玩社交網站要小心「連Piece雅」俾人笑一世
1 :
GS(14)@2016-10-29 13:20:32好多藝人都會玩社交網站同fans接觸，公佈活動，同埋做宣傳。不過有時一個唔小心就引爆笑彈，俾網民抽水，有時仲會笑一世o添！連詩雅唔知大家記唔記得，連詩雅(Shiga)仲有一個名，就係「連Piece雅」。事源係13年，Shiga喺instagram貼相悼念男星Paul Walker時，caption寫咗「Rest in Piece」，當時有網民發現Shiga喺陳僖儀嘅葬禮紀念冊上又係寫上「Rest in Piece」。Shiga就回應話對唔住兩位。「連Piece雅」呢個名真係笑成世。周柏豪周柏豪除咗「比比鳥」，仲個有名叫「大文豪」。事源12年周柏豪喺facebook貼咗張打爛水杯嘅相，然後寫咗178字感賞，話自己事後用咗30分鐘去欣賞。點知篇文就變成潮文，網絡上不斷俾人抽水改寫，連陶傑都話「佢o依家都係寫番點追女仔好過喇。」李彩華李彩華(Rain)就唔係寫字出事，而係貼相出事。今年7月，Rain喺微博post咗張大頭自拍，不過疑似ps過度，執到自己個樣成個宮雪花咁，之後急急刪相。另外，喺12年Rain喺微博post自拍照，點知就不慎露點，事後有網民提醒佢先至刪相。
來源:
http://hk.apple.nextmedia.com/entertainment/art/20161029/19816015
介意被稱「十億駙馬」布志綸：我冇俾人養
1 :
GS(14)@2016-11-26 13:51:06■布志綸自言不太追求大富大貴，認為可開心玩音樂已足夠。攝影：沈健程
【《蘋果》專訪】樂隊Mr.主音布志綸（Alan）近日夥拍樂隊Hey Joe Trio參與ViuTV音樂節目《Show Time我主場》，據悉順利打入最後四強。前年Alan跟玩具公司太子女陳雪瑩（Sally）結婚，因而被封「十億駙馬」，有傳他因為老婆有米而衣食無憂，於是借勢飛起Mr.。Alan日前接受專訪，對飛起Mr.的指控作出平反，他說：「我真係冇俾人養，我係自己養自己。唔係你哋想像中咁，如果係嘅話，我都唔需要咁樣行出嚟俾你哋指摘呀！」
Alan直言十分介意「十億駙馬」稱呼，他說：「自問我布志綸唔係好追求大富大貴，可以開心玩音樂已經夠，我本身唔係好貪圖物質，你睇我身上着緊嘅都係百幾蚊貨仔。」採訪：嵐山場地：Comic Park& Cafe
■前年娶妻後，布志綸被外界稱為「十億駙馬」。資料圖片
■布志綸（左二）近日和樂隊Hey Joe Trio合作參與ViuTV音樂節目。
來源:
http://hk.apple.nextmedia.com/entertainment/art/20161126/19845746
【重修舊好】84歲十蚊雞改衫伯伯：做齣好戲俾人睇
1 :
GS(14)@2017-01-05 08:01:29.84歲的馮伯，每日就是拖着這部自己改裝的「搵食車」，在港島沿線遊走。
如果閤下經常在東區或中上環一帶出沒，可能會見過一個拖着手拉車周圍走的老伯，車上寫有「有請必到」、「又平又快」等字眼，這老伯叫馮榮欣，今年已經84歲，每日都會拖着這部搵食車在港島沿線遊走。
近年來，馮伯接受過很多傳媒訪問，最為人熟悉的，是他以前跟過著名裁縫張活海，即張國榮的爸爸打工，他也試過在政府洗衣房工作，又做過小巴司機，打了大半世工的他，其實一直想創業、想成名，以吐多年來打工鬱住的悶氣，「我當生死好平常，競爭心還是很強，我想人人知道我，一個人在生之年要留名後世。」馮伯這樣說。十多年前，他試過幫一個診所護士改衫，收對方二十元，但人家卻豪氣地付了一百元，叫他不用找贖，他就用多出的錢買個垃圾桶，改裝成這架搵食車，他最初帶着車仔在家附近公園打躉搵客，卻被當成小販趕走，「我就像過街老鼠，周圍都趕絕我，我就想到拖住走，沒有人干涉到我。」自此他無論去到哪裏都會帶着車仔，邊走邊搵客，收衫拿回家改，當是自己的小生意，也算是圓了他的創業夢。