| ||||||
香 港股民熱情無法擋，U盤硬接過千萬股滙控（005）。如果一心分段吸納，倒不如開個網上戶口買滙控ADR，那邊以5股為一個單位，400股可以分足80次 買，而且在下跌途中，ADR價格通常低香港2元以上，就算要交股息稅，也至少在收足年半股息後才開始會蝕底。自己不建議買滙控，基本因素今非昔比，難望再 有大升空間，雖然如此，寧願自己看錯。滙控在香港並不是單單一隻藍籌股，而是價值投資的精神象徵，繼續崩堤，會令人信心盡毀，證券行、交易所以至財經演員 的前景，一併會被拖累，身為行業一分子，絕不希望出現這情況。順道奉勸專職主持的股評人，切勿幸災樂禍，建議歸建議，態度則應該持平，否則既令人討厭，亦 有機會自食其果。其實滙控的股東，是輸得相當不值，跌浪的起源，是各國政府陸續出手拯救當地的銀行。原本滙控是管理最好的銀行，一下子競爭對手變成國家撐 腰，實力大增，那時候資金才逐漸撤出滙控。假如故事的發展，是傳統的汰弱留強，滙控股價應該仍在高位。今次事件，是完全示範政策風險，擁躉最初是沒有揀錯 股，可惜環境改變得太勁。 造淡應揀奢侈消費股 不想再追擊滙控，感情上及值博率上都不應該，造淡的目標，比較吸引的應是奢侈品 消費股，金融股大崩堤，對有錢人的打擊最大，今次的負面財富效應是不容忽視。在香港是沒有明確的目標，在美股則不妨追隨高盛的建議，攻擊名牌Polo Ralph Lauren（RL），應該有甚大機會跌破去年的低位。雖然上周金融股下跌時，市場相當鎮定，但下一個概念，應是金融股摧毀信心及心情所帶來的後遺症，陸 續會有周邊行業受累，RL不外只是先頭部隊，類似例子應陸續有來。作者黃國英為證監會持牌人士目前持有滙控（005）電 郵：[email protected] | ||||||
| 2009-01-22 AppleDaily | ||||||
華 華噚日提到阿里巴巴（1688）主席馬雲去咗昆明市演講，其間佢仲喺台上爆咗件逸事──原來佢曾經同「一位最近被抓進去的人」打賭，用大家盤生意嘅銷售額 做賭注，睇吓邊個賺錢最多，本嚟對方都有興趣同佢賭一鋪，但最後唔知乜原因賭唔成。馬雲話，就算賭，對方都肯定贏佢唔到，因為嗰位仁兄擴大規模嘅話，要開 好多舖同賣好多電器，但馬雲就「只需要增加一台電腦」。即係睇成本就知邊個贏咁話。講到上網用電腦，馬雲之前話驚俾人呃而唔上旗下淘寶網買嘢，反而佢個乖 仔就有幫襯；阿里巴巴公關大員噚日同華華講，其實馬雲仲未講完，馬雲有問個仔乜唔驚咩？囝囝就話，有乜好怕？仲話自己從來冇上過當。馬雲嘅結論係，只要我 哋懂得下一代嘅需求，了解佢哋嘅消費理念，其實就可以掌握未來。公關大員仲話，馬雲其實唔係講自己唔用淘寶網，而係「像我的年紀的人」好少上網交易啫；而 馬雲屋企有數以百件計嘅貨，就係喺淘寶網買嘅。 | ||||||
| ||||||
新 婚後嘅羅康瑞噚日唔再係娛樂版主角，佢主持瑞安建業（983）股東會，會後有記者唔怕過時，依然向佢恭喜、恭喜，佢仍然笑意盈盈，相當幸福咁，但就冇再講 老婆嘞。記者追問佢內地售樓最新情況，佢話中央政府下放權力畀地方政府，各地都推出唔同嘅措施刺激樓市，例如買樓嘅供款利息，可以喺個人收入到扣稅等，已 經見到一定成效，去年底開始睇樓嘅人明顯增多；至於實際買樓嘅情況，就要一段時間調整。 買家要調整心理 佢又用好生動嘅例子解 釋內地人睇樓市嘅心態，話前幾年中央調控樓市時，一直話樓價貴，叫人唔好買，o依家突然轉軚話叫人入市，買家嘅心情都要調整一吓，「好似除衫咁，都要慢慢 除o架！」不過唔好心邪，羅生冇即場表演。金融海嘯下信貸市場緊絀，羅康瑞亦感同身受，「銀行好似唔做生意咁」，所以佢哋集團喺處理財政時都要好小心。 | ||||||
