陳美齡 花樣幸福
1 :
GS(14)@2016-08-03 02:05:222016-07-27 EW
印象中的陳美齡（Agnes），聲線輕柔、嬌滴滴，形象彷彿永遠也定格在那個八十年代初，從日本雜誌《週刊明星》中看過的照片：一個在燦爛的陽光下，展示出甜美笑容的端莊斯文少女。
訪問這天，我着攝影師特意把這個畫面重現，同樣燦爛的陽光下，眼前的Agnes依然端莊斯文， 笑容依然是露出了爆牙的日式甜美；然而，逾三十年後的今天，她已經是三子之母，最近更趁書展期間出了首本中文著作《50個教育法，我把三個兒子送入了史丹福》，跟香港父母分享自己數十年來的教仔心得。
「我都係第一次去書展，嘩！原來係會有咁多人，又要排隊又盛㗎？好興奮！我覺得自己好似大鄉里呀！」說到她初次踏足書展搞新書講座，她表現雀躍，舉止仍然少女味十足，但談到她的三個兒子時，她又會如數家珍，不時感動到眼濕濕，相當「阿媽」：「我嗰三個仔，三個性格都完全唔同，但佢哋感情好好，我諗呢個就係我最安慰嘅一樣嘢！」本來打算把Agnes從前那幀照片，跟今天所拍的作個對照，卻原來，即使人物、背景和笑容依舊，但她臉上滿滿的幸福感，已足夠令今天年屆六十歲的她，看來有所不同了。
「我下個月（八月二十日）生日之後，六十一啦！我今日只係用咗高清粉底，所以唔好咁近睇我呀！哈哈哈！」我開始懷疑，Agnes的心境其實還停留在那個八十年代初。
史丹福
陳美齡這本教仔心得的著作《50個教育法，我把三個兒子送入了史丹福》，書名很長，但無論如何，做父母的，大概都只會看到封面上「史丹福」三個字。
書名雖說是Agnes把三個兒子送入這所超級著名學府，但實情，她自己早於八十年代尾已在此成為了教育系博士，計落是一門四傑。「我哋一家的確同史丹福有啲緣份嘅。我嗰陣去嗰度讀博士學位時，我大仔已經三歲，佢就入讀史丹福幼稚園；我二仔呢，就直情喺史丹福醫院出世，兩歲幾先返日本，所以呢間學校係佢哋嘅first choice。到舊年，我第三嗰個仔都考埋入去，我覺得真係好好彩呀！
「其實我從來都冇要求過佢哋一定要考到入去，我只係一直希望佢哋可以發展到自己嘅可能性，同埋希望佢哋善良、有自我肯定嘅能力、有個開心嘅人生，我諗可能我呢啲目的，同史丹福嘅教學理念差唔多，所以佢哋先咁蹺入到去啦。我都有問過大仔，點解唔考哈佛呢？佢話因為史丹福天氣好喎！哈哈哈！咁又係，嗰度唔會落雪。」
大喊包
Agnes的三個兒子，長子金子和平，今年已經廿九歲，在美國已創立了自己的公司；二子昇平，廿六歲，大學畢業後，便在當地加入一家科技公司，研發了一款熱賣的助聽器；而剛考進史丹福的三仔協平，則只有十九歲。
「我最細嗰個仔個人好開朗又approachable，我覺得佢係最適合讀史丹福。呢間大學好鼓勵學生有good ideas、new ideas同創業，好開放，或者因為咁，所以我大仔同二仔畢咗業之後，都即刻去追求佢哋夢想——其實佢哋真係幾唔怕死㗎！哈哈哈！」照這樣看來，他們小時候應該也不是勁喊勁扭計的那種孩子吧！「講起嚟，我記得有次大仔扒喺度玩韆鞦，我一推，佢成個人飛咗落啲沙度，成塊面損晒！但佢冇喊，反而係我喊。
「又有一次，個二仔跳跳吓梳化，撞到枱角，係咁飊血，又係冇喊，我呢就一路喊，一路㩒住佢個傷口送佢去醫院！細仔又係，我有次同佢沖完涼玩，一撞，個下巴要縫幾針，佢都係冇喊，喊嗰個又係我……」她說到這時，一雙眼已隱約看見有淚水了。我說她是個大喊包，她即破涕為笑。「係囉！呢啲大件事都係阿媽喊，個仔唔喊，我真係一個大喊包嚟㗎！哈哈哈！」
有機打
