ZKIZ Archives


阿仙奴週記:天上凡間原來只是一線之差 人在中環

http://manincentral.blogspot.hk/2013/10/blog-post.html
星期六晚的英超賽事,阿仙奴四比一大勝諾域治。韋舒亞所入既第一球,所展現出既組織同流暢程度,肯實係世界級的。及後藍斯連扭兩個射入果球,唔睇樣真係會以為係施丹上身。

睇完呢場波之後,我心裡面不自覺地講咗一句響少林足球出現過既對白:「班師兄弟終於番晒嚟啦!」

這種飄飄然既感覺,直到禮拜二晚,球隊以臨天光賴尿既方式輸俾多蒙特之後,變得蕩然無存。鬼佬評論話,呢場波係一次對阿仙奴既reality check,證明阿記今年既實力並唔係想像之中咁強。開季一直至今既好成績,只係有賴一眾對賽既對手水皮,實屬虛火。

一場波,就由天上跌落凡間了。

*****

當好多評論員同專家,用「實力」一詞去解讀前列球隊既表現時,我總係覺得唔係好妥。

如果「實力」係泛指球員既能力總和,再加上默契和隊型的話,我的確係覺得解釋唔到當前既英超形勢的。例如曼聯…OK,我明白今季佢地響轉會市場上,實在表現得太過論盡,但佢地既人腳,基本上同上年唔係好大出入。以上屆幾乎贏足成條街既球員班底,即使冇乜新血加入增強「實力」,點都冇理由可以插到落去咁既地步掛?當個個都話,曼聯欠缺一個具創造性既中場大腦,所以唔掂,但呢個「大腦」,上年都一樣冇丫,但上年佢地卻能贏到開巷喎。

情況好似過去兩屆既阿仙奴一樣。冇錯,佢地每年都賣走件球星,但係賣走咗一、兩件球星,大部份既球員其實仲響度,點都未至於要響季初跌到落去護級區邊緣,點都未屎波到,要輸八粒俾曼聯掛?

我傾向相信,呢幾隊前列球隊,「實力」其實並唔係球迷同有些所謂「專家」所講既分別咁大。真正令佢地既表現有天淵之別既,其實係信心同氣勢。早兩屆,搞一大餐之後賣走隊中球星,對球隊最大既影響,其實係信心。阿仙奴只係冇咗雲佩斯就係咪就會差到,連護級隊都打唔贏?肯定唔係,但當四周圍所有人,都響度懷疑,你賣走咗隊中球星之後,「實力」會大幅削弱之後,你落場果一刻,心裡面就不其然對自己會有一點懷疑,球員既每個動作、每次傳送,腦袋裡面就會出現多一丁點既無謂思考,那怕只係一丁點,響節奏急促球場上面,勝負就係取決於此。同樣,奧斯爾加盟,係咪真係令實力提升咗咁多?我其實好喜歡呢個球員,但問心講,除咗頭兩場交出咗幾次助攻之外,我查實又真係未覺得,奧斯爾響「實力」上既作用,真係大得咁厲害。當然,以佢既質素,當佢同班隊友夾得再耐啲,效果肯定會更加明顯的。只係響呢一刻,我覺得奧斯爾既加盟,響士氣同信心上既作用,比在「實力」層面上還要大得多。

信心同氣勢都係無形的。球隊因為有信心,所以走勢凌厲;走勢凌厲既球隊,同時又會散發出讓對手畏懼既氣勢。當球隊係咁贏係咁贏,對手還未落場踢,心裡面就會諗:「我係咪真係有能力成為例外,打低面前呢隊長勝球隊?」所謂讓人怯既氣勢,往往響未真正開波既時候,就已經將對手擊敗了。上年既曼聯,我覺得正正係有呢種攝人既氣勢,即使上半場落後幾多球,大家都「形住」會俾佢追返上黎。今年呢?換一換領隊,一切氣勢都唔見晒。有朋友寫話,今年既阿仙奴同曼聯,好似交換咗身份咁。實力差別可能唔大,只係信心同氣勢,隨住重心人物既去留,而出現咗此消彼長既變化。

輸俾多蒙特,係咪世界末日?一場波既勝負,影響冇咁大既。不敗既氣勢被打斷,卻係肯定的。然而信心係贏波既重要元素,但過份自信卻會引來敗陣。呢場波點解會輸,如果你問我的話,「過份自信」會係我既答案。失第一球,係藍斯響唔應該控球死扭既地區被人偷甩而間接造成,至於第二球,更係響全隊上下不斷進攻,被人一個反擊而輸掉的。如果星期六既英超比賽,唔係行雲流水地入咗幾球靚波,信心水平未升到爆燈的話,禮拜二晚既戰果,你估會唔會有所不同?

雲加話,呢場波,係輸在球隊太「naive」。

我認同,你呢?

越黎越覺得,做領隊所牽涉既智慧,實在複雜得難以想像。冇信心既球隊必死毋疑,信心太強同樣會物極必反。領隊作為一個自己響比賽當中「冇份落場」既人,所能做既,就係不斷調節隊員之間既信心水平,當中既困難,相信係好似我呢亭只懂響打winning時將球員既能力值加加減減,就以為自己好懂得足球既傻仔,永遠都冇辦法感受得到的。
PermaLink: https://articles.zkiz.com/?id=79676

醉瓊樓太子跌落凡間賣「油渣」

2013-11-21  NM  
 

 

一盤油渣麵生意,是兩代人的希望。

兒子姚文定,四十六歲,是出名客家菜醉瓊樓的太子爺。不過他野心大,想搵錢,嫌棄老父保守,酒家無發圍,索性炒期指,結果一鋪清袋,跟弟弟及朋友合資的三間餐廳股份亦都賠上。他終於明白,人要腳踏實地。上月在土瓜灣開設「老三油渣麵王」,開業一個月賺三萬元。與從前相比,錢不多。但夠他養兒育女,心已足。