| ||||||
用 理性邏輯，根本不會明白陰謀論者的世界。經常是被害者的角色，人家做甚麼舉動，都是機關算盡請君入甕，連筆者在網誌上分享貓兒的生活照，也有人看成是天地 會互通訊息的暗號，他們的世界實在太過複雜。鑽研股票，重點一定是在生意的本質，銀行業在政府高度介入之後今非昔比，所以前景黯淡，就是如此簡單。甚麼先 壓低收貨再挾淡倉，是無助分析，沒有預測功能。陰謀論厲害之處，是升跌都是陰謀，有無懈可擊自圓其說的能力，亦正因此失卻測市的作用。 揸盈富長建仲穩陣 盲 目唱好，倒不如抽離反思，就算經濟真的復蘇，普羅讀者其實未必有太多人一定要搭這一程股票順風車博發達。面前的變數多到嘔，要非常冒險才有機會收成，但不 是個個讀者身家及心理質素都是大師級，反而做好風險管理，甚至修正心態更加重要。投資原意是改善生活，何必苦苦強求做股神，將回報以至生活的要求降低，人 過得舒適自在是更難能可貴，趁年假不如好好思量。血肉長城陣，源於一個又一個長揸發達的故事，但滙控（005）大爆發的年代，在上世紀早已結束，趁低買必 發無疑，是一個錯覺。假設在03年4月30日沙士時的低點入市，一直持有至上次大牛市爆煲的日子07年10月31日，滙控在同期的股價升幅加上股息，期內 回報115%，平均一年18.5%，只是恒指的一半，甚至絕世悶股長江基建（1038），同期回報也有22.5%，在這個超級大牛市，滙控根本嚴重落後， 其實當時有不少擁躉不滿滙控升得太慢，只不過大家記憶短暫而已。江山代有股王出，滙控03年已過氣。大家不如摒棄成見，穩穩陣陣揸盈富（2800）或長 建，至少風險回報比例合理。黃國英作者黃國英為證監會持牌人士，目前持有滙控（005）電郵：[email protected] | ||||||
| ||||||
星展集團前副主席、重量級銀行家Frank黃鋼城，舊年8月底60歲榮休。後有新動向。噚日工商銀行（1398）發公佈，話工行去年底委任咗佢做獨立非執行董事嘅表決議案，已經正式獲中銀監批准，委任喺上星期五正式生效，每年基本袍金人民幣30萬元。 出任工行非執董 咁 日後阿Frank就可以同埋佢嘅老友、工行另一獨立非執董、美資私募基金黑石集團中國區主席梁錦松，齊齊孖住去工行董事會開會。曾經做過期交所主席嘅 Frank黃，係本港最早一批財資界賓架，同阿松、前花旗高層黃逸思等，差不多喺炒房同期出道，可謂財技與人物網絡都咁了得。黃鋼城先後做過花旗、JP摩 根、國民西敏銀行等大型外資機構，03年起加盟星展，之後就大部份時間港星兩邊飛，退休前亦擔任星展香港主席，可以話銀行界老行尊。 | ||||||
| ||||||
新 世界發展（017）主席鄭裕彤前排俾人誤傳佢抱恙入院，真係大吉利是。不過唔緊要，事關鄭家今年底將會有喜事──彤叔嫡孫鄭志剛（Adrian）噚日透 露，計劃今年11月同未婚妻拉埋天窗喇。Adrian舊年中已經同女友Jennifer Yu訂婚，噚日同傳媒行家食晏時，公佈今年底就會結婚，婚禮形式未定，但一定喺香港舉行，唔係灣仔會展就係君悅酒店，話晒係自己地頭嘛。佢哋舊年喺君悅搞 咗個casual嘅訂婚禮，結婚應該隆重好多啩！不過Adrian實在太忙，中港百貨、內地地產同私募基金都係歸佢負責，嚟緊仲要去歐、美同日本周圍睇投 資項目，所以佢話，結婚去邊度度蜜月都未諗好。前排市傳彤叔入院，當時佢身在北京，收到電郵即刻打電話落香港搵阿爺問清楚，先知係流料。 | ||||||
