子華教觀眾睇騷禮儀
1 :
GS(14)@2016-08-07 02:03:51陳法拉之前在微博鬧爆，當她在演出舞台劇《前度》時，台下有觀眾在玩手機，影響演出者和其他靜心欣賞的觀眾。前晚法拉和黃子華在表演時，再一次遇到不守規矩的觀眾，其手機還在響起。
■子華笑言台下手機響，會引起連鎖反應。資料圖片
完場謝幕時，子華用一貫幽默的手法教台下觀眾看騷的禮儀：「好彩剛才響起嘅鈴聲歌曲唔係「做隻出色的馬仔」，而係一首我唔熟悉嘅鈴聲，但當鈴聲響起剎那，我又同法拉嗌交嗌到火紅火綠，影響情緒之餘，我又會擔心手機響起，坐喺佢旁邊嘅觀眾可能會殊一聲叫唔好嘈，最後台下就一連串響起唔同嘅聲音！」當然，子華說罷，觀眾是以熱烈的掌聲表示支持和贊同。撰文：非非
來源:
http://hk.apple.nextmedia.com/entertainment/art/20160805/19723319
子華法拉慶功冇Part 2
1 :
GS(14)@2016-08-16 06:28:08■子華和法拉前晚完騷後到銅鑼灣慶功。
黃子華夥拍陳法拉的舞台劇《前度》開足35場，前晚圓滿結束，二人完騷後拉隊到銅鑼灣慶功。子華笑着說：「好開心，35場我都用咗洪荒嘅力㗎，都病咗3日，食咗幾日藥。」又透露稍後會參與蕭定一的電影。問子華會否開Part2？他說不會，指法拉要飛返美國開學。法拉說：「我留多一個星期左右走，有啲廣告要拍，放寒假再返嚟，要搵食嘛！」問無綫有否找她拍劇？法拉自言沒有接觸，但經理人好似傾過，惟她不可以接時間太長的工作。她又笑謂今次回港做暑期工要多謝老闆子華，子華即謙稱表示今次有投資者，與他無關。採訪、攝影：吳耀輝、畢紹基
來源:
http://hk.apple.nextmedia.com/entertainment/art/20160816/19737406
大劉係Hermès粉絲子華神格仔衫爆搶衫潮
1 :
GS(14)@2016-10-11 08:11:52香港人每次行山，可能都會留意住附近會唔會有一個着黑色衫褲跑到實嘅男人，因為呢個人好可能就係「發哥」周潤發，事關佢每次行山，都係同一個造型，風雨不改。其實唔只發哥，好多大人物都好少換造型，培養咗個招牌look：喬布斯（Steve Jobs）：蘋果創辦人喬布斯個一套黑色衫配牛仔褲真係好經典，喬布斯喺佢授權嘅傳記講過，呢個招牌造型係出自日本設計師三宅一生，佢當時仲打算當做員工制服o添！但員工唔肯咁着，所以喬布斯就拎嚟喺發佈會着。朱克伯格（Mark Zuckerberg）：同樣鍾意一款行走天下嘅，仲有facebook創辦人朱克伯格，佢選擇嘅就係牛仔褲襯灰色短袖T恤。至於點解要係固定造型呢？佢就好瀟灑咁講過，唔想浪費精神時間喺服飾上面，寧願花時間去諗點樣改善社會。黃子華：子華神一把口好煞食，舉手投足只係一個動作，都精采到足以令觀眾由心笑出嚟，試問咁樣仲邊個在意佢嘅衣著呢？佢喺09年同佘詩曼合作嘅大台劇《絕代商驕》，就係以一個造型打天下，一件白色T恤外加一件紅黑格仔衫，有時仲多件好似垃圾膠嘅黑漆漆外套，睇落有啲hea，但唔係講笑，當年真係有唔少人上網問子華神件紅黑格仔衫邊到有得買。老夫子：要數屋企有好多同款衫嘅人，一定要講老夫子！雖然老夫子係漫畫人物，得一套造型好合情合理，不過咁，老夫子其實係會換衫o架，曾經有一話畫過佢屋企衣櫃，裏面都係擺滿個黃黑色招牌衫，解開咗老夫子日日都着同一款衫呢個秘密。劉鑾雄：「大劉」劉鑾雄鍾意法國名牌Hermès唔係咩秘密，多年來無論係身邊女伴、仔女同媽媽，都係用Hermès嚟裝身。而大劉自己就鍾情藍色，無論係以前個款短恤T恤，定係近排嘅長袖樽領衫，都係以藍色做主，絕對係位「大藍人」。
