提早收檔 《愛．回家》五月處決 高海寧無得留低
1 :
GS(14)@2015-02-16 17:40:39[table=100%]
[td=3,1][table=100%]
| 2015-02-12 NM |
|
|
[td=3,1]
上星期播到七百集的《愛‧回家》，因為收視持續向下，直接影響植入廣告收益，也令繼續加碼的計劃告終；據了解，大台已下令播到五月就收檔，預期拍到八百集的好夢幻滅。決定止血，大台亦埋首為新處境劇埋班，據知有部分《愛‧回家》班底，將會有得留低，其中包括劉丹、黎諾懿、徐榮、張達倫、楊卓娜同蔣家旻。收視暴跌
《愛‧回家》由一二年三月開播，做了接近三年，因為收視理想，其間不斷添食、加入新角色，但好景不常！大台已下令收檔，大限之期：五月！即使監製徐遇安希望拍到八百集才旗，但公司高層一致否決，要《愛‧回家》盡早玩完。播映初期收視平穩，長期有廿五、廿六點，就算其餘兩線黃金時段劇集收視暴跌，《愛‧回家》都穩得住，甚至有段時間高過兩線劇集，難得硬淨，令劇集可以不停添食延命。直到近半年，《愛》劇終於冇法承接，收視跟兩線劇一齊下跌，只在二十點邊緣徘徊，由於收視跌過一個特定數目，大台便需要向廣告商交代，加上植入廣告數量大倒退，廣告收入銳減，有見及此，高層唯有手起刀落，堅持「處決」。
又係同一班人
至於接力的新一套處境劇，已經在埋班中，換湯不換藥，是以新劇會沿用大部分《愛‧回家》演員，身為處境劇台柱，由《真情》、《皆大歡喜》、《畢打自己人》、《天天天晴》到《愛‧回家》的劉丹會被保留外，馬家成員大部分亦有得留低，包括徐榮、林漪娸、黎諾懿及蔣家旻。過往由於「查李施」同「史林廖賴」兩間律師樓的劇情得到觀眾歡迎，所以「嚴謹」張達倫、「霞姐」楊卓娜同「查家澤」黃子雄亦有得入組。反而新加入的高海寧，即使劇組不斷加重其戲份，但無論收視和人氣，都一池死水，打仗幫唔到手，就算有殼王撐腰，一樣冇得留低，新處境劇，冇佢份！
朱慧敏「回家」搶黎諾懿高海寧被叮出新劇
1 :
GS(14)@2015-03-06 09:06:43
網民成日問，做完《愛‧回家》之後做乜嘢，答案有好多種，其中一個，係個劇五月完結，依家籌備緊另一部新處境劇，應該都係原班人馬上陣，拿拿拿，知道大家想問乜，答案係，1.新劇應該唔會有高海寧；2.《愛‧回家》臨近尾聲，之前因為被指麻煩難搞嘅朱慧敏，將強勢回歸，同高海寧爭馬壯。昨日有雜誌報道指，高海寧當初一心入劇組，希望爆騷之餘亦可以改變性感形象、順利「入屋」，加上佢又識做人，大時大節一定自動波送果籃俾一眾高層包括曾勵珍、樂易玲、余詠珊等等，總有一日用得著。之前見有風傳出話想叮走朱慧敏，高海寧即捉實監製徐遇安密密斟，又話好羨慕《愛‧回家》演員爆騷，又話好想拍師奶劇，於是徐遇安就搵珍姐傾啦，有傳高海寧同珍姐及監製食飯傾嗰陣，仲主動埋埋張單，乖巧聽話，自然得人錫。其實高海寧做開乜嘢角色sell乜嘢，大家都心中有數，所以當初入劇組之時已收到order唔好性感。無奈師奶觀眾接受唔到佢「入屋」，亦有人彈佢演技「尚待改進」；至於心睇女嘅觀眾又唔慣咁密實嘅高海寧，結果兩頭唔到岸。最弊仲係，有好多網民都話，因為有高小姐，令其失去追看《愛‧回家》意慾。就係咁，收視越跌越低，由一度最高去到25點，跌到依家得17點。不過呢，搞到收視跌，原因亦唔止係高海寧一個；個劇由180集拖到成800集，已見疲態。而且依家加入咗太多新角色，好似改頭換面咁，觀眾亦無心追看。雖然個劇冇得點救，但都要好頭好尾。徐遇安同編審齊齊brainstorming，決定開新劇之餘，亦度橋搵番個靚位俾馬壯(黎諾懿)懷念朱慧敏，舖路俾兩人舊情復熾，等朱慧敏可以同高海寧「死過」。查實當日同樣因為衰麻煩嘅蔣家旻一早已「回家」，朱慧敏返去都係遲早嘅事，但佢就好謙咁話自己乜都未知，亦未睇劇本，唔知有幾多戲云云。反而曾經同朱慧敏傳不和嘅黎諾懿就表示唔想回應。