父親姚劍成,七十多歲,是醉瓊樓佐敦店老闆,他唯一希望這個兒子,跟這油渣麵一樣:平凡,但飽肚。

「以前油渣麵係啲低下階層先會食,我哋由細食到大。」姚文定回憶道。油渣麵的食材都是不值錢的東西,冬菇、蘿蔔、上海粗麵,主角更是下欄貨色——豬油渣,一斤才八元,但卻考廚師心機。油渣即是炸好的豬油膏;廚師會用油炸,高溫將豬油逼出,做出香口的油渣。姚文定邊說邊把豬油膏放入油鍋,「買咗一塊豬油膏返嚟,要切到好似手指咁幼,再拎鹽同雞粉去醃一晚。一斤炸半個鐘,炸嘅時候好講火候,要用中段火,如果唔係炸出來顏色會太深,唔靚!」待豬油膏炸至金黃色,他隨手一執上海粗麵放進熱鍋裡淥一淥,放入用冬菇及蘿蔔熬成的湯底,加上炸好的油渣、蔥花、菜脯,即可上枱。

我是太子爺

老闆姚文定體形略胖,整天在廚房煮麵,他穿的T-shirt總是濕透的。眼前這個與普通「廚房佬」無異的人,原來是佐敦醉瓊樓的太子爺。七十年代,他隨父親從內地來港,一家八口住板間房。中五畢業後,跟父親打天下,在深水埗白楊街開設小菜館梅江樓。當年醉瓊樓是客家菜老字號,七十年代高峰期全港共有近五十間,每間老闆都不同,因而每間都加上地區名以資識別。九六年,兩父子把賺到的幾十萬元頂手何文田醉瓊樓;兩年後,父子再花八十多萬,頂手另一家佐敦醉瓊樓。父親做買手、母親做樓面、姚文定做廚房,高峰期月賺四十萬元。不過,姚文定一向作風大膽,但父親姚劍成卻是保守派,兩父子在生意上分歧愈來愈大,他皺著眉說:「我哋一見面就會嗌交,好傷感情!」無論買貨、鋪頭裝修、杯碟,都成為兩父子開戰的理由。「見到間鋪老老土土,我話要裝修,老豆話貴。我話依家啲人驚肥,唔食黃油雞,改用白皮雞,佢話唔變得!」雖然兒子一心為生意好,但始終是兩代人,想法大不同,「我唔求賺咩大錢,交到租,出到糧俾啲伙記就得,自己都係求餐安樂茶飯。」父親姚劍成說。最後,姚文定出走醉瓊樓,與弟弟、朋友合資開餐廳,幻想發達:「我嘅目標係住別墅、揸遊艇、保時捷。」他開始跟朋友一齊玩期指,「我喺瑞信開咗個戶口,門檻都過千萬,我買跌,點知個市就升!」在兩個星期內,閃電輸掉了一層樓、三間餐廳,最後剩番沙田一個細單位自住。

我是窮光蛋

「好彩輸剩啲剩餘物資(指資產),可以從頭嚟過。」姚文定苦笑道。幾乎一鋪清袋,但他不敢投靠父親,把手頭剩下的資產變賣,與朋友投資物流,希望穩穩陣陣。兩個女兒日漸長大,他負擔漸重,決定重操故業開小食店。痛定思痛,他明白什麼叫踏實,「小本經營,萬一唔好彩要蝕,都唔使咁肉痛!」但開業資金要三十多萬,儲蓄不夠,他找來三家姐相助,也請太太兄嫂夾小份。他雖是家中老四,店名卻是「老三」,代表是三家姐的幫忙。坊間米線、車仔麵成行成市,姚文定為避開競爭,選擇易整兼懷舊的油渣麵,「呢種食物好多人都由細食到大,唔會陌生,有一班捧場客。」製作油渣麵不難,最難是找貨源,「我要嘅豬油膏下面有啲瘦肉,因為炸起上嚟會好味啲,搵咗三、四間豬肉店都嫌煩唔幫我整,後尾去慈雲山街市先搵到。」小食店面積僅三百五十呎,放六張枱十四個位。中午坐滿時,食客手肘碰手肘。「老三油渣麵王」位於土瓜灣新山道,鄰為以「食街」見稱的北帝街。姚文定捨棄旺街,他說:「睇中北帝街一個舖位,不過間鋪有閣樓,而家食環署批牌嚴謹,有閣樓攞牌唔容易。」為吸引注意,姚文定選用黃色招牌,格外顯眼,部分去北帝街搵食的客人,也不難發現該鋪存在。而且他在門口擺放「十蚊五件」煎釀三寶,三姐大大聲叫賣吸客人到門前,再硬銷一句:「我哋啲油渣麵好靚,仲有醉瓊樓嘅滷味。」資金有限,姚文定不敢亂請人,與家姐、兄嫂四人,每日朝十二晚十一,互相補位,一向做慣茶餐廳水吧的二兄嫂也叫:「好辛苦呀﹗」不過姚文定搏老命,今個星期更開始延長營業時間,「遲啲我哋會開到凌晨一點,做埋消夜,好多返夜班嘅人都會嚟食。」一碗油渣麵賣二十四元,毛利逾六成。煎釀三寶十元五件、豆漿六元、豆腐花八元,姚文定笑言現在「逐蚊賺」,「呢度賺少少,嗰度賺少少,夾埋就係錢!」

