【直播搵真金】港女做Live賣感性 最高一日賺9萬
1 :
GS(14)@2017-08-06 18:43:35霏霏通常喺屋企鋼琴前開live，用ipad搵琴譜即時點唱。
依家呢個有電話就可以做直播的年代，開台做直播賺錢已非新鮮事，自從兩年前台灣藝人黃立成的「17直播」app上架開始帶起了手機直播的熱潮，身邊總有幾個朋友八卦裝app試下玩，但熱潮喺香港好快就過，只有在台灣仍是熱潮，兼有「Up」、「Live.me」、「MeMe直播」等等直播app加入戰團。為求收視賺取更高報酬，應該仲記得「17」曾經有唔少人直播除衫甚至裸聊吧，大陸其實仲癲，已登記直播公司已超過200家，有些更打正色情旗號，有直播「造人」，甚至人獸交都有。
香港是慢熱還是保守？近月有大台狂推由藝人做live的Big Big Channel，去年底有騰訊開的「VOOV」手機直播app，打本土旗號邀請香港人做主播攻香港市場。以「VOOV」為例，用戶可以隨意免費睇主播開live，遇見喜歡的主播可以課金換coins買虛擬禮物送給主播，而主播就靠收取禮物儲分再兌換成現金賺錢。唔好睇少呢啲禮物，平至幾毫子買到的一朵花或心心，貴到要千四千五蚊先買到的飛機都有，送到主播手上就可以分到約$800，成為唔少主播們的目標。
「17直播」和「Up直播」是台灣比較多人用的直播app。
虛擬禮物種類唔少，飛機和跑車是最貴的禮物，收一架飛機主播就可分到約$800。
大陸直播app相當多，風氣比香港和台灣更狂熱。
其中一位主播霏霏去年剛大學畢業，是一位freelance model兼演員，去年底開始開台做直播，現在每個星期開一至兩次live，平均每個月收入約二至三萬，「開始的時候是想講樂理的」，雖有八級樂理，但頭幾次live的反應實在麻麻，「我諗大家上嚟都係想傾下偈輕鬆下」，唔上音樂堂唔通上「睇肉」堂？又唔係，外表和身材不算突出的霏霏耍起鋼琴、豎琴其至結他、手鈴呢啲樂器，自選曲目抑或即時點唱，十足直播busking一樣。不過，霏霏試過賺到超過9萬蚊的一次直播，靠嘅都唔係呢啲，「嗰次係參加直播台的一個比賽，我都無諗住會收到咁多禮物的，我只係想向fans講多謝，點知佢地就不斷送蛋糕、飛機呢啲禮物」，大約一個鐘的live霏霏向fans逐一多謝，中段仲喊起上嚟，飛機也隨之不斷出現......
有時霏霏連豎琴都會搬出來邊彈邊唱。
賺九萬幾蚊的一次直播是靠向fans講多謝。
記者：曾冠輝攝影：許先煜2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170806/20112803
【好大罐呀】旺角5米高扭蛋機扭到乜？ 飲真金寶湯print埋專屬罐頭
1 :
GS(14)@2018-02-04 23:56:28近五米高的金寶湯罐扭蛋機現身旺角，但扭出來的蛋不是金寶湯……
號稱全港最大、近五米高金寶湯罐扭蛋機，今日起可於旺角見到了！不過，扭出來的不是罐頭湯，而是牙籤筒。打卡位又豈指一個？
扭蛋機後面，有一小小精品店，除了一系列圍繞金寶湯的精品，亦有即煮的暖笠笠湯品。店內一角，更可自製金寶湯貼紙。除了上述的小玩意，今次更出現首間期間限定餐廳，有三款口味吐司，還有一款撈烏冬。金寶湯罐扭蛋機+期間限定店日期：2月1日至3月4日地點：旺角家樂坊「金寶湯 x辦館Pop-up Cafe」日期：2月1日至3月4日地點：雅蘭中心一樓記者﹕湯珮然攝影﹕張志孟全新旅遊專頁，即like籽想旅行：
https://fb.com/travel.appleseed
來源:
https://hk.lifestyle.appledaily. ... e/20180202/20292556