像她這樣的一個緊張媽媽，三個兒子可以入到史丹福，理應如香港很多怪獸家長般，力谷小朋友變成百般武藝、能文能武的繁忙兒童。「我知道乜嘢係怪獸家長呀！但係我唔係咁教，set小朋友太多目標，乜都跟晒schedule去學乜學物，放咗學又要返補習，反而會整定個細蚊仔失敗！
「細蚊仔三歲之前，反而係可以build up佢哋最多嘅synapse（突觸），開發到佢哋嘅腦部發展，同佢哋去吓公園、捉吓蝸牛、釣吓魚、望吓天、數吓雲、吹吓風，聽吓大人傾偈、聽吓人唱歌、睇吓人哋賣嘢，呢啲都build up到好多好多synapse！我三個仔細個嗰陣，我都係咁樣教佢哋，唔一定人哋上playgroup，我個仔都要上playgroup囉。」至於最近香港父母講究到的「贏在射精前」，她擰晒頭、皺晒眉說：「計到咁，太過份啦！遲一年入學咪遲一年入學囉，媽咪可以教多佢一年嘢，佢入學面對功課都會輕鬆啲啦。」Agnes說，她對三個兒子成長期唯一管制得較嚴的，是在他們中學畢業前，不讓他們接觸日本年輕人最重要的兩項娛樂：打機和看漫畫。「我同佢哋講得好清楚，佢哋都願意咁做。有啲朋友問我，咁樣得唔得㗎？佢哋會唔會冇朋友㗎？真係冇事㗎！佢哋一樣有好多朋友，而且一來佢哋好細個已經鍾意睇書，二來我哋屋企好忙，成日出去戶外活動，又會乜嘢節日都慶祝，反而好好玩！」○七年，對這個溫馨融洽的一家五口來說，應該是最深刻的一年。「嗰年我呢度（右邊耳朵旁）生咗個瘤，搞到塊面歪咗，不過係良性嘅，割咗冇耐呢，我又驗到右邊乳房有cancer！我當時第一樣嘢就諗：最細嗰個仔先得嗰十一歲，我唔死得㗎喎，至少都畀我等到佢初中畢業啦！哈哈！」猶幸發現時屬早期，腫瘤只有四毫米，紅豆般大小。「醫生幫我用『溫存』嘅方法割咗，然後我先接受電療，同開始食五年荷爾蒙藥，呢啲藥嘅副作用，除咗關節會痛，我塊面仲會腫到兩倍咁大——呢樣嘢對我嚟講，精神上打擊好大！因為我唔知幾時會腫，一腫就做唔到嘢！
「試過有次喺台上唱緊歌，我已經feel到好似有啲水、有啲蟲走緊入塊面咁，我好驚！心諗：快啲唱完啦，大佬！又試過開緊演唱會時，塊面又突然脹咗，一補妝，成層皮甩咗落嚟！」向來樂觀的agnes，那段日子心情直插谷底。「我個細仔知我唔開心，佢竟然喺internet搵咗好多jokes，夜晚就嚟我牀邊：『媽咪，joke of the day！』佢每日講一個笑話畀我聽呀……」她的鼻頭開始紅起來。「嗰年，我個大仔已經讀緊大學，佢特登飛去內地睇我喺人民大會堂嘅表演，完咗就入化妝間攬住我喊：『媽咪！呢年好長呀！你好叻呀！恭喜你！』我個大仔係唔喊㗎！佢忍咗好耐、擔心咗我好耐呀……」此時，她努力地深呼吸，不讓眼淚掉下來。「我有三個咁乖嘅仔，真係乜都抵啦！你話係咪先？」死火，到我開始想喊。
生命中不能承受の幸運
Agnes當年未夠十六歲便出道，七十年代中已告進軍日本，紅遍東南亞。八五年，她嫁給當時的日籍經理人金子力後，便開始在他鄉相夫教子，閒時又會公開露面唱唱歌，至今三十一年，三位兒子也入了史丹福，總括來說，絕對有資格歸納為「人生勝利組」成員。
「日本都有『人生勝利組』呢個講法，但我自己唔係好鍾意『勝利組』呢個字眼，我只可以承認，我真係一個好幸運同好好彩嘅人，一直都有好多貴人幫我！所以我覺得自己一定要報恩！」報恩？「係呀！」她堅定地點點頭。「我成日覺得一個人太幸運，未必可以完全承受到㗎！我自己嘅承受能力嚟講，我一定要盡量spread我啲幸運出去，我先可以balance到㗎！」所以她多年來一直也會當義工，參與防癌活動，又做聯合國兒童基金會大使，走訪泰國、柬埔寨等多個落後地區作探訪，更曾試過在南蘇丹，跟那裏的反政府軍總司令講數，要求他釋放所有童兵。「結果佢真係放晒嗰二千幾個童兵！我真係好開心㗎！」她在日本經常為反對兒童色情的事發聲，去年便曾有位十五歲的少年，在網上留言要殺她全家。「其實呢方面，我一直喺日本都有好多好多抨擊！但係我唔怕㗎！child porn呢啲嘢點可以唔反對呢？就算你要攻擊我，我都一樣要出聲㗎嘛！係咪先？」有個愛錫自己的老公，又有三個有為的兒子，Agnes的確冇有怕！