| ||||||
奧巴馬正式就任美國總統後，全球政商界都趕緊同呢位花旗國元首打好關係。恒隆地產（101）主席陳啓宗就會喺今個月底飛去美國出席一場晚宴，聽奧巴馬演講，一睹新總統風采。 噚日佢擔任執委會主席嘅明天更好基金，邀請傳媒春茗茶敍，講開中美兩國關注嘅保護主義問題，佢話就算奧巴馬想對中國打保護主義牌，喺咁嘅大環境下，搞唔搞得成都係問題。 佢回想當年克林頓時代，就曾經藉保護主義打壓日本外貿，結果反而激發起日本提高工業效益，佢話今日日本車橫掃全球，唔多唔少要多謝美國。 坐擁兩幢「月億樓」 陳 啓宗喺中國政界都好活躍，上年5月佢主持嘅亞洲協會，竟然請到新鮮出爐國家副主席習近平，出席協會嘅上海研討會。佢估計，可以請得郁呢位大人物，可能因習 近平之前做上海市委書記時，知道恒隆係納稅大戶，對上海市有貢獻啩！話說近期內地傳媒為上海恒隆廣場起咗個別號，叫「月億樓」，係全國首幢物業嘅租戶同業 主，每月納稅過億。陳啓宗話，07年嚟自該物業稅金有成12億人仔，08年增至18億人仔；旗下另一幢上海物業港匯廣場，舊年都晉身成第二幢「月億樓」o 忝。 反駁行會成員唔係弱 另外，對於近日有評論指，新出爐嘅行政會議成員組合係歷屆最弱，佢就反駁話弱定強，睇你由乜嘢角度 睇。好似劉遵義校長，當年同前總理朱鎔基食飯，朱總就對劉校長禮待有加。陳啓宗又話其他成員都好猛料，惟獨劉皇發佢冇評論，因為唔多認識。陳啓宗認為啲人 用狹窄嘅角度睇嘢，先會得出最弱嘅結論啫。李華華[email protected] | ||||||
| 2009-01-24 AppleDaily | ||||||
那 個晚上，滙豐控股ADR美國預託證券報價，給兩大投行先後落井下石後下跌到五十二元，無綫廿四小時滾動新聞台花了畫面左側一直標示這新聞標題。是豎排，不 是慣常畫面底部流動着的新聞事件，且一直不動如山，看得不清楚的話，還以為又有甚麼大事件發生了。 我對着那滙豐五十二元幾個字望了一陣子，忽然對美國出錢出力保住經營不善的三大車行，有了感性的體會。那是美國人的情意結。滙控也一樣，不但是很多股民股 評人的愛股，那種愛已超越了每年派息豐厚的考量，每次五號仔股價跌到一定程度，就一定有散戶用血肉長城的姿態對抗大戶及大勢；一次又一次這樣的行為， 我總 覺得，那不止出於溝淡成本價及趁機撈底的動機，其中多少有打抱不平，不服氣我們港人的大笨象受傷。倘若今天要做一個信心指數調查，我猜，不論是消費、經濟 前瞻、生活保障、世界和平甚至婚姻遠景，數據會顯示很多人都處於迷惘的狀態。一場金融海嘯吹散了對制度主義秩序的信念，沒有甚麼可信的；唯有套住了不少人 的滙控，我周遭的人都抱着樂觀的看法，無比的信心，無怨的等待。大笨象幾乎等如英國的大笨鐘，保育分子的天星碼頭，不能倒，不會倒。與股票本不該談感情， 而情意結濃到這樣，對伴侶的愛情怕也沒有這份信任，堪稱香港奇蹟之一。把這信念挪用在生活上，視一切困難低谷挫折為大笨象， 擁抱滙豐精神，高低無礙，忽然懂得不爭朝夕，還有甚麼可擔憂恐懼的？恐懼會令人踩人踩出惡性循環，正如羅斯福總統就職演說的名言：「唯一值得恐懼的事情就 是恐懼。」逢星期五至日刊登 | ||||||
| ||||||
