黃翠如教蕭正楠食榴槤
1 :
GS(14)@2016-08-09 07:10:51黃翠如昨日於黃埔出席「小魔王挑戰賽」決賽，翠如BB指自己懂得4、5個魔術，最厲害的是變走錢幣，但男友蕭正楠卻嫌不夠精采，她笑說：「佢睇一半就走咗，嫌變銀仔太流。」剛從馬來西亞回港的翠如自爆吃了20粒榴槤後肚痛，她買了大量貓山王回港給親友分享，可惜男友不懂欣賞，她說：「我會教佢乜嘢為之世界美食。」提到陳倩揚離開無綫，有指跟余詠珊引入大量「有線幫」有關，屬「有線幫」的翠如BB說：「我好鍾意倩揚，一入TVB佢就介紹我用乜嘢皮膚敏感藥，希望倩揚有多啲嘢做，佢做戲好好睇，希望佢可以拍多啲劇。」不希望她留TVB嗎？翠如說：「希望佢喺TVB，地球係圓嘅，好多人都返TVB。」採訪：羅慧敏攝影：陳慧安
來源:
http://hk.apple.nextmedia.com/entertainment/art/20160808/19726805
巨胸黃翠如手損奇瘀 公開徵男友「呵」
1 :
GS(14)@2016-08-20 11:41:4718歲巨胸翠如鄧月平(Larine)，喺今屆ViuTV嘅選美真人騷，年紀最細，但上圍最大，屬於頂頭大熱嘅佢，經常喺ig貼食物相，唔難估，呢排巨胸翠如磅數確有上升危機，為咗keep住個身形，近日佢狂打拳又跳舞，結果搞到手損腳瘀，十足梅花腳咁樣！巨胸翠如日前就貼咗自己去旺角新世紀嘅大食代食飯，留言話有人問佢收幾點兼叫佢睇袋，搞到佢都開始懷疑自己係咪餐廳職員，不過最重要係佢之後呢句：「好想有個男朋友！」、「好想有個男朋友！」、「好想有個男朋友，我可以所有嘢食一啖然後佢幫我清晒！」——重要嘅說話梗係要講3次。巨胸翠如貼完呢句「好想有個男朋友！」，即刻引嚟唔少網民求「男友」一職，「筍工」喎！梗係多人爭啦！
來源:
http://hk.apple.nextmedia.com/entertainment/art/20160820/19743781
不甘遭洪永城喪鬧黃翠如向唐詩詠投訴
1 :
GS(14)@2016-09-01 06:24:25又係黃翠如洪永城（Tony）again，不過今次冇摩天輪做佈景，亦都冇阻住巴士上落客，因為佢哋昨日係去咗電視城，為新劇試造型。同場仲有黃浩然、傅嘉莉、陳煒、莊思敏等等。今次翠如BB同洪永城合演夫妻，男方大讚翠如有喜感，又話自己喺喜劇drama上節奏感比翠如差；翠如就猛話唔慣拍鬧交戲，最唔慣係洪永城會鬧贏佢。洪永城自認喜感唔夠，但佢絕對係一個認真人，就連翠如都頂佢唔順，投訴洪永城拍鬧交戲嗰陣好惡同好用力：「太惡喇！將私人恩怨擺晒出嚟！」洪永城聞言竟然話係要發洩喺佢身上！咁變態？翠如話：「有次Tony(洪永城)鬧多咗我，之後我打俾Natalie（唐詩詠），將對Tony嘅發洩話佢知，Natalie話佢就係0架喇！」咁拍嗌交戲之餘都有親熱戲，咁點？黃翠如話覺得難，洪永城就話一般般：「因為我好多情感，容易投入。」睇得出。
來源:
http://hk.apple.nextmedia.com/entertainment/art/20160901/19756335
好驚粗口嘅黃翠如遇上爆粗港姐馮盈盈
1 :
GS(14)@2016-09-17 16:15:47■好驚粗口的黃翠如（左）昨日遇上爆粗港姐馮盈盈，兩人正襟危坐眼神沒交流。
而馮盈盈昨到將軍澳出席活動，被問到在短片疑似講粗口？她死撐說：「咁其實疑似呢，實際係冇嘅，係為咗整個節目效果，我哋做呢個少少效果出嚟增加趣味。」對於她在片中說「嘟咗佢」，馮盈盈支吾說：「當時我哋係為咗整條片加少少有趣嘅位。」
翠如讚有智慧
至於曾表示「好驚粗口」的黃翠如，昨日跟爆粗港姐馮盈盈同場，兩人並排而坐沒眼神交流，問到會否接受馮盈盈講粗口？黃翠如說：「唔會唔接受，呢啲嘢好個人，但自己就冇呢個習慣。」對於馮盈盈被揭爆粗，她說：「佢好勇敢，啱啱入行多人關注，依然處理得好好，好有智慧，自己都要同佢學習。」問男友蕭正楠有否講粗口？她說：「以我記憶就冇，我們好少會嗌交，唔會嬲到要講粗口，尤其佢而家身體好弱，我都唔捨得蝦佢！」採訪：王梓嫚
