify、騰訊（700）旗下JOOX、電盈（008）嘅MOOV都吸到唔少客。講Spotify，連李嘉誠都有投資，仲話已賺100至150倍，簡直係金蛋。市場盛傅Spotify今年將於美國玩唔集資嘅「直接上市」，估值達110億至130億美元（約858億至1,014億港元）。唔止Spotify，最新傳出騰訊亦已為騰訊音樂上市揀投行，估值同樣高達100億美金（約780億港元）。正所謂水漲船高，兩間音樂平台都話要上市集資，要搵影子股不妨留意A8新媒體（800），旗下最出名嘅「多米音樂」，正正就係做串流音樂。融合多米音樂平台和偶撲粉絲平台，啟動音樂演出業務「尖叫現場」；另外，收購參股網絡文學公司北京掌文信息35%的股份，儲備優質版權；旗下直播平台「映客」亦係當紅大App，另自家推出手遊。音樂以外，涵蓋範疇亦極廣！現時A8市值只係15億，至去年底有近5億現金。對上次推係3月中，股價後來升到最高破0.6元。股價其後回落，今次有騰訊音樂上市做誘因，可再博炒多轉。
Fifi
http://fb.com/lovefrystock本欄逢周五刊出
來源:
http://hk.apple.nextmedia.com/financeestate/art/20170428/20003902
Next Page