覓到宇宙質量失落的拼圖 上帝粒子現蹤影
1 :
GS(14)@2011-12-14 23:56:54http://hk.apple.nextmedia.com/te ... 335&art_id=15890693
科學界研究宇宙起源取得重大突破，歐洲核研究組織（ CERN）科學家昨日（周二）宣佈，在大型強子對撞器（ Large Hadron Collider, LHC）的最新數據中，找到了有「上帝粒子」之稱的希格斯玻色子（ Higgs boson）的蹤迹，收窄了可確定它位置的範圍。雖然證實希格斯玻色子存在短期不影響人類生活，卻填補了物理學界解釋大自然最深層結構理論失落的一塊拼圖。
光影人文館 - 金巴利 《宇宙生還戰—安達的戰爭遊戲》給天才兒童上的戰爭課 2013年11月11日
1 :
GS(14)@2013-11-12 00:36:13http://www.am730.com.hk/column-180705
單看《宇宙生還戰—安達的戰爭遊戲》這個片名，是否對「戰爭遊戲」四字感到困惑？到底它在講述一場真實的戰爭，還是以戰爭為題材的遊戲而已？這種分不清兩者真偽的處境，正正就是片中的成年人為了達到某種目的，而處心積慮讓主角安達面對的困境。
電影《宇宙生還戰》改編自美國作家Orsan Scott Card 1985年的獲獎科幻小說《戰爭遊戲》 (Ender's Game)，該小說雖然是青少年讀物，但當中對人性的描寫、自我成長的刻劃、管理的學問以及對戰爭的批判，早已令它超越了一般青少年科幻小說的範疇，深深影響著幾代青少年和成年人，這亦解釋了為何它多年暢銷並且在文學界地位崇高。電影版在故事上大致忠於原著小說，同樣設定於未來世界，人類為了對抗外星蟲族的侵襲而成立國際艦隊，12歲的天才兒童安達被徵召入伍，為了將他訓練為對付蟲族的艦隊統領，他被安排於戰鬥學校接受一連串極為嚴苛的軍事訓練，故事以他受訓的路歷程以主，講述他如何由一個學生變成小兵，最後成為肩負拯救人類重任的軍事領袖。
優秀到讓別人無法忽視
原著小說對安達敏銳的思路、於戰鬥學校多次排除萬難的過程，作了相當細膩和深入的描繪，因此我看電影版時，看重的並不是特技效果是否震撼，而是它能否呈現書中的深度、精闢見解以及人物的複雜性。作為一套科幻特技片，《宇》片絕對比純粹以官能刺激為主的特技大片，有著更多層的意義和思考空間，其中戰鬥學校的上校(夏裡遜福飾)對安達百般刁難以及玩弄他心理於股掌中的情節，算是片中最貼近原著和最精采的部分。上校耍的心理戰包括在全班同學面前誇獎安達是班中最聰明的學生，令同學憎恨他和排擠他，上校這樣做是因為他相信只有令他陷於徹底被孤立的處境，才能迫使安達將創造力和潛能發揮至極致，因為他必須努力向其他人證明，自己是「優秀到讓別人無法忽視」的。
安達以智謀和才學慢慢贏得別人的尊重，並在班中結交了朋友。正當他成功扭轉劣勢、順利融入之時，上校偏偏把他調到另一組，而新一輪的挑戰是他要學懂如何跟專橫和不可理喻的領袖討價還價，雖然面對一個又一個的難關，但安達最終還是成為艦隊史上晉陞得最快、最年輕的指揮官。看著上校如何不把安達視為小孩，以「拯救世界」之名讓他無限次處於孤立無援、瀕臨崩潰的邊緣，以及為了擴大其破壞力而盡情摧毀他的善良本性時，實在不得不替安達捏一把汗，而他在克服困難的過程中經歷的內心掙扎和痛苦，也是書中和片內相當有趣的情節。
難及原著小說深入和偉大
當然兩小時的電影要呈現原著小說內複雜且深入的思考過程和內心矛盾，實在不易。例如電影為了配合飾演安達的Asa Butterfield的實際年齡(16歲)，而將角色入伍的年齡由書中的6歲改為12歲，此改動令「軍人摧殘兒童心智」的訊息不如書中突出。而書中說安達花了三年多時間完成軍事訓練，可是電影版卻讓人覺得整個過程有點倉促，彷彿安達不消數個月便由學生變成了軍事領袖。另外，片中對安達最愛和最恐懼的兩個人——其姊Valentine和其兄Peter的著墨也真太少，如能像書中詳細交代二人對安達深遠的影響，定能令電影的層次更為豐富。《宇宙生還戰》是一套能提供反思空間的非一般特技片，但這次改編的功力和成績卻始終難及原著小說偉大。