來源:
http://hk.apple.nextmedia.com/entertainment/art/20160915/19770895
為朱凱廸出力黃翠如文青胞妹接棒敢言女神
1 :
GS(14)@2016-09-17 17:32:46■黃翠如的胞妹Ellen被爆為朱凱廸拍助選宣傳片，翠如BB回應指會尊重妹妹選擇自己的路及方向。資料圖片
無綫花旦黃翠如曾於17歲時以學生身份評論六四，被封為「敢言女神」。原來與她餅印一樣、中大藝術系畢業的五妹黃曉琪（Ellen）也關心時事，早前更為新界西選區票王朱凱廸拍選舉宣傳短片，以一股文青姿態在片中感嘆眼前環境令她陌生，仙氣不比胞姊弱。熱血的Ellen曾於雨傘運動期間支持學生，更曾在Ig留言毋忘初衷。
現年34歲的無綫花旦黃翠如於17歲時，曾以中六預科生身份在港台《鏗鏘集》中談及對五四運動、六四事件的看法，被封「敢言女神」。翠如BB的敢言、熱衷時事性格後繼有人，原來她的五妹、今年畢業於中大藝術系的黃曉琪，除擁翠如BB甜美樣貌外，亦關心時事，早前更有幕前演出。日前讀者張先生爆料，指Ellen為以「民主自決」為理念的新界西選區票王朱凱廸，拍攝了一條名為《狐狸先生，幾多點？》的選舉宣傳片，朱凱廸亦有在fb上載此短片，瀏覽人數高達45萬。
■黃翠如胞妹Ellen今年畢業於中大藝術系，在Ig貼托起雙腮的可愛相。
■Ellen在短片中被狐狸先生催眠，表現迷茫，但仍難掩其文青仙氣。
獲讚低調有仙氣
在片中，跟翠如BB餅印一樣的Ellen，以一身白衣造型出現在夢中，散發出文青仙氣，被飾演狐狸先生、曾拍過反思發展與保育問題獨立電影的著名視藝科老師楊秀卓催眠，覺醒後的Ellen說道：「停喺呢一秒，我幸福，但係我一無所有，我只係想面對番真實嘅時候，可以掌握到自己嘅靈魂。」當中Ellen有交足戲演繹迷茫、幻失的眼神，最後返回現實，在輕鐵車廂中與朱凱廸微笑點頭。張先生日前談及短片時表示：「有好多人睇過，不過唔係好多人知道呢個故事，Ellen係一個好低調嘅女仔，從來唔會自稱係『黃翠如個妹』，片中嘅導演小野同佢多次合作，攝影師羅豆都讚佢係難得一見，令人好想同佢影相嘅仙氣女神。」
■短片中還有在輕鐵車廂中取景，Ellen與朱凱廸互相點頭微笑，表達支持對方的從政理念。
朱凱廸
■當年17歲的翠如ＢＢ曾在港台節目，以學生身份討論五四運動。
「尊重家人的決定」
本報記者日前聯絡Ellen，她在電話中表示：「唔好意思，我唔想做訪問，bye bye！」而翠如BB對於胞妹為朱凱廸拍片一事，前日透過短訊回覆說：「家人的每一個決定，我都會尊重，我愛他們，只要他們做自己喜歡做的事，我都支持，每個人都有權選擇自己的路和方向。」Ellen除了拍片力撐主張「民主自決」、反「官商鄉黑」的朱凱廸，她本身都熱血關注民主，如曾在Ig貼圖支持雨傘運動，身處佔領區的她，近距離面對防暴警察，更留言道：「請不要忘記初衷。」採訪：非非、唐琛悠
來源:
http://hk.apple.nextmedia.com/entertainment/art/20160916/19771855
修讀藍帶課程 黃翠如三妹 黃麗茵：容祖兒係我食客
1 :
GS(14)@2016-10-05 05:24:222016-09-28 EW
修讀藍帶課程
黃翠如父親黃永華由街市賣魚佬，升呢當上市公司老闆後，家中排行第二的黃翠如，一度被喻為「78億千金」，黃家的五朵金花也廣為人注意。
繼五妹黃曉琪為候任立法會議員朱凱迪拍助選短片後，八十後藝術家的三妹黃麗茵也浮上面，在日前的活動大獻廚藝。於藍帶修讀課程的她，將藝術混入烹飪，連天后容祖兒也是其食客，不過她卻自謙︰「我只係廚房小蝦毛。」
自學廚藝
黃麗茵（Cam）自○六年畢業於中文大學藝術系後，曾於海外多地舉辦個人藝術展。不過藝術創作並非人人都懂，二家姐黃翠如曾表示︰「我細妹係畫家嚟嘅，佢係八十後畫家，佢嘅作品好深㗎。」
