黃昏Coffee Break變發電機G.E.M.發市 偕新歡戴情侶戒
1 :
GS(14)@2016-10-18 08:15:18【坐暗角】■G.E.M.日前約會型男新歡到中環嘆咖啡，二人揀選店內最角落的位置。
【中環】現年25歲的鄧紫棋（G.E.M.）前年與台灣歌手林宥嘉分手，再見不是朋友，之後她的緋聞全是冇米粥，最誇張是與金秀賢拍廣告後傳同居。不過，dry足兩年的G.E.M.日前被本報記者影到在中環偷會型男，兩人分別在食指戴上同款情侶戒指。面對新歡，G.E.M.全程冧爆，托腮又咬手指，施展渾身解數向男方狂放電，之後孖實型男上七人車離開。
鄧紫棋於08年出道，一直發展平平，至前年參加《我是歌手2》忽然在內地走紅，惟負面新聞亦急速爆發，加上她與拍拖4年的台灣歌手林宥嘉分手，二人由情人變仇人，頻頻見報的G.E.M.絕對是新聞人物，早前又傳她硬撬好友王灝兒（JW）當時的男友Mark，今年初更傳她與內地男歌手華晨宇相戀。
【傾唔停】■兩人傾到入黑才捨得離開，新歡更幫G.E.M.拿着熱飲。
【情侶戒】■G.E.M.被發現與新歡齊齊在食指戴上同款情侶戒指。DV圖片
【齊上車】■新歡先讓G.E.M.上車，甚有風度。
貼身衫騷身材
不過，本報記者日前就撞破G.E.M.與型男新歡在中環嘆咖啡，罕有不在內地掘金的G.E.M.，當日下午5時多現身中環普慶坊，原來她約了新歡，兩人選了一間咖啡店「蜜」會。Dry足兩年的G.E.M.難得有約會，雖然當日穿便服，但明顯經過悉心打扮，還選了一件貼身上衣襯牛仔褲，微騷豐滿身材。雖然咖啡店位處偏僻，店內侍應亦清一色是外籍人士，但G.E.M.亦小心翼翼，揀了店內一個最角落的位置坐，不過當G.E.M.與新歡傾了一會，亦漸漸放下戒心，更不斷使出渾身解數，先用心心眼冧爆地望着新歡，又不時托腮、咬手指狂放電。記者更發現，G.E.M.與型男新歡各自在食指戴了同款的情侶戒指，一切盡在不言中。
【啜手指】■G.E.M.面對新歡變發電機，施展渾身解數出冧招。
【托住腮】
指男方住紐約
難得發市有拖拍，G.E.M.與新歡非常好傾，由黃昏坐到入黑，至咖啡店差不多關門才捨得離開，步出時G.E.M.手上仍拿着熱飲，與新歡邊行邊傾，最後齊齊登上一架七人車。本報聯絡G.E.M.，她透過WhatsApp回覆：「只係朋友，識咗超過十年。完全沒有所謂的情侶戒指。人哋長住紐約，難得返香港先約出嚟敍舊。多謝大家關心。」
■上圍豐滿的G.E.M.早前出海騷身材。資料圖片
事實上，G.E.M.出道至今，公開承認的男友只得入行前的Bryon，以及在2010年Boxing Day被踢爆與台灣歌手林宥嘉拍拖，當日林宥嘉發現被拍照更一度發難搶記者相機，惟這段情最終維持4年，前年終於分手兼反面收場。攝影：梁繼光、羅德光、皓騫
來源:
http://hk.apple.nextmedia.com/entertainment/art/20161018/19804219
Coffee俯身教瑜伽
1 :
GS(14)@2016-11-21 00:05:09林芊妤（Coffee）前晚在觀塘出席健康產品活動，即場教觀眾做瑜伽，她表示自己關節柔軟度大，所以易受傷，並勸喻大家要有老師在場先好做一些危險動作。Coffee被印度瑜伽導師提議去進修，參加比賽爭取經驗，她說：「分身不暇，走咗去點搵錢，仲要養家供樓，係好現實問題。」她否認不捨得，而男友會喊住叫她走。問Coffee會否跟男友一齊做瑜伽？她說：「佢筋骨好硬，會鬼叫，抬起我會腳震，始終唔夠穩。」經常一齊做瑜伽是否同居？她說：「唔係，唔係晚晚做嘅。」採訪、攝影：馬建華
來源:
