古仔《當年情》向哥哥致敬
1 :
GS(14)@2016-09-13 00:19:18■古巨基找出與古天樂舊合照，再擺出當年同一甫士拍照。
張國榮（哥哥）今日60歲生忌，古天樂和古巨基為答謝哥哥生前曾在電台節目，公開表示看好兩人，13年沒開金口的古仔跟基仔合唱哥哥金曲《當年情》致敬，《當》是哥哥有份演出電影《英雄本色》主題曲，基仔更自掏腰包5位數買《英》片段剪輯成MV。當年基仔和古仔是無綫力捧的新五虎，有「雙古齊鳴」稱號，基仔特別找出舊合照，擺出同一甫士影新相，笑說：「自己比22年前更瘦更靚仔，古仔就更黑更cool。」再開金口的古仔說：「唱歌真係比演戲難好多！」另外基仔為哥迷會唱會歌《Dear Lesile》，年尾將推出《Salute to Leslie》專輯翻唱哥哥金曲，收益扣除成本捐給哥迷會運作及復修哥哥的歌衫和物品。撰文：皓騫
來源:
http://hk.apple.nextmedia.com/entertainment/art/20160912/19767713
Sammi尾場以為Selfie過骨古仔唱歌 譏鎮宇學錯師
1 :
GS(14)@2016-09-27 08:02:17■Sammi前晚尾場請來古天樂任嘉賓，更成功游說古仔開金口唱歌。
鄭秀文（Sammi）前晚在紅館舉行第八場亦即最後一場演唱會，請來古天樂擔任神秘嘉賓。除許志安、陳敏之、蔡少芬與老公張晉外，還有張栢芝和張文慈等捧場。Sammi在台上踢爆古仔向她取了八張個唱飛，所以前晚上台「還飛債」。古仔就取笑日前為Sammi做嘉賓的吳鎮宇說：「佢（鎮宇）話為咗上台搵老師上咗六堂，我心諗個老師個名一定係杜琪峯，如果唔係點會唱到咁。」
■古仔初時拒絕唱歌，只肯跟台下觀眾互動玩selfie，並揀中甘比媽（右圖）。
■Sammi表現落力，唱到趴在台上。
唱《當年情》
Sammi不斷叫古仔唱歌，但被古仔拒絕：「我係唔會睬你，不過我想澄清一件事。喺facebook有人post咗張poster話我2018年開演唱會，我可以好肯定話畀大家知，冇啲咁嘅事！」古仔表示跟台下觀眾selfie取代唱歌，並揀了甘比母親上台selfie，但幾經Sammi游說下，古仔終肯開金口唱了小部份《當年情》，全場觀眾歡呼。
■在頭場失聲的Sammi，前晚在慶功宴上感激觀眾的包容。
■（右起）許志安跟外父外母再次捧場，在台下為Sammi打氣。
喉頭被封
完騷後Sammi於紅磡都會海逸酒店舉行慶功宴，問是否病癒時，她笑謂：「七成啦！我覺得咁樣都能夠康復，其實都唔係太容易。演唱會係一個經歷，估唔到啲觀眾真係咁錫我，對我嘅愛令我好感動。」她指頭場觀眾的反應給她許多正能量，令她可以再做落去。Sammi說：「其實自己講一句cancel係好容易，但我覺得如果我講取消，之後有五十到一百人（指工作人員），好多人都要跟手尾，都要顧及好多人。」
Sammi表示首場真的落淚，但回家後覺得沒時間再崩潰落去，她說：「信仰畀我嘅力量真係好大，喺呢個騷真係好深深體會到，四個字，恩典夠用。」更憶述唱歌途中喉頭被封住的慘痛經歷，感激朋友和教友為她祈禱，令她倍感溫暖，而稍後她計劃去旅行休息養聲。採訪：王連連攝影：仇志德
來源:
http://hk.apple.nextmedia.com/entertainment/art/20160927/19782840
張國榮睇好鄧一君 提攜過古仔基仔
1 :
