【愧對父母呀】六合彩之女棄主播從演 誓不離地劇場12年
1 :
GS(14)@2016-10-01 13:19:53廣告片段中Sammi(右)服待的「離地大客」(中)一角，令更多網民對Shirlee留下印象。（網上圖片）
蔡運華(Shirlee)——這名字對於很多觀眾來說十分陌生，但說起「六合彩之女」、早前鄭秀文為《100毛》拍攝的護膚品牌廣告短片，當中Shirlee演繹一位「離地大客」……大家應是想起了！由去年主持《六合彩》開始受到注目，到有逾一百七十萬點擊率的廣告片段，被網民盛讚她比客戶更像真客戶，Shirlee笑言：「我以前真係做過AE(Account Executive客戶服務主任)！我覺得呢種(客戶)唔算最離地，更離地都有。佢哋認為好真實同很sincere(真誠)，所有要求都好合理。」工作經驗讓她更掌握客戶心態，難怪其演繹得到網民歡心。
有主播卻不做，Shirlee投身劇場已經十二年。
原來Shirlee曾是廣告AE，應付過不少「難搞」客戶。
Shirlee堅持演員要貼地，不了解世界，怎能透過劇場反映社會現況？（受訪者提供照片）
中大傳理系畢業的Shirlee除了曾任職廣告AE，亦當過記者等工作，而她當年更放棄了在某電視台任新聞主播的機會，毅然踏上這十二年的演員路。Shirlee對舞台劇的興趣，源自小時候一次在文化中心的跳舞表演，「喺旁邊準備時，我望住個舞台空間，冇聽到任何掌聲，但突然覺得有一種好大嘅湧動。」她相信劇場有種魔力，「演者喺舞台上，觀眾坐喺下面，然後喺空氣中『叮』一聲連結咗。」劇場生涯中，Shirlee坦言最初聽過不少冷言冷語：「有啲演員會覺得我無啦啦走嚟做劇場演員，又冇學過正式表演，佢唔會分析劇本、唔會尋根究底。」她甚至有想過「不如唔好做」，但她跟某劇場前輩的一次聊天，令她打消放棄劇場的念頭，「嗰位前輩問我『點解你要做劇場？』咁我反問自己，喺劇場只係嘻嘻哈哈就夠？定你有更深嘅嘢想做，覺得必須喺呢個時間，為o依家香港社會留下一筆(記錄)？」
近年開始有舞台劇搬到戲院即時播映，但Shirlee相信，演員與觀眾於現場的直接交流，難以被銀幕取替。
2013年獲頒藝術新秀獎後，Shirlee媽媽仍不禁勸女兒「搵份長工」。（受訪者提供照片）
有時表演未必要「畫公仔畫出腸」，留一點空間，或許引發觀眾更多想像？
在香港，劇場似乎予人「離地」、難以接近的感覺，但Shirlee不認同：「劇場係反映現實嘅一面鏡子，近年香港有唔少關於本土，以我哋面對緊嘅處境為題材嘅創作。」她亦視劇場為一種提煉過的真實，「拎走晒所有生活好繁瑣嘅嘢，入到去人性核心，畀大家睇到到人嘅本質，例如善。」Shirlee又直言自己是位「貼地」演員，更希望藉演戲鼓勵觀眾，重新面對真實生活，「劇場同生活好貼近，只係有啲形式或手法會令大家覺得，嘩！好高深呀！」
Shirlee的演出中不乏以形體為主或翻譯文本等較冷門主題，做小眾的東西不怕沒有觀眾嗎？她抱堅定眼神說：「表演者一定有種誘惑，觀眾鍾意咁樣，我就畀佢啦，佢一定鍾意。可能，我想做嘅表演形式，只吸引到十分之一或更少觀眾，但我覺得佢哋仍然存在，只不過比較少啫。」
問到哪份工作能賺最多錢，Shirlee馬上說：「時薪計嘅，劇場一定唔係！」她表示本地演員在香港沒有很多演出機會，所以她會接下其他工作維生，如賽馬節目主持、《六合彩》主持等。Shirlee於舞台上有堅持，回到家中又是否一位「貼地」女兒？她笑着說：「十二年入面，父母不斷問會唔會想搵份長工。我唔做主播，佢哋簡直要崩潰！有份咁好又得體嘅工，點解唔做呀？」由於收入不穩定，令她有時很苦惱，怕愧對父母。二零一三年，Shirlee獲藝發局頒發藝術新秀獎，全家都非常高興，Shirlee媽媽更說：「阿囡，我終於明白你呢十年嘅堅持喇！」誰不知兩個月後，甚至現在，媽媽又提醒她，「係時候搵份長工喇！」令Shirlee哭笑不得。採訪：何宛珊(表妹)攝影：馮峰、Neo後期：Roy編審：懷鈺編導：Kaman
來源:
http://hk.apple.nextmedia.com/entertainment/art/20161001/19787371
【港女潮話】入劇場摸杯底 絲打周末gossip談婚論嫁
1 :