來源:
http://hk.apple.nextmedia.com/entertainment/art/20150306/19065034
回歸《愛．回家》踢走高海寧待嫁朱慧敏 風騷拖佬
1 :
GS(14)@2015-03-08 14:01:39
【甜蜜出巡】■朱慧敏日前和未婚夫Eddie，十指緊扣離開將軍澳愛巢。
【將軍澳】剛剛宣佈下年結婚的朱慧敏和前EO2成員彭懷安（Eddie），自從婚訊曝光後，兩人不避嫌大方出巡拍拖，認真甜蜜！正所謂人逢喜事精神爽，一度被指因有人嫌麻煩，結果被踢出處境劇《愛．回家》的朱慧敏，又有報道稱將會回歸劇組與高海寧（高Ling）爭黎諾懿，事關有人覺得自從高Ling加入後，收視一度由最高去到二十五點，下跌到目前只有十七點，加上師奶觀眾又接受不了高Ling的形象，所以要出招度橋給黎諾懿和朱慧敏舊情復熾，無論如何要好頭好尾結局收場。
【邊傾邊笑】■朱慧敏步履輕盈，完全零孕味。
【體貼男友】■Eddie獨力拿一大袋東西上車，完全不用女友操心。
十指緊扣
這個傳聞是真是假，惟有等下回分解，但起碼證明在螢幕消失了一排的朱慧敏，仍然有捧場客，難怪這個待嫁人妻心情勁靚。日前她與Eddie十指緊扣離開將軍澳清水灣半島的愛巢，男的戴帽兼手執一大袋東西，女的戴黑超，雖然只是短短一分鐘路程，但兩人邊行邊傾，朱慧敏更笑得很開心，見到她步履輕盈，似乎未見有身孕，不過Eddie仍細心照顧，行到車旁時，兩個人很有默契分開各自上車，最後他們揸車去了九肚山，等了個多小時都未見蹤影，相信是往朋友家中拜年！採訪、攝影：陳辰、楊浩賢
■朱慧敏和Eddie上月底宣佈下年拉埋天窗。資料圖片
■有指高海寧加入《愛．回家》後，收視勁跌，劇組打算找朱慧敏回歸。電視圖片
來源:
http://hk.apple.nextmedia.com/entertainment/art/20150308/19067442
高海寧沖太歲撞車
1 :
GS(14)@2016-02-18 00:37:17■高海寧自爆撞車，慶幸吉人天相。資料圖片
今年犯太歲的高海寧（高Ling）踏入猴年不久隨即遇上不快事，昨日她在微博貼了一張扁嘴的劇照兼留言說：「今早我的車子被一架旅遊巴撞了，那架可惡的旅遊巴竟然撞完我沒停車就直接走人！唉，今年沖太歲，破財擋災呀！」有不少網民留言安慰，只要車上人平安已屬好事，但仍提議她應該安裝一個行車記錄儀。
■高海寧座駕已不是首次出事，上年曾要拖車打救。微博圖片
高Ling事後再報平安並說：「多謝關心呀，我人冇事，車都唔算好嚴重，不過有啲嚇親，爭啲夾爆車頭，好彩煞得及，人冇事已經好好彩！」採訪：唐琛悠
來源:
http://hk.apple.nextmedia.com/entertainment/art/20160217/19493539
高海寧小雲Look買月餅
1 :
GS(14)@2016-09-06 04:42:20「咪神」高海寧（高Ling）一向靠事業線出位，但日前單獨到圓方買月餅時卻收起性感，以街坊裝示人，她穿上闊身外套襯牛仔褲及涼鞋，再配一副圓形的小雲眼鏡，增添可愛感覺。臨近中秋節，高Ling專誠到商場內一間出名的潮州飯店購買月餅，她與餐廳職員攀談幾句後，對方便拿出一盒價值198元的酥皮月餅，高Ling付款後便行去停車場取車，沿途被不少途人認出，而大部份是男性，認真有男人緣。當高Ling行到去寶馬座駕前發現記者，她亦禮貌地打招呼，然後駕車離開。採訪、攝影：梁繼光