「光影人文館」
宇宙巨G.E.M.搭港鐵巨胸不再巨？
1 :
GS(14)@2015-06-10 09:01:31「宇宙巨G.E.M.」（鄧紫棋）竟然搭地鐵，冇坐火箭及太空船？早前有網民聲稱喺地鐵野生捕獲G.E.M.，照片仲喺facebook及微博瘋傳，而相中人望落去又真係幾似G.E.M.，當時佢戴住帽﹑着T恤及牛仔褲，打扮得相當普通，而佢當時傾電話，兼且笑晒口，唔知傾乜傾得咁開心呢？正所謂識睇一定係睇留言，相中最惹網民談論嘅，就係G.E.M.嘅身材喇，因為之前G.E.M.喺演唱會上，上圍都幾澎湃，點知睇呢兩張相，居然變得平平無奇呀﹗
來源:
http://hk.apple.nextmedia.com/entertainment/art/20150610/19179280
「雲遊宇宙只需5美元」1.5萬人違法吸大麻「應節」
1 :
GS(14)@2016-04-23 18:37:36三藩市的嬉皮文化人所共知，約1.5萬人更於4月20日的「全美大麻日」展現他們的自由不羈，聚集在金門公園的嬉皮山丘（Hippie Hill）盡情吸大麻。駐三藩市記者：王欣儀今年已是第五年在三藩市舉行大麻節，惟此節日並非「官方節日」，所以在公園吸大麻也屬違法。不過，每年4月20日，大家會「自動」聚集在嬉皮山丘齊齊吸大麻；市政府見無法阻止有關活動，於是在三年前開始派駐警員在現場維持秩序，成為另類三藩市文化。市議會會長布里德（London Breed）周一召開記者會，簡介當局在大麻節的各項措施，「我希望提醒大家的是，這個活動並沒有受法律約束，我們也無法對任何組織提出制裁。但為了維護公共安全，我們的康樂及公園事務局、警方、消防、交通局及青少年訓管中心都會聯手合作」。加州自1996年起便合法化醫療用大麻，其後相關法令也「鬆綁」，大麻能更易取得。一名來自新西蘭的遊客表示，「我昨天在柏克萊購物，已聞到陣陣大麻味。今天早上我再去一次，隨便問了路上一個人有沒有賣，他反問『需要多少？』，我回答『夠今天用就好』，然後我就買到了！」現場除了大麻葉外，大麻的相關商品，例如按摩精油、大麻布朗尼、吸食器等隨處可見。最近十分盛行的「大麻油膏」（Dabs）也是大家「雲遊」嬉皮山丘的熱門產品。雖然私下出售任何藥物屬違法，但現場仍然有人出售私下預備的「油膏」。一名自稱馬萊茨（Malez）的年輕人不願承認精煉物是否合法，但仔細解釋其提煉過程：「我們用丁烷（Butane）和大麻。先將修剪好的大麻放進管子中，再加入丁烷，溶出精煉物。」經過不斷隔水加熱後，精煉物便會凝結成黃色的膏狀物體。簡單來說，大麻油膏比大麻葉濃度更高，更容易產生「high」的感覺。馬萊茨興奮地說：「這東西的四氫大麻酚（THC）很強，有高達85%……只需要取一小塊，放上燒燙的吸食器濾咀，經過水沸蒸氣後，大大的吸幾口，就可以掉進宇宙的深淵裏。」而四個小時的迷幻之旅，馬萊茨索價5美元（約39港元）。馬萊茨認為，休閒用大麻在加州目前尚未合法，但大家聚齊一同慶祝大麻節，就是最好的支持，「用力吸、吸越多，就是推動大麻合法化最好的方式」。警方周一時坦承，取締毒品並不是420的重點，但上周五開始已出動便衣警員打擊非法販賣毒品例如安非他命、迷幻藥等。4月20日也出動大批警力，在現場巡邏。幸昨天安然無事，只逮捕一名持槍人士。而在嬉皮山丘旁的耶和華教會教友Monique看到眾人吸大麻後的各種荒唐行徑後表示，「他們很幸運沒有發生甚麼危險的事情」。又指着身邊的11歲女兒說，「她長大後絕對不會想吸大麻」。
來源:
http://hk.apple.nextmedia.com/international/art/20160423/19583233
【唔係鐵係聖衣】星矢30年MV 高登二創聖鬥士：我是打不死的小宇宙
1 :
GS(14)@2016-08-09 07:33:0404年，地下樂隊Libido將星矢日文主題曲前半首，二次創作成為好熱血嘅廣東話版。