我是老父的兒子

「我對佢係不離不棄,輸咗咪從頭嚟過。」姚劍成用客家腔的廣東話說,怕記者聽不明,用響亮的聲線說了三遍。在父親眼中,姚文定很聰明,只是行錯了路。「佢一至六年級冇考過第二,全部都考第一,佢識做生意,不過心頭高,成日想一步登天。」姚劍成是傳統的嚴父,姚太只是催他食飯,他立即發炮,但說起這兒子,嘴唇都會上翹。兒子離開醉瓊樓後,他也沒再逼兒子打理家業,現時租金、人工等上升,生意僅收支平衡,三家姐透露:「爸爸始終年紀大,好固執,大家都知道一齊做生意會嗌交。」他怕兒子再失敗,口裡反對兒子開新店,行動上卻支持。雖然腳痛,仍偶爾到小食店幫襯食豆腐花。除了油渣麵,他知道兒子想在小店,多賣幾款其他食物,包括滷味。於是老父出主意,姚文定只需出資買材料,由醉瓊樓師傅幫兒子炮製,姚劍成豎起拇指說:「我睇佢買滷味嘅材料,就知道佢生意做得唔錯,一步一步嚟啦。」弄好的滷味像車仔麵的餸,六元一款,加在麵上,多少幫到生意。客人周先生說:「啲豬油渣炸得好脆、香口,滷味好入味,好似食番以前嘅味道。」姚文定聽著,一副心滿意足的模樣,他說:「我依家唔搏,只希望小食店可以賺錢養大小朋友。」現時鋪頭每日賣出約百二至百三碗油渣麵,足夠支付四位老闆人工,盈利有三萬元,「當小食店每個月都賺七、八萬後,我都仲想開分店。」他笑道。少了一份年少輕狂,但進取依舊。

開業資料

10/13租金$150,000^裝修$50,000入貨$10,000雜費$20,000頂手費$120,000#總投資$350,000^ 三按一上 #上手是車仔麵

營業資料

10/13營業額$150,000人工 $44,000*租金$30,000入貨$30,000電費、雜費$8,000盈利$38,000* 包括姚文定、太太、家姐及兄嫂

過來人意見

英記油渣麵英記油渣麵已開業約二十多年,老闆英姐認為老三油渣麵賣的食物種類夠多元化,「我哋開咗咁耐都淨係賣油渣麵、油菜同雞翼,佢哋賣埋煎釀三寶、燒賣,夠曬多。」英姐透露,大部分消夜時間生意比午飯時間好,而且賣油渣麵,賣的是人情味,多靠熟客幫襯。她指賣咁多年油渣麵搵兩餐不困難,不過就難搵大錢,「現在人工貴、租金貴,飲食業難撈,我就唔建議佢哋入行,四個人出去打工,一人一萬都有四、五萬收入啦。」

PermaLink: https://articles.zkiz.com/?id=82441

基金打新收益跌入“凡間” 萬億險資仍低風險攫利

與C類網下申購賺得盆滿缽滿不同,同樣是打新,公募、保險乃至社保的年化收益率卻望其項背。盡管中簽率下行導致收益率不高,在“資產荒”的大背景下,機構資金仍然踴躍地尋求這種無風險套利機會。

“打新有較為明確的絕對收益特征,而絕對收益在市面上是特別稀缺的,所以它的資金湧入要遠遠大於其它。”北京一位資深公募基金經理表示。

去年“股災”後成立的國家隊基金,則是集中在銀行、券商、保險等大金融領域,並且幾乎覆蓋了所有行業,呈現出一定的指數化投資的特征來,而這也能“起到穩定市場的作用”。

基金打新成“副業”

“公募基金打新,意味著就是5%-6%的收益率。因為公募基金有多大規模,就只能報多大的量。公募基金現在更多的打新產品是為險資定制的,對險資來說,5%-6%的收益也就夠了。公募一般的做法是,4-5個億的基金配完底倉後,大部分錢是買債,然後在債里面再做一個杠桿。”一位“奔私”的資深基金經理表示。

Wind資訊統計顯示,今年以來截至9月20日,保險資金參與首發配售6381次,首發累計動用資金約3.03萬億元,首發累計獲配投入資金15.1億元。按此計算,保險獲配比例約為萬分之4.9。參與打新的保險產品涵蓋投連險、萬能險、傳統保險、高利率保險等多種類型。

截至9月18日,市面上打新基金有242只,管理的總資產規模為2894億,平均單只規模12億。進一步來看,總資產規模在5億-10億的打新基金有75只,股票倉位占比中位數4.1%,債券倉位占比的中位數是87%。

華創證券以小票 A 類中簽率萬分之0.7、大票A類中簽率萬分之1.2計算,10億規模打新基金的年化收益率只有1.7%,5億規模打新基金的年化收益率高出一些,但也只有2.9%,不到3%。

“打新我覺得就是去看公司發行價跟預計A股潛在收益率跟中簽率的關系,如果中簽率很低那麽其實收益率也不高,有些會參加但是有些就不會去參加。”一家老牌公募股票基金經理向《第一財經日報》表示。

“打新的超額收益很容易被抹平,因為它門檻很低,沒有什麽金融含量,又是絕對收益率。但對於基金來說,現在市面上沒有一兩千萬的基金,這種基金很少。大部分的基金規模都是2億或者5億,和幾千萬的網下投資者一樣去打,資金效率必然就低了。”另一位北京資深公募基金經理也表示。

打新基金絕大多數為混合型基金中的靈活配置型和偏債混合型,也有少數幾只為另類投資基金中的股票多空型。

社保基金方面,截至9月20日,共參與首發配售2576次,首發累計動用資金約1.18萬億,首發累計獲配投入資金3.68億元,按此計算,社保獲配比例約為萬分之3.1。

“國家隊”指數化投資得心應手

在震蕩行情下,國家隊基金也選擇“落袋為安”,較為明顯的是易方達瑞惠。

在去年7月份第一輪“股災”之後證金公司宣布以2000億元申購5家基金公司旗下基金,分別是:華夏新經濟、嘉實新機遇、南方消費活力、易方達瑞惠和招商豐慶A,規模均在400億左右。

去年三季報顯示,成立僅兩個月的易方達瑞惠倉位超過九成;到了今年第一季度末,易方達瑞惠倉位減至32.94%,而到了半年末,基金經理進一步將倉位降至24.21%,今年二季度,減持個股數量約為150只。

