囡囡容貌曝光驚影響成長 陳冠希母負責照顧Alaia
1 :
GS(14)@2017-06-18 21:45:08陳冠希一向想家事低調，同秦舒培拍拖唔夠一年，即升呢做爸爸，生咗囡囡Alaia，成件事都好保密，就算之前有網民稱見秦舒培肚凸凸喺日本睇嬰兒用品，陳冠希亦死口唔認，點知百密一疏，日前有位外籍stylist將陳冠希嘅全家福擺咗上IG。昨日有報道指陳冠希唔想囡囡Alaia曝光，係唔想囡囡受外界批評，只想佢健康成長。另外由於陳冠希要四圍飛打理生意，又要返內地登台，而秦舒培亦準備復出，繼續做名模，3個月大嘅囡囡估計會交俾長居德國嘅陳母照顧，未知會喺德國定美國住，不過就肯定好少返香港，據報道指，陳冠希想保護好秦舒培同囡囡，點知被隊友「出賣」，陳冠希都覺得好嬲。
來源:
http://hk.apple.nextmedia.com/entertainment/art/20170616/20057859
陳冠希秦舒培甜蜜睇騷
1 :
GS(14)@2017-07-09 03:39:10■秦舒培和陳冠希早前在巴黎睇時裝騷。微博圖片
陳冠希（Edison）和國產模特兒女友秦舒培，今年3月被爆升呢父母，上月網上流出Edison為愛女Alaia搞百日宴的照片，還有爺爺陳澤民與前妻及Edison兩位胞姊出席，三代同堂。Edison抱實囡囡，一臉慈父相，秦舒培產後也火速收身，回復產前狀態。新手父母Edison和秦舒培幸好有嫲嫲幫手湊孫，所以他們可以自由出埠，沒後顧之憂。
■秦舒培（左）一身型格打扮現身，男友陳冠希耷低頭跟着女友身後。互聯網圖片
甜蜜放閃
Edison和秦舒培上月底才被讀者透過本報「爆相爆片」，拍到他們在東京濕平，狂掃潮裝，但原來去東京之前，他們還去了一轉巴黎睇時裝騷，有網民就貼出了他們身在巴黎睇騷的照片，Edison心情大靚，跟秦舒培齊齊笑容一致，紮起頭髮的秦舒培穿上綠色外套，型格十足，她跟Edison非常恩愛，糖黐豆放閃。兩人都鍾情時裝及愛去旅遊，同時為免囡囡Alaia被追拍，所以由嫲嫲代勞湊孫就最放心不過。撰文：楊定
來源:
http://hk.apple.nextmedia.com/entertainment/art/20170708/20082399
陳冠希公開女兒大頭 眼神攝人
1 :
GS(14)@2017-08-06 11:38:53互聯網圖片
陳冠希（Edison）今年3月榮升爸爸，其內地超模女友秦舒培為他誕下一女Alaia，當事人由懷孕到生B都一直低調，直至6月中，Edison被外籍友人在網上公開陳氏一家為B女舉行百日宴的相片，當時Edison的父母及兩位姊姊齊齊出席，才令女兒曝光。
嘴仔細皮膚白
Edison平時只愛在Instagram及微博分享潮流、音樂資訊，現在都偶爾會抒發自己做爸爸的喜悅，例如自言囡囡是他的「前世情人」，亦有公開過囡囡身穿潮童波鞋的腳仔片。昨日，Edison心情靚靚指數再升級，首度上載Alaia的正面相，相中Alaia悉心打扮，戴上了白色及藍色花帽和穿上今年大熱的藍白間條上衣。
Alaia輪廓分明，眼仔大大、嘴仔細、皮膚白白淨，似媽咪秦舒培多一點，而眼神與眉毛就有點似Edison，絕對是美人胚子。Edison主動晒囡囡得意相，成功吸引兩萬多網民讚「Like」，更有粉絲留言讚Alaia可愛，亦有人留言：「好好守護，爸爸的小情人」、「眉毛像你，眼睛像媽媽，哈哈哈！太可愛了！OMG」、「超可愛！眉毛跟冠希哥好像！好好看！」等字句。
■秦舒培生完B女火速收身成功，囡囡Alaia更遺傳了她的靚樣。互聯網圖片
■陳冠希與秦舒培6月時為囡囡舉行百日宴，當時陳家總動員出席慶祝。資料圖片
■囡囡交由陳媽媽照顧，令陳冠希夫婦可以放心工作，6月底去東京旅行。資料圖片
下周寧夏演出
其實，Alaia出世後就主力交由陳媽媽湊孫，好讓Edison夫婦可以放心工作，例如5月底，秦舒培在上海出席品牌活動，而她與Edison更在6月去了東京購物，而上月初就到了巴黎睇男裝騷，實行過二人世界。近日，Edison亦在Ig貼出下星期六及日會在寧夏參加草莓音樂節的海報。撰文：唐如
來源:
http://hk.apple.nextmedia.com/entertainment/art/20170805/20111809
Next Page