來源:
http://hk.apple.nextmedia.com/entertainment/art/20161011/19796775
仲捉你唔到黃子華
1 :
GS(14)@2016-11-14 01:00:082016-11-10 NM
做歌手要搵大錢，一定要開到演唱會，至於演員，片酬唔係發哥朝偉劉華級數，一樣賺到笑嘅，只得黃子華！靠做棟篤笑，已經好似印銀紙咁！
除咗公事，黃子華幾乎將私生活包得密不透風，就連平時出街，都成個神秘人咁，帽、眼鏡、口罩一定上齊，務求大家認佢唔出。早個禮拜，《壹》仔喺中環見到頸以上都包冚，口罩拉到有咁高得咁高僅僅露出一對眼嘅黃子華，企咗响置地廣場出面個報檔買雜誌，跟住過馬路行咗去都爹利街，上咗幢商業大廈。等紅綠燈期間，黃子華目及到《壹》仔，立即踩行對摩打腳，差在未喪跑。典解咁？八珍冇答案，可能，或者同佢個show一樣，「唔黐線唔正常」啩！
撰文：八珍
【馮仁昭四圍超】講生B等緣份 子華領養流浪狗
1 :
GS(14)@2016-12-06 03:56:21黃子華噚日出席「project30支持領養不棄養」動物活動，呼籲愛狗嘅人唔好買狗，改為去領養。子華坦白話之前一直想買名種狗，但諗咗好耐都冇買，早排行山見到一隻流浪狗好慘，第二日攞埋啲蘋果、袋上山，但見唔到隻狗。
■黃子華好鍾意狗，喺電影《失戀急讓》有拖狗演出。劇照
保良局助養小孩
不過，子華早排都領養咗一隻狗，佢話：「隔咗幾日有朋友同我講，有隻狗畀人擺咗喺垃圾桶側邊好慘，所以我就領養咗，而家嚟咗屋企都有3個禮拜，大家都互相適應咗喇！」
子華又提醒想養狗嘅人要諗清楚，因為當中牽涉好多問題，問佢養完狗仔會唔會養人仔？佢就話好耐之前都提議過，去保良局助養或者領養小朋友，如想生仔，亦都可以領養狗仔試吓先，因為10歲嘅狗都係BB咁。問佢而家係咪先養狗試吓先？子華講笑話：「而家真係男人老狗，緣份嘅嘢好難講，或者有一日行山，有小朋友行埋嚟，好似紅孩兒咁有人叫我爹哋。」撰文：馮仁昭
來源:
http://hk.apple.nextmedia.com/entertainment/art/20161205/19855078
連接兩片 再拍阿佘黃子華度橋放笑彈
1 :
GS(14)@2016-12-17 23:54:34■鄒凱光（右）明年會跟男神黃子華合作拍笑片。互聯網圖片
現年56歲嘅男神黃子華，今年7月與陳法拉主演舞台劇《前度》叫好叫座，影迷餓男神已久，導演鄒凱光昨在facebook貼出跟子華合照，留言：「決定搞啲嘢！」據知他們會合作拍笑片，其實子華也答應接拍蕭定一的另一部電影《棟篤特工》，換句話說，子華明年會拍兩部戲。有讀者楊小姐前日下午透過本報「爆相爆片」分享了子華現身銅鑼灣時代廣場一間酒窖做剪綵嘉賓，並拍到子華在咖啡店嘆酒相，楊小姐表示：「子華同幾個人坐喺Starbucks度傾偈，有幾個人攞啲長腳杯畀佢哋飲。」
鄒凱光執導