GS(14)@2016-10-01 13:19:49哥哥張國榮重情重義，生前好提攜演藝圈嘅後輩，佢曾經講過睇好「雙古一鄧」…究竟「雙古一鄧」係乜水…就係古天樂、古巨基同鄧一君!鄧一君曾經喺《縱橫四海》演童年版周潤發，於《記得香蕉成熟時》演波仔更為人所知，童星出身嘅鄧一君，9歲就開始拍香港電台嘅教育電視劇，拍《縱橫四海》時，張國榮好欣賞鄧一君，盡力提攜，不過鄧一君天生童顏，多數扮戲中主角嘅弟弟，再唔係就做主角「後生版」，戲路受限制，鄧一君在2005年淡出娛樂圈，轉行做保險。古天樂古仔出道時不被睇好，可是哥哥喺吳君如主持電台節目中，大讚古天樂外型喺影視方面有前途，有啲似華仔同城城嘅feel。張國榮唔只喺節目讚古仔，更親自向導演引薦對方。當年哥哥拍《夜半歌聲》搵過古仔，不過當時無綫唔肯放人，最後個角色畀咗大陸演員黃磊主演「韋青」一角。古仔一直等到95年拍劇集《神鵰俠侶》而爆紅，00年後全身投入影圈大紅。古巨基基仔由記者轉行做新人，哥哥曾讚佢唱歌有啲似阿倫，推薦佢畀音樂人識，又教佢好多嘢。基仔喺張國榮逝世十周年紀念音樂會，唱出《由零開始》，講起自己初出碟，一直好感激哥哥對佢嘅鼓勵。
來源:
http://hk.apple.nextmedia.com/entertainment/art/20161001/19787748
46歲生日派對爆Seed古仔半醉直播：我希望ViuTV個乞兒...
1 :
GS(14)@2016-10-22 22:28:52■古天樂前晚在祖兒fb直播時爆seed指ViuTV乞兒，令人譁然。互聯網圖片
【ViuTV風波】近日ViuTV因為誣衊學運領袖王丹和港大學生會前會長馮敬恩，在拍攝《跟住矛盾去旅行》第二輯時擅自安排記者活動及發表港獨言論而被全城怒插。想不到古天樂前晚慶祝生日時，飲到半醉的他對住facebook直播忽然爆seed：「我希望ViuTV個乞兒呢……」昨日古仔出席活動時解畫，澄清乞兒其實是指他朋友為ViuTV所演角色，希望外界不要誤會。
古天樂昨日46歲生日，其一班好友包括容祖兒、劉浩龍、吳君如、林峯及古仔昔日在無綫同期受力捧的「五虎五美」成員古巨基和傅明憲等，前晚齊齊為他慶祝生日。與去年一樣，祖兒於fb直播古仔生日派對過程，着在場人士送上祝福，當古巨基唱完兩句《當年情》後，古仔即謂：「好啦，歡樂嘅時光過得特別快，又係時候講拜拜，多謝。」似不欲繼續直播。
■（右起）傅明憲、古巨基和君如前晚有份為古仔慶祝生日。互聯網圖片
■祖兒繼去年後再於古仔生日派對玩直播。互聯網圖片
■古天樂昨晚出席活動，解釋「乞兒」是他一位圈外朋友為ViuTV演的角色。攝影：仇志德
祖兒大嗌好驚
不過，祖兒未有中止直播，當劉浩龍笑住祝福古仔在2018年演唱會成功後，飲到半醉的古仔卻突然爆seed說：「我希望ViuTV個乞兒呢……」現場頓時嘩聲四起，一味儍笑的古仔隨即補鑊說：「係呢……係飛黃騰達嘅！」祖兒直言：「好驚呀。」也有在場有人大叫：「影壇必有巨變呀！」更有人哼了《男朋友》歌詞幾句，祖兒便以「場面非常混亂」來結束直播。
ViuTV近日因誣衊王丹和馮敬恩於拍攝《跟住矛盾去旅行》第二輯期間，擅自安排記者會及發表港獨言論而引起軒然大波，被全城怒插後昨晚終於道歉。但古仔從未有與ViuTV合作，前晚他突然爆seed鬧ViuTV乞兒，實在令人莫名其妙，對於古仔言論，ViuTV公關部王小姐昨日在電話中表示：「冇回應。」
■古巨基高舉酒杯high爆高唱《當年情》。互聯網圖片
■劉浩龍被攝入鏡時一臉尷尬打招呼。互聯網圖片
■林峯祝古仔不用再曬燈也可以有黑皮膚。互聯網圖片
「下次唔好live」