GS(14)@2017-02-05 10:56:192015年10月於澳門首演的音樂劇《Caberet嫁衣》，今個周末移師香港re-run。叫得「Caberet」，當然有歌舞廳元素，今次劇組就將大家見慣見熟的劇場座位全部拎走，變成舊上海式歌舞廳，入場者可以獲得有酒精或冇酒精飲品一杯作紀念品，即場拆開同身邊絲打chill住睇騷都咪話唔過癮。
不過形式有趣，都要內容夠撐。「給女孩一個家，便是嫁。」香港手信一句廣告tagline夠晒浪漫，但要建立呢頭「家」又豈只一句咁簡單？《嫁衣》導演莫嘉紋，覺得結婚就如一場人生大騷，卻又不禁反問「究竟係咪儀式有幾盛大，就會有幾幸福？」劇目以此為主題，搵來唔同背景、年齡同性格的女生，演繹出一段段由求婚、籌備婚禮至離婚場景，搵到人嫁、搵唔到人嫁，各有各憂愁。無論係「首先要有‧‧‧‧‧‧」嘅你，抑或待嫁的你，相信入場總搵到共鳴位。
劇組將大家見慣見熟的劇場座位全部拎走，變身歌舞廳。入場睇騷，其實同去飲一樣，「演出」味甚濃。（受訪者提供圖片）
導演莫嘉紋
香港演出日期：2017年2月4日至5日時間：15:30、20:00場地：賽馬會創意藝術中心（賽馬會黑盒劇場）澳門演出日期：2017年2月11日至12日場地：南灣舊法院黑盒劇場記者：黃樂雯攝影：徐振國、陳健邦2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170205/19918197
【旅遊籽】劇場導演辦導賞團 尋覓青衣社區寶藏
1 :
GS(14)@2017-04-08 20:45:34阿康家住青衣偉景花園廿多年，從前覺得青衣很沒趣，沒想過屋企前面的聖保祿村，是開啟他認識社區的鑰匙。
【旅遊籽：假日散心】總覺得青衣只剩住宅與商場，悶氣瀰漫無眼睇。七十後劇場導演徐兆康住在青衣24年，從來認為這裏平平無奇，最近成立社區組織辦導賞團，才發現家居附近有七十年代建成安置漁民的村落、三十年代盛行的天體泳灘，還有疑似鬧鬼的「鬼仔湖」。社區故事有如寶藏，有待大家發掘。
「青衣有乜變化？住咗廿四年都唔會留意，覺得佢係個『睡房城』，只得好多住宅，居民瞓醒就返工，唔覺得佢有過去。」阿康住在偉景花園，多年來如常生活，直至最近跟街坊成立社區組織「青衣島民」，才對這個睡房城產生好奇。為了籌備本月導賞團，查證歷史，他突然發現家中附近一座小山丘，有個安置漁民的村落──聖保祿村。青衣除了命名可能跟魚有關，連命脈都跟漁業息息相關。今日青衣城商場所在位置，昔日是個天然小港灣，戰前漁民主要把船隻停泊在荃灣或葵涌，填海後便停於青衣門仔塘，但漁船沒足夠位置給漁民居住，聖保祿村於1973年建成，容納約300人，只需繳交低廉費用，但不可租或賣單位給第三者。這裏本由明愛管理，後來村民自行組成合作社，管理這條環境清幽的小村，村民大部份一把年紀。「這條村依山而建，公公婆婆要行樓梯上落，其實幾辛苦，但住喺度無得揀。」阿康說，健談的他跟村民打開話匣子，有如家常便飯，這天便跟八十多歲的黃婆婆傾談。關於青衣歷史，網上及書本記載不算多，他努力記錄這些口述歷史，「好多村落因重建及填海搬走了，因此古仔石沉大海，好彩搵到村民分享，要嗒真啲先feel到青衣嘅古仔。」
聖保祿村1972年建成，依山而建，樓梯有點陡，年長的居民需緩緩上梯。
健談的阿康容易跟村民聊天，八十多歲的黃婆婆說自己有14個子女，部份住在這裏。
聖保祿村跟青衣城只是一街之隔，村內環境清幽。
前往青嶼幹線觀景台，須於港鐵青衣站乘308M小巴。
鑊底灣天體沙灘 裸泳情景不復再
青衣這小島，以前搵個靚海灘唔難，點知仲有個消失的天體沙灘，位於鑊底灣，八九十後聽到一頭霧水，驚訝O嘴，阿康發現原來隱沒於觀光客聚腳點──青嶼幹線觀景台下，他曾經費力尋找它僅餘的痕迹，可惜只找到一條充滿垃圾的小路，憑昔日報道，想像泳客光脫脫景象。三十年代立陶宛商人連伯氏（Lam Part）在港成立裸體運動協會，當初於沙田香粉寮城門河畔辦剝光豬gathering，羅致婦女參加困難重重，直至有數名熱心裸運的婦人加入，當中包括俄羅斯及英國人，令協會生色不少。話說當年有位記者有幸被邀去香粉寮宿一宵，發現會員甫到便去更衣室剝光豬，在室內食煙、睇報紙，或者游水、曬日光浴，世俗眼光，who cares？食飯一樣肉帛相見。