問鄒凱光是否和子華的合作？他昨日在電話中說：「係想同子華神合作拍搞笑戲，紓緩一下香港人沉鬱嘅氣氛，噚日搵子華出嚟傾，初步佢係OK呀！」鄒凱光表示未有劇本，他笑言：「可能套戲拍完都唔會有，呢啲咪香港特色囉。佢咁搞笑我都搞搞哋笑，大家應該做番啲好開心嘢氹香港人笑番，至於乜嘢類形戲唔講得住，但香港人會有共鳴。」兩人更會一齊度橋。子華的經理人就開戲一事昨日透過電話回應說：「不如你哋問返灘叔（鄒凱光）啦，唔好意思。」
■黃子華前日被拍到在咖啡店會友，非常享受。讀者提供圖片
■黃子華09年與阿佘合作無綫劇集《絕代商驕》，大受歡迎。劇照
被指收山作
而另一部是蕭定一為子華度身訂造的《棟》片，並於明年開工，蕭定一昨在電話回應：「故事係講子華演一個被英國遺棄特務，留低香港好潦倒，一個任務認識咗佘詩曼，後來阿佘做咗警務處長，但處處針對子華，搞到佢冇啖好食。」蕭定一指卡士仍考慮中：「子華會碌好多友情卡，佢啲朋友覺得呢套唔係子華『創業作』，就係『收山作』，大家都話嚟支持。」佘詩曼09年與子華合作無綫劇集《絕代商驕》，對於再與子華合作，阿佘昨短訊回應：「我都好開心，過完農曆年就開工啦，好期待再次同子華合作。」採訪：何永寧、楊定
來源:
http://hk.apple.nextmedia.com/entertainment/art/20161217/19867829
【十問男神】黃子華現真身棟篤答哲學問題考起佢
1 :
GS(14)@2016-12-31 01:10:18子華神答市民問題時，表情搞鬼，交足貨，絕無hea答。
黃子華作為香港棟篤笑始祖，騷內金句多不勝數，最離奇的是十之八九的金句皆預言成真，不過今年他卻說香港社會已經令自己笑不出，所以暫時都不會再登台做棟篤笑。我們知道大家都有很多問題想問子華神，所以特地找了子華現真身，一一解答大家的問題。想知市民能否?到子華即場表演棟篤笑？即刻去片！
場地提供：Liquid Gold記者：黃子卓攝影：黃子偉、鄧鴻欣
來源:
http://hk.apple.nextmedia.com/su ... t/20161230/19880816
【動畫‧回顧2016】五大關公災難 太刻薄搵子華神都冇用
1 :
GS(14)@2017-01-02 01:07:21大家樂黃子華廣告一出街，便被各勞工團體改圖諷刺事實與廣告有很大落差。（網絡圖片）
2016年關公很忙，皆因不少大品牌和公司都開始活躍於網絡，但一不小心出錯帖便容易引起公關災難。中大新聞與傳播學院副教授利嘉敏(Kaman)曾撰寫《公關公義》一書，甫見面第一句便說：「近兩年『公關災難』一字，有少少被濫用，其實很多都是公關危機，稱得上為災難的話都要乎合數點，例如影響銷售、聲譽和形象、事出突然、和有急切性需要去處理。」閱盡無數公關災難的她，就和我們重溫一下2016年度五大精彩公關災難！
災難一：Samsung note7回收事件
今年9月自Samsung推出新機note7，但note7電池爆炸在全球都略有所聞，一個月後韓國Samsung終於表示回收，但香港Samsung就未有行動。後有消費者去信查詢，香港Samsung解釋全球範圍不包括香港而沒有任何行動，及後才補鑊。後來有網民指出退回手機條件苛刻，要求有齊所有零件包括機盒，更揚言罷買。Kaman指出Note7電池是全球性的問題：「韓國停售後香港仍然售賣，但後來又說有問題，前言不對後語難免令消費者很擔心。接着Samsung處理香港的回應不理想，令香港消費者感覺受到不公平對待，才蘊釀出憤怒情緒。」
災難二：大家樂廣告洗底