http://hk.apple.nextmedia.com/entertainment/art/20161120/19839394
Coffee搵男友陪放閃
1 :
GS(14)@2016-11-27 14:27:45林芊妤（Coffee）、陳蕊蕊、鄧穎芝和羅孝勇，昨日在九龍灣出席閃避球活動，與Coffee拍拖近一年的爆肌男友Weng亦有到場，Coffee說：「佢今日放假，我夾硬扯佢嚟，佢好好，好怕醜，好sweet。」早前自爆有人追的陳蕊蕊，表示不心急感情事，問可有機會發展？她認為將來事沒人知。提到與金剛的一段情，她直言一開始沒想過要公開，將來拍拖亦不打算公開，她說：「唔會咁揚，而且我想搵圈外人，其實我一向都好避忌同圈中人拍拖，因為怕麻煩，唔鍾意解釋。」又透露與金剛雖然沒聯絡，但仍視對方為朋友。採訪、攝影：黃曉妍
來源:
http://hk.apple.nextmedia.com/entertainment/art/20161127/19846715
羅天宇床上咀Coffee 舊愛苟芸慧最得羅母歡心
1 :
GS(14)@2017-01-07 07:08:08身為2008年港男少年組冠軍嘅羅天宇，有樣有身材，自然多女埋身，出道8年以嚟，同佢傳過緋聞嘅女星唔少，包括喺《愛‧回家》中飾演佢個妹馬子妮嘅蔣家旻、高海寧，另外仲有o依家轉行做瑜伽導師、擁有34D靚Body嘅林芊妤（Coffee）。更令人妒忌而羅天宇亦曾公開承認同過09年華姐冠軍苟芸慧拍拖，就咁一數，連埋o依家影到嘅湯洛雯，羅天宇過往啲「女友」，唔係選美出身，就係有樣有身材，真係識食梗係要學羅天宇咁揀嚟食！睇番啲資料，話羅天宇同苟姑娘分手後，再見亦是朋友，羅媽媽更視苟芸慧契女般看待，可見苟姑娘好「入屋」，羅天宇亦非常識做人，同舊愛關係唔會搞到擘晒面。反觀湯洛雯，參加2012港姐選舉，雖然佢喺五強止步，不過佢之後獲大台安排加入《學是學非》系列，keep住有啲曝光率，加埋佢喺《愛‧回家》嘅演出，星途叫做不過不失。至於緋聞方面，咁耐以嚟係得林師傑同羅天宇兩個名同佢扯上過關係，唔知係家教好吖，定係因為佢爹哋同阿叔，即係湯鎮宗同湯鎮業太有型，所以湯洛雯唔容易睇得上眼呢？
來源:
http://hk.apple.nextmedia.com/entertainment/art/20170107/19889379
Coffee俾爹哋催婚
1 :
GS(14)@2017-01-12 08:03:30林芊妤（Coffee）昨日穿上性感婚紗，在佐敦出席「2016全城至Like新婚通信大獎賞」，Coffee穿上一襲心口透視的婚紗，大晒34D Big爆上圍。Coffee因為工作關係，已穿過近30次婚紗，她表示結婚時不知自己會否再穿。今年27歲的Coffee說：「自己希望30歲結婚，31歲生小朋友，但係爹哋就好心急想我嫁，佢係福建人，認為女仔20歲結婚係正常，22歲嫁唔出係老姑婆，我呢啲已經係剩女、中女，佢都放棄咗我，話唔結婚有唔結婚嘅好處。」但有仔趁嫩生？Coffee就一臉自信說：「我可以連續兩年生唔使唞㗎，我呢啲咁勁，如果有BB我就日日都做瑜伽。」採訪、攝影：張俊銘
來源:
http://hk.apple.nextmedia.com/entertainment/art/20170111/19892632
Coffee廁格Gathering最轟動Liddy曾做小三黐彭順
1 :
