【港女補課】女拳王過招 女生防襲自衞術
1 :
GS(14)@2016-03-09 16:59:39深水埗連環襲擊案之後,那邊廂又發生大角嘴斬人事件,剛巧全部受害人都是弱質纖纖的女生,令城中絲打們外出時特別擔心。
除了要一眼關七,有能力自保也很重要,勇奪2015年世界泰拳業餘錦標賽銅牌,以及2014及2015年香港泰拳冠軍爭奪戰冠軍的女拳王曾海蘭Nana說:「女生的體力沒那麼大,遇到襲擊時不宜與對方硬拼,反而應爭取機會逃走。」她更示範了數招,弱質纖纖的女生都能做到。
女拳王曾海蘭Nana
【正面襲擊:擋手頂膝】1.先踏前以交叉手頂着對方前臂,防止武器接近。
【正面襲擊:擋手頂膝】2.然後順勢拉低對方並頂膝攻擊對方腹部,馬上逃走。
【正面襲擊:拉臂頂膝】1.遇上胸襲時可撥開對方前臂,截停對方攻勢。
【正面襲擊:拉臂頂膝】2.借勢拉着對方上臂並把對方拉近自己膝頭,頂膝後逃走。
【旁側襲擊:扭腰批踭】1.借用轉身的力把手肘向上攻擊,打對方的面部。
【旁側襲擊:扭腰批踭】2.拳王Nana指擂台上不少人都因此暈倒。
【從後箍頸:護頸撻沙】1.保護自己的頸部避免窒息。
【從後箍頸:護頸撻沙】2.蹲下鞠躬,利用槓桿原理把對方撻在地上。
記者:羅祖兒攝影:林栢鈞
來源:
http://hk.apple.nextmedia.com/su ... t/20160309/19521638
不屑被指博宣傳再過招 康仔等鄭紹康律師信
1 :
GS(14)@2016-09-13 08:04:24■大前晚出席活動的鄭紹康,曾祝蘇永康新劇收視高開。
蘇永康與「天下第一關」鄭紹康的恩怨情仇,始於徐濠縈私人Instagram流出陳子聰病癒消瘦的相片,康仔上周五出席活動指鄭紹康與照片外洩有關,再爆兩年多前被對方以3,000元「侮辱價」邀出活動,越講越火滾。康仔前晚與Super Girls等人,出席新城為C AllStar舉行的「唱好C AllLove Concert」,對於不少人都似乎受過鄭紹康的氣,他表明不便回應,但他說:「曹操都有知心友,關公都有對頭人,我呢啲曹操都有知心友,何況佢係『天下第一關』,關公嚟㗎嘛,實有人支持嘅,有冇後續就要睇鄭生喇。」昨日康仔再接受本報電話訪問,他說:「今早律師問我收到鄭先生律師信未?我未收到,我亦打咗畀經理人公司,都話冇收到,我唔知鄭生係咪採取法律行動,唔緊要,等佢啦!」
■蘇永康(中)前晚出席C AllStar在灣仔舉行的音樂會任嘉賓。
■Super Girls與C AllStar四子上演「九男女」同床。
揚言朋友多
至於鄭紹康祝他新劇收視高開,暗示他借事件博宣傳,康仔不屑話:「我諗咁樣睇法,首先呢部劇喺無綫播,主角係吳啟華、宣萱、陶大宇,我係二打六演員啫,坦白講小弟真係要宣傳㗎,我喺圈裏面冇乜嘢多,人緣唔錯朋友好多,如果我真係要宣傳,吹雞就會好多人幫我,點都唔需要勞駕『天下第一關』鄭生幫我做呢件事。」問到鄭紹康是否稱得上「天下第一關」?康仔謂:「咁打得大家姐(何超瓊)工,做得CEO,雖然我唔認同佢嘅方式,但喺呢個行業咁耐始終有原因,係咪『天下第一關』見仁見智,我諗媒體朋友比我更清晰。」採訪:王連連、皓騫攝影:沈健程
來源:
http://hk.apple.nextmedia.com/entertainment/art/20160913/19768752
