地產潮文：博盡買樓萬事足？
1 :
GS(14)@2017-03-03 00:58:14樓不是萬能，無樓似乎萬萬不能。講到近期的瘋狂樓市，話題作當然不是一眾劏房與豪宅新盤，而是無綫電視節目《有樓萬事足》當中，有樓有高潮的Seasun姐身上，她的言論、外貌身材固然成為焦點。看完五集節目，相信大家對是否買樓會有更多領悟。Seasun在節目中提到，小孩需要有較安穩的環境成長，並建議男士如要取悅女士，與其買手袋和鮮花，不如買層樓。撇除她「求包養」的心態，買樓令財富保值增值這理念其實深入民心，越來越多女士「不愛鮮花愛樓花」。今時今日要學「50蚊哥」真係極難，不過佢嘅精神有好多值得參考之處，例如：嚴格限制開支、儲coupon、帶飯、揀個慳妹等。撇除「105%妹」為儲錢連家用都不給這種不孝行為，透過買賣股票、密密做兼職等賺取額外收入的做法也值得參考。緊記，先享受後慳家，還是先慳家後享受，一切都是個人選擇。節目當然要放一些「無殼小夫妻」、「有樓招親」的故事平衡一下。家家有本難念的經，會計師夫婦很明顯有穩定收入，但猶疑不決未能上車；亦有不少為了儲錢買樓而租工廈劏房、創業只租舖居閣樓等故事。事實上，更多努力工作而未能儲錢上車的個案，才是社會的真正縮影，個人有責任努力賺錢，但最大責任畢竟落在政府身上。買樓是為了幸福、快樂，但假如去到盡而買到樓，但失去親情、愛情、幸福、快樂，又是否值得？跟隨自己心意，似乎是最好答案。地產小子
http://www.propertykids.blogspot.hk本欄逢周四刊出
來源:
http://hk.apple.nextmedia.com/financeestate/art/20170302/19944477
【一餐飯代價】萬事屋唔收錢做嘢 從一個人到一班廢青
1 :
GS(14)@2017-04-06 07:42:05左起：胡曼儀（牛小貓）、譚亦軒（喪貓）和文睿嵐（皇后貓）是貓記核心成員，他們宗旨是一日不吃飯，一日不做事，記者都要請他們吃飯盒才能完成訪問。
受人錢財，替人消災，合理不過，但如果冇錢收，只係得支水，得個麥記$24餐，又係乜玩法？有毒男四年前因為覺得悶，冇人陪，於是上高登出post搵陌生人陪食飯，但他深明「無啦啦搵人陪，人哋當你癲」，決定提出幫對方做一件事作等價交換，無拖無欠，因為騎呢，所以引起很多人好奇，紛紛舉手回應，願意做這個「飯腳」。邀約他們做訪問，他們也視之為委託，條件是請吃一頓飯，好，冇問題，就請你們吃遠近馳名的堆填區公司canteen。
邀約訪問也視為委託，記者就請他們吃遠近馳名、堆填區的公司canteen。
正職開網店、今年33歲的譚亦軒（喪貓），就是於2013年創辦這個「貓記萬事屋」的毒男，話明萬事屋，如果你有奇難雜症，只要請他吃餐飯，就會諗計幫你解決，食乜都得，少至一支水，豪氣至高級扒房，都無任歡迎。萬事屋由幾年前的one man band，演變成現今達三十多人的團隊，越做越大。成員年齡介乎十幾至五十幾歲都有，各有專長，睇風水、做私家偵探、傾心事、剪片、陪人遊行和遊山玩水，乜都得，聽落搞笑，但都不夠客人的委託騎呢：陪上鳳凰山睇日出、每晚陪跑步、家長日扮家長見老師、幫手向朋友追回拖欠了三年的$500、幫手襯套去飲的戰衣、幫手通宵排演唱會、中秋節一早去霸BBQ爐、甚至連影婚紗相都有，「結婚咁大件事都夠膽搵我哋，佢夠膽搵我哋就夠膽影。」最新接到的case，還有當陌生人的婚禮見證人，吓？咁都得？看似無聊，但喪貓卻說：「每個委託都有特別的地方，都係一種學習，三人行必有我師嘛，我地嘅性質同記者差不多，都係聽人講古仔。」除了一餐飯，沒有錢銀上的酬勞，有時甚至會被客人搵笨，不會覺得有點浪費時間嗎？「其實以前剛開貓記時係做緊傳媒機構，諗起以前做過幾份工都冇乜特別的回憶，但貓記可以見唔同人，睇唔同風景，而家我仲好記得第一單委託係幫個壽司師傅寫封英文的辭職信，唔同的委託都豐富咗我嘅生活。」只得廿三、四歲的胡曼儀（牛小貓）和文睿嵐（皇后貓），待業，自命廢青，幾年前因為貪玩，想識來自五湖四海的朋友而加入貓記團隊，儍大姐般的皇后貓說：「呢度真係好多新鮮和未知的事，鑊鑊新奇鑊鑊甘，唔加入貓記就呢世都唔會遇到。」例如？「試過借個頭畀個剪髮學徒試剪，但剪到好核突，俾人笑咗成個禮拜。」她覺得好嬲又好笑，「當識多個新朋友囉。」客人的反應也是她做下去的理由，「有次幾開心的，其實好簡單，只係幫客人個女去商場排韓星簽名會，好快就排完，其實我哋只得其中一個人去做，但個客話想請我哋一大班人返屋企食飯，佢煮咗勁多餸，大家都食得好開心，都好感動。」