樂香園：走資雖可恥但有用
1 :
GS(14)@2016-12-07 07:53:03人民幣兌美元滙價持續「告急」，想不到連普通話也「告急」。日前於一連鎖中式拉麵店食晚飯，聽到鄰桌有人以帶普通話口音英語點菜，好奇心驅使「昅左眼」，發現以英語點菜的是名年輕男子，同桌還有一男一女年輕人，外表看全部也是亞裔人士，不似土生土長港人，估計是來港讀大學的外來學生。服務員雖多次以廣東話表明不懂英語，惟那名年輕人仍堅持以不太流利英語點菜，服務員唯有找經理處理，最後順利「落單」。成功以英語點菜後，神奇的事情發生了，那位堅持以英語點菜的年輕人，突然「轉台」改以極流利普通話跟朋友交談，內容大致是關於事情的分工，具體內容不是聽得太清楚。寫這個「轉台」小故事，不是想探討本土議題，而是很好奇，為甚麼那位年輕人不想以其擅長的語言點菜？因為想練習英語？（但服務生不懂英語）想在朋友面前「攞威」？（年輕人好逞強，可能性不低）抑或是測試該店服務？（看來不太似，再者後來該服務員亦轉以普通話跟他交談）還是不想給其他人知道，自己是說普通話？（這個邏輯有點怪）跳躍式思考，內地人急於將手上人民幣換作外幣，是想要更多外幣，定還是不想要人幣？走資雖可恥但有用？密西比
來源:
http://hk.apple.nextmedia.com/financeestate/art/20161207/19857775
收市閒情：逃避雖可恥但有用
1 :
GS(14)@2016-12-21 23:40:35中華上下五千年文明，近年喺創新方面成就係值得被肯定。我冇講錯，假雞蛋、假豉油……有邊樣唔令人嘆為觀止，震驚全球唔知幾多億人。展望將來，本人大膽預測，中國喺科研方面將再上另一個高峯。今時今日，你食碗叉雞飯要打卡，然後hashtag「#減肥咩嚟㗎」；睇書要打卡「#今天是文青」；跑步更加要打卡「#我喜歡堅持」、「#汗水不會白流」……如是者，唔知雞先定蛋先，馬拉松近年成為中國嘅潮流，絕大部份人跑完都會post上網展示陽光嘅一面。單係今年，中國已搞咗超過300場馬拉松；出年更可能達500場！睇返2011年，只係有22場！就係咁，聰明嘅中國人發現了搵錢新戰線──代跑產業！
只要你上淘寶，就輕易搵到專業代跑。你想將跑步App cap圖放上網？親！淘寶幫到你「10元10公里、20元半馬、40元全馬」；你想真人參加馬拉松？親！「450+個跑步勇士，遍佈中國各地，90%的人可以完成全程馬拉松，幫您實現私人訂制夢想。」甚至你想某段路加速暴走？親，明碼實價，有錢就沒問題了。自古請槍多的是，但請槍請到有產業鏈，將一個純為虛榮服務嘅行業，光明正大集團式經營，相信只有中國人先做得出；更兒戲嘅係，呢班「跑步勇士」唔理好醜，但求做跑手！剛剛周日深圳搞嘅馬拉松，女士組跑第二同第十嘅健兒，影相出嚟竟然係兩個麻甩佬！喂！做騙子都畀啲專業精神呀！至於今個月10號廈門半馬賽，有一個代跑者猝死！彷彿任何好事落入中國人手上，都會變質，甚至變成悲劇。
■深圳馬拉松女子組號碼係B字頭，但跑第二同第十（上及下）嘅都係男人。 互聯網
■親！淘寶代跑服務好全面。 互聯網
不過最近睇過一篇文章，講到中國手機支付行業行得咁前，原因唔係勇於創新，而係因為偽鈔太多，手機支付唔搞唔得。同樣，當請槍騙子殺入中國馬拉松，已經有人研究要用生物識別技術核實身份！為封殺騙徒，反而催生科研進步；呢啲叫咩，叫「逃避雖可恥但有用」！中國今時今日科網發展咁快，騙徒，絕對係功不可沒。一個痴線嘅國度，總會孕育出一啲痴線嘅成就。千頌C
http://www.fb.com/winbigwok本欄逢周三刊出
來源:
http://hk.apple.nextmedia.com/financeestate/art/20161221/19871729
一目均衡圖 分析雲帶最有用
1 :
GS(14)@2016-12-30 08:09:33【明報專訊】我們曾在過往的文章中應用過一目均衡圖（Ichimoku Kinko Hyo）分析金市，由於Ichimoku是一套完整且實用的技術指標，可提供多種不同的買賣策略，故本文將更詳細地介紹這個技術指標。
價格穿越大型雲帶 或出現轉勢
Ichimoku由轉換線、基準線、先行帶A、先行帶B及遲行線組成。一般而言，轉換線為9天最高位及最低位的平均值，基準線則為26天最高位及最低位的平均值，轉換線與基準線的關係類似於9天及26天移動平均線。