有一種Language，叫做星矢。一句「無敵嘅聖衣」，邊個高登仔唔識唱先？撞正動漫《聖鬥士星矢》30周年，今日起銅鑼灣有一比一真人原大嘅聖衣展覽。呢個時候，小編發揮咗小宇宙，搵來兩批對星矢極有影響力嘅人物，世紀合作搞番首MV。有今生，冇來世。04年，香港地下樂隊Libido，將星矢日文主題曲，二次創作成為「無敵嘅聖衣」，更曾登上高登十大膠歌之一。08年，廣州網絡歌手常愚蠢（真名:黃春暉），將後半段再三次創作成為終極版，並且重新演唱，成為網絡間紅透百幾萬hit rate嘅星矢迷必然朝聖之經典歌。但其實，今日出街嘅呢首世紀MV，本來就不會存在……***一個月前，小編知道一比一聖衣會嚟香港展覽，已經萌起撮合呢首世紀合唱嘅念頭，但係人生嘅挫敗同星矢趴低嘅次數一樣咁多，種種原因底下，令呢首歌胎死腹中。直至10日前，件事先有突破性發展，小編終於聯絡得上Libido，我哋用咗10日時間，經歷咗錄歌、8號波、去band房、去荒山野嶺。終於，聖衣如期到港，Times Square答允提供場地拍攝，連身在廣州嘅常愚蠢，亦被大家嘅小宇宙感動咗，自拍片段畀《蘋果》剪輯。呢件事證明，世上係有小宇宙嘅。然後，《蘋果》獨家2016年版《聖鬥士星矢》港中大合唱MV，先至可以面世。呢種叫做乜嘢精神？呢種就係星矢式打不死永不放棄嘅精神，係星矢教曉我哋嘅。10日前，小編諗過放棄，但好在冇。有嘢想做，就要坐言起行；唔郁，就輸一世。***有一種Language，叫做星矢。常愚蠢兄係廣州人，佢喺訪問中同小編講出最激動人心嘅一句︰「粵語係世上最霸氣嘅語言，冇之一。」小編聽到喊咗出嚟。亦因為呢個原因，佢嘅三次創作，堅持用廣東話去作詞，而唔係普通話。對，仲有乜嘢完美得過，一首用廣東話演唱嘅《聖鬥士星矢》？場地︰Times Square鳴謝︰常愚蠢‧射手座；Libido‧處女座攝影︰峰‧雙魚座；Neo‧雙魚座文‧採‧編‧導‧剪︰Roy‧天馬座
認住佢，佢叫阿Ky，就係佢發明咗「無敵嘅聖衣」呢句萬能key，之後先至會出現「無敵嘅結衣」。
08年，輪到佢，廣州網絡歌手常愚蠢，將星矢主題曲尾段再三次創作，網上較為流傳嘅版本，亦係由佢主唱。
燃燒吧！時代廣場星矢30周年展！
靚仔一輝，似女人嘅阿瞬係佢弟弟。呢句歌詞終於有畫面喇！
冰河真係好cool，佢一直企喺度，冇出過聲
各位星矢迷放心，紫龍隻眼醫返好喇！
成日last minute先出現嘅一輝，今次提早出現喇！
今次全賴有樂隊keyboard手Maggie，如果唔係佢及時回覆小編嘅pm，就撮合唔到今次世紀大合唱。更要感謝Maggie幫手混音。
來源:
http://hk.apple.nextmedia.com/entertainment/art/20160809/19729218
中銀成功爭取廢紙箱民建聯宇宙最強
1 :
GS(14)@2016-09-25 10:10:45不少議員會透過在街上掛橫額宣傳政績，當中以民建聯議員為佼佼者。時事評論員潘小濤在個人fb上載一張民建聯巫成鋒的宣傳橫額，當中寫上「爭取見成效」、「兆康商場中國銀行自助櫃員機旁增設廢紙箱」。潘小濤指即使是成功爭取設櫃員機也不值得寫在橫額，笑言除非是「成功爭取垃圾桶局長」。潘小濤指民建聯浪費做橫額資源，又諷刺他們應先出第一張橫額「成功爭取取消櫃員機旁廢紙箱」，再出今次「成功爭取設廢紙箱」，往後再來一張「成功爭取員機隔離廢紙箱加個蓋」，改名做「民Ban聯」。另外又有網民發現，巫成鋒的議員辦事處位於屯門兆康商場212A號，與位於226號的中國銀行相當靠近，笑言根「根本喺自己office隔離，應該一早擺個垃圾桶去隔離就得」。該帖一夜之間有超過二千讚好和接近400個分享，不少網民留言揶揄是「廢人做廢事」、「爭取到一個廢紙箱己經係民賤聯呢班廢柴最大嘅能力」、「一事巫成鋒，好大嘅功績呀」。【網民咁講】
Fonny Fu：可能己經係佢一世人最有建設的創舉，民賤?日日都係諗點奶阿爺鞋底！
Chung Chun Yu Ron：成功爭取市民不用錢呼吸！
Wing Shing Leung：應該學周浩鼎用fb直播宣佈成功爭取。
Wai Chan：同類...
