蔡思貝冧掂徐肇平搬離麥秋成愛巢
1 :
GS(14)@2017-07-01 09:53:39【箍頸談心】■蔡思貝與徐肇平現身Dragonland音樂節時，態度親暱，男方更從後箍實蔡思貝的頸密密傾。
新一代電視城發電機蔡思貝，出道以來緋聞不絕，豪爽的鬼妹仔性格更加成為她獵食的必殺工具。本來蔡思貝曾一度為了舞王麥秋成停下來，不過她去年被揭夜訪周志文藍田公屋宿一宵，令麥秋成決意斬纜，但是麥秋成上月忽在Ig貼出跟蔡思貝搭膊頭的合照，當大家還以為他們復合的時候，其實蔡思貝早已撻着黃淑儀的兒子徐肇平。
【冧笑回應】
貼面咬耳仔
蔡思貝和麥秋成分手後，各自各精采，男方於今年2月底跟新歡索女欣賞Dragonland音樂節，原來當晚蔡思貝跟徐肇平在VIP貴賓房同樣打得火熱。據當晚目擊人士透露，蔡思貝、張曦雯和劉佩玥等無綫女藝人一齊入場，更順利掩人耳目，大會安排眾人到VIP房欣賞音樂會，不久，蔡思貝和徐肇平已經急不及待攬腰咬耳仔：「其實嗰晚都有好多人喺間房入面，不過因為佢哋好大動作，所以唔少人留意佢哋。傾傾吓，Shaopin（徐肇平）隻手仲從後箍實蔡思貝條頸，個頭就貼住佢塊面，蔡思貝就笑住同佢傾偈，個樣好受落咁，明眼人都覺得佢哋似係熱戀緊。」其實去年中蔡思貝拍劇集《純屬意外》時，徐肇平已經到場探班，之後一度傳出緋聞，但是去年蔡思貝仍寄居在麥秋成於西貢五塊田村屋，如此推算，當時蔡思貝疑似一腳踏兩船，難怪麥秋成早前在Ig留言說：「唔想俾人浪費兩次嘅時間！」
分手仍同居
據知蔡思貝與麥秋成分手後，一直以未找到屋為由，遲遲未肯搬出，直至最近成功撻着新歡徐肇平，結果亦沒任何藉口可以再留低。本報前日致電麥秋成，被問到跟蔡思貝的關係，他說：「其實感情嘢，我真係冇乜嘢可以答到你哋。」對於蔡思貝是否已搬走，他說：「我只可以講，我自己一個人住，冇同任何人住。」採訪：小米、王梓嫚攝影：畢紹基、孔志豪
【姊妹掩護】■相約張曦雯作掩護的蔡思貝（中），與徐肇平拍拖睇騷。
■麥秋成上月忽在Ig貼與蔡思貝的合照，一度以為二人復合。
來源:
http://hk.apple.nextmedia.com/entertainment/art/20170629/20072028
鄭中基4,630放售愛巢古天樂賣獨立屋賺3,862萬
1 :
GS(14)@2017-07-29 03:23:56圈中愛買磚頭嘅藝人多的是，而好眼光啲嘅，仲可以靠買賣轉手賺一筆。好似啱啱再度榮升業主嘅薛凱琪（Fiona）咁，以3,630萬元購入新地(016)何文田天鑄三房戶，其實Fiona喺今年5月，以2,200萬元賣出於08年7月入手、位於九龍塘筆架山帝景峰帝景軒5座低層E及F室相連戶，實用面積1,227方呎，連車位賣出，賬面勁賺1,070萬元。至於圈中吸金力強嘅古天樂，除咗花費於佢啲玩具上，都會買吓磚頭嘅，不過佢就自用較多，甚少投資炒賣。好似佢先後喺2002及2005年，分別以2,800萬元及6,638萬元買入何文田京士柏山單號屋，之後再先後喺2005及2009年先後放賣該兩屋，合共賺3,862萬元。而古天樂於2009年以1.26億元買入嘅貝沙灣獨立屋，已升值逾一倍，另外，佢喺2006年購入火炭豐盛工業中心3個單位，其手上「磚頭」約值逾4億。另一影壇搶手貨、影帝張家輝買樓投資都有眼光，佢喺2004年至2013年間，買賣物業屢有斬獲，買賣3個物業，賬面利潤合共超過2,500萬元，其中佢喺2011年售出薄扶林貝沙灣勁賺1,260萬元。仲有視后佘詩曼，佢喺2003年以以500萬元購入北角千呎風水屋自住，到2010年以1,368萬高價出售，賬面激賺868萬，當年被問及賣樓一事，阿佘更認叻咁話：「我投資物業至今，從來冇蝕錢。」可見佢眼光獨到。另外，現為廿四孝好老竇同好老公嘅鄭中基，於2005年以4,630萬放售其位於深水灣的文禮苑獨立屋，總面積達3,500呎，設有車房。翻查資料，當時鄭中基的女友蔡卓妍曾在上址過夜，令兩人戀情曝光，但鄭中基其後火速賣樓，搬去與家人同住。
來源:
http://hk.apple.nextmedia.com/entertainment/art/20170727/20103222