宋再臨想同甄子丹過招
1 :
GS(14)@2016-09-17 16:15:54韓劇《我們的甲順》男星宋再臨昨日現身旺角朗豪坊,出席代言品牌Laneige活動,吸引過百粉絲撐場,連黃日華愛女黃芷晴、陳嘉寶(Anjaylia)、運動員呂麗瑤等人亦有撐場見oppa。宋再臨先用廣東話同粉絲打招呼,又自爆想與甄子丹拍港產片,不過他直認打功夫麻麻。對於與劇中拍檔金素恩傳緋聞,宋再臨就直認二人十分合拍,金素恩得知他來港亦有傳短訊。及後宋再臨與幸運粉絲台上合照,又派心心及送抱。另外,經常現身韓星活動的黃芷晴笑說:「我好鍾意睇韓星嘅MV,雖然成日追星都會被男友詐型,不過佢都好迷韓片《屍殺列車》,搞到我都中咗毒,嚟緊想同父母睇多次。知道之後有前傳《屍殺前傳:首爾站》上映,我都打算去睇。」採訪:梁展雯攝影:陳俊強
來源:
http://hk.apple.nextmedia.com/entertainment/art/20160915/19770867
張振朗被稱大台花王陳瀅龔嘉欣都中過招
1 :
GS(14)@2017-02-05 10:39:40「翻版Cool魔」張振朗近年被大台力捧,雖然喺《愛.回家2》擔正,不過都未係算一線,所以佢避忌講起同34C陳芷尤嘅感情事,就算次被影到都否認;當然陳芷尤都係統一口徑話:「張振朗未係我男友。」不過講番轉頭,其實張振朗喺大台有個「大台花王」嘅朵,點解?皆因佢由入訓練班開始好有女人緣。有傳張振朗仲喺訓練班嗰陣被指似黃宗澤,得女高層曾勵珍、余詠珊歡心,所以《愛.回家2》就畀位佢上。除咗得女高層歡心,張振朗喺拍劇嗰陣同對手傳過緋聞。有傳佢同陳瀅拍劇時過電,因為當時撞啱陳瀅被猷亨飛甩,所以「花王」就乘虛而入,大獻殷勤。到《愛.回家2》入面,張振朗同龔嘉欣差唔集集都孖公仔現身,而且仲有咀嘴戲份,唔知係咪啜出感情,有傳龔嘉欣刻意等埋對方先收工,喺社交網絡上面成日「晒恩愛」,激到正印陳芷尤忍唔住,要喺上年東華籌款上演一場「天若有情」宣示主權呀。
來源:
http://hk.apple.nextmedia.com/entertainment/art/20170203/19916811
【婆媳過招】秦舒培搵奶奶湊女
1 :
GS(14)@2017-07-02 14:19:32自古以來婆媳關係玄妙,有奶奶會覺得兒子被搶走,又有奶奶會覺得多了一個親生女,無論如何,良好關係是需要經營的。
秦舒培【輕鬆掃貨】
今年3月為陳冠希誕下女兒,為怕女兒曝光受批評影響成長,將她交給奶奶照顧,所以日前秦舒培可以陪陳冠希到東京大出血,繼續過其自由自在的生活。
吳若希【婚期受阻】
今年4月為澳門闊少男友何兆鴻誕下囡囡,有指未來奶奶對吳若希性格有意見,亦有指雙方對湊B方法有分歧,吳若希曾阻撓兩老探孫,因而婚期受阻。
方媛【下廚送禮】
嫁給出名孝順的郭富城,讓80多歲的奶奶一嘗抱孫心願。方媛成功懷孕,初入門已深得奶奶歡心,為奶奶親自下廚,母親節又到名店買禮物,相處融洽。
陳凱琳【結伴睇騷】
獲鄭嘉穎公開女友身份後,即行奶奶政策,嘉穎做騷,她拖着鄭母撐場,又大讚鄭母非常可愛,大家相處很好,難怪嘉穎扮呷醋指媽咪錫女友多過自己。
來源:
http://hk.apple.nextmedia.com/entertainment/art/20170702/20075751
Next Page