撰文 周彩霞 攝影 何國豪 鳴謝 三聯書店（香港）有限公司
【add】紅人主場：梁詠琪 幸福20年
1 :
GS(14)@2016-08-07 01:48:23Burberry藍色連身短裙藍色軍褸
梁詠琪（GiGi)出道時曾是少男心目中的女神，今天已變為人妻兼人母，今年是她入娛樂圈20周年，過去曾經歷高低起伏，人生的下半段她希望將焦點放在家庭上，希望工作隨心而行，不再需要討好人，做最真實的自己。統籌：林妙萍撰文：顏英儀攝影：周樂恒攝錄：林德雄化妝：Circle Cheung of ndnco.co髮型：Nick Lam of Pi4.com.hk
GiGi去年升呢做人母，有女萬事足，訪問時話題總是離不開愛女Sofia，「囡囡出世後責任感重咗，而家做任何事都會以囡囡嘅福利行先，令我最開心嘅係家庭生活嘅融洽，同囡囡游水已經好開心，知足令我幸福，亦都係呢份幸福令我知足，物質對我嚟講已經冇乜意義。」GiGi現正與丈夫和囡囡身處西班牙，一家三口到巴塞隆拿探祖父母，享受家庭樂。
Paula Ka淡粉紅恤衫Dior黑色釘珠半截裙Jimmy Choo水晶涼鞋
Lanvin金線喱士裙
巡唱慶祝20年
回港後GiGi將要籌備「梁詠琪2016好時辰演唱會」，第一站將於深圳揭幕，香港站因紅館未排到期，要等到明年才舉行，「演唱會主要同歌迷分享入行20年，重溫好多舊歌，會先自彈自唱，仲要減肥，唔會減到好似以前未生咁瘦，有少少肉地會好睇啲。」生女後GiGi甚少離開囡囡，已跟家人傾好湊女安排，「同屋企人傾好晒湊女安排，一個城市最多去3、4日，唔會離開香港太耐。」
■新歌《B面第一首》代表了新階段的開始。
回憶教人回味
GiGi入行20年，最難忘入行時工作排得密麻麻非人生活，「諗番起以前嘅工作量都幾誇張，以前趕完通告嘅日子，拍完通宵戲第二日要飛去台灣錄音，之後又再飛去拍戲，喺飛機上先可以瞓覺，呢啲非人生活只能夠回憶，將來唔會畀自己忙成咁。」下月開演唱會又plug新歌，新歌會以卡式帶面世，復古當時興，「《B面第一首》係代表新階段嘅開始，之前搵Wyman填詞，我同佢講而家人生過咗一半，好多事情嘅睇法都唔同，好想寫一首歌講吓而家嘅心情，以前行過嘅路係值得嘅，不過未來係咪可以多啲跟自己嘅心去做嘢，唔需要再討好其他人，或者唔使睇住個市場做音樂，每一步都跟住自己個心去行。」
培養女兒德行
贏在起跑線已out，贏在射精前讓社會議論紛紛，身為港媽的GiGi又是如何安排囡囡的將來？「Sofia已開始上playgroup，屋企全部大人，想佢接觸其他小朋友，學識分享，其實我冇諗得太遠，將來可能返西班牙讀書，呢幾年想佢學呢好中文，學術上唔使太心急，反而我覺得囡囡嘅德行更緊要。」
GiGi在陀Sofia時曾說過想生三個，囡囡下月便歲半，現因巡唱要將追B大計押後，「之前都有諗過等囡囡歲幾就會追第二個，不過下半年要做巡唱，坊間話隔兩年半到三年先生第二個都OK，所以要等下年先考慮追B。」
■令GiGi最開心的是家庭生活融洽。
■GiGi去到巴塞隆拿都與囡囡穿母女裝。
囡囡趣事多籮籮