而在個股方面,也出現了多次加減倉的情形。以海信電器(600060.SH)為例,去年第四季度,中證金減持了1.46%的海信電器,一季度加倉海信電器940多萬股,第二季度又減持910多萬股。

總體而言,國家隊與市場風格比較契合,目前持倉主要集中在銀行、券商和保險,占比近1/3。5只國家隊公募基金中表現最好的易方達瑞惠近一年的收益高達18.59%。

中報顯示,在前十大國家隊重倉申萬三級行業中,鐵路等基建領域的持股也比較重。但是另外一方面,“國家隊”其實在226個申萬三級子行業的上市公司中露臉,可以說幾乎每個行業都有介入。

“所以國家隊絕大多數持股屬於典型的指數化投資,以此起到維穩市場的作用。”分析人士指出。

東方證券研究所便指出,五只國家隊基金都是為資本市場穩定而誕生,資管計劃的作用也是類似的。從持股市值及行業分布來看,國家隊基金投資風格多元化,投資更加落實到行業及個股層面。

從市值上來看,二季度國家隊市值規模小幅增長,根據已公布半年報上市公司前十大股東數據統計顯示,國家隊持股市值2.82萬億,較一季度的2.81萬億上升了155.8億元。總體來看,國家隊從一季度與二季度在A股的持股狀況變化不大。

根據西南證券的測算,國家隊此前曾在2016年一季度增持,2016年第二季度直接入市持股市值的額度達到2.71萬億元,比2016年第一季度減少78.35億元,減少幅度為0.29%,為2015年三季度以來最低。相比第二季度大盤的累計跌幅2.47%,表現為基本持平跡象。國家隊今年第二季度共計持比一季度增加59億股,增加幅度約為1.02%。

匯金與證金持股市值的行業分布均集中在銀行和非銀,相對來說,證金集中程度低於匯金。從所持個股來看,匯金與證金都傾向於持有大盤股。

上半年,證金大手筆增持了銀行板塊,其中很多是兩個季度連續增持,四大行中尤其是對農行的增持力度最大,公開資料顯示共增持農行11.47億股,持股數量達到62.31億股,持股比例也增至1.92%;股份行中,截至上半年年末證金公司持有民生銀行15.95億股,持股比例達到4.37%。

PermaLink: https://articles.zkiz.com/?id=215668

跌落凡間的天使 李亞男

1 : GS(14)@2010-11-24 23:31:10

http://www.eastweek.com.hk/index.php?aid=9570

愛情,總令人意想不到。
美女配野獸,青蛙配公主,從來不只是童話。李亞男(Leanne)與王祖藍,近日就主演了一齣童話式的愛情故事。
男的五呎三吋半,女的五呎八吋半,但那五吋距離,卻阻隔不了情愫互牽。
二人相識、相戀,然後分開。縱然先後三次被拒愛,王祖藍這五年間,仍默默在李亞男身旁等候,去年還希冀憑一首親自填寫的情歌〈跌落凡間的天使〉,令情路再現「目署」光:
「原諒我極像孩子,夢萬般的蠢事。從天跌落凡間的故事,似已共你開始。……情感已被回收幾百份,我也冒要攀登。」
男方的誠意,李亞男又怎會不知?但女性的矜持,令她一再拒絕對方的愛意。直至對方送來一封分手信,她的淚,最終掩飾不了對他的依戀。任她長得再高頭大馬,也願意彎下腰,甘做王祖藍的小天使。
「我覺得愛情不在乎高度,真正的安全感,應該是心靈上的。聖經有句金句:『一生的果效是由心發出。』這幾年他的無條件等候,令我好感動。我有信心,他的心不會去了第二度。」李亞男手持最愛的紅玫瑰,用鼻子輕輕一嗅,一臉期盼。
眼淚,早已乘風遠去。換上戀愛絮語,隨四十三吋長腿,走進凡間。



王媽媽讚我好靚自從公開了和祖藍拍拖之後,身邊好多朋友都在祝福我們,令我們感覺輕鬆了,以後不用再偷偷摸摸。最開心是他可以做回男友的本分,車我返工、送嘢畀我食。
不過公開最初,都有少少唔慣o架。上星期我們去睇《告白》,揸車去到戲院商場的停車場後,兩個人仍在掙扎應該一齊拖手行入場嗎?怕不怕被人看見呢?在行去商場的途中,我們還是有些拘謹,仍有種地下情的感覺。只在上車前十秒鐘,才敢拖手。
雖然這樣,但相比起過去一年半那種偷偷摸摸的拍拖日子,現在已好多了。未公開前,我們的約會只會是晨早六點去行山,或晚上十點後去西貢碼頭睇星星,有時又會夜麻麻去踩單車。
那段日子都幾辛苦o架,他又成日要開工,有時無乜時間瞓,反而我多數第二日都可以瞓嘛。
還記得第一次見祖藍,是○五年,當時我剛選完華裔小姐,有次去教會,見到他在領詩,我覺得,吖,這個人幾乖喎,幾得意喎,後來教友介紹我們認識,我才知他叫王祖藍。當年我性格較內向,只跟他點吓頭,然後shake hand。
在教會見過幾次之後,有次教友搞了個BBQ聚會,可以帶埋屋企人一齊去的。他的媽媽竟行埋來同我講:「吖,李小姐,你好靚呀。」隔一會過來又講:「李小姐,你真係好靚呀。」連祖藍都忍不住話:「咦,我阿媽對你咁有興趣嘅?」我當時只覺得auntie好nice,沒諗其他o架。
李亞男與男友經常有合作機會,鏡頭前,王祖藍是個笑匠;鏡頭後,他也有感性一面。「在教會祈禱和唱聖詩時,他很多時也會感動到喊。」