品牌找形象好的代言人不難理解，大家樂5月找來男神黃子華賣廣告，結果網民大插餐廳形象男神也救不了。既然出動了男神，何以還招喚到關公？Kaman解釋網民現在有高度批判性，不是單純看廣告本身：「大家都記得大家樂剋扣工人飯鐘錢，廣告其實沒有問題，問題是質疑事實與廣告呈現的不同，說服不到大眾。」
災難三：東瀛遊抽水抽出火
網絡流行抽水，有公司有樣學樣，但忽略了抽水要有底線。東瀛遊6月以牛頭角大火消防人員殉職推出公務人員機票優惠，被網民大鬧抽死人水。Kaman說這是一個很值得參考的範例，「錯誤在利用悲劇去賣自己品牌。」她解釋，在Web3.0世代，大眾可以快速回應品牌，而且要求愈來愈高：「網民心目中希望機構呈現出公義，首先要求品牌有良心，起碼不要讓人感覺是無良企業。但機構高層人員或公關此事上似乎都摸不到公眾的脈搏和情緒。」
災難四：Lancome取消何韻詩演唱會
提到最嚴重的公關災難一定非Lancome莫屬。6月Lancome邀請何韻詩出席音樂會，後來被內地網民抨擊就發聲明指何韻詩不是品牌代言人，最後還因安全理由單方面取消事件，引起大眾嘩然鬧上國際，何韻詩更被邀請上BBC World電視訪問直播。事隔半年，Lancome Facebook至今仍然不時吸嬲。Kaman解釋：「其實Lancome近年主打女性獨立的新形象，例如聯合國女性親善大使Emma Watson。在這次事件明顯看出Lancome最後只考慮市場，公眾覺得說和做是兩回事。」但在何韻詩一事可見Lancome處理事件時只考慮到小市場和大市場的分別，忽略了國際的公眾的關注和過往形象。
Lancome於Facebook發出聲明後群情激憤，至今仍吸不少嬲嬲。
Lancome過往主打現代獨立女性形象，聯合國女性親善大使Emma Watson是其中之一。
明福俠今年示範公關災難完美拆彈。
完美化解之災難五：黎天王演唱會
最成功的公關例子不得不提黎天王4月中環開騷一事。黎明在演唱會當天因政府發出公告，因不符合消防安全的規定而被逼取消第一場演唱會。Kaman笑說：「現在在香港很少見到有人肯站出來承擔。」Kaman續說：「其實這件事都可以是一件很大的公關災難，但黎明勝在他做足幾點：承認自己有不足、承諾向歌迷解決這件事、提供退票和再開一場演唱會的補救方法，處理得十分好。」黎天王完美示範有承擔，就是「錯要認，打要企定」。此公關事件，值得借鑑。
最後她提醒出來之前只要稍微留意，出帖前先進行校對，已經可以避免很多危機。希望2017年各位可以俾關公抖媖。記者：鍾藹寧攝影：徐振國
來源:
http://hk.apple.nextmedia.com/su ... t/20170101/19883106
子華等阿佘咀
1 :
GS(14)@2017-01-19 08:08:04■子華和阿佘將於過年後合演搞笑特務片。
黃子華、佘詩曼、古天樂、黎紀君、連詩雅等昨日在中環出席hmv概念店開幕，子華透露過年後會與阿佘合拍一部動作搞笑特務片，有沒有咀戲？子華笑說：「男演員好被動，要睇女演員肯做啲乜。」阿佘笑指曾與子華合作，經常被對方整蠱，有次惟有以牙籤筒還擊，搞到子華記憶至今。古仔則表示年三十晚開始放假一星期，陪家人度歲。對於蔡潔狠飛王宗堯，王宗堯舊愛黎紀君表示看新聞才知道，提到王宗堯兩段情都只能維持7至8個月，黎紀君說：「唔可以互相比較，我同佢係好朋友，不過好少聯絡，暫時都唔會搵佢，等佢消化吓處理吓。」採訪：黃曉妍攝影：葉君海