做母親後GiGi話題離不開囡囡，她更用手機拍下女兒的開心時刻，親手剪輯成短片，「囡囡嘅趣事日日都有，有一日我畀紙巾佢抹嘴，點知佢用嚟抹地，我同佢講唔係用嚟抹地，係用嚟抹嘴嘅，之後佢又用嚟抹嘴，真係畀佢激死！有時佢會發明手語，要估好耐先知佢想講乜，有次佢企喺門前，拉自己嘅手指，原來佢想我開門畀佢，日日同佢玩做動作估戲名，先估到佢想講乜嘢。」
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20160804/19721636
地產潮文：住劏房已算幸福？
1 :
GS(14)@2016-08-11 06:07:27近日筆者和某公關飲茶，話題難免談及港人現時居住情況。「香港人有得住177呎劏房已好幸福，你知道而家啲劏房有幾細？我最近見到葵涌有舊樓300呎單位一劏四，最細的廁所劏房長闊度分別只有1.55米及1.35米，面積約30平方呎，有廁所有睡房，不過間房無窗……」「咁誇張？咁成年人瞓得咪難以伸直雙腿？」「月租兩千蚊仲想點？」公關指近年日本有種類似太空艙的住所，只有半層高和一個床位的闊、深度，分別設有男生、女生樓層。太空艙除了有床頭，還有大燈、電視等，可滿足基來需求。至於浴室、洗衣機等都設於公家地方。公關表示不少日本人都長居於此，很懂得善用空間。「其實，香港也有類似居所多年，就是為人熟悉的籠屋」。聽到公關提到籠屋，心裏不禁嘩然「但社會唔係應該不斷進步的嗎？97前住鐵皮屋嘅人就逐漸上樓，住公屋嘅就居屋私樓咁樣換上去，而家倒退晒……」「四叔幾年前講咗將來啲新樓會以一兩百呎為主打。而家樓價租金越來越貴，以前三百萬買到嘉湖三房，而家同樣價錢只能買開放式。特首要增加房屋供應，啲樓稍為起高少少班政棍又反對，假如將新盤分間成幾十呎房間，甚至建太空艙，增加單位數目，未必係壞事……」公關如是說。香港人前世做錯甚麼？為何今世要被如此壓榨？地產小子
http://www.propertykids.blogspot.hk本欄逢周四刊出
來源:
http://hk.apple.nextmedia.com/financeestate/art/20160811/19731268
大S產後享受幸福肥
1 :
GS(14)@2016-08-16 06:28:06■大S和老公汪小菲帶囡囡於晚飯後散步回家。台灣《蘋果日報》
台灣女星徐熙媛（大S）大前晚和老公汪小菲帶着女兒，相約胞妹徐熙娣（小S）在台北一間居酒屋吃晚飯，小S也帶了三名女兒同行，不過老公許雅鈞未見蹤影。眾人飽餐後離開時，小S似乎喝了不少酒，而今年5月才誕下兒子的大S仍未收身，面和身形都較為圓潤。大S和家人散步回家，汪小菲抱着兩歲囡囡，更邊行邊向女兒送吻，而大S就推着BB車。大S事後接受訪問，笑稱現階段是幸福肥，她說：「這一胎我沒上次胖那麼多，也比較有產後瘦身的經驗，所以恢復得比較快。」她又謂因現時要照顧兩個小朋友，所以不會太快復出。小S則坦言有喝酒，但只是微醉。撰文：陳以晴
來源:
http://hk.apple.nextmedia.com/entertainment/art/20160816/19737407
【動畫】搵三四萬最幸福？馬雲：超過一兩億麻鬼煩
1 :
GS(14)@2016-09-01 06:24:16繼中國首富王健林早前大談創業之道，表示先要達成「賺一個億」的「小目標」後，阿里巴巴主席馬雲近日同樣發表「離地」言論，指月入3、4萬（人民幣‧下同）的人最幸福。日前，阿里巴巴內部的微信流出馬雲早前在新人交流會上，與員工的對話內容。馬雲表示，自己第一天開始就沒想過當首富，自己才會把公司持股比例「稀釋」至目前的程度。馬雲又指，在中國最幸福的人是月入有兩三萬、三四萬元，有樓、有車、有個好家庭：「沒有比這個更幸福了，那是幸福生活。」馬雲又指「超過一兩千萬，麻煩就來了，你要考慮增值，是買股票好呢、買債券好呢、還是買房地產好。超過一兩個億的時候，麻煩就大了；超過十個億，這是社會對你的信任，人家讓你幫他管錢而已，你千萬不要以為這是你的錢。」對於馬雲的「離地」言論，無數網民都紛紛留言，有人指直言要寧要「麻煩」，願意與馬雲交換身家，亦有人坦言馬雲說話予人「朱門酒肉臭，路有凍死骨」的感覺。網民意見：