他約我去迪士尼直至那年公司台慶的sales presentation,我的手袋內放了本路加福音,竟然被他(祖藍)看見,那時他開始留意我了。
當時公司安排正做兒童節目的他,教幾個廣東話不太好的演員練口齒及演戲,我是其中一個。有次他跟我說:「我可以獨立幫你喎!」我覺得他很nice,於是就開始單對單在公司訓練班的房間上堂。不久他開始send短訊給我,說很多鼓勵的說話。
有一次,他約我去迪士尼,那是我們第一次dating。我們一起玩機動遊戲,玩Space Mountain的時候,氣氛好似好危險好驚,他就伸隻手來拖實我。玩完,大家就怕怕醜醜咁分開手,扮無嘢。
李亞男十九歲初戀,對象是一位溫哥華教會的教友。「當時覺得對方好靚仔,就主動追求他,約他出來打golf。」四個月後,男的要出國讀書,女的要參加選美,戀情無疾而終。與王祖藍拖拉五年,去年中正式成為她的第二任男朋友。

夜晚去西餐廳食飯時,他向我表白,話鍾意我,但我當時想睇定啲,沒應承接受他。
那次之後,他愈來愈多電話和SMS,又寫情信向我表白,我們開始dating。但兩個多月後,我們決定一起見牧師,看看大家是否太衝動,應否繼續落去呢?牧師建議我們分開四十日,各自祈禱,考慮清楚應否繼續下去。
於是我向神禱告,求神給我指引。四十日後,我們決定做回弟兄姐妹。其實大家真的喜歡大家,只是覺得時間未適合,屋企人和公司都不希望我們拍拖,大家的事業又剛起步,於是決定給大家空間,若這段時間大家各自愛上第二個,便順其自然吧。

我約他去看星星這幾年,都有人向我展開追求,但唔知呢,可能入行第一年就遇到祖藍,每次我都會將追求者同祖藍比較,總是覺得祖藍好啲喎。我諗我個心,一直以來仲喺佢嗰度。
直至去年加拿大布道會,祖藍又再次向我表白,但當時我依然拒絕。然後他不斷send SMS和email給我,仲寫咗首歌〈跌落凡間的天使〉送給我,不過我仍然只想和他做朋友。
後來,他竟寫了封分手信給我,說大家連朋友都不能做了,因為他對我的情感仍在,不能接受繼續只做朋友。
收到這封信後,我好失望,漸漸由失望變成憤怒,再由憤怒變成掛念。一星期後,我竟然忍唔住搵番對方喎,真係無志氣!我send咗個SMS給他,約他一起去看星,但他竟然扮cool,接近一小時後才覆短訊。
還記得那一天,是○九年七月十三日。他接我往西貢看星的車程上,我終於鼓起勇氣向他表白,告訴他,他有多重要,他聽完之後也呆了,最後還給了我一個擁抱。



媽媽叫我睇定啲我欣賞祖藍有好多愛,無論對家人、同事或我,他都像耶穌一樣,將愛送給大家,而且很會照顧別人的感受,不會hurt人。
外人覺得王祖藍好搞笑,我就覺得他浪漫當中帶少少幽默。去年聖誕節,他就送了粒星星給我,是用我的名字命名的,名叫The Star of Leanne,還附有大大張的證書,我覺得他很有創意。
於上海出生的李亞男(左一),九歲隨父母移民溫哥華,二十歲當選國際華裔小姐冠軍,同屆亞軍是陳法拉(右二),而香港代表徐子珊(右一),則僅得「美態傾城小姐」。

為怕戀情曝光,最初我們出街都會戴晒帽、口罩和眼鏡,不過啲人見到祖藍的背影,依然會發現他。最難熬是有時約他在一個地方等,結果兜來兜去行到身水身汗都找不到他,幸好我這人忍耐度好高,唔識得嬲,亦好少唔開心。
我父母比較傳統,一直想我找一個高度差不多的男仔拍拖,且最好是律師或醫生這類專業人士。和祖藍拍拖半年之後,我才將戀情告知他們。他們都幾驚訝o架,叫我睇定啲,不要太快肯定,暫時不要諗結婚。其實直到現在都未有機會見家長,祖藍話希望下次去溫哥華登台時,可以去探我父母。
至於祖藍的媽咪,一直好support自己個仔,她是那種見到個仔開心,自己就開心的人。我和她的關係好friendly,有時她煮了飯,也會叫我上去一起吃飯。
我比較踏實,拍拖不用很浪漫,簡簡單單的生活就OK了。兩個人一齊,最大目標當然想行到最尾一步開花結果,但將來的事不能預料,希望在神的庇護下,兩個人的愛會繼續成長吧。
李亞男的父母都是「高人」,父親高180cm,母親亦有167cm。「高妹」入行後不乏圈中人追求,曾與她合作拍《烈火雄心3》的鄭嘉穎,被傳是追求者之一,但她說:「都係祖藍好啲喎。」

相比同期入行的陳法拉與鍾嘉欣,李亞男於圈中發展平平,但她以平常心看待。「每個人的際遇不同,希望繼續努力,做好每個job。」上周五她在台慶夜大跳濕身勁舞,搏到盡。


送我一束紅玫瑰訪問李亞男,同事都在七嘴八舌:「五呎八吋半的女人,同五呎三吋半的男人接吻有冇難度?」、「成日夜麻麻去看星,若被賊打劫,王祖藍能否保護李亞男o架?」
聲言會以「Honey」及「Darling」稱呼男友的李亞男,對這連串問題,只是「哈哈哈哈」,笑得很甜。


「他成日都保護我o架,他知道我最怕蟲類,一見到有蚊,就會好man咁攞住個蚊拍為我拍蚊。有時睇星時怕我冷親,又會除低件外套讓我披住,OKo架,哈哈。」
都說矮仔多計,王祖藍未必能給予女友壯闊的胸膛與臂彎,但他的細心與創意,比威猛身軀更令她動容。「去年生日,他D.I.Y.了一本相簿給我,內裏貼滿我們的照片與夢想,好有心思o架。」
十一月廿五日,便是李亞男的廿六歲生日,那天,不知祖藍又會給她甚麼驚喜?「那天大家都要返工,希望廿四號十二點可以一齊切蛋糕啦。其實紅玫瑰和朱古力我都好OKo架,尤其是dark chocolate。」
天使的心聲,Honey,你收到未?
2 : 亞力士(1473)@2010-11-24 23:50:39