來源:
http://hk.apple.nextmedia.com/entertainment/art/20160905/19759945
高海寧怕紮胸變形
1 :
GS(14)@2017-01-07 07:08:08■穿上露肩裙谷胸的高海寧，為拍新劇剪了一頭清爽短髮。
龔嘉欣、高海寧及林夏薇等，前晚在天際100出席「香港皮草設計比賽2017」，高海寧穿上露肩裙谷胸，她近日換了一頭短髮：「今次係人生第一次咁短頭髮，以前最短都過膊，好彩效果理想，大家都讚靚。今次拍劇會演女強人，唔想太女仔感覺，開工時會着運動bra再着恤衫，希望型格啲唔會太圓潤。」會否考慮紮胸？她說：「紮胸又唔好，會變形㗎。」事業得意的龔嘉欣，被問到感情如何，她說：「?家愛情事業不可並存，冇得貪心，何況每日只瞓兩個鐘，冇諗拍拖。」人妻林夏薇胸前透視現身材，講到生B計劃，她說：「唔使走到咁遠，呢方面隨緣睇心情，有調理身體，唔抗拒生BB。」採訪：卓寶花攝影：陳順禎
來源:
http://hk.apple.nextmedia.com/entertainment/art/20170107/19888954
初二大派福利 30歲高海寧馬爾代夫慶生
1 :
GS(14)@2017-01-31 03:13:28愛美神高海寧(高Ling)大年初二係微博到大派福利，上載咗幾張性感靚相，大騷事業線。原來呢輯相，係高Ling嘅30歲生日旅行Trip，同朋友去馬爾代夫影嘅，見到高Ling一舉手一投足，都好好feel咁，唔知仲以為佢影緊寫真㖭！但見到高Ling就將自己一頭長髮剪短咗，但係並唔係「長髮為君剪」咁膚淺㗎，而係為拍劇犧牲，keep咗長頭髮咁多年，當初高Ling自己都好唔習慣，又擔心觀眾唔接受佢呢個新造型，但係見到佢呢輯噴血性感生日旅行相，相信大家都會覺得高Ling點睇都咁靚啦！咁前日年初一，高Ling都貼圖留言同大家拜年：「雞年大吉！祝大家身體健康、好事成雙、不勞而獲、家庭安康！恭喜恭喜！」而高Ling就接受傳媒訪問時話：「今次只係去咗馬爾代夫三日，係同啲朋友去慶祝生日，其實都冇特別話要影相，只係帶咗一條裙for生日嗰晚着，咁又見到個環境好靚啦！最近自己又學影相，帶咗部靚相機，咁就順便影咗輯相。」
來源:
http://hk.apple.nextmedia.com/entertainment/art/20170130/19913066
高海寧樓盤鑽石都要
1 :
GS(14)@2017-03-04 10:18:38高海寧和張秀文前晚在灣仔會展出席香港國際珠寶展。高海寧佩戴逾千萬的18K白金粉紅色寶石，有如豪宅上身的她表示要格外小心，問她想要樓抑或寶石？她說：「女仔兩樣都想有。等人買，不如自己買好啲，買定戒指或者耳環都可以。」
■張秀文的造型甚搶鏡。
後結婚要鑽戒求婚？高海寧說：「講心，對象啱，大細冇所謂，冇鑽石戒指就睇吓佢心思同誠意。」張秀文謂不會開口叫男友或者未來老公買鑽飾：「若然另一半買，即係珠寶襯你，等如在乎你，諗起你。」採訪、攝影：黃曉妍
來源:
http://hk.apple.nextmedia.com/entertainment/art/20170304/19946712
Next Page