古仔昨晚出席Fendi廣東道旗艦店開幕典禮，被追問前晚為何指ViuTV乞兒？古仔明顯有備而來：「個朋友話畀我知，接拍ViuTV一個節目，客串個角色，開頭佢同ViuTV講冇期，就唔啱時間，點知ViuTV就咗佢幾次都就到個期畀佢，我就問個朋友『乜個節目好重要嘅咩？個角色你做啲乜？』朋友就答我係做乞兒，我就話『咁你飛黃騰達啦，可以憑個角色上位。』我個朋友唔係圈中人，所以我冇開名講佢。乞兒係我朋友嘅角色。」何以突然如此興奮？古仔解釋：「佢唔係圈內人，又有得客串係好事，而且就幾次個期都就到畀佢。」問可擔心前晚言論惹人誤會？古仔說：「係囉，我噚晚講完都即刻唉……」會否怕ViuTV老闆李澤楷誤會及覺得失言？古仔說：「係呀！言語上唔好意思，希望大家唔好誤會，我只係講朋友角色係做乞兒。」以後會否不敢玩直播？古仔說：「下次都係唔好live喇！飲得開心得滯唔知講咗乜。」至於他生日願望是身體健康，並謂昨晚與家人食飯慶祝。採訪：卓寶花
來源:
http://hk.apple.nextmedia.com/entertainment/art/20161022/19808477
古仔介意女兒過早失身
1 :
GS(14)@2016-10-30 14:36:00古天樂、林家棟、Chris Collins和Tony Jaa，昨日聯同導演葉偉信等於泰國曼谷出席新片《貪狼》開鏡活動，故事講述飾演談判專家的古天樂，因16歲女兒出走泰國後失蹤，趕赴當地尋女，途中遇上黑幫而展開連場追逐和殺戮。古仔坦言不介意演一個有16歲女兒的父親角色，他笑說：「不過如果現實我有個16歲嘅女，佢太早同人發生關係嘅話，我就介意。」至於曾在海軍陸戰隊服役9年的Chris，表示從Tony身上學會許多：「拍戲和真打是不一樣，導演有時說我動作太快，Tony非常懂得掌握每一拳的節奏，還要配合演戲，這點我很需要學習。」撰文：陸道武
來源:
http://hk.apple.nextmedia.com/entertainment/art/20161030/19816703
古仔：騎馬好難控制
1 :
GS(14)@2017-01-19 08:08:00劉德華前日於泰國拍廣告意外墮馬，古天樂昨日在中環出席活動，他表示騎馬真的好難控制，因為騎馬要夾人，事前一定要學騎馬。他又指現在拍有馬的戲大多都只是拉着馬匹。譚詠麟（阿倫）和陳百祥（阿叻）昨日在灣仔出席活動，得悉事件表現愕然及擔心，阿倫更緊張反問傳媒：「佢講唔講到嘢？希望佢冇事，係幾時嘅事？」阿倫表示聽到事件會擔心，但目前不知如何關心到他。阿叻則說：「墮馬係好大件事，騎師墮馬都要休息好耐，試過有練馬師墮馬，頂帽都踩裂，希望佢吉人天相。」此外，同樣曾因拍廣告墮馬的林志玲，昨午於微博轉貼華仔相，並留言：「我們的英雄華哥，請一定要快快好起來！大家集氣祈禱！」採訪：張俊銘、馬建華攝影：葉君海
來源:
http://hk.apple.nextmedia.com/entertainment/art/20170119/19901154
古仔化身財神派錢
1 :
GS(14)@2017-02-05 10:55:44古天樂、林家棟、吳樾、蔡潔、監製黃柏高（Paco）及導演葉偉信等，前晚出席新片《貪狼》煞科宴，Paco全晚稱呼古仔為古爺，他說：「多謝古爺今次破天荒演出，仲有洪金寶，佢嘅團隊真係一流。」升呢的古爺就化身財神，手持大叠500元紙幣，走到每張枱派錢，並笑說：「我唔入利是封喇！直接派環保又唔使拆。」當晚筵開九席，粗略估計派了逾5萬港元，之後再有現金大抽獎環節，古仔資助4萬元作抽獎獎金，而葉偉信、林家棟和蔡潔亦有慷慨解囊，最後合共派出接近40萬。撰文：葉綠悠
來源:
http://hk.apple.nextmedia.com/entertainment/art/20170205/19918120
Next Page