果然矮仔多計,等你慣左佢係身邊,然后釣你引。
3 : 龍生(798)@2010-11-25 00:16:18

well....一等5年喎, 你有冇咁毒先?
4 : Wilbur(1931)@2010-11-25 08:51:54

祖藍個鼻咁大

同某大哥好似wor

追女緊有1手~
5 : 龍生(798)@2010-11-25 21:35:05

唔係咁比較呀嘛...個位大哥...當的女女係雞咋喎...
呢個似乎真真地喎...
6 : 亞力士(1473)@2010-11-26 00:12:32

亞男有其他人追,祖藍一樣可以追其他人。

後來,他竟寫了封分手信給我,說大家連朋友都不能做了,因為他對我的情感仍在,不能接受繼續只做朋友。
收到這封信後,我好失望,漸漸由失望變成憤怒,再由憤怒變成掛念。一星期後,我竟然忍唔住搵番對方喎,真係無志氣!我send咗個SMS給他,約他一起去看星,但他竟然扮cool,接近一小時後才覆短訊。
還記得那一天,是○九年七月十三日。他接我往西貢看星的車程上,我終於鼓起勇氣向他表白,告訴他,他有多重要,他聽完之後也呆了,最後還給了我一個擁抱。

呢段真係要背熟。
7 : 龍生(798)@2010-11-26 00:33:20

點解呢?
我呢的毒男應該點將佢應用係實戰之上呢?
毒男救教!!!!
8 : 鱷不群(1248)@2010-11-26 01:09:16

6樓提及
亞男有其他人追,祖藍一樣可以追其他人。

後來,他竟寫了封分手信給我,說大家連朋友都不能做了,因為他對我的情感仍在,不能接受繼續只做朋友。
收到這封信後,我好失望,漸漸由失望變成憤怒,再由憤怒變成掛念。一星期後,我竟然忍唔住搵番對方喎,真係無志氣!我send咗個SMS給他,約他一起去看星,但他竟然扮cool,接近一小時後才覆短訊。
還記得那一天,是○九年七月十三日。他接我往西貢看星的車程上,我終於鼓起勇氣向他表白,告訴他,他有多重要,他聽完之後也呆了,最後還給了我一個擁抱。

呢段真係要背熟。

以退為進,果然是老手smiley
9 : 純技術分析之人(1571)@2010-11-26 01:18:31

我就話佢識簡目標,搵到個純品易心軟既,如果佢係媾港女,以佢既外表,媾50年都冇用!(用錢媾就另計!)
10 : GS(14)@2010-11-26 08:09:46

9樓提及
我就話佢識簡目標,搵到個純品易心軟既,如果佢係媾港女,以佢既外表,媾50年都冇用!(用錢媾就另計!)


但是有個風險,港女唯一要的是錢,所以易估,但是外國人有時好難估...

不過祖藍哥的確聰明
PermaLink: https://articles.zkiz.com/?id=271756

【飲食籽】落入凡間的神級大廚

1 : GS(14)@2015-09-23 02:14:51

富豪御廚 黎汝森煮飯畀超人 變長沙灣廚神



【飲食籽:識飲惜食】「一分錢一分貨」,金錢堆出美味,是香港不成文的飲食規條,但你有否想過在高級餐廳、星級酒店付的錢,有多少直接花在食材上?曾在富豪聚腳地「富萬年酒樓中式夜總會」擔任小菜部廚房主管的名廚黎汝森、六星級酒店工作多年的劉哲宇和杜達華,都看不過美味與金錢之間分不開的等號,身體力行,分別落戶大眾化社區長沙灣、土瓜灣和觀塘,誓要平賣頂級廚藝、優質食材,與民同樂,惠澤眾人肚皮。

茶餐廳賣富豪餐 堅持靚料功夫菜

設計出「爵士湯」、「超人泡飯」等今日仍然家喻戶曉富豪名菜的黎汝森,上年才出書宣告退休,言猶在耳,今年初已經按捺不住,在長沙灣開設新的茶餐廳,全因這年間外出用膳的經驗令他太失望。他說退休之初,子女每星期都帶他出街吃飯最少三次,他對食物質素有要求,熟朋友的餐廳他怕麻煩不敢去,只好挑些沒有熟人工作的高級食府幫襯。「其實65分我就滿意,比讀書及格的60分只多5分,尤其自己是同行,又怎會離譜要求行家呢。」他認真說。可是酒家不是把魚蒸得過火,就是索價太高,所以食了半年,越吃越生氣,索性改裝家中廚房,升級至酒樓水平,在家中重提鑊鏟,從此不外出吃飯。