擁有一雙巧手的黃麗茵，揸畫筆出色，揸鑊鏟一樣了得，隨着獨自到紐約生活，自己要搞掂三餐，由對廚藝一竅不通到上年考取藍帶國際學院馬德里分校的西班牙烹飪文憑課程。近日她晚上化身廚師，黃翠如也曾聯同大家姐及自小相識的鄰居好友容祖兒到其餐廳撐場，天后也大讚「巧厲害」。她說︰「以前細個阿媽唔畀入廚房，但喺紐約就開始煮嘢食。我唔鍾意法國菜，因為太精緻，反而鍾意西班牙菜，款式有啲似中國菜。我讀藍帶，就可以攞一張通行證入廚房玩。其實我只係廚房小蝦毛，試過煮西班牙菜畀屋企人食，但佢哋反應好似麻麻哋。」
一門五傑
黃氏一家共五姐妹，雖然全是女，不但容貌相似，且全都學有所成。家中排行第二的黃翠如因是無綫花旦，較多人識，而黃麗茵是老三，大家姐黃翠紅是工程師，跟容祖兒和王祖藍是同班同學；四妹黃曉芙是 CNN旅遊編輯，現留在倫敦開了間「Lub Lub London」賣港式雞蛋仔；五妹黃曉琪同是修讀中大藝術系，因早前為朱凱迪拍了短片，睇完的網民均大讚有「仙氣」。
不過五姐妹當中，黃麗茵小時候自覺二家姐最靚女，曾以「童話中漂亮公主」來形容。問及長大了有否新睇法？她說︰「二家姐以前講靚女唔放屁唔疴屎，我細個時真係信唔屙屎㗎。至於大家姐，以前我被阿媽打，佢會為我擋。 家二家姐成日問我要唔要買嘢？佢有discount喎。」
文人老竇
五姐妹相處融洽，無所不談。至於父親黃永華，突然升呢為身家過億的上市公司大老闆，在外間看來是個傳奇人物，但在黃麗茵眼中，父親卻只是個才情橫溢的文化佬，她在紐約短暫生活時，曾收到父親充滿詩意的家書。她說︰「佢喺鄉下讀好多書，啲老師原本攜佢去讀清華大學，但後來嚟咗香港，為生活而賣魚。佢寫中文字好靚，以前同我喺大陸教書嘅公公一齊寫揮春，公公好喜歡我爸爸嘅文采。我爸爸之前有寫詩，記錄喺本簿，但被人偷咗。」
對於家庭一夜變富，她直言︰「我哋係humble family（謙遜家庭），都係咁正常生活，同以前無分別。」她笑言家人突然成為外間焦點，母親最為不習慣，曾被人問及是否「黃翠如媽媽」，竟不知如何反應，最後女兒教她笑着點頭就夠了。
慈善饗宴
剛於上周六（廿四日）首度參加聲音掏腰包及現在音樂聯辦的《Feeding Frenzy音樂饗宴》的她，一小時要煮十道菜，要跟時間競賽，絕不容易，「之前喺藍帶上堂時，啲老師好惡咁猛push我哋，都有啲怕煮唔切，但有信心搞得掂。我都煮過畀朋友食，佢哋覺ok，都有煮過brunch畀二家姐食，佢梗係讚個妹啦。但我唔會教佢烹飪，因為佢喺呢方面冇概念。」
不過是次公開大獻廚藝後，她指因出年有三個個人展覧，要重新分配時間，「我好鍾意擺展覧，雖然內容可能好飄渺，但好多人嚟同你握手，分享佢哋嘅觀後感。」看來要一嘗她的手藝，似乎要盡早訂枱。
撰文、採訪☆娛樂組 攝影☆何國豪場地提供☆A side/B side 設計☆黎志堅
《幕後玩家》 賤男Bosco 搞散黃翠如蕭正楠
1 :
GS(14)@2016-11-29 07:55:28大台劇《幕後玩家》就嚟大結局，開始進入高潮，有角色開始變奸，又會有角色會死，感情關係七國咁亂，要幾複雜有幾複雜。黃翠如嘅角色顧成雙都ready變奸喇！喺劇中同「Sean」蕭正楠離婚；不過有網民就覺得翠如BB始終太靚女，點奸都奸唔嚟，唔多buy翠如BB做奸角喎。話晒翠如一直做「乖乖女」嘅角色，演技要跳出觀眾「框架」都唔係咁易！網民嘅評價係「翠如好用力咁話俾我哋知佢開始變奸」、「我覺得係翠如做唔到奸角，不過翠如呢種性格奸起嚟好恐怖」。跟住就嚟劇透……小心小心!!
o依家劇情暫時講到翠如一直以為Bosco係好人，唔知對方害死間接胞弟陸永，仲想同Bosco聯手，對付家姐陳煒。之後劇情嘅發展又係估唔到，Bosco同老婆(龔嘉欣)同情婦(劉佩玥)分手後，會走去撬老友牆腳，狂追翠如BB；「雙黃」連成一線攞咗間公司嘅控制權。跟住翠如BB會越變越衰，利用完蕭正楠就同對方離婚，轉去同Bosco喺埋一齊。嚟緊仲有兩星期就大結局《幕》劇，啲衰人呼之欲出喇，不過原來除咗Bosco同翠如BB之外，仲有一個「幕後玩家」，到底邊個會係最終Boss呢？
來源:
http://hk.apple.nextmedia.com/entertainment/art/20161129/19849186
Next Page