📖 ZKIZ Archives

港視走投無路　藝人作最壞打算 艾威：賣車賣樓移民台灣

1 : GS(14)@2014-03-18 23:20:53

http://hk.apple.nextmedia.com/entertainment/art/20140318/18659626

                              【電視風雲】政府再度出招力阻香港電視網絡（HKTV）開台，不但令老闆王維基走投無路，更令不獲港視續約的艾威淪為失業大軍，前路茫茫。艾威昨形容今次事件是個災難，為了生活，他計劃變賣家當：「先賣錶，跟住賣車，最後係賣樓，賣得幾多得幾多！」他甚至考慮退出娛樂圈，並撤出香港移居台灣。

                港視開台無期，除現時正在拍攝的兩部劇集《惡毒老人同盟》、《大眾情性》及綜藝節目《HKTV"Working"Holiday》繼續拍攝外，其他製作被迫一律叫停，而約滿的港視藝人即使願意減薪、減騷也於事無補，齊齊不獲港視續約，令不少藝人頓感前路茫茫，淪為失業大軍，本月初已約滿港視的艾威便是其中之一。

              ■艾威見港視地盤重門深鎖，唉聲嘆氣。

「嬲到跳起」

                艾威昨重臨港視位於將軍澳工業邨的地盤，見到地盤「一潭死水」時倍覺感慨，他說：「而家真係嬲到跳起！今次感覺同上次好唔同，個殺傷力係好大，更加震撼！但有咗第一次經驗，話畀我哋聽，呢個世界乜嘢事都可能發生。咁變咗可能有咗心理預備去迎接呢個災難，會更加積極去計劃一下應該點做。」
對前路感到徬徨？艾威說：「會㗎，咁大個仔未試過回復自由身，因為35年嚟電視台份合約從未中斷過，嗰邊（無綫）33年，加埋呢邊（港視）兩年就35年，假如係後生仔、初初出嚟，冇俾一份電視台合約綁死，未必唔係一件好事，可以有好多新嘗試，因為大把時間，但我而家好似剩番啲時間有限，真係要諗清諗楚到底下一步要點做，係咪真係要退出娛樂圈呢？」
失去電視台合約變成失業大軍，為了生活，艾威不諱言要變賣家當：「假如一路冇收入嘅話，真係要變賣家當。先賣錶，跟住賣車，最後係賣樓。因為使晒啲錢嘅時候，有好多生活上必須開支要繼續，雖然我冇仔女，但都有阿媽、有老婆，仲有啲小朋友助養嘅，有12個小朋友，一個月幾千蚊啦。我有隻勞力士古董錶，下次喺九龍城再撞到發哥（周潤發）嘅話，會問佢有冇興趣。另外有一隻錶都賣得吓錢，賣得幾多得幾多，跟住就賣車啦，兩架賣咁一架，最後就會賣樓。」對於養自己及家人都成問題，會否中止助養計劃？艾威說：「盡量唔好中止啦，咁幾千蚊應該都解決到嘅。」

拒叩無綫門

                艾威月前曾經考慮移民台灣，現時會否重新考慮？艾威說：「係呀，嗰個計劃都可以繼續諗，實行性都幾大，但當我同啲朋友講起，啲朋友就提出反對，話唔需要做到咁悲觀，撤離香港，可能朋友唔捨得我。台灣生活指數低啲。我退可守，但係冇得進攻。我層樓而家都賣到幾百萬。睇吓將嗰幾百萬點分配，投資又好，慢慢搣又好。有好多同事佢哋生活開支唔可以停，例如小朋友教育費，我相信唔係咁多同事好似我咁好彩，有個機會可以買到層樓，作為最後堡壘。」有否考慮過叩其他電視台門？如亞視或無綫？艾威擰一擰頭說：「完全冇諗過。我感覺到唔會死嘅，點都生存到，中國人嗰句，馬死落地行啦。」
採訪：戴彩煥                                                        

---

2 : GS(14)@2014-03-18 23:21:08

http://hk.apple.nextmedia.com/entertainment/art/20140318/18659628


港視走投無路，大大減少藝人出路，助長無綫向藝人提出苛刻續約條件，藝人往往迫於無奈接受。據悉，無綫除計劃將譚玉瑛踢出兒童節目外，楊思琦近日與無綫洽談續約事宜，亦慘遭無綫「㩒住打」，要減她人工。由於楊思琦要獨力養女兒，迫於無奈之下亦只好接受。記者昨曾致電楊思琦，但未獲回覆。
[■楊思琦細心照顧卧病在床的長輩。DV圖片] ■楊思琦細心照顧卧病在床的長輩。DV圖片

此外，楊思琦日前和媽咪開車到灣仔律敦治醫院探望卧病在床的女長者，楊思琦走到床邊對女長者貼心照顧，但對方卻未有任何反應。兩母女探病至晚上8時多才離開，還有其他男親友同行，其間楊思琦又為其中一位阿伯拉好羽絨大衣的拉鏈，相當細心。
採訪、攝影：李志明、吳耀輝

---

胸懷B Cup少年好自卑賣車縮胸重生識女仔

1 : GS(14)@2014-10-10 14:03:33



男士喜歡豐滿的胸部，但當巨乳長在自己身上又當別論了。英國19歲少年埃奇沃思（Charlie Edgeworth），患有荷爾蒙失調，雌激素比睾丸激素多，自13歲起乳房開始「發育」，更達到B Cup水平。他在學校常被同學欺負，豐胸亦令他自卑，在炎夏經常穿着鬆身外套，游泳也不敢脫掉上衣，而且從來沒有交過女朋友。埃奇沃思為了縮胸減肥，一度減至126磅，不料雙乳反而更加突出。經過多年煎熬，他決定賣車，前往波蘭花了1750英鎊（2.2萬港元）進行縮胸手術，每個乳房去掉200毫升的脂肪和腺體組織，以及反轉乳頭。雖然康復期間需穿上壓力衣，但他已覺得人生重新開始，並渴望盡快交到女朋友。英國《每日郵報》




來源: http://hk.apple.nextmedia.com/international/art/20141010/18895690

---

靚女結唔成婚賣屋賣車遊世界做埋作家

1 : GS(14)@2016-01-20 17:47:17

塞翁失馬，焉知非福！英國福姆比一名女子，被拍拖多年的男友拋棄，眼見結婚不成，她毅然賣屋賣車實行環遊世界，更因此令她實現童年夢想，成為一名作家。30歲的柯林斯（Katy Colins）與男友分手後，變賣一切財產，買了單程機票，獨自到泰國、印度、尼泊爾旅遊，之後又到南美洲遊玩半年，而過去兩年，她在法國居住教英文。她說：「每個人都認為我有些瘋狂，尤其我從未獨自一人去旅行，但我覺得正確。我要遠離一切事物及熟識的人，利用這段時間去找尋自己，但其實並非如想像般瀟灑。」她在旅途中一直寫旅遊網誌，原意本來只是想讓家人及朋友知道她的最新情況，但想不到越來越人瀏覽。「有陌生人開始讀我的網誌，又發給我電郵，讚賞我拋棄一切去旅遊，實在勇敢。」不少剛離異的男女聲稱看了她的網誌，獲得很大鼓舞。更令她驚喜是，有出版社找她簽約出三本書。她便以自己的旅遊經驗，撰寫了浪漫喜劇旅遊小說系列第一集，講述女主人翁拋掉一切，到泰國旅行尋找新生活。英國《每日鏡報》





來源: http://hk.apple.nextmedia.com/international/art/20160120/19459436

---