來源:
http://hk.apple.nextmedia.com/entertainment/art/20170119/19901174
尾場騷三代同台賣溫情子華撐中基場 合唱狂走音
1 :
GS(14)@2017-02-02 02:34:08【大放笑彈】■男神黃子華前晚踩入紅館，為鄭中基個唱任嘉賓，即場上演棟篤笑。
鄭中基一連四場「PLAY IT AGAIN世界巡迴」演唱會，前晚圓滿結束。闊別紅館十年的鄭中基今次碌盡人情卡，繼大年初二請來分手十八年的舊愛楊千嬅上台合唱，尾場嘉賓亦好有睇頭，除有索爆天后陳慧琳，男神黃子華亦於安哥時現身，尖叫聲震爆紅館。子華上台後即時開talk，之後跟鄭中基合唱《風的季節》，可惜全首歌錯key，走音走到尾。最溫情是鄭家三代同台，鄭中基更在台上啜爆愛妻余思敏。
鄭中基闊別紅館十年，今年成功爭取到紅館農曆年檔期，由年三十晚唱到年初三，場場爆滿。嘉賓陣容亦好鼎盛，除杜汶澤、薛凱琪、LMF、吳君如、林敏驄、梁詠琪及舊愛楊千嬅，前晚尾場嘉賓亦具睇頭，有天后陳慧琳及男神黃子華。男神子華駕到，除了上演棟篤笑，還跟鄭中基合唱一曲《風的季節》，唱歌前他自爆試過在張國榮面前唱歌，唱完被電影監製問他可否有一句不走音，全場觀眾即拍掌大笑。子華又叫鄭中基要忍讓他，因他多數會走音，鄭中基雖安慰他指「冇咁嘅事」，但子華開口即錯key，結果走音走到尾。
【深情咀嘴】■鄭中基和老婆余思敏在台上深情擁吻。
【仔女上台】■鄭中基囡囡晚晚都有到紅館，前晚與爺爺及弟弟一齊上台。
台上咀老婆
子華在台上大放笑彈，笑鄭中基食過牛歡喜還能唱情歌，又說：「我一向對唱歌嘅人有個好大好奇心，點解成日唱歌就走埋去握手『掗』時間？我自己從來未試過，好想去試吓。我想做一個實驗，我?家同你握，你嗰邊啲人係咪覺得好討厭？握到極咪握廿個，呢個仲唔握嘅㖭，花晒時間喺呢一邊，你後面嗰啲覺得討唔討厭呀呢個行為？但係新年要做㗎，有利是㗎嘛，但點解Kelly有，我就冇？」要數前晚最溫馨場面，是鄭中基三代同台，鄭中基囡囡Emma及囝囝Evan都有上台，Emma唱賀年歌，鄭東漢就抱孫仔Evan錫鄭中基一啖。鄭中基老婆余思敏於安哥前上台，兩公婆在台上情深一吻，余思敏罕有開腔：「大家好！我好緊張呀！我好耐冇揸住支咪喺大家面前講嘢，好多謝大家咁支持佢。」她指老公鍾意唱歌，要面對好大壓力：「我可以做到嘅嘢好少，只能夠喺佢後面畀佢最強大嘅後盾同支持，等佢可以冇任何後顧之憂，做佢鍾意同需做嘅嘢。」鄭中基聽罷即哽咽說：「導演你咁樣想搞喊我，係冇好結果㗎！」
■黃子華（左）與鄭中基合唱《風的季節》，結果全首唱錯key。
■鄭中基瞓身收譚詠麟的利是。
■譚詠麟和胡楓前晚穿上紅衣現身撐場。
■陳浩民與老婆拍拖到紅館睇騷。
鄭中基完騷後於慶功宴受訪，問他打算如何「還債」？他說：「冇呀，預咗㗎喇，總之同佢哋講有乜需要我一定幫手。」記者笑指子華唱歌走音，鄭中基說：「冇事喎！可能喺我ear mon聽佢把聲好細聲。」問為何找千嬅，卻不找前妻蔡卓妍（阿Sa）任嘉賓？他謂：「搵千嬅係因為佢翻唱咗《閉目入神》。」是否與阿Sa少聯絡？他承認很少，但指找千嬅做嘉賓有問過太太。採訪：黃曉妍攝影：陳慧安
來源:
http://hk.apple.nextmedia.com/entertainment/art/20170201/19913966
Next Page