Muriel Ho：一見左上角個logo,就知banner內容一定係廢話/笑話。
KaiPong Lam：辛苦晒。如果個廢紙箱可以放埋你入去就最好不過了。
來源:
http://hk.apple.nextmedia.com/news/art/20160925/19781355
【唔講唔知】點解叫宇宙巨G.E.M.？
1 :
GS(14)@2016-10-18 08:15:19【上太空？】
G.E.M.除了緋聞予人熱論外，其「威水事」亦叫人津津樂道。
上太空？
宇宙巨G.E.M.的「巨」即巨肺，她初出道時已被稱為巨肺天后；至於「宇宙」，皆因G.E.M.於2014年宣佈任亞洲首位華人形象大使搭飛船漫遊太空，當時說翌年會出發，還去阿姆斯特丹接受航空訓練，但至今，她仍未出發。
尿片褲
今年3月G.E.M.出席在深圳舉行的頒獎禮，以螢光毛毛褸襯粉紫色push up bra外罩魚網，最搶眼的是一條似足成人紙尿片的高腰熱褲，時裝界資深設計師鄧達智與網民一面倒給予劣評。
喪嗌歌
甄妮除公開斥G.E.M.欠家教外，亦自言唱歌用丹田、用喉嚨及用心去唱，哪有人用肺唱歌？明寸鍾意「兒夜姨野」的G.E.M.。
來源:
http://hk.apple.nextmedia.com/entertainment/art/20161018/19804230
上內地節目易彈起？鄧紫棋變宇宙巨G.E.M.話咁易
1 :
GS(14)@2016-10-27 06:02:40大陸咁多歌唱節目，好多本地藝人見喺香港冇咩成績，都會上大陸節目博一博，博掂咗就有「錢途」喇。鄧紫棋 G.E.M第一個緊係要數「宇宙巨G.E.M.」啦！本身G.E.M.喺香港都已經有「小巨肺」之稱㗎喇，唱功係有嘅，識得飊高音咪啱晒大陸觀眾口味囉！喺《我是歌手2》入面，G.E.M.挑戰唱汪峰嘅《存在》，大騷Quali，多次爆高音，唱到啲觀眾都喊晒口，咁就紅咗喇。李克勤克勤唱功就不置疑啦，《紅日》、《我不會唱歌》、《高妹》、《大會堂演奏廳》，呢啲歌相信大家都會記得講得出，不過喺香港就好似唔係好紅，拍過劇又做過主持《殘酷一叮》。15年上《蒙面歌王》，戴住個面具化身「白棱鏡」，最後贏埋冠軍，咁就翻到身喇！許志安安仔以「鐵皮人」形象參加《蒙面歌王》第二季，一開口觀眾都認得，唱《安靜》嘅時候，嗰種沙沙地嘅聲線加埋啲鼻音，真係ip都唔使check就知係許志安。陳樂基 Rocky陳樂基係香港獨立樂隊KillerSoap嘅主音，KillerSoap贏過多個比賽，喺08年仲贏得世界性比賽——Global Battle of the Bands(GBOB)嘅中國區冠軍。可惜，贏過咁多比賽喺香港都係冇咩知名度。喺14年，Rocky參加《中國好聲音》第三季，唱《月半小夜曲》升Key爆高音，而且唔係一味「X叫」，打入16強。當時Rocky參加《好聲音》有好大迥響，從此騷價上升，仲成日出騷o添！
來源:
http://hk.apple.nextmedia.com/entertainment/art/20161027/19813427
《蘋果》專訪：為負評唔開心 祝福林宥嘉新婚G.E.M.最憎被稱宇宙巨漿