飽暖思淫慾，想同美女共享睡床？咪使旨意，除夫婦外一律分房，他們不定期聚會，就係唔想花生友發現。後來政府修建城門水塘，香粉寮被改建，加上盧溝橋事變，連伯氏另覓水清沙幼、人迹罕至的青衣鑊底灣繼續活動，估計大同小異。不過前往鑊底灣甚困難，他便用遊艇載會員前往，全盛時期，會員超過20人，大部份以男性為主，女士少之有少，多為男會員同伴。由於是私人地方，他們懶理村民投訴，無拘無束游水。不久日軍侵港，私人遊艇在戰亂中遺失。六十年代，連伯氏在赴宴途中暴斃，享年71歲，天體營從此成絕響，現在只好登上青嶼幹線觀景台，幻想昔日有人裸體游泳的情景。阿康亦有點感觸，不是因為天體營消失，而是海洋生態已不復當年好。
鬼仔湖毫不陰森恐怖，水質清澈，昔日居民愛在此嬉水不足為奇。
鬼仔湖有幾詭異？
青衣有個詭異「鬼仔湖」？很多人抱獵奇心態看待這網上傳聞，阿康為了解社區，不放過任何線索。他翻查網頁資料，這地方已消失，他八卦再問附近村民，得知當時只有三分二的範圍被填平，現剩一個小潭，位於青衣西路花園，是寮肚村居民回家必經之路，河水仍舊清澈，究竟有乜得人驚?阿康總結了一些傳聞，「從前住喺附近既小朋友嚟捉蟹捉魚，部份人失足淹死，自此有人話呢度有隻鬼手拉你落水。」當然仲有女鬼洗衫、燒烤人士燒出女鬼身影等傳聞，再講怕大家打冷震！阿康膽識過人，之前帶朋友來夜探鬼仔湖，沒有靈異經歷，其他人卻心慌慌不停嗌走。阿康提到村民指近十年再沒有意外發生，大家跟團大可放心。
七十年代青衣門仔塘，本是避風塘，後來填海，今日的青衣城商場亦是昔日門仔塘的一部份。（政府新聞處圖片）
青衣其他好去處
青衣公園秋季有落羽松紅葉，吸引不少攝友影相。
青衣居民為了慶祝真君大帝寶誕，便搭建戲棚及擺夜市。
青衣西北公園是一個看日落的好地方。（攝影：Jimmy Lam）
居民心聲
Kaman：「唔怕去鬼仔湖，都係個湖啫，迷信嘅人先怕鬼。」
廖生：「記得呢度有個無上裝天體營，未聽過有鬼仔湖，我都想去見識吓。」
導賞團資料查詢：
facebook：青衣島民記者：梁慧琳攝影：張志孟編輯：梁浩維美術：黃創泰
來源:
http://hk.apple.nextmedia.com/su ... t/20170408/19983051
【亂噏無秘笈】零劇本執生劇場 爆肚即Jam即演
1 :
GS(14)@2017-06-10 13:47:39觀眾給予意念前，演員都不知表演會變成怎樣，極考執生能力。
「檸茶走檸」，如果觀眾拋咁樣嘅古怪意念出來，演員幾秒間要度好對白，建構劇本，純即興，無得NG無得Pause，真係要魯芬急轉彎先得。短篇即興劇場香港一直有人做，有班人就打算挑戰做長篇。即興劇場演員童日陞（司馬丁）說：「想有個故事結構，起承轉合。」他與幾位腦筋可以扭擰伸直的朋友組成「含笑半步Jam」團隊，即將演出沒預設劇本，靠現場爆肚的即興劇場。「一晚之間，可以從愛情橋段到上太空，再穿越古代都做齊。」演員之一周千業（TT）說。到底呢班人憑乜戰勝無稿恐懼？「你要有嗰份自大，要有盲點覺得自己係得嘅！」吓，即係自我催眠？當然無咁簡單。司馬丁說：「一星期練足三次四次五次，練到有默契，free fall都唔驚。越花心機，你越唔敢自大，你見人哋好似好易做到，只係因為下咗苦功。」你必需非常用力，才看來不費吹灰之力，要有「功」，無「日子」點得？「重睇演出片段，有時都覺得好難睇，但都會逼自己睇番，睇吓點改善。」
戲劇表演段落之間，他們會與觀眾互動，請觀眾拿出隨身物品，他們再根據形狀即時把它幻化成多個不同事物。
如果觀眾冇反應，甚至露出煩悶面口，好難頂箒。「我做咗五、六年棟篤笑，見過觀眾玩手機、恰眼瞓。做即興已經好好，有對手同你一齊面對，做棟篤笑得自己黯然咋。」即興劇場每一步都似踩鋼線，永遠唔知下一秒會唔會踏空，好彩有拍檔補位。TT說：「有時虐待對手先有喜劇感。」司馬丁補充：「方丈份人要有啲大量，俾佢整蠱，又整蠱吓佢。」表演日期：10/6、24/6@油麻地德昌閣仔票價：$118（包一杯飲品）
facebook：含笑半步Jam記者：葉青霞攝影：劉永發2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170610/20050908
Next Page