雲帶（Cloud）由先行帶A與先行帶B組成，當價格位於雲帶上方且雲帶呈綠色時，代表投資產品升勢明顯，此時雲帶可被視為支持位；而當價格位於雲帶下方且雲帶呈紅色時，代表投資產品跌勢明顯，此時雲帶可看作阻力位。利用彭博資訊的回溯測試（Back Testing），我們分別用3種Ichimoku的策略分析金價過去一年的走勢：
一、收市價與基準線交叉；
二、轉換線與基準線交叉；
三、收市價穿越先行帶B（即收市價穿越雲帶）。
對於以上3種策略，若出現買入或賣出信號時已有反方向的持倉，則會首先平倉然後再開新倉。根據回溯測試的分析，發現策略三的表現最好，策略二次之。雲帶是Ichimoku最重要的分析工具，因為可以作為預測未來支持/阻力位的參考，且雲帶的形態和顏色顯示當前價格走勢；一旦價格穿越（大型）雲帶，即表示很可能出現轉勢。投資者亦可以將Ichimoku與其他技術指標（例如動量指標RSI）結合使用，如此可進一步確認價格是否出現轉勢。
[天王國際金融 回測煉金術]
來源:
http://www.mpfinance.com/fin/dai ... 9322&issue=20161230
Can Bank：天生我軀必有用
1 :
GS(14)@2017-01-05 07:59:41一年之始，相信唔少人都會訂立新目標，除咗今年搵多啲錢，最緊要就係身體健康。今年炒股心法，相信友欄已有不少建議，所以趁唔少人啱啱放完假，仲有少少holiday mood嘅時候，講吓健身。作為一個經常運動嘅人，好多人問散子，究竟減肥係控制食量重要啲定運動重要啲？只可以講，你對自己情況最清楚，如果成日運動都減唔到肥的話，九成係食方面出現問題；如果根本唔係一個經常運動嘅人，你都知道答案。咁樣剩番一成係啲乜野，可能係身體出現問題，不妨問問醫生。至於做咩運動先可以有效減肥？大家都係都市人，出門有汽車代步，好多時會忘記咗「天生我軀必有用」，其實只要多郁動，咩運動都可以助你達成目標，包括行多啲路。咁樣又引申出要做幾耐運動嘅問題，理論上，頭十至廿分鐘係熱身，20至40分鐘消脂，40分鐘以上係體能鍛練，但你知自己情況，一個唔係成日運動嘅人，突然叫佢做40分鐘運動根本不切實際，只好借用李嘉誠嘅金句，量力而為先係最重要。近期市面吹着一輪健身熱，最多人問嘅問題，搵健身教練究竟有無用？散子只可以好行貨咁講，好視乎個人目標。健身教練會教你健身器材點用，至於用唔用，用到去咩程度完全係個人決定。鄭多燕定鄭秀文，甚至係鄭欣宜都係睇你點用又或者用唔用。至於有無呃人成份，呢個係銷售手法嘅問題，有機會再講。總之有無健身教練都好，最終都係睇個人能否持之以恒，最後，藉着新一年首編稿，祝各位新一年身、心、荷包都健康。散子本欄逢周二刊出
來源:
http://hk.apple.nextmedia.com/financeestate/art/20170103/19884412
逃避雖可恥但有用 方卓如
1 :
GS(14)@2017-02-11 23:40:512017-01-25 HJ
猴年仲有3日就完結，返多3日工就過年。老咗自然覺得時間過得快，不過今年每個人都話係特別快。猴年令你目瞪口呆嘅事情接二連三，雞年就係呢啲令你目瞪口呆事情見效嘅一年。
市場對於意外事件，第一個反應係嚇驚，爭相離場逃命。第二個反應係定一定神，回頭望望，睇吓自己逃跑得啱唔啱，是否正確。第三個反應，就係修正自己第二個反應。如果逃跑係啱，可能要嗱嗱聲再跑遠啲；萬一逃跑係錯，分分鐘你要走番轉頭，返番入去。猴年係馬騮仔態度，要靈活多變。逃避雖然可恥，但避過風頭之後，發覺自己錯誤，要勇於認錯做番轉頭。雞年含有宰割意味，唔係你劏人，就係人劏你。
世界權力大挪移
特朗普上場，三扒兩撥，就行政命令，立新項廢舊法。佢選舉時候講到天花龍鳳，而家佢就話你聽嚟真。雞年撞正呢個仇視傳統政客、不依政治傳統、無跡可尋嘅總統，肯定令你遇上許多你劏人或者人劏你嘅機會。佢係生意人，喜歡明買明賣，任何你以為無法改變嘅事物，佢都可以用嚟交換。中國睇到特朗普係會搞亂世界秩序同勢力平衡，所以習大大都要去達沃斯，取代美國要成為世界互惠社會嘅領袖。未來幾年，美國愈嚟愈多敵人，中國嘗試招攬多啲朋友，剝花生唔止淨係睇特首選舉，地球勢力乾坤大挪移都係雞年將會發生嘅事。
漢能（00566）收到復牌條件，除咗要找咗條應收賬，仲要你詳細交代盤生意係啲乜嘢嚟。叫人中伏可以有好多方法，但係開宗明義得咁純真就好少見。如果條應收賬收得到，盤生意可以講得清楚，點使停牌？盤生意就係唔清唔楚，條街數遲早有日會唔見咗，股價先可以有支持地直線上升。記住，佢唔係普通嘅炒股票，係炒到超越本地富豪嘅境界。人造衞星唔肯跌落地球都未算誇張，直指太陽就預咗遲早會被消滅。