1 :
GS(14)@2017-01-12 08:03:27■G.E.M.昨日接受本報訪問，承認在內地掘到很多金，但自己好重視香港。
鄧紫棋（G.E.M.）近年轉戰內地市場狂賺人民幣，25歲已拍音樂紀錄片《一路逆風》，將於下周假兩間戲院上映三天，有網友認為歌神張學友都未出紀錄片，究竟G.E.M.憑甚麼呢？昨日她在紅磡接受本報專訪反駁：「作為一個故事紀錄，由自己遇到經理人到?家，行咗十年追夢過程，希望自己嘅故事，可以鼓勵到歌迷。」
■G.E.M.坦言最不喜歡「宇宙巨漿」花名，覺得漿同G.E.M.讀音不同。
■舊愛林宥嘉和丁文琪結婚了，G.E.M.祝兩人生活愉快。資料圖片
■G.E.M.憑《我是歌手》節目在內地爆紅，隨之而來被指態度差是非不絕。資料圖片
「我好重視歌迷」
問到在內地是否搵到好多錢？G.E.M.坦言：「都有賺到多過以前，冇幾億，幾多位數字唔講，但開始去諗點運用。」是否多些時間賺人仔好過留在香港？她說：「其實唔係，邊度畀到舞台我就好想去，好多人覺得點解你成日唔喺香港，之前開演唱會去咗49個地方，我好珍惜呢個機會，原因唔係開演唱會賺錢，原因係我想唱歌。」
G.E.M.近年負面批評不絕，是否鍾意返港？她說：「聽到呢啲聲音都唔開心，原因唔係啲人成日話你唔好返嚟香港，唔開心係我好重視我喺呢度嘅歌迷，我好重視香港呢個地方。」對「宇宙巨漿」、「時裝災難」等花名有甚麼睇法？G.E.M.說：「心情好嘅時候一齊笑，嗰排比較忙或攰會覺得好煩，最唔鍾意個漿字，因為漿同G.E.M.讀音都唔同。」怎睇藝人被批評為賺人仔跪低，在內地節目飲尿？G.E.M.愕然說：「有啲咁嘅事？點解嘅，咁勁，咁我又唔得喎！你唔可以斬釘截鐵話佢做呢樣嘢係為錢，之前都有節目要我跳笨豬跳，我係畏高嘅，但我都有跳咗，唔係因為節目畀幾多酬勞，我要挑戰嘅只係我嘅恐懼。」而紀錄片內重提前度林宥嘉，不怕被指消費舊情？G.E.M.坦言：「都唔會驚別人點講，只要你知道唔係，唔需特別證明畀人睇，呢套電影記載生命裏面影響我幾深嘅經歷，所以冇刻意避開邊一個部份。」林宥嘉同丁文琪結婚，會否祝福他？G.E.M.笑笑說：「會祝福佢，祝福佢哋生活愉快。」不再恨他？G.E.M.說：「時間會令你慢慢消化一啲嘢，呢一刻已經冇嘢嘞，好健康快樂。」
■天后林憶蓮參加《歌手》被歌迷抨擊，G.E.M.就期待憶蓮演出。資料圖片
期待憶蓮表演
此外，問到G.E.M.是否贊成林憶蓮參加《歌手》？歌迷都疾呼「愛錯憶蓮」！G.E.M.表示：「我有留意，其實都幾期待佢，自己覺得大家唔好當比賽睇，唔認同賽制咪唔理，有機會見到自己鍾意藝人表演，只要欣賞表演就得。」
採訪：余燕儀攝影：郭賢興、林德雄
Stylist：Emma Wallace化妝：Dora Chan assisted by Phoebe Ho（Spotlight Image）髮型：Freddy Chiu場地：紅磡都會海逸酒店
來源:
http://hk.apple.nextmedia.com/entertainment/art/20170111/19892641
Next Page