鹹金桔最少醃製兩年才奉客,對喉嚨痛最好。

濃雞湯煲翅選用16吋長的牙揀翅,花六小時熬製,雞湯濃而不膩,一窩4位用$420。

籠仔金蒜蒸蟹薑蛋白飯所用的菲律賓泥蟹啖啖肉,飯用金蒜、薑米和蛋白炒過,非常香口,$98。



七十年代的廚師未學煮先學打麵。他做的全蛋蝦子麵比一般用多三倍蝦子,味道香濃。每盒$110。



恰好早年買下的舖位,上年末交吉,他把心一橫重出江湖,用上等的材料、經濟的價錢為大眾提供名副其實的上好菜式。不再做傳統海鮮酒樓,改做茶餐廳,他澄清不是清高,只是酒樓已是不再賺錢的蝕本生意。「今時今日,每100間酒樓只有不足15間賺錢,20間得個和,其餘的都在賠,識做的咪蝕少一點,門外漢不出三個月一定執笠。」他慨嘆現代人不懂飲食文化,一味追求速度,最好冷盤、熱葷、湯要一併上桌,「快餐店、茶餐廳才是最合時宜。」雖然客人不再是紳士名流,但他對食材的要求依然一絲不苟,絕不因為收費平就將價就貨。雞要用走地的,要求大陸雞場凌晨劏,早上七時要送到舖頭,確保新鮮;龍躉要用比一般塘養貴百分之三十的馬來西亞半野生飼養的品種,肉比較雪白、幼滑,就算蒸得過火也不會䊹;波士頓龍蝦一定要加拿大貨,貪其夠肉,就連毫不起眼的鹹甘桔,他也每年新年到維園買四季桔自家醃製。他說:「他們未必懂得解釋箇中的分別,但味道騙不了人。」所以就算初期客人看到他的定價比同區酒樓餐廳貴數十元,有微言,他依然信心滿滿地向他們說:「食過不滿意,可以唔畀錢。」「你在這裏消費1,000元,我保證食物成本已經超過650元。」森哥肯定地說,全港沒有餐廳會這樣做,「我已經過了賺錢的黃金時間,開店只是打發時間,回饋社會。」由他現時推出的三款早餐,每款連飲品都只收12元,就知他不是空口說白話。



他說長沙灣、深水埗一帶的人捨得食,開業至今生意不錯。

富豪好魚,煮魚煮海鮮他最拿手,所以餐廳也放一個魚缸,是情意結。

一般的茶餐廳燒味都叫貨,但他要求極高,便在廚房開闢一角做燒味。



森記餐室飯館長沙灣東京街31號


扒房猛將 劉哲宇(左)文華變奏靚扒 益土瓜灣平民

不忍酒店大嘥 開舖自己話事

一站式提供精緻甜品、頂級咖啡和鹹食,不應只有酒店做到。這是劉哲宇和前香格里拉西式甜品師傅賴景亮(圖右)離開工作多年的酒店,與幾位朋友一同創辦HeySoNuts的原因。劉哲宇在廚藝學院一畢業就考進文華扒房,跟隨行政總廚Uwe Opocensky工作七年,見盡所有精緻料理,很多廚師夢寐以求。初入行時,他只專注怎樣把食材發揮得最好,一次望望身邊的垃圾桶,發現只做十碟菜就滿了。他說一間酒店每日棄掉的食材,足夠經營一間餐廳,買十斤菜有一半不要,那些食材放在街市會很好賣,比家用質素還要高。他更諷刺說,那些被扔掉的食材,只有酒店的客人會介意。



他為未夠完美的食材感到可惜,認為無論是高級廚房還是街坊小廚,目標都是為客人烹調出最美味的食物,因為浪費而把成本轉嫁消費者,不是他想做的,於是毅然離開,將美食帶到民間。文華扒房出名做牛肉,加上自己在凍房、蔬菜部和魚類部工作多年,所以他在餐廳以燒牛肉、漢堡做主打,同時亦親手調配不同醬汁做意粉、意大利飯和焗薯。離開酒店,食材的去留由自己話事,他說選擇最好的部份很容易,把外圍撕去就是了,但把不太精華的部份發揮最好才考技巧,現在最有成功感。



鮮製Brownie由甜品師賴景亮每日鮮製,朱古力味極濃,合桃平衡甜度和增加口感,喜歡朱古力的人一定喜愛,$53。

美國肉眼扒漢堡每日新鮮烹調的五成熟燒牛肉,配搭自家製Hollandaise sauce和蔬菜,$168。





HeySoNuts土瓜灣北帝街149號地下3號舖


酒店名廚 杜達華香格里拉舵手 落觀塘開飯堂

不講外觀講味道 平民餐展現實力

同樣「流落」民間的還有曾在酒店工作30年的華哥,上月起在觀塘新飯堂開設檔口。前僱主港島香格里拉是行業龍頭,薪酬福利最好也留不住他,因為工時長、壓力大。從前在酒店,要求全面地從服務、食材、環境等各方面來取悅客人,「酒店洗腦,要求我們着重味道之餘,更注重視覺效果。」他知道打工仔食飯時段要求直接簡單,着重食物味道多於擺設本身,用了30年的一套不再合用,於是更用心鑽研食譜,選用一些飯堂少見的食材,在調味、配搭上花心思。相比以往金錢掛帥的滿足感,今日客人一個笑容、一隻隻「美人照鏡」令他更開心。





蒜香牛肉鐵板飯人氣之選,把市面上的鐵板牛肉飯改良,加入不同香料烹調醬汁和調味牛油,$58。

溫泉蛋煙三文魚檸檬忌廉汁意粉飯堂招牌菜,每樣材料華哥都熟悉,挑戰性是在飯市用最短時間炮製得完美,$48。





I Chef Kitchen觀塘開源道55號開聯工業中心地下6F號舖



記者:吳宛蔚攝影:潘志恆、楊錦文、劉永發編輯:李寶筠美術:利英豪





來源: http://hk.apple.nextmedia.com/su ... t/20150922/19304100
PermaLink: https://articles.zkiz.com/?id=292488

【add】紅人主場:蘇麗珊落入凡間

1 : GS(14)@2016-12-09 00:03:52

Louis Vuitton連身裙、短靴及首飾



《哪一天我們會飛》造就24歲蘇麗珊一片成名,極速上位的背後,埋藏無數後遺症。入行僅兩年,從前頭腦簡單的小妹妹,變得多愁善感,新劇裏背景複雜的女警角色更觸動情緒大爆發。私生活上,飛游學修、疑另結新歡而遭公審,令她不敢與男性朋友外出,失去友誼,「嬲自己,點解我要驚呢啲嘢?」慶幸樂天因子未被洗擦淨盡,仍能以笑聲面對感情糾紛後被褫奪女神光環的負評,「一直幾抗拒呢個稱呼,而家我係咩?俾人貶落凡間?哈哈。」撰文、造型:林嘉慈攝影:郭賢興攝錄:李祉澄、周樂恒化妝:Jan Chan of Annie G. Makeup Centre髮型:Will Yu of The Attic活在鎂光燈下,藝人避不過向外交代私事的慣例。因《哪》片結緣、被公認為金童玉女的蘇麗珊及游學修9月底分手,矛頭直指蘇麗珊搭上男演員顧定軒,向游學修提出分手,三位人物先後公開回應。出道只有兩年的蘇麗珊,卻坦言不擅於應對,「前排有諗過呢個問題,嬲自己,點解我要驚呢啲嘢?明明同朋友出街,可能有啲我真係同佢好friend,但佢係男仔嚟,識咗好多年,驚兩個出街俾人影到,變咗唔敢出去,好似冇咗個朋友咁。」惟有學懂從中取平衡,避免與男性友人二人行。