GS(14)@2017-01-14 12:25:3809年大台遊戲節目《耳分高下》入面，有一班「Sing之天使」，現已各散東西，佢哋去咗邊呢？雪梨(林芊妤)林芊妤(Coffee)，原名林婉霞，其實佢都算係咁多個Sing之天使入面最出名喇。14年，佢同富二代「Gathering」一事真係最為轟動，Coffee仲因為咁樣被大台炒魷。不過，Coffee已轉行教瑜伽，仲同滙豐銀行總行副總監拍拖「封杯」喇。檸檬(李悅彤)李悅彤(Liddy)，原名李婷，佢都好出名㗎，點解？因為Liddy喺14年被影到同導演彭順偷情，公然親熱。呢件事曾一度令彭順同李心潔嘅婚姻亮起紅燈，不過最後李心潔都原諒咗老公，仲生咗對孖仔。柑桔(陳蕊蕊)擁有34F魔鬼身材嘅陳蕊蕊，上年4月驚爆同金剛因為性格不合分手，上年12月出活動仲自爆恨拍拖。不過就有傳陳蕊蕊同洗米華愛將余加榮撻着，陳蕊蕊亦承認有與對方聯絡。
來源:
http://hk.apple.nextmedia.com/entertainment/art/20170114/19896419
同Coffee夏尉喻做實驗崔碧珈花言巧乳 呃男人
1 :
GS(14)@2017-01-31 16:02:00【《蘋果》專訪】擁36G上圍的崔碧珈、34D的林芊妤（Coffee）和36G夏尉喻（Barbie），最近合作幫ViuTV拍攝全新整蠱節目《胸X計》，顧名思義是由她們三位身材有料之人，度計仔去整蠱人，透過節目去考究俚語「胸大無腦」是否屬實。日前她們晒事業線於銅鑼灣受訪，今次是三人首度合作，她們覺得以身材作話題，但事實上是考驗演技、急才和合拍性，該節目共有8集，被整蠱的嘉賓如陳柏宇、游學修等，大部份未曾見過面。
■崔碧珈笑言拍攝期間要扮受傷害呃同情心，途中已喊到失魂。
■Coffee自爆讀書時期曾被同學整蠱。
■夏尉喻指節目講求三人之間的默契。
度橋遭白眼
每集籌拍前崔碧珈三女會先與團隊開會擬定內容，ViuTV找來整蠱專家Kevin Boy（KB）任軍師，Coffee表示每次開會都任由她們不停講，其間屢遭開會人士白眼，崔碧珈說：「當KB聽到我哋諗咗好多橋同計出嚟，佢成日都會話唔得，我哋就要再不停掟橋，由於太多聲音，每次開會都開好耐。」埋位開拍時，她們笑指有時好迷失，究竟是自己整蠱人還是被整蠱。第一集被整蠱的是陳柏宇，崔碧珈拍攝過程中要扮受傷害呃同情心，笑言途中已喊到失魂。Barbie指每次拍攝都有預計以外的事情發生，所以極需要三人之間默契。
被同學整蠱
崔碧珈三女認為智商高低與男女及樣貌身材沒關係，但明顯男性同情心較強易中計，問她們在節目中能否推翻胸大無腦說法？她們滿有自信說：「咁要睇節目先知。」怎料當問到現實生活中被整蠱經歷時，Coffee指讀書時曾關心一位瘦身材但肚凸凸同學，對方告知已懷孕，直至數月後才承認說笑。怎料崔碧珈問：「你個同學係男定女？」隨即發現自己問了儍問題。採訪：馬建華場地提供：權八居酒屋
來源:
http://hk.apple.nextmedia.com/entertainment/art/20170131/19913196
羅天宇專揀身材好女星 湯洛雯Coffee苟芸慧榜上有名
1 :
GS(14)@2017-02-07 05:15:53羅天宇係08年港男少年組冠軍出身，正所謂「你的樣子如何，你的日子也如何」，梗係多女埋佢身啦！出道8年，同唔少女星都同佢傳過緋聞，有林芊妤（Coffee）、苟芸慧、高海寧等等，全部身材有番咁上下，而現任女友就係「靚湯」湯洛雯，真係令好多男士葡萄。有報道指羅天宇入行冇耐就同Coffee因為拍《四葉草》撻着，仲有咀嘴照流出o添！又有報道指苟芸慧就最得羅媽媽歡心，羅媽媽仲當苟姑娘係契女咁看待。睇番湯洛雯，雖然喺12年港姐選舉五強止步，不過大台好肯畀機會佢，《學是學非》、《愛．回家》等等嘅節目都見到佢，曝光率都算多。
來源:
http://hk.apple.nextmedia.com/entertainment/art/20170207/19920436
Next Page