Kay摺靚銀紙封利是
1 :
GS(14)@2016-02-10 14:18:54■謝安琪笑言見到一枱紅色利是就會開心，囝囝比她更細心。攝影：葉君海
已為人妻兼人母的謝安琪（Kay），每逢農曆新年必定忙個不停，由於工作忙碌，團年飯要預早至少一個月約：「我同張繼聰都忙，有時好內疚，要老人家就我哋。」她又說：「我係好傳統嘅女人，年廿八洗邋遢、換新衫嗰啲我一定做到足。以前仲會整糕，阿公（蘇永康）年年都等我啲糕，不過而家唔整咁多，唔想浪費。」
Kay最愛的新年活動是包利是，她笑指自己強迫症：「我見到枱面全部紅色擺得好靚咁就開心，然後一定要摺得好整齊先可以入利是。」兒子張瞻亦會幫忙包利是，同樣會摺得整整齊齊，還比Kay細心：「佢會數埋銀紙啲號碼，佢發現原來啲靚號碼會俾人抽起，初時我仲驚佢入錯，一陣畀咗吉封人就弊啦。」採訪：盧妹
來源:
http://hk.apple.nextmedia.com/entertainment/art/20160210/19485267
尾場又喊又笑攬華仔Fans拆天Kay哭別自己
1 :
GS(14)@2016-04-18 12:11:39■Kay在個唱尾聲唱《囍帖街》時，忍不住用手遮眼爆喊。
入行十年的人妻謝安琪（Kay），前晚假紅館舉行尾場「拾回謝安琪數愛世界巡迴演唱會」後，正式暫別樂壇了！甫開場Kay即high爆說：「我今晚唔留力㗎喇，我想分享過去十年音樂路程冇枉過，令我驕傲！」為了有一個完美暫別，Kay請到偶像劉德華做尾場嘉賓，兩人又跳又唱《我恨我痴心》，Kay肉緊抱抱又用手掃華仔心口，觀眾尖叫拆天，唱完後華仔反客為主笑說：「再一次畀掌聲安琪！」還攬着Kay的腰落台令她冧爆。另一嘉賓樂隊Supper Moment就大讚Kay是香港女神，前晚她再唱《雞蛋與羔羊》和《家明》，觀眾鼓掌大叫：「謝安琪！我愛你！」
做好家庭崗位
尾聲時臨別依依，Kay唱《拾回》喊着多謝作曲的馮家俊，之後唱《The One and Only》再度眼濕濕，到《囍帖街》更用手遮眼哭着說：「有一個人，我從來都冇多謝佢，我今晚想多謝佢。佢其實好細膽，唔算係好有自信心嘅人，唔係好識交際應酬，所以佢唔係好多朋友。佢經歷好難頂嘅時候，佢就嚟死㗎喇，但佢都捱過咗。呢個人，就係十年前嘅自己。」最後Kay唱完《山林道》完場，在觀眾安歌下再出場唱《跟我走》。之後Kay出席慶功宴，否認與經理人夏森美不和才暫別，她說：「呢啲係外太空消息，我哋一路都係好友，我今次休息佢都好體諒，係佢提醒我嫁人後要好好照顧屋企。」之後會否自組公司？她說：「我真係休息嘅，要做番好家庭崗位。」問為何不多謝老公張繼聰？她笑說：「我成個人都返屋企喇喎，佢應該多謝我先。我為咗佢放低工作，都有所犧牲㗎！」至於夏森美亦否認跟Kay不和：「呢啲係juicy嘅講法啫，如果鬧翻好多公司會玩雪藏，你見我哋做嘢都係盡心盡力。」採訪：盧妹攝影：陳俊強
■前晚尾場個唱，Kay邀得偶像華仔任嘉賓，她更用手掃華仔心口。
■獲台下fans支持的Kay，以一曲《山林道》完場。
■張繼聰前晚現身Kay個唱慶功宴力撐老婆。
來源:
http://hk.apple.nextmedia.com/entertainment/art/20160418/19575265
多年積怨：無綫訪問Kay被趕
1 :
GS(14)@2016-05-21 18:29:43由環球唱片、華納唱片、EMI與Sony Music組成的香港音像聯盟（HKRIA），於2009年底至2013年3月，跟無綫電視就音樂作品版稅收費問題引起爭議，其間四大唱片歌手遭無綫全面封殺，激發雙方恩怨。
謝安琪（Kay）
在2009年12月的活動上，無綫娛樂記者欲訪問她時，遭環球唱片保母中止，並拉走記者，令封殺行動升級。
張學友
於2010年1月破天荒接受亞視《時事追擊》訪問，其後又接受林曉峰主持的亞視節目訪問，令HKRIA旗下歌手陸續現身其他電視台。
陳奕迅（Eason）