L-H-M-H：把你的錢給我，我每月給你四萬塊，讓你幸福。鹿恩棋：我想體驗一下錢多的麻煩。
handsome-up：馬雲，那我們換下吧。荒涼一片路過：可是我想要麻煩，一億就一億吧。喵二蠻：給我一個小目標，讓你幸福一輩子。
zy瑩小張：這，讓我們情何以堪。何東生a：突然想起有一句話：朱門酒肉臭，途有凍死骨。沒裝B卻遭雷劈的潘漫：就差一點了，每月3000.0。新浪微博
來源:
http://hk.apple.nextmedia.com/international/art/20160901/19756706
【舊愛幸福】熊黛林等做郭太
1 :
GS(14)@2016-09-13 00:19:16熊黛林
天王郭富城靚仔又多金，入行多年身邊女友車輪轉，50歲的他仍是孤家寡人，反而多位緋聞舊愛卻做了幸福人妻。
熊黛林
熊黛林（Lynn）06年與城城拍拖，7年來從沒獲男友承認地位，Lynn於3年前忍痛斬纜，之後火速戀上離婚不久的郭可頌，去年男友求婚成功，Lynn等做郭太。
藤原紀香
兩人於2000年拍電影《雷霆戰警》撻着，當時他的事業陷低潮，但紀香未有嫌棄，二人共過患難，故分手後仍是好朋友。今年3月紀香宣佈再嫁片岡愛之助。
朱茵
95年朱茵到澳洲為城城拍音樂特輯《昆士蘭特輯之失憶情緣》，有傳當時朱茵剛與周星馳分手，寂寞的心被城城攻陷，惟兩人相戀半年分手，4年前朱茵嫁給黃貫中。
鍾麗緹
兩人於93年合作音樂特輯《希臘之旅》撻着，當年城城開16場騷，緹緹睇足16場，惜兩年後分手。緹緹先後嫁過Glen Ross和嚴錚，今年11月再嫁張倫碩。
來源:
http://hk.apple.nextmedia.com/entertainment/art/20160912/19767690
【動畫】新歡前度一齊住離婚婦：幸福過以前
1 :
GS(14)@2016-10-10 16:14:29情侶分手往往「再見不是朋友」，但英國作家戴爾（Deri Robins）不但與前夫「老友鬼鬼」，更加上新歡三人同住，她近日在網上分享當中生活點滴。50多歲的戴爾與前夫吉姆（Jim）結婚25年、育有3名孩子；因日積月累的問題，兩人關係於2009年時跌入谷底。戴爾後來出差時遇上馬爾（Mal），隨即陷入熱戀，令她決定離婚。不過馬爾無錢買樓，吉姆又不想賣掉共有的房子，經協商後，三人決定展開同居生活，吉姆更替馬爾搬屋。戴爾表示，兩位男士年紀相若、有共同興趣，三人共餐時，兩男往往「雞啄唔斷」，戴爾亦樂得先行離座，享受私人時間。生活方面，早睡早起的吉姆，用廁所的時間，剛好與另外兩名「夜鬼」錯開，不用「爭崩頭」。雖然要替兩位男士放下廁所板頗為麻煩，但戴爾稱自己多了個依靠，有東西要維修可找吉姆，需要講價時則有馬爾幫忙。三人同居5年後，吉姆為新女友搬走，適逢戴爾要做乳癌手術，失去最好朋友陪伴，戴爾曾十分失落。直至早前吉姆結束戀情，要求「回巢」，戴爾與馬爾表示無任歡迎。戴爾稱過節日時，三人總會與孩子一家六口慶祝；現時十分幸福，難得前夫與現任一拍即合，認為自己很幸運。英國《每日郵報》
來源:
http://hk.apple.nextmedia.com/international/art/20161010/19796490
【港女幸福過韓女】港女想知USB有幾爽 港男想試M到有幾痛
1 :
GS(14)@2016-10-18 08:15:28女扮男裝嘅樂瑥就咁衝入舞女房，啲舞女以為畀人睇蝕晒。(《雲畫的月光》截圖)
【三個粉絲追韓劇】熱播韓劇《雲畫的月光》劇情越嚟越緊張，女扮男裝嘅洪樂瑥（金裕貞飾）因為係逆賊之女而面臨殺身之禍，想知世子（朴寶劍飾）救唔救到佢，就要追住今晚播出嘅結局篇。樂瑥由細到大都要女扮男裝其實相當痛苦，之不過，如果有一日嘅時間畀你可以女變男、男變女，相信會係一個幾難忘嘅體驗！
如果有得變性一日，有港女話要試吓打飛機、做USB壞男人，
韓女就話想去男廁「目及」嘢。
豪邁啲嘅港女話想試吓喺叢林屙噓噓，
又話想用男人聲講粗口！咁港男呢？話想試吓M痛有幾痛，
想試吓做娘娘收兵，
兼釣吓金龜喎！
無論是港男港女，定韓男韓女，一聽到可以變性一日，都即刻諗起性事。有港女就話想試下打飛機、做「USB」壞男人，有韓女就話要去汗蒸幕沖涼，去男廁「目及」嘢，或者喺街四圍媾女。有啲女仔豪邁啲，就話要用男仔嘅聲線講粗口、喺叢林屙噓噓。男仕呢？竟然想體驗吓嚟M，話啲女仔成日講到好痛咁，想試吓係咪真係咁痛喎，又有男仔話想試吓做娘娘收兵或者釣金龜。
如果有得揀，大家想做男仔定女仔？
結果發現多數人想做男仔，覺得方便簡單啲。
不過呢位韓男就話想做女仔，因為唔使當兵喎！
雖然性別係天性嘅，不過問到如果有得揀，想做女仔定男仔，發現七成受訪者都揀做男仔。港女Charlie話因為唔想戴bra，最重要喺床上可以做主動嗰個！有男仔就話唔想做女仔，因為嚟M好辛苦，或者怕生仔好痛。viu韓劇導賞員阿愁和Daniel都話要做男仔，阿愁覺得男仔之間無咁多勾心鬥角，相處簡單啲，Daniel就話男仔唔使化妝咁麻煩，沖個涼就可以即刻出門口。而想做女仔嘅，多數本身都係女仔，覺得畀男仔遷就好啲，而且着衫又靚啲，仲可以化妝，做男仔太單調。有位韓仔都話想做女仔，因為唔使服兵役喎！
其實韓國係大男人主義社會，做男仔着數啲o架！(《雲畫的月光》截圖)
韓女就呻話如果有bb要放產假，啲同事會畀臉色你睇。
其實尤其對於韓國人嚟講，做男仔點都着數啲，因為韓國係大男人主義社會。有韓女就話女人打工最麻煩係有咗BB，佢話：「雖然放產假係好正常，但係啲同事要做埋你嗰份，就會畀臉色你睇！」韓女Choe Ji Su覺得韓國喺男女平等方面仲未做到，所以有「玻璃天花」呢個形容詞。「玻璃天花」即係睇到目標，但上唔到位。《經濟學人》由2013年起首創「玻璃天花板指數」，從教育、就業、人工、做唔做到老細等因素，比較各國職場女性嘅地位同平等狀況，韓國每年都排榜尾，所以計落如果做女人，都係做港女好啲！
呢位韓女都話韓國未夠男女平等，女仔面對「玻璃天花」。
《經濟學人》有「玻璃天花板指數」，比較各國職場女性嘅地位同平等狀況，韓國每年都排榜尾，所以計落如果做女人，都係做港女好啲！(網上圖片)
主持：動主播阿仙、viu韓劇導賞員阿愁和Daniel記者及繙譯：卓惠媛(Joyce)攝影：陳家文、李錦鏵《雲畫的月光》片段由Viu提供：
https://goo.gl/LCYTGt【三個粉絲追韓劇】
http://hk.apple.nextmedia.com/enews/animation/kfans/
來源:
http://hk.apple.nextmedia.com/entertainment/art/20161018/19804243
Next Page