不過，又未必個個客都咁好，牛小貓就有不快經歷，「試過有一次幫客人改功課，係英文閱讀報告，做完後對方請我食譚仔，唔係食譚仔嘅問題，而係我漏夜幫佢完成，但佢仍然不斷話我做得唔好，食完仲只係講一句『唔該晒拜拜』就走，原來佢只想要完成品，冇心同我交流，唔希望再接到呢啲委託。」不過她也有個體會很深的case，「試過有個護士客人想識個醫生，但佢打扮好男仔，覺得自己好粗魯，就叫我教佢點樣可以女仔啲，教完佢又話真係過唔到自己嗰關。但最近我睇到佢WhatsApp張相，見到佢唔同晒，變得好女仔，完全唔似佢，我覺得有時有啲事係睇你有幾大決心去做，其實好多客人搵我哋，都只係想有人畀啲支持同鼓勵佢。」雖然貓記的宗旨是「一日不吃飯，一日不做事」，但他們也會向客人講明，不一定能夠完成委託，唔驚俾人話呃飯食咩？皇后貓說：「所以我每次都唔敢食太好，就算做唔到都冇咁心虛，我覺得食飯係次要，做事先係重點，其實我食乜真係冇所謂，主要都係想識多個朋友，我比較四年重委託多過食乜囉，其實我哋真係一班好熱血，好有心嘅人。」既然係咁，果籽都決定給予他們一個委託，看看他們能否完成，想知係乜？請留意另一則動新聞。記者：黃子配攝影：梁志永
來源:
http://hk.apple.nextmedia.com/su ... t/20170406/19981125
【委託實錄】貓記萬事屋 幫手做街訪又得唔得？
1 :
GS(14)@2017-04-06 07:42:06「貓記萬事屋」三位萬事屋日前獻出了第一次，幫果籽記者做街訪！
「貓記萬事屋」創辦人譚亦軒（喪貓）和核心成員胡曼儀（牛小貓）和文睿嵐（皇后貓），宗旨是「一日不吃飯，一日不做事」，既然吃了果籽記者請他們吃的高級乾炒牛河，當然要幫手解決一個疑難作等價交換。一於叫他們幫手做不少記者都怕怕的街訪，很多人都以為街訪很容易，其實其間食咗幾多個檸檬，唔通記者又話你知咩？仲要企足唔知幾耐先夠料交差，到底貓記今次又能否順利完成委託呢？請睇片。記者：黃子配攝影：梁志永
來源:
http://hk.apple.nextmedia.com/su ... t/20170406/19981130
厚德邨寶馬自焚波及平治萬事得
1 :
GS(14)@2017-04-22 10:46:35【本報訊】將軍澳厚德邨商場昨清晨發生火燒車事件。一輛寶馬房車疑因機件故障著火，大火更波及兩旁兩輛私家車，消防到場將火撲熄，三車嚴重焚毀。現場為將軍澳厚德邨商場4樓露天停車場，一輛停泊的寶馬房車首先起火，火勢迅速蔓延，並波及旁邊的平治及萬事得私家車，火光熊熊，濃煙沖天。保安發現報警，消防員到場約22分鐘將火救熄，三車嚴重焚毀。警方稍後聯絡涉事車主，據萬事得姓葉車主表示，他於凌晨零時許將車泊在上址，當時左右隔鄰未有其他車輛；寶馬姓潘車主則表示，其車已有15年車齡，凌晨4時將車泊在上址，他以往亦一向泊在該處。稍後警方及消防翻看停車場的閉路電視，起火時未見有人行近，懷疑因機件故障起火，調查後認為事件並無可疑。
來源:
http://hk.apple.nextmedia.com/news/art/20170422/19998169
財經評論：港人有樓萬事足
1 :
GS(14)@2017-10-15 18:50:30火力全開的林鄭月娥，在施政報告論壇形容首置上車盤「只係希望為各類收入嘅家庭重燃置業希望」、「社會係需要一個期盼」。政策重點就在這。那管首置上車盤供應少要爭餐懵、最快數年之後先賣樓、價錢是個謎、甚至乎數年之後跟「港人港地」及「置安心」一樣無疾而終或者腹死胎中也好，至少有群人這幾年也會抱住置業希望。世界上沒甚麼比希望更加使人着迷。荃灣全．城匯6球內撻定貨得1間，還是有數以百計市民碰運氣。明知一個人生命裏頭中六合彩頭獎機會率近乎零，中秋金多寶馬會照舊排長龍。只要有置業希望，中產工作再苦也會捱住，儲首期才是王道。那怕數年後這群人首置上車盤抽不中，你擔心會無發展商推售大西北納米樓盤、吸盡這些希望落空的中產數年儲下來的血汗錢？當年大學強制選修3個通識課程方可畢業，於是乎隨意挑選了一科有關中國文化的科目。事隔多年，課程內容當然忘得一乾二淨，但四眼教授有番話說得很白，意思大概是這樣：「睇番中國咁多年嘅歷史，有咩情況下會出現起義？就係當佢哋有兩樣嘢俾人搞，塊田同仔女，唔係講咩理想、信念。」古代田地兼具提供食糧同居住，四眼教授口中的兩樣事物，換個時空在2017年的香港，應該是三件事：飯碗、層樓同生育。當昨晚林鄭月娥以順民遍地的新加坡來解釋自置居所比例高好處，「一個社會要穩定，其實能夠擁有自己嘅房屋呢係一個幾好嘅基礎」，四眼教授那番話又從我腦海浮起。記者：陳東陽
來源:
http://hk.apple.nextmedia.com/financeestate/art/20171013/20181892
Next Page