每次外出，他都會惹來不少目光，因為車上面寫了很多出位字句：「名成利就，逆來順受」（他解釋是因為昔日打工受氣受得多，有感而發）、「創業成功大優惠」、「又平又快」，每當有人望多兩眼，他總會熱情地派自己用廢紙造的卡片給對方。車仔上面還寫有抗通漲的銀碼：「改長短10元」、「改褲頭20元」、「換拉鍊20元」，不止收得平，他還可以親自上門交收，只要收到客人電話，馮伯就會承諾在一小時內到達，「我就像救火英雄，會即刻放低工夫出發。」在這年代，竟然還有這樣貼心的服務。他主要幫人改長短，收十蚊雞，的確抵到爛，加上坐車一來一回，時間車錢不少，有時其實還要倒貼，問他為何不收貴一點，他一輪咀說：「改長短最簡單，十蚊八蚊都餓不死的，一、二十蚊，老人家好好用的了，要那麼多錢做甚麼？晚年吃得少，我又不煙不酒，衫褲又是舊的，不如益吓人，應該這樣想，是別人付錢你做運動，不要怕蝕底，蝕底就無得做。」馮伯住柴灣，和客人交收，只要是港島沿線，他都會去。訪問當天，他一早在小西灣飲完茶，本打算坐巴士去中環交貨，但坐車途中接完電話就在柴灣落了車，他說：「有人找我開工，正在柴灣等我，所以先落車，人在江湖，身下由己，這就是我的生活。」交收完，他決定先回家歇歇，下午再出發，但才剛放低袋，櫈未坐暖，又收到電話，又要出發到灣仔、中環和金鐘交收，他幾乎每日都是這樣頻樸，但他卻說：「我一接到柯打，行路都行得快過人呀，我覺得越勞動越健康，走來走去才好，睡得更甜，我就像食白粉般，沒事做就打瞌睡，有事做就精神。」雖然已年屆84歲，老伴、兒子新抱、孫仔孫女早就勸過他不要再做，怕他辛苦，但馮伯仍堅持做下去，只因為一個原因：「臨尾都要做場好戲給人看，這就是我的願望。」記者：黃子配攝影：鄧鴻欣
他每朝都會到小西灣飲茶，也帶同車仔出動，其實也是為了搵客。
馮伯的「搵食車」，上面貼滿出位字句，難怪在街上經常惹起路人注意。
家中的騎樓就是工場，放有幾部衣車，過百卷棉線和逾千條拉鏈，他說做到死也用不完。
來源:
http://hk.apple.nextmedia.com/su ... t/20170103/19884451
Kelly內地做評判俾人鬧
1 :
GS(14)@2017-01-12 08:08:33陳慧琳（Kelly）昨日在尖沙嘴出席代言的飾品活動，陳展鵬於頒獎禮得獎咪嘴表演受抨擊，Kelly謂沒留意，她說：「唔好咁挑釁啦！佢都知自己唔夠好，歌hit就得啦！呢行係咁得意。」李克勤指明年會出席頒獎禮，但Kelly不會參與，給新人多點機會。現時很多歌手、藝人奔向內地參加真人騷或歌唱比賽，曾有人重金邀請Kelly做評判，但她不心動：「俾人鬧到咁唔參加啦！而且我要同阿仔做功課。我唔識講嘢，性格唔會鬧人，魔鬼評判做唔到。」被問酬金可會高到可以買樓？她說：「睇你買乜樓啦，啲錢真係好可觀，好似好多錢掟畀你。」她連飆高音參加歌唱比賽也不會，怕傷喉嚨。採訪：王連連攝影：仇志德
來源:
http://hk.apple.nextmedia.com/entertainment/art/20170112/19893660
巨胸翠如被吊淋水：勁過俾人強姦
1 :
GS(14)@2017-01-23 07:45:14【麻繩綁口】■「巨胸翠如」鄧月平近日孭飛拍網絡電影《掃黃》，在戲中被人綁起虐待。
現年18歲的「巨胸翠如」鄧月平（Larine）落敗ViuTV的《美選D.n.A》，塞翁失馬，焉知非福，她憑天賦澎湃F Cup上圍身材，加上青春無敵，工作接踵而來，除拍了賀歲片《小男人週記3之吾家有喜》，最近又孭飛接拍了網絡電影《掃黃》，Larine為了演出不惜搏命豁出去。
Larine在《掃黃》中遭人綁起虐待，相中所見Larine被人用麻繩綁口，還要給吊臂吊起，幾個黑衣大漢圍着她輪流淋火水，雖估計只是清水，可是天寒地凍，衣衫單薄，吊足半日的Larine淋到全身濕透，面露痛苦表情，還嗌到聲嘶力竭，她的F奶濕身後隱約透出。
【兜頭淋水】■遭幾名黑衣大漢輪流淋水的Larine，面露痛苦表情。
■Larine直指戲中的尺度勁過被強姦，笑言差點在片場身亡。
「俾人逼去接客」