最重要係，還清條數，交代清楚盤生意，都話唔一定復牌。咁如果一個人可以有一剎那成為首富，會唔會蠢到擺個頭畀你剁而幻想復牌？
答案係，呢隻股票正步向除牌方向。
#方卓如 #港股分析 #方如玉帥 - 逃避雖可恥但有用
【特首選戰】Fact Check真係有用？MIT研究：對選民冇乜影響
1 :
GS(14)@2017-03-26 15:39:03近日各媒體都紛紛以fact check的形式報道，而曾俊華的facebook專頁亦有fact check其他候選人的言論，但其實fact check在選舉中可不可以起到作用呢？根據學術期刊《Royal Society Open Science》最近一份研究指，選舉候選人的事實陳述，對選民的投票意向無關。研究由麻省理工學院帶領，澳洲西澳大學（University of Western Australia）和英國布里斯托大學（University of Bristol）同樣亦有參與，研究以2016年美國總統選舉作研究背景，向1,776名美國選民講述特朗普不同的言論。支持特朗普的人會聽到他4個不真確的言論，相反，反對特朗普的人會聽到他4個真確的言論。受訪者首次接觸該言論的時候，會為作出該言論的人評分，而在知道言論是由特朗普作出之後，受訪者會再次評分。結果發現，自認支持特朗普的人，知道不真確言論是由特朗普作出之後，信任評分只下降1.5分（10分滿分），而自認反對特朗普的人，即使知道真確言論是特朗普作出，信任評分亦只下降1分，故研究人員認為，候選人的陳述是否正確，對選民的投票意向無關，即媒體所作之fact check未必有用。根據《端傳媒》所做之fact check，林鄭月娥所作出的不準確陳述最多，有意見認為可以打擊選委對她的信心，但根據研究結果，fact check對林鄭月娥或不造成影響。雖然如此，即使曾俊華的fact check攻勢沒有成功，他過往的facebook攻勢，亦絕對有助他當選。資料來源︰
Briony Swire, Adam J. Berinsky, Stephan Lewandowsky, Ullrich K. H. Ecker. Processing political misinformation: comprehending the Trump phenomenon. Royal Society Open Science,2017;4(3):160802 DOI:10.1098/rsos.160802記者︰盧逸文2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170326/19969914
陳日君撰文：點蠟燭有用
1 :
GS(14)@2017-06-10 12:17:19■黎智英及李柱銘昨傍晚參與「民主中國」祈禱會。張志華攝
【本報訊】冰冷的民調數字，阻不了港人熱熾悼念六四的心。香港天主教團體支援中國愛國民主運動聯合會及方濟正義和平組，昨於支聯會舉辦六四燭光集會前舉辦「民主中國」祈禱會，多達300人出席。雖然天主教香港教區榮休主教陳日君樞機身在東歐，未能出席祈禱會，但他昨透過網誌撰文，強調點亮燭光依然有用，「沒有中國人能忘記這日子紀念甚麼」。祈禱會昨傍晚6時半在維園音樂亭舉行，民主黨創黨主席李柱銘及壹傳媒集團創辦人黎智英亦有參與，與在場人士點起燭光悼念六四死難者。
祈禱會：堅持到最後
輔理主教夏志誠於祈禱會上分享指，有聲音質疑六四28年仍未平反，民主自由又無寸進，紀念的意義何在，他相信大家堅持、尋求的不單止是民主、自由國度，也是要發現人的最根本尊嚴、與生俱來的權利、平等和尊重、社會公義與和平，強調「堅持到最後，其實係我哋做天主仔女嘅身份」。陳日君在網誌回應，指「有人以為年年隨着慣性遊行，點蠟燭，叫口號，已沒有意義」，他先稱，「這些不同的心態正證明我們香港人還享受着選擇的自由」，繼而指「我們生活在這塊借來的地方，在這借來的時光裏的中國人應該為全世界的中國人發聲」，因28年前發生的事「太可怕，太醜陋，稍為有心的中國人，不能把它遺忘」，強調「遊行、點蠟燭有用嗎？有用！」■記者呂浩然
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/news/art/20170605/20044891
Next Page