一場金融海嘯，令許多巨型跨國銀行遭遇滑鐵盧，最終要政府出手救亡，淪為國有企業，從此失去營商彈性。香港人至愛的滙豐，一直堅拒接受政府幫助，卻因此被人質疑資本不足，上週甚至慘被大摩及高盛連環唱淡，股價隨即由七十元急瀉至五十七元半，創十年以來的新低。 其 後惠譽及標普亦調低滙豐的信貸評級，外國基金股東Knight Vinke更發表聲明，炮轟滙豐管理層策略失當，應盡早出售問題資產止血。與此同時，香港以及海外多國政府，開始實施百分百存款保障計劃，小存戶有了免死 金牌，紛紛離開以穩健見稱的滙豐，轉投高息的財務公司門下，合演一齣「劣行驅逐良行」的悲劇。 上週三摩笛響起，大摩分析員將滙豐的目標價由七十五元降至五十二元，頓時令市場嘩然。兩日後高盛再踩多腳，將滙豐目標價減至四十九元。兩間大行連環唱淡，滙豐股價數日之間便插水一成八。 滙豐以往份屬散戶愛股，無數粉絲不惜築起血肉長城，出錢出力替愛股吶喊助威。根據上週四及五的成交紀錄，滙豐逾半成交宗數，均為買入一手或兩手，處處可見散戶入市的蹤跡。 上週四開始，郭小姐便一連四日分別買入一手滙豐，「我爸爸送咗幾手滙豐俾我做禮物，話明長揸唔放會發達，我一直記喺心中。而家滙豐咁殘，我完全唔驚，實行同佢共存亡。」 散戶血肉長城護盤 就算沒有勇氣與大行抗衡，散戶莊先生仍將手上的滙豐視為至寶。他十多年前以三十多元購入數千股滙豐，一直持有至今，無懼刻下滙豐大插水，「升到百幾蚊都無放，而家更加唔會放喇。長線投資來講，真係唔驚，滙豐派息穩定，可以長揸！」 滙 豐之所以備受一眾散戶及退休基金的愛戴，皆因以往二十年從未向股東伸手供股，而且派息豐厚，即使九七年金融風暴、○一年盈利倒退、以至沙士襲港，其派息金 額仍不減反加。以滙豐現價五十七元半計算，其往績息率高達十一釐，就算來年派息削減一半，仍有五釐左右，表面看來甚為吸引。 有利益衝突之嫌 但猛烈抨擊滙豐的大摩卻認為，滙豐手上的資本不甚穩陣，除未來可能削減一半派息外，更須集資最多三百億美元，因此對股價構成極大壓力。報告甫出街，滙豐的沽空金額立即增加逾倍，每天平均達五億元，約佔全日沽空金額兩成。 證券界對這支摩笛議論紛紛，有資本市場分析員說：「滙豐雖然唔係投資銀行，但之前都好進取做投行生意，同大摩、高盛競爭在所難免。而家大摩咁樣唱淡行家，實在有利益衝突之嫌，佢又冇申報利益，場外交易有冇因此得益，邊個知？」 雖然兩間大行力插滙豐，但亦有分析員唱反調，瑞銀上週罕有地發表一份簡短評論，逐一駁斥大摩的觀點，認為滙豐只須集資約一百億美元。 雙 方爭拗的重點，在於滙豐手上的美國貸款賬項（Loan book），應否以市價入賬。大摩認為該筆資產的市值，現已大減三百四十億美元，若從滙豐的資本扣除有關數字，勢對其資本結構造成重大打擊；瑞銀則回應 指，銀行的貸款賬項，從來不會以市價入賬（Mark to Market），否則所有銀行皆有集資需要。 英國獨有計算資本辦法 大 摩另一憂心之處，是現時英國金融服務管理局，容許銀行將可供出售資產的未變現虧損儲備（unrealized loss reserve），重撥作為資本。假設銀行用十元買入次按資產，市價跌了五元，一般銀行會於損益表中撇賬，但英國的銀行卻可將這五元虧損，撥入核心第一級 資本（Core tier 1 capital），變相將虧損當成資本。 事實上，證券界很關注滙豐資本是否仍然雄厚。所謂資本結構，一般以 巴塞爾協定（Basel II）為依歸，核心第一級資本比率不得少過百分之四。舉例說，若銀行借出一百元，手上便須持有四元資本，當中包括普通股權益、優先股權益及保留溢利等。如 果相關比率低過下限，銀行便須再集資。 去年滙豐的核心第一級資本比率，約為百分之七點四，屬安全水平。因此滙豐才多番強調沒有集資需要，本 週一更發表聲明，再次否認向政府求救的傳聞，亦強調無理由須作出此舉，並重申集團資本雄厚。