薛凱琪聽哥哥聲落淚
1 :
GS(14)@2016-09-11 05:50:33薛凱琪（Fiona）昨日於尖沙嘴出席「張國榮60周年誕生祭」，身為張國榮（哥哥）超級粉絲的她說：「我一世人得一個偶像，睇佢演唱會十次都唔厭，所有CD都有，我記得《紅》嗰隻CD係要同屋企人搶，所以要買三隻，爸爸、媽媽同自己各自聽。」更透露每次開騷也會選唱一首哥哥的歌曲，她說：「之前睇莫文蔚演唱會，有段係播咗哥哥把聲，我聽到喊。」
Fiona入行那一年碰巧哥哥離世，當年只在澳門演唱會見過面，又指買了哥哥的新碟，會在家跟哥哥合唱。採訪：羅慧敏攝影：仇志德
來源:
http://hk.apple.nextmedia.com/entertainment/art/20160911/19766861
麥浚龍邀薛凱琪齊矯視
1 :
GS(14)@2016-10-22 22:28:57麥浚龍（Juno）早前邀得薛凱琪（Fiona）合唱新歌《結》，前晚二人現身九龍灣MV首播發佈會，現場有近百粉絲陪同欣賞。Fiona表示拍攝時要被沙和液體從高處淋活埋，之前雙眼發炎近一年，拍攝後發炎情況更嚴重，Juno竟然提議一齊接受矯視手術，Fiona笑說：「一齊去？你估去唱K咩？」Fiona有否想過向Juno報工傷，她說：「聽聞矯視都唔平。」
Juno和Fiona新歌《結》MV內含大量血色液體鏡頭，Juno表示若要在商場播放就要再審批，至於電視台，Juno說：「若果電視台未能足本播放，會選擇唔播，因為MV本身冇任何多餘鏡頭可以刪剪。」採訪：馬建華攝影：仇志德
來源:
http://hk.apple.nextmedia.com/entertainment/art/20161022/19808352
做ViuTV美選決賽嘉賓薛凱琪甜講馬主 鋪後路
1 :
GS(14)@2016-12-18 11:04:29薛凱琪（Fiona）、方力申及郭偉亮等昨日在將軍澳邵氏片廠為ViuTV今晚舉行的《美選D.n.A決賽》舉行拜神儀式，Fiona會為節目做表演嘉賓。對日前被爆出與隱形富二代兼馬主鄧浩基（Byron）暗撻3年，她笑笑口否認秘戀：「唔係拍拖，嗰位係我好朋友，朋友俾人查晒家宅，講我冇所謂，影響到朋友最煩。」
■ViuTV《美選D.n.A決賽》今晚舉行，當中「巨胸翠如」鄧月平（左三）被捧為大熱。
「要睇長遠啲」
Fiona被影到與Byron前後腳入場睇戲，不過她否認與對方發展中，更留定後路表示：「日後影到我同呢位男士出街唔使奇，我大部份玩樂朋友都唔係圈中人，佢係我中學時期一班朋友，之前俾人話佢請我同媽咪去芬蘭旅行，全部錢係自己畀。」問到對方條件好，有否機會發展？Fiona笑說：「冇人會知道，交畀主啦，人生大事要慢慢睇，唔係18歲，由細到大好多影響，揀男朋友偏向恐懼症，要睇長遠啲。」而八位參選佳麗昨日收起性感只露腰，大熱F級「巨胸翠如」鄧月平表示冇信心入三甲，但睇好陳意嵐。採訪：卓寶花攝影：沈健程
來源:
http://hk.apple.nextmedia.com/entertainment/art/20161218/19868930
薛凱琪三亞騷冇啖好食
1 :
GS(14)@2016-12-31 10:18:09薛凱琪（Fiona）日前返內地海南三亞登台，由於一日要連跑兩場，加上車程較遠，她笑言已知冇啖好食：「朝早8點食過少少粥就出發，車程要3個幾鐘，加上趕轉場再去表演，最後我喺下晝4點先有時間食第二餐。」
Fiona今次準備了透視長裙演出，雖然三亞天氣和暖，但她都貼了暖包打底。提到海南三亞，Fiona記得12年前以模特兒身份曾在這裏拍廣告，此行入住在沙灘旁邊度假村，她晚上到了沙灘湊熱鬧，見到不少公公婆婆穿上民族服在跳舞，她更與工作人員玩包剪揼，輸了就要「入鄉隨俗」，最後她與助手輸了，要走進人堆跳舞，感受現場熱鬧氣氛。撰文：唐如
來源:
http://hk.apple.nextmedia.com/entertainment/art/20161231/19881979
薛凱琪轉桃花運
1 :
GS(14)@2017-01-28 12:04:19薛凱琪（Fiona）早前到八鄉揀桃花，順便轉個桃花運，更親手寫了兩幅象形文字揮春，希望今年上映的電影《閨蜜2》及國語唱碟大賣。難得見到一棵禮賓府訂了的桃花王，她直言今年一定行好運：「咁17年就會好多桃花喇，工作上嘅桃花我係想要嘅，雖然我唔睇相，但都知愛情上係唔需要桃花，需要姻緣。」
■薛凱琪親手寫象形文字揮春賀年。
問到是否已有固定男友，所以不用桃花？Fiona說：「係因為真正嘅愛情畀咁多你揀做乜箒，上天注定一個就夠，唔使揀咁多。」並直言仍在等待真命天子出現。採訪：何永寧攝影：沈健程場地提供：財利（花甫）農場服裝：Emporio Armani化妝：Jessica Chan＠Jessica Chan makeup workshop髮型：Joey Hui＠hair culture
來源:
http://hk.apple.nextmedia.com/entertainment/art/20170128/19911169
薛凱琪自嘲欠樣貌身材
1 :
GS(14)@2017-04-08 20:44:30■薛凱琪前晚起舉行一連四場演唱會，穿上大露背裝出場。
薛凱琪（Fiona）前晚在旺角麥花臣場館舉行一連四場「夢之途中薛凱琪音樂紀2017」，何超蓮、周國賢、余安安等前去捧場。演唱會主題是她入行的心路歷程，其間播放圈中人分享快樂的片段。Fiona說：「呢個騷提大家搵到自己鍾意係乜，上天一定會畀你，有時係工作上，有時係家庭，樣貌、身材，我就冇呢啲喇！」當Fiona講到低潮時，兩度落淚，唱完《十年後的我》更一發不可收拾，她說：「每次諗番起我有基本需要，我已經好快樂，以前快樂好短得三分鐘，?家唔係，快樂永遠陪伴我身邊，好多嘢我哋控制唔到，好開心帶快樂畀大家。」採訪：王連連攝影：仇志德
■當唱到《十年後的我》，薛凱琪忍不住落淚。
■薛凱琪坐在舞蹈員身上，大派飛吻。
來源:
http://hk.apple.nextmedia.com/entertainment/art/20170408/19983188
Next Page