2011年10月擔任亞視的《亞洲星光大道4》表演嘉賓，並表示一向都主張歌手可以有多些平台宣傳。
陳慧琳（Kelly）
去年8月無綫突然反口，通知Kelly所屬環球唱片不用演出保良騷，其後Kelly回應事件時，指無綫跟唱片公司有拗撬，直指雙方關係一向不太好。
來源:
http://hk.apple.nextmedia.com/entertainment/art/20160520/19619596
張繼聰認與Kay：係計劃再生
1 :
GS(14)@2016-09-07 21:46:17■張繼聰和吳家麗前晚出席電影《今晚打喪屍》煞科宴。
張繼聰老婆謝安琪（Kay）近日被影到孕味濃，肚凸凸現身，張繼聰說：「好多街坊有恭喜我，而我暫時都冇乜可宣佈。」暫時不可公佈？他說：「唔講得就直情唔講得，多謝大家祝福，我可以講我老婆好開心，我哋全部都好開心，全部收到大家關懷，講得會講。」
有腩老婆正
可覺Kay有肚腩？張繼聰笑言：「我做老公唔會見到呢樣嘢，我老婆咁正。佢係放咗幾個月假，食咗好多好嘢。」是否有計劃再生？他說：「係呀！我哋都鍾意小朋友，如果有咗一定會同大家公佈。」
來源:
http://hk.apple.nextmedia.com/entertainment/art/20160907/19762606
揀比華利山別墅築愛巢JM同Kay楊怡做鄰居
1 :
GS(14)@2016-10-21 05:28:06「模Art」文詠珊( Janice Man)同「iBANK筍盤」吳啟楠(Carl)感情穩定，仲話佢哋好事近，喺比華利山別墅揀咗個2,500萬三層單位築愛巢！其實位於大埔比華利山別墅，各座洋房大致外望吐露港海景或者船灣海景，兼且遠離市區，低密度，吸引到唔少藝人入住。好似最近再度有喜嘅謝安琪(Kay)同老公張繼聰，就係租住翠樺道雙號屋。三年抱三嘅陳豪，13年就買咗比華利山湖景道雙號屋。而楊怡同大埔居民羅仲謙結婚後，都揀番大埔住，以四萬蚊租比華利山別墅，實行大埔居民居大埔。
來源:
http://hk.apple.nextmedia.com/entertainment/art/20161021/19807398
圓潤Kay拖老公出巡
1 :
GS(14)@2016-11-27 14:27:44■大肚謝安琪因天氣轉涼，已戴上冷帽及加厚外套保暖。
謝安琪（Kay）現正懷有接近5個月身孕，將為老公張繼聰添一名女兒，和囝囝張瞻湊成一個「好」字。臉龐圓潤的Kay目前放下工作專心養胎，不過安胎生活總會帶點沉悶，所以阿聰一有時間就會多陪老婆，日前夫婦二人就現身尖沙嘴海港城商場逛街，全程甜蜜拖實手，甚為恩愛。其間有熱情途人跟阿聰打招呼，他即友善揮手回應，Kay回頭望時亦不禁露出幸福的微笑。預產期在明年3、4月左右，大肚Kay雖然穿上寬身外套，但身形明顯豐滿了不少，臉珠圓潤，不過動作依然敏捷，心情不俗，笑容滿面。而近日天氣轉涼，她亦做足保暖措施，戴上冷帽及加厚外套。採訪、攝影：陳順禎
來源:
http://hk.apple.nextmedia.com/entertainment/art/20161127/19846692
張繼聰讚大肚Kay省鏡
1 :
GS(14)@2017-01-08 19:02:45張繼聰、唐寧、朱凱婷及胡諾言等昨日在金鐘出席「第4屆童跑同樂馬拉松」，對於日前大肚謝安琪（Kay）在facebook上載尖面相，並留言指現時好肥很難影到正常相，其老公張繼聰說：「唔算走樣，我好主觀，覺得佢冇變過，仲好省鏡。」談到Kay日前穿厚底鞋出街，他說：「成隻鞋都係同一高度，好安全，加上老婆行得好慢，佢朋友或者我都會扶實佢。」
■唐寧昨帶兩歲囡囡「嗡嗡」一起到場。
唐寧攜同女兒「嗡嗡」到場，她指女兒快兩歲，現時與大仔同讀一間幼稚園，對於大仔升小學，她說：「遞咗表，冇特別考邊間。」採訪、攝影：黃曉妍
來源:
http://hk.apple.nextmedia.com/entertainment/art/20170108/19890019
Next Page