Louis Vuitton露肩上衣、皮褲及首飾

Louis Vuitton大褸及耳環

■蘇麗珊與顧定軒約會新聞曝光前,不避嫌在Ig貼慶生照。

要學語言藝術

蘇麗珊為人直接,這次專訪,冤屈氣不吐不快,「一路嘅想法係好簡單,係就係,唔係就唔係,我唔可以擘大眼講大話。以前覺得冇所謂,我咪講,但原來媒體或者網上評論嘅風氣,係令一啲唔係事實嘅嘢,變到大家覺得係咁就係咁,即係啞巴吃黃蓮,唔可以出嚟話唔係,好似辯護咁,冇辦法可以改變。係語言嘅藝術,要學,最重要唔好違背信念。」快問快答,直問自認誠實的蘇麗珊是否單身?她說:「係單身,冇咁快。」會否恨拍拖?她說:「冇,想畀啲耐性等啱嘅人,唔想嘥時間。」分手後,不再被冠女神稱號是好是壞?她說:「一開始由頭到尾,唔覺得自己係女神,一直幾抗拒呢個稱呼,而家我係咩?俾人貶落凡間?哈哈!我冇乜所謂,是但,演好自己啲戲。」



■蘇麗珊在網劇《無間道》飾演女警,但文戲比動作場面多。

動作戲大考驗

由《哪》片淡淡然演活少年版楊千嬅,蘇麗珊在快將開播的網劇《無間道》、以兄弟相殘為主軸的電影《狂獸》,一下子跳到沉重角色。在《無》劇,她飾演熱血的新紮女警,動作場面是其中一個考驗,「我手腳唔協調,講我跑去捉賊,㩒佢落地,再將佢反手扣手釦。平時睇電視好似好流暢就做到,原來有難度,大家笑我好滑稽,又拍甩自己頂帽,又甩手。」文戲的情緒起伏才是最大挑戰,角色的爸爸是電影版卧底陳永仁,繼承父親力捉壞人的精神,偏偏陷入愛上蠱惑仔的矛盾位,又有連場生離死別,「成日拍喊戲,要跳拍,個人跳得好緊要,入咗角色,喺邊緣度生活咁。」


情緒化好麻煩

回到現實,蘇麗珊都變得情緒化,小事已能觸發強烈情感,連閱讀龍應台整理過去多年演講內容的《傾聽》都觸動神經,「對事情敏感咗,覺得自己好麻煩,個人好跳。」慶幸她比較樂觀,不易鑽牛角尖,但控制情緒可能是成長的一部份,「以前會逃避唔好嘅嘢,有問題發生就會收埋,之後唔理,而家會嘗試解決,係好嘅轉變。」



■蘇麗珊與游學修此情不再。

■為保暖及增高,蘇麗珊近來愛戴絨帽。


「我買唔起貴衫」

蘇麗珊彈起後,年初獲品牌邀請去巴黎睇騷,躋身國際時裝盛事,但她自認離時尚很遠,「我唔係走在潮流尖端嘅人,因為LV,去睇第一場騷,都有留意其他品牌風格,係一種藝術。好貴啲衫,我買唔起,但欣賞係賞心悅目嘅事。」她衣着簡單,平日最愛戴帽,最近就戴絨帽增加冬日感覺,原因好簡單,「保暖又增高。」



更多精采時尚內容,盡在http://add.appledaily.com




來源: http://hk.apple.nextmedia.com/entertainment/art/20161208/19858263
PermaLink: https://articles.zkiz.com/?id=318789

墮落凡間的天使?鄧月平大熱倒灶轉拍電影

1 : GS(14)@2017-01-23 07:45:14

「巨胸翠如」鄧月平(Larine)憑住佢嘅36F上圍,喺ViuTV《美選D.n.A》嘅面試會一鳴驚人!其實喺佢參加呢個比賽之前,早就為人認識,因為Larine曾經喺銅鑼灣做過part time侍應,仲擺人影咗相放上網,做咗一陣網絡紅人,就喺咁, Larine好順利咁入到圍。《美選》一路都話要揀天使同魔鬼兩個性格嘅女仔,雖然加入咗天使組,但Larine擁有魔鬼身材當然被視為大熱門啦,佢嘅「魔鬼」行徑的確唔少㗎,包括試過喺沙灘同朋友玩波,以逼爆上圍托任盒蜜瓜奶;又試過喺旺角一間拳館健身,對住落地玻璃拉筋;最爆嘅係,Larine喺《美選》第一集,着住運動Bra-top彈下彈下咁出場,睇到主持嘩嘩聲。之但係話題多,唔一定贏梗嘅,有傳Larine不被其他美選女接受,仲影響咗佢嘅選情,總選當晚嘅分數唔高,結果失落咗天使組冠軍,無緣封后。雖然輸咗,但Larine唔係冇收穫,佢喺參賽期間已經加入蕭定一旗下,同鄭丹瑞、周秀娜兩位前輩拍戲,嚟緊佢哋套《小男人周記3》下星期四就上映,處女演出好快有得睇!




來源: http://hk.apple.nextmedia.com/entertainment/art/20170122/19905310
PermaLink: https://articles.zkiz.com/?id=323673

Next Page

ZKIZ Archives @ 2019