對於這次的尺度，Larine日前接受訪問時直認被嚇倒：「我喺戲中俾人無限虐待，仲要俾人逼去接客，尺度勁過俾人強姦，差啲喺片場身亡。有場戲要喺我身上綁爆竹，然後會引爆。本身劇本冇呢場戲，我都有問公司有冇幫我買定保險。」此外，Larine在賀歲片《小男人3》演鄭丹瑞囡囡，螢幕父女日前接受鄭裕玲（嘟姐）的商台節目《口水多過浪花》訪問，其實嘟姐曾演過電影《小男人》系列，但她怕辛苦婉拒邀請。
【慘變凹額】■嘟姐（中）在Ig貼與Larine（右）等人的合照，疑因改圖過度令Larine的右額變凹，其後嘟姐刪走並貼回原相（小圖）。
【原相】
遭嘟姐變凹額
嘟姐訪問後把合照貼Ig，最初貼出的相片，嘟姐皮光肉滑冇走樣，可是在身邊的Larine卻走樣，她的右額如被中拳打凹，同時又歪嘴哨牙，Larine的變臉是因嘟姐改圖過度所致，經網民提醒後，嘟姐馬上把相刪走，貼回原相，Larine得以還原靚樣，事後網民大讚嘟姐肯實事求是。採訪：王梓嫚
來源:
http://hk.apple.nextmedia.com/entertainment/art/20170122/19904736
《乘勝狙擊》又玩講古陳秀珠俾人綁架仲有時間向仇人訴苦？
1 :
GS(14)@2017-02-05 10:55:43近期大台劇《乘勝狙擊》入面灑鹽花，之前幾集已經不斷有陳山聰同莊思敏嘅床戰片段，睇完嘅觀眾都要講番句「令人好不安呀」。點知呢啲鹽花原來未灑完，星期五播出嗰集，明明係傅嘉莉同朋友喺海邊訴苦，點知突然殺出陳山聰同莊思敏，仲要突然激咀，嗌完兩句交，又再次返咗酒店繼續肉搏，如果唔係黃子雄突然出現，觀眾又要睇多次佢哋賣肉……個角色咁「大食」，陳山聰係咪好享受呢？佢前日回覆傳媒時話：「作?演員盡量配合劇本，佢哋或者想呢幾集劇情有一啲變化，不過放心，所有激情場囗已經完結，生理反應真係唔會有，電視尺度點到即止。」前晚一集嘅重點，其實喺呂珊度，佢明明就落藥綁架咗陳秀珠，但就好似大把時間咁聽陳秀珠講番件事，真係要就嚟死都講番個原因出嚟。以往多數都係奸人講點解殺人，但今次就調返轉，係被害人解釋，而奸人就要慢慢聽，為咗令到件事冇咁突兀，今次《乘勝狙擊》就多咗個新玩法，一心要殺人嘅呂珊，無啦啦拎咗盆水出嚟，原來係想磨刀，連磨刀石都準備好，話要磨利把刀殺陳秀珠，等佢有時間慢慢講。至於心急搵番陳秀珠嘅單立文（豹哥），就捉咗有傷在身嘅陳展鵬同林夏薇返香港，不過明明係要救人，豹哥竟然三番四次咁企定定同陳展鵬講大道理同回憶往事，好似陳展鵬叫豹哥丟咗支槍，同埋吳岱融當年係點跌落海等等，真係等你救都蚊瞓。而陳展鵬明明係中槍入院嘅，返到香港行得走得，最有趣係喺室內地方就要㩒住心口扮痛，出到去郊外就精神奕奕，其中有一幕仲好似約埋豹哥一齊行山咁。另外，返到香港無耐就俾豹哥打暈咗嘅林夏薇，噚日回覆傳媒話老公之前都有追開佢嘅劇：「不過最近唔喺香港就要返去一齊追番，因為劇情好緊張，身邊好多朋友都追。」
來源:
http://hk.apple.nextmedia.com/entertainment/art/20170205/19918623
6歲女手指似蟹鉗俾人笑足6年好自卑
1 :
GS(14)@2017-06-25 09:31:14螃蟹大家都見過，如果小孩手指長得像「蟹鉗」，不僅影響美觀，還會對小孩心理造成嚴重負擔。近日，廣東省第二人民醫院整形美容中心接收來自汕頭的6歲女孩朵朵(化名)，朵朵求診，是因為其出生時右手出現多指畸形，拇指有主、副兩個，狀似蟹鉗。家長指，朵朵出世後，右手拇指根部多出一塊肉團，肉團後來逐漸長成一個「小拇指」，和「大拇指」就像一個螃蟹鉗上的兩個夾子。當地醫院曾表示，要等朵朵稍大才能做手術。6年來，朵朵一直「蟹鉗手」被其他小朋友嘲笑，無限自卑感讓女孩極度難受。由於明年要上小學了，朵朵向爸媽表示，希望「弄掉」與別不同的1手指。日前，整形美容中心醫生為朵朵進行手術，終於解開朵朵6年來的心病。《南方都市報》
來源:
http://hk.apple.nextmedia.com/international/art/20170624/20067248
Next Page