但若扣除未變現虧損儲備，其資本比率便跌至百分之六點一，雖仍 屬安全範圍，但已給去年政府出手拯救的各大銀行比下去。 滙豐歷年危機 1992滙豐高價收購業績奇醜的英國米特蘭銀行，導致股價跌近兩成。收購後，第一級資本比率由百分之九點七，降至百分之七點四，最終要在英、美發債，集資五十七億英鎊。 1998亞洲金融風暴；巴西及阿根廷金融動盪，滙豐呆壞賬準備大升一點六倍，盈利倒退兩成，股價更一度下挫逾四成。 2007首次發出盈利警告，指美國按揭貸款業務撇賬高達106億美元。 2008金融海嘯；銀行業寒冬，滙豐資本充足比率下降，遭大摩及高盛唱淡，股價自高位急瀉逾五成。 劣行驅逐良行 自 從爆發金融海嘯，歐美多間金融巨擘相繼陷入財困，政府為免雷曼兄弟倒閉再重演，形成一連串欲斷難斷的爛賬，導致信貸市場停頓，遂決定注資入股問題銀行，變 相把銀行國有化，令其資本比率普遍超逾百分之七。相反沒向政府伸手要錢的滙豐，變得相形見絀，接連被外間抨擊，可謂劣行驅逐良行，令其股價大插水。 滙 豐一再重申不須政府注資，皆因一旦接受了這些公帑接濟，便會後患無窮。香港中文大學財務學系副教授蘇偉文說：「大銀行除非山窮水盡，否則都唔想政府注資。 因為注資之後，作為銀行無辦法拒絕政府干預，行政上、業務上，亦拒絕唔到政府要求。所有嘢都無話事權，包括派息，接受存款同貸款俾咩人都要受政府左右。對 於股東來講，都唔係一件好事。」 香港百分百存保 另一邊廂，各國政府去年看見銀行陷入信心危機之後，市民惟恐銀行爆煲，紛紛趕往銀行提款，東亞銀行亦因被外界謠傳倒閉，導致銀行擠提，事件擾攘了多日才平息。 各國政府遂宣布設立百分百存款保障，香港政府也在東亞發生擠提後，宣布實施百分百存款保障，直到二○一○年才進行檢討。 一直以來，本港存款機構分為三級制，分別為持牌銀行、有限制牌照銀行及接受存款公司。以往十萬元上限的存款保障計劃，只保障持牌銀行，但政府新設的百分百保障計劃，卻遍及所有接受存款公司。 本 來，財務公司就算利用高息來吸引客戶存錢，客戶亦往往因擔心血本無歸，未必會貿然存款。但百分百保障後，市民的疑慮盡消，不少財務公司隨即提供超高息定 存，息率動輒比銀行高出逾倍，例如在安信兄弟存款五十萬元以上，定期十五個月，息率達兩釐一，比傳統銀行高出三、四成。鄭先生便是因貪取高息，提取滙豐的 資金，到財務公司做定期，「而家有政府擔保，根本唔使驚！」 滙豐開聲反對 自此各大傳統銀行，特別是滙豐這類大型銀行開始流失不少客戶，滙豐亞太區行政總裁霍嘉治上月更公開表示，以往滙豐的存款一直有穩定增長，但自政府於去年十月推出百分百保障計劃後，存款增長水平即見放緩，他促請政府盡快取消這計劃。 有 行內資深分析員認為，滙豐堅拒政府打救的做法可取，因為只要捱過這一劫，往後同級的競爭對手便會大減，還以「海闊天空」來形容滙豐未來的景況。「本週滙豐 發出的聲明，除重申無意靠政府幫手，卻無排除考慮集資的可能性。我相信滙豐股價若然繼續下滑，絕對有可能配股集資。至於股息，幾乎可以肯定會削減，因為有 錢都留番嚟充足資本比率啦！」 有基金經理表示，散戶最好謀定而後動，「以股價來講，滙豐以前市賬率講緊係一點幾倍，依家最低約零點七、八 倍，但好多其他大型銀行，好似花旗、摩根大通咁，先得零點三至六倍，咁樣睇，佢其實算好貴。不過，佢嘅業務有一半喺新興市場，會有高啲嘅估值，所以現階段 都好難講，要等到三月滙豐業績公布之後，個市場先可以定啲，才